Posted inଜାତୀୟ

ଶୁଭିବନି ଏମାନଙ୍କ ସ୍ବର

ନୂଆଦିଲ୍ଲୀ,୩୦ା୫(ଆଇଏଏନ୍‌ଏସ୍‌): ଭାରତର ନିର୍ବାଚନୀ ଇତିହାସରେ ବିଗତ ୩ ଦଶନ୍ଧି ଧରି ସେମାନେ ନିଜ ନିଜ ଦଳର ଦୃଢ଼ ସ୍ବର ପାଲଟିଥିଲେ। ନିଜ ନିର୍ବାଚନମଣ୍ଡଳୀ ତଥା ରାଜ୍ୟର ସ୍ବାର୍ଥ ପାଇଁ ସ୍ବର ଉଠାଉଥିଲେ। କିନ୍ତୁ ନରେନ୍ଦ୍ର ମୋଦି ସରକାରଙ୍କୁ ଏକ ନିର୍ଣ୍ଣାୟକ ଜନାଦେଶ ଦେଇଥିବା ସଦ୍ୟ ସମାପ୍ତ ସାଧାରଣ ନିର୍ବାଚନ ପରେ ସପ୍ତଦଶ ଲୋକ ସଭାରେ ସେମାନଙ୍କ ସ୍ବର ଆଉ ଶୁଣିବାକୁ କି ମୁହଁ ଦେଖିବାକୁ ମିଳିବନି। ଜାତୀୟ ରାଜନୀତିକୁ ଏକାଧିକ ଦଶନ୍ଧି ଧରି ପ୍ରଭାବିତ କରିଆସିଥିବା ସେହି ପୁରୁଖା ନେତାଙ୍କ ମଧ୍ୟରେ ରହିଛନ୍ତି, ଭାଜପାର ଲାଲକୃଷ୍ଣ ଆଡ୍‌ଭାନୀ, ମୁରଲୀ ମନୋହର ଜୋଷୀ, ସୁମିତ୍ରା ମହାଜନ ଓ ହୁକୁମ ନାରାୟଣ ଯାଦବ। ସେହିପରି ପୂର୍ବତନ ପ୍ରଧାନମନ୍ତ୍ରୀ ଏଚ୍‌.ଡି. ଦେବେଗୌଡ଼ା, ଲୋକ ସଭାରେ କଂଗ୍ରେସର ପୂର୍ବତନ ନେତା ମଲ୍ଲିକାର୍ଜୁନ ଖାର୍ଗେ ଓ ଉପନେତା ଜ୍ୟୋତିରାଦିତ୍ୟ ସିନ୍ଧିଆଙ୍କ ଶାଣିତ ସ୍ବର ମଧ୍ୟ ଗୃହରେ ଆଉ ଶୁଭିବନାହିଁ। ବୟସ ଅଧିକ ହୋଇଥିବା ଦର୍ଶାଇ ବର୍ଷୀୟାନ ଭାଜପା ନେତାମାନଙ୍କୁ ନିର୍ବାଚନରେ ଟିକେଟ ଦିଆଯାଇ ନ ଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କଡ଼ା ସମାଲୋଚକ ଭାବେ ପରିଚିତ ଦେବେଗୌଡ଼ା, ଖାର୍ଗେ ଓ ସିନ୍ଧିଆ ନିଜ ନିଜ ସଂସଦୀୟ ଆସନରେ ପରାଜୟର ମୁହଁ ଦେଖିଛନ୍ତି।
ଲୋକ ସଭାର ବରିଷ୍ଠତମ ସଦସ୍ୟ ଥିଲେ ୯୧ ବର୍ଷୀୟ ଆଡଭାନୀ। ୧୯୯୧ରୁ ବିପୁଳ ଭୋଟ ବ୍ୟବଧାନରେ ଏହି ବର୍ଷିୟାନ ନେତା ଲଗାତର ୫ଥର ଗାନ୍ଧୀନଗର ଆସନରୁ ବିଜୟୀ ହୋଇଥିଲେ। ଆଡ୍‌ଭାନୀ ଏଥର ପ୍ରତିଦ୍ୱନ୍ଦ୍ୱିତା କରିଥିଲେ ଲୋକ ସଭା ନିର୍ବାଚନ ଲଢ଼ିବାରେ ଜେଡିୟୁର ରାମ ସୁନ୍ଦର ଦାସ (ହାଜିପୁର,୨୦୦୯)ଙ୍କ ପରେ ସବୁଠୁ ବୟସ୍କ ନେତାର ମାନ୍ୟତା ପାଇଥାନ୍ତେ। ୧୯୯୦ ଦଶକରେ ରାମମନ୍ଦିର ଆନ୍ଦୋଳନ ଓ ରଥଯାତ୍ର୍ରା ପାଇଁ ପୂର୍ବତନ ଉପପ୍ରଧାନମନ୍ତ୍ରୀ ଆଡ୍‌ଭାନୀ ମନେରହିବେ। ଆଡ୍‌ଭାନୀଙ୍କ ବ୍ୟତୀତ ଭାଜପାର ବରିଷ୍ଠ ନେତା ଜୋଷୀ, ମହାଜନ, ଶାନ୍ତାକୁମାର, କଲରାଜ ମିଶ୍ର ଓ ଭଗତ ସିଂ କୋଶୟାରୀ ମଧ୍ୟ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରିନାହାନ୍ତି। ୨୦୧୪ରେ କାନପୁର ଆସନରେ ବିଜୟୀ ହୋଇଥିବା ଜୋଷୀ ୧୯୯୧ ଓ ୧୯୯୩ରେ ଭାଜପା ଅଧ୍ୟକ୍ଷ ଥିଲେ। ସେ ବାରାଣସୀରୁ ମଧ୍ୟ ପାର୍ଲାମେଣ୍ଟରେ ପ୍ରତିନିଧିତ୍ୱ କରୁଥିଲେ। ୨୦୧୪ରେ ବାରାଣସୀରେ ନରେନ୍ଦ୍ର ମୋଦିଙ୍କୁ ପ୍ରାର୍ଥୀ କରାଯାଇଥିବାବେଳେ ଜୋଷୀଙ୍କୁ କାନପୁରରେ ଟିକେଟ ଦିଆଯାଇଥିଲା। ସୁମିତ୍ରା ମହାଜନ ଷୋଡ଼ଶ ଲୋକ ସଭାରେ ବାଚସ୍ପତି ଥିଲେ। ଲୋକ ସଭାରେ ୮ ଥର ପ୍ରତିନିଧିତ୍ୱ କରିଥିବା ମହାଜନ ଏଥର ନିର୍ବାଚନ ଲଢ଼ିନାହାନ୍ତି। ମଧ୍ୟପ୍ରଦେଶର ଇନ୍ଦୋର ଆସନରୁ ୧୯୮୯ରୁ ନିର୍ବାଚିତ ହୋଇଆସୁଥିବା ଏହି ନେତ୍ରୀ କେନ୍ଦ୍ରରେ ଏକାଧିକ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟର ଦାୟିତ୍ୱ ସମ୍ଭାଳିଥିଲେ। ସେହିପରି ନିଜ ବାକ୍‌ଚାତୁରୀ ପାଇଁ ପରିଚିତ ହୁକୁମ୍‌ ନାରାୟଣ ଯାଦବ ୫ ଥର ଏମ୍‌ପି ହୋଇଥିଲେ। ସମାଜବାଦୀ ନେତା ଭାବେ ପରିଚିତ ହୁକୁମ୍‌ ୧୯୭୭ରେ ଲୋକ ସଭାରେ ପ୍ରବେଶ କରିଥିଲେ। ବିହାରର ମଧୁବନୀ ଆସନରୁ ସେ ଏଥର ନିର୍ବାଚନ ଲଢ଼ିନାହାନ୍ତି।
କର୍ନାଟକର ସ୍ବରକୁ ବିଗତ ୩ ଦଶନ୍ଧି ଧରି ଉଠାଉଥିବା ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡ଼ା ପ୍ରଥମଥର ପାଇଁ ଲୋକ ସଭା ନିର୍ବାଚନ ହାରିଯାଇଛନ୍ତି। ଷଷ୍ଠଥର ପାଇଁ ବିଜୟ ଆଶା ବାନ୍ଧିଥିବା ଜେଡିଏସ୍‌ ଅଧ୍ୟକ୍ଷ ଦେବେଗୌଡ଼ାଙ୍କୁ ଟୁମୁକୁର ଆସନରେ ଭାଜପାର ଜି.ଏସ୍‌. ବାସବାରାଜୁ ପରାଜିତ କରିଛନ୍ତି। ମନମୋହନ ସିଂଙ୍କ ନେତୃତ୍ୱାଧୀନ ଉପା ସରକାରରେ କ୍ୟାବିନେଟ ମନ୍ତ୍ରୀ ଥିବା ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖାର୍ଗେ ମଧ୍ୟ ଏଥର କର୍ନାଟକର ଗୁଲବର୍ଗା ଆସନରେ ହାରିଯାଇଛନ୍ତି। ଭାଜପାର ଉମେଶ ଜି. ଯାଦବ ତଙ୍କୁ ୯୫,୪୫୨ ଭୋଟ ବ୍ୟବଧାନରେ ପରାଜିତ କରିଛନ୍ତି। କଂଗ୍ରେସର ଯୁବ ଚେହେରା ଜ୍ୟୋତିରାଦିତ୍ୟ ସିନ୍ଧିଆ ପ୍ରଥମଥର ପାଇଁ ନିଜ କ୍ୟାରିୟରରେ ପରାଜୟ ସ୍ବୀକାର କରିଛନ୍ତି। ଦଳ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଘନିଷ୍ଠ ସହଯୋଗୀ ଭାବେ ପରିଚିତ ସିନ୍ଧିଆଙ୍କୁ ଭାଜପାର କ୍ରିଷ୍ଣା ପାଲ ଯାଦବ ମଧ୍ୟପ୍ରଦେଶର ଗୁନା ଆସନରେ ହରାଇ ଦେଇଛନ୍ତି। ସେହିପରି କଂଗ୍ରେସର ତାରିକ୍‌ ଅନ୍‌ଓ୍ବର ତାଙ୍କ ପାରମ୍ପରିକ ଆସନ ବିହାରର କଟିହାରରୁ ପରାଜିତ ହୋଇଛନ୍ତି। ଶିବସେନାର ଅନନ୍ତ ଗୀତେଙ୍କୁ ସିପିଆଇଏମ୍‌ର ମହମ୍ମଦ ସଲିମ୍‌ ହରାଇଛନ୍ତି। ଅନେକ ହେଭିଓ୍ବେଟ୍‌ ପରାଜିତ ହୋଇଥିବାବେଳେ ୩୦୦ ନୂଆମୁହଁ ଲୋକ ସଭାକୁ ନିର୍ବାଚିତ ହୋଇଛନ୍ତି।


All Right Reserved By

ପୁଣିଥରେ ଗୁରୁଜନଙ୍କ ପାଦ ଛୁଇଁ ଚର୍ଚ୍ଚାକୁ ଆସିଲେ ମୋଦି

ବରାଣସୀ,୨୬।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ବାରାଣସୀ ଲୋକ ସଭା ଆସନ ପାଇଁ ପ୍ରାର୍ଥିପତ୍ର ଦାଖଲ କରିଛନ୍ତି। ମୋଦି ପ୍ରାର୍ଥିପତ୍ର ଦାଖଲ କରିବା ପୂର୍ବରୁ ଜିଲାପାଳଙ୍କ...

ଅଭିନେତା କନରଙ୍କୁ ମିଳିଲା ଜାମିନ

ମୁମ୍ବାଇ,୭।୬: ଟେଲିଭିଜନ ଅଭିନେତା କରନ ଓବରଏଙ୍କୁ ଶୁକ୍ରବାର ବମ୍ବେ ହାଇକୋର୍ଟ ଜାମିନ ପ୍ରଦାନ କରିଛନ୍ତି। ୩୪ ବର୍ଷୀୟ ଏହି ଅଭିନେତାଙ୍କ ନାଁର ଜଣେ ମହିଳା ଗତ...

ଗୁଜୁରାଟ ଗସ୍ତରେ ମୋଦି: ରାସ୍ତା ପାଲଟିଲା ଜନସମୁଦ୍ର

ନୂଆଦିଲ୍ଲୀ,୨୬।୫: ଲୋକ ସଭା ନିର୍ବାଚନରେ ଐତିହାସିକ ବିଜୟ ହାସଲ କରିବା ପରେ ପ୍ରଥମଥର ପାଇଁ ଗୁଜୁରାଟ ଗସ୍ତରେ ଯାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଅହମଦାବାଦ୍‌ରେ ପହଞ୍ଚିବା...

ଛାତ୍ରୀଙ୍କୁ ୧୬୮ଟି ଚାପୁଡା ମାରି ଗିରଫ ହେଲେ ଶିକ୍ଷକ

ଭୋପାଳ, ୧୫।୫: ମଧ୍ୟପ୍ରଦେଶର ଝବୁଆରେ ଜୋଣ ସ୍କୁଲ ଶିକ୍ଷକ ଛାତ୍ରୀଙ୍କୁ ୧୬୮ଟି ଚାପୁଡା ମାରି ଗିରଫ ହୋଇଛନ୍ତି। ଛାତ୍ରୀ ଜଣଙ୍କ ହୋମ ଓ୍ବାର୍କ କରି ନ...

ମୋଦିଙ୍କୁ ଏଥର ବି ରାଖୀ ବାନ୍ଧିବେ ପାକିସ୍ତାନ ଭଉଣୀ

ନୂଆଦିଲ୍ଲୀ,୧୪।୮: ସାରା ଦେଶରେ ରାଖୀ ପୂର୍ଣ୍ଣିମା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଭାଇ ହାତରେ ରାଖୀ ବାନ୍ଧିବା ପାଇଁ ଭଉଣୀ ସଜବାଜ ଆରମ୍ଭ କରିଦେଲେଣି। ରାଖୀ...

ମୋଦି ଜାପାନରେ ଢ଼ୋଲ ବଜାଇ ପାକିସ୍ତାନରେ ଖାଇଛନ୍ତି ବିରିୟାନୀ: ପ୍ରିୟଙ୍କା

ନୂଆଦିଲ୍ଲୀ,୧।୫: କଂଗ୍ରେସ ରାଷ୍ଟ୍ରୀୟ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲଗାତାର ଟାର୍ଗେଟ୍‌ କରିବାରେ ଲାଗିଛନ୍ତି। ଏହି ମର୍ମରେ ପ୍ରିୟଙ୍କା କହିଛନ୍ତି ଯେ,...

ଯୋଗୀଙ୍କୁ ଅନୁରୋଧ କଲେ ପ୍ରିୟଙ୍କା: ‘ମୁଁ ଲୋକଙ୍କ ସେବକ, ମୋତେ ଅଧିକ ସୁରକ୍ଷା ଆବଶ୍ୟକ ନାହିଁ’

ଲକ୍ଷ୍ନୌ, ୧୯।୭: କଂଗ୍ରେସ ମହାସଚିବ ପ୍ରିୟକଙ୍କା ଗାନ୍ଧୀ ଉତ୍ତରପ୍ରେrଦଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଏକ ଅନୁରୋଧ କରିଛନ୍ତି। ସେ କହିଛନ୍ତି ମୁଁ ଲୋକଙ୍କ ସେବକ ମୋତେ...

କାର୍ତ୍ତିଙ୍କୁ ଝଟକା : ସୁପ୍ରିମକୋର୍ଟ କହିଲେ ନିଜ ନିର୍ବାଚନମଣ୍ଡଳୀ ଉପରେ ଧ୍ୟାନ ଦିଅ

ନୂଆଦିଲ୍ଲୀ, ୨୯।୫: ପୂର୍ବତନ କେନ୍ଦ୍ରମନ୍ତ୍ରୀ ପି ଚିଦାମ୍ବରମଙ୍କ ପୁଅ କାର୍ତ୍ତିଙ୍କୁ ପୁଣି ଥରେ ଝଟକା ଦେଇଛନ୍ତି ସୁପ୍ରିମକୋର୍ଟ। ବିଦେଶ ଗସ୍ତ ପାଇଁ କୋର୍ଟରେ ଡିପୋଜିଟ କରିଥିବା...

selfi corner

Model This Week

Why Dharitri

Leave a comment

Your email address will not be published. Required fields are marked *