ବ୍ରହ୍ମପୁରରେ ସ୍ଥାପନ ହେବ ୫ ଦୁଗ୍ଧ ଏଟିଏମ୍‌

ଛତ୍ରପୁର,୩୦ା୫(ଡି.ଏନ.ଏ.)-ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ କକ୍ଷରେ ବୁଧବାର ଦୁଗ୍ଧ ଉପତ୍ାଦନ ସମ୍ବନ୍ଧୀୟ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ଜିଲାରେ ଦୁଗ୍ଧ ଉପତ୍ାଦନ ବୃଦ୍ଧି କରିବା ଉପରେ ଜିଲାପାଳ ଗୁରୁତ୍ୱାରୋପ କରିଥିଲେ। ଗଞ୍ଜାମ ଓ ଗଜପତି ଜିଲାରୁ ଦୈନିକ ୧୬ ହଜାର ୮୮୦ ଲିଟର ଦୁଗ୍ଧ ସଂଗ୍ରହ କରାଯାଉଛି। ସେଥିମଧ୍ୟରେ ଗଞ୍ଜାମରୁ ୧୫ ହଜାର ଓ ଗଜପତିରୁ ୧୮୮୦ ଲିଟର ସଂଗ୍ରହ ହେଉଛି। ୨୧୨ଟି ସୋସାଇଟି ଏହାକୁ ସଂଗ୍ରହ କରୁଛି। ଦୈନିକ ୨୫ ହଜାର ଲିଟର ସଂଗ୍ରହ ଉପରେ ଜିଲାପାଳ ଗୁରୁତ୍ୱ ଦେଇଛନ୍ତି। ୭୧୯୧ ଚାଷୀଙ୍କଠାରୁ ଏହି କ୍ଷୀର ସଂଗ୍ରହ କରାଯାଉଛି। ଜିଲାରେ ୨୦ଟି କ୍ଷୁଦ୍ର ଦୁଗ୍ଧ ଶୀତଳ ଭଣ୍ଡାର ରହିଛି। କ୍ଷୀର ଉପତ୍ାଦନ ବଢାଇବା ପାଇଁ ବ୍ୟାଙ୍କ ସହ ଲିଙ୍କ୍‌ କରି ଗାଈ ପାଇଁ ଋଣ ଦେବାକୁ ଜିଲାପାଳ କହିଥିଲେ। ଲୋକମାନଙ୍କୁ ମହାମତ୍ାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନାରେ ଆଦର୍ଶ ଗାଈଗୁହାଳ ନିର୍ମାଣ ପାଇଁ ବ୍ୟବସ୍ଥା କରାଯିବ। ଛତ୍ରପୁରରେ ଛେଳି, ମେଣ୍ଢା, ଗାଈଙ୍କୁ ନେଇ ଏକ ପ୍ରଦର୍ଶନୀ ମେଳା କରାଯିବ। ଜୁନ ମାସରେ ଏହା କରିବାକୁ ସ୍ଥିର ହୋଇଛି। ଓମ୍‌ଫେଡ ଓ ଟାଟା କମ୍ପାନୀ ସହଯୋଗରେ ୫ଟି ଦୁଗ୍ଧ ଏଟିଏମ୍‌ ସ୍ଥାପନ କରାଯିବ । ଏହା ପ୍ରଥମେ ବ୍ରହ୍ମପୁର ସହରରେ ହେବ। ପରବର୍ତ୍ତୀ ସମୟରେ ଛତ୍ରପୁର ଓ ହିଞ୍ଜିଳିରେ କରାଯିବାକୁ ସ୍ଥିର ହୋଇଛି। ଜିଲାରେ ଗୋଟିଏ ବର୍ଷ ମଧ୍ୟରେ ୯୬.୯୬ ମେଟ୍ରିକ ଟନ୍‌ ଦୁଗ୍ଧ ଉପତ୍ାଦନ ହୋଇଥାଏ । ସେହିପରି ବର୍ଷକୁ ୫୩ କୋଟି ୧୫ ଲକ୍ଷ ୪ହଜାର ଅଣ୍ଡା ଉପତ୍ାଦନ କରାଯାଇଥାଏ। ଏହା ଦୈନିକ ମୁଣ୍ଡପିଛା ୭୫.୪୬ ଗ୍ରାମ ଦୁଗ୍ଧ ଉପଲବ୍ଧ ହେଉଥିବା ବେଳେ ଏହାକୁ ବଢାଇବାକୁ କୁହାଯାଇଥିଲା। ସେହିପରି ମୁଣ୍ଡ ପିଛା ୧୫୧ଟି ଅଣ୍ଡା ବାର୍ଷିକ ଉପଲବ୍ଧ ହେଉଛି। ଘାସ ଚାଷ ଉପରେ ଜିଲାପାଳ ଗୁରୁତ୍ୱ ଦେଇଥିଲେ। ୨୦୦ ଏକରରେ ଘାସଚାଷ ଲକ୍ଷ୍ୟ ରଖାଯାଇଥିବା ବେଳେ ବର୍ତ୍ତମାନ ୧୩୭ ଜଣ ଚାଷୀଙ୍କ ଦ୍ୱାରା ୧୧୫ ଏକରରେ ଘାଷ ଚାଷ କରାଯାଉଛି। ତିତଲି ବାତ୍ୟା ଓ ବନ୍ୟାରେ ୧୭୧୩ ଜଣଙ୍କ ଗୋରୁଙ୍କୁ ଖାଦ୍ୟ ଯୋଗାଇ ଦିଆଯିବାକୁ ଥିଲା। ବର୍ତ୍ତମାନ ୧୬୫୦ ଜଣକୁ ୫୦ ପ୍ରତିଶତ ରିହାତି ଦରରେ ଗୋଖାଦ୍ୟ ଯୋଗାଇ ଦିଆଯାଇଥିବା ସୂଚନା ଦିଆଯାଇଥିଲା। ବୈଠକରେ ସିଡିଭିଓ ତ୍ରିନାଥ ନାୟକ, ବୃହତ୍ତର ଗଞ୍ଜାମ ଓ ଗଜପତି ଜିଲା ଦୁଗ୍ଧ ଉପତ୍ାଦନ ସମବାୟ ସଂଘର ସାଧାରଣ ପରିଚାଳକ ଦିଲୀପ କୁମାର ପଟ୍ଟନାୟକ, ଏଡିଭିଓ ରବିନାରାୟଣ ପଣ୍ଡା, ଏଡିଭିଓ ମଧୁସୂଦନ ସୁବୁଦ୍ଧି, ଛତ୍ରପୁର ଏସ୍‌ଡିଭିଓ ଅମିତାଭ ପଣ୍ଡା, ଭଞ୍ଜନଗର ଏସ୍‌ଡିଭିଓ ବନମାଳୀ ସାହୁଙ୍କ ସମେତ ୨୨ ବ୍ଲକର ପ୍ରାଣୀ ଚିକିସତ୍କମାନେ ଉପସ୍ଥିତ ଥିଲେ।


All Right Reserved By Dharitri.Com

କରୋନା ମୁକାବିଲା ଚିନ୍ତା: ଏମ୍‌କେସିଜିରେ ଖୋଲାଯାଇଛି ସ୍ବତନ୍ତ୍ର ଓ୍ବାର୍ଡ, ହୋଲି ନ ଖେଳିବାକୁ ଜିଲାପାଳଙ୍କ ପରାମର୍ଶ

ଛତ୍ରପୁର,୮ା୩(ଡି.ଏନ୍‌.ଏ.)- କରୋନା ଭାଇରସ୍‌ ନେଇ ସତର୍କତା ଅବଲମ୍ବନ ପରିପ୍ରେକ୍ଷୀରେ ବାହାରେ ହୋଲି ନ ଖେଳିବାକୁ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଜନସାଧାରଣଙ୍କୁ ରବିବାର ପରାମର୍ଶ...

ଜମିଜମା ଗଣ୍ଡଗୋଳ, ୩ ଗିରଫ

ବୁଗୁଡ଼ା,୩ା୧୦(ଡି.ଏନ.ଏ.)- ବୁଗୁଡ଼ା ଥାନା କୁଆନଳାରେ ହୋଇଥିବା ଜମିଜମାକୁ ନେଇ ଗଣ୍ଡଗୋଳ ମାମଲାରେ ବୁଗୁଡ଼ା ପୋଲିସ ଗୁରୁବାର ଗୋଟିଏ ପରିବାରର ୩ ଜଣଙ୍କୁ ଗିରଫ କରି କୋର୍ଟଚାଲାଣ...

୩ କୋଟିରୁ ଊର୍ଦ୍ଧ୍ୱ ଟଙ୍କା ଠକେଇ

ବ୍ରହ୍ମପୁର ଅଫିସ,୨୧ା୯-ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ପଥରପୁଞ୍ଜି ଗ୍ରାମ ଲୋକଙ୍କଠାରୁ କଲିକତାର ୟୁନିମାସ୍‌ ଡେଭଲପର୍ସ ଲିମିଟେଡ୍‌ ନାମକ ଏକ ଚିଟ୍‌ଫଣ୍ଡ କମ୍ପାନୀ ୩ କୋଟିରୁ ଊର୍ଦ୍ଧ୍ୱ...

ଝିଅମାନେ କୌଣସି ଗୁଣରେ ପୁଅଙ୍କଠାରୁ କମ୍‌ ନୁହନ୍ତି

ଦିଗପହଣ୍ଡି,୨୦ା୮(ଡି.ଏନ.ଏ.)-ଗଞ୍ଜାମ ଜିଲା ପ୍ରଶାସନ ପକ୍ଷରୁ ମଙ୍ଗଳବାର କନ୍ୟାରତ୍ନ ସୁରକ୍ଷା ଉଦ୍ଦେଶ୍ୟରେ ଦିଗପହଣ୍ଡି ବ୍ଲକ ବି.ତୁରୁବୁଡ଼ି ଗ୍ରାମରେ ଜିଲାସ୍ତରୀୟ ମୋ ଗେହ୍ଲା ଝିଅ ସଚେତନତା କାର୍ଯ୍ୟକ୍ରମ ଅନୁଷ୍ଠିତ...

ଗଞ୍ଜାମରେ ଗୋ’ ପାଇଲଟ୍‌ ଯୋଜନା: ପ୍ରଥମ ପର୍ଯ୍ୟାୟରେ ୪୦ଚାଷୀ ସାମିଲ

ଛତ୍ରପୁର,୫।୩(ଡି.ଏନ୍‌.ଏ.): ଗଞ୍ଜାମ ଜିଲା ଚାଷୀଙ୍କ ପାଇଁ ମୋ’ ଗୋ ଧନ ଯୋଜନାରେ ଗୁହାଳ ଘର ନିର୍ମାଣ ହେବ। ଏହି ଯୋଜନାରେ ଗୋମୂତ୍ର ଷ୍ଟୋରେଜ୍‌ ୟୁନିଟ୍‌, ବାୟୋ...

ଔଷଧ ୩ଘଣ୍ଟା, ପରୀକ୍ଷା ୪ଘଣ୍ଟା

ବ୍ରହ୍ମପୁର ଅଫିସ୍‌,୧୮ା୧୦- ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟ ଉପରେ ଦକ୍ଷିଣ ଓଡ଼ିଶା ସମେତ ଆନ୍ଧ୍ରପ୍ରଦେଶର ରୋଗୀମାନେ ନିର୍ଭର କରୁଛନ୍ତି। ବିଭିନ୍ନ ଯୋଜନାରେ...

କ୍ୱାରାଣ୍ଟାଇନ୍‌ କେନ୍ଦ୍ର ପରିଚାଳନା ତାଲିମ

ଶେରଗଡ଼,୩୦ା୪(ଡି.ଏନ୍‌.ଏ.)- ଶେରଗଡ଼ ଆଦର୍ଶ ବିଦ୍ୟାଳୟ କ୍ୱାରାଣ୍ଟାଇନ୍‌ କେନ୍ଦ୍ରରେ ପ୍ରଥମ କରି ୧୧୪ଜଣ ସୁରଟ ଫେରନ୍ତାଙ୍କୁ ରଖାଯିବ। ଏନେଇ ଆଦର୍ଶ ବିଦ୍ୟାଳୟରେ ସମସ୍ତ ପ୍ରସ୍ତୁତ ସରିଛି। ଛାତ୍ରୀ...

ଚାଷଜମି ପମ୍ପ ହାଉସରୁ ପିତ୍ତଳ ମୂର୍ତ୍ତି ଉଦ୍ଧାର

ପାତ୍ରପୁର,୨୩ା୧୦(ଡି.ଏନ୍‌.ଏ.): ଗଞ୍ଜାମ ଜିଲା ଜରଡ଼ା ଥାନା ମୁକୁନ୍ଦପୁର ଗ୍ରାମର ଏକ ଜମିରେ ଥିବା ପମ୍ପ ହାଉସରୁ ମଙ୍ଗଳବାର ସନ୍ଧ୍ୟାର ଦେବଦେବୀଙ୍କ ପିତ୍ତଳ ମୂର୍ତ୍ତି, ଫଟୋ ଓ...

Leave a comment

Your email address will not be published. Required fields are marked *