ରାସ୍ତାରେ ପିଲେଟ ନେଉଛି ଜୀବନ: ଲୋକେ ଅସନ୍ତୋଷ

ଯୋଡ଼ା, ୩୦।୫(ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ଖଣିମଣ୍ଡଳ ଅନ୍ତର୍ଗତ ଯୋଡ଼ା-ବାମେବାରୀ ରାଜ୍ୟରାଜପଥ ନଂ ୨ରେ ପ୍ରବଳମାତ୍ରାରେ ପିଲେଟ ପଡ଼ି ରାସ୍ତାଟି ଏକ ମରଣଯନ୍ତାରେ ପାଲଟିଛି। କ୍ରମାଗତ ଭାବେ ଏହିପରି କେନ୍ଦୁଝର ଜିଲାରେ ଘଟିଚାଲିଛି। ବାରମ୍ବାର ଏହି ଖବର ପ୍ରକାଶ ପାଉଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଲୁହାପଥର ଗୋଲି ବା ପିଲେଟ ଅତି ପିଚ୍ଛିଳ ଗୋଲାକାର ହୋଇଥିବାରୁ ପାଦଚଲା ପଥଚାରୀଙ୍କ ଠାରୁ ଆରମ୍ଭ କରି ଦୁଇ ଚକିଆ ଯାନ ସମେତ ବଡ଼ ବଡ଼ ଗାଡ଼ି ମଧ୍ୟ ଦୁର୍ଘଟଣାଗ୍ରସ୍ତ ହେଉଛନ୍ତି। ଏହି ପିଲେଟ ଯୋଗୁ ସର୍ବାଧିକ ବାଇକ୍‌ ଦୁର୍ଘଟଣା ଘଟୁଛି। ପିଲେଟ ଉପରେ ପାଦ ପଡ଼ିଗଲେ ପଥଚାରୀମାନେ ପଡ଼ିଯାଉଛନ୍ତି।
ବାମେବାରୀ-ଯୋଡ଼ା ମଧ୍ୟରେ ଚାଲୁଥିବା କମାଣ୍ଡର ଜିପର ମାଲିକ ଭାଗବତ ମାହାଲା ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ପିଲେଟ ଯୋଗୁଁ ଦୁର୍ଘଟଣାର ଭୟ ବହୁତ। ଗୋଲାକାର ଲୁହାଗୋଲି ହୋଇଥିବାରୁ ଗାଡ଼ିର ଚକ ଖସିଯାଉଛି, ବ୍ରେକ ମଧ୍ୟ ଧରୁ ନାହିଁ। ଯାତ୍ରୀମାନଙ୍କ ମଧ୍ୟରୁ ସୁଶାନ୍ତ ଗିରି, ସୂର୍ଯ୍ୟମଣି ଗୋପ, ପ୍ରଦ୍ୟୁମ୍ନ ମହାନ୍ତ, ନରହରି ପାତ୍ର ପ୍ରମୁଖ କହିଛନ୍ତି ଯେ, ଯୋଡ଼ା-ଜୁରୁଡ଼ି-ବାମେବାରୀ ରାସ୍ତାରେ ଲୁଟେରା ଓ ବନ୍ୟଜନ୍ତୁଙ୍କ ଠାରୁ ଅଧିକ ଭୟ ପିଲେଟ। ରାସ୍ତାରେ ପଡ଼ି ଏଭଳି ପରିସ୍ଥିତି ସୃଷ୍ଟି ହେଉଛି ଯେ,କେଉଁ ମୂହୁର୍ତ୍ତରେ ଦୁର୍ଘଟଣା ଘଟୁଛି ତହା କହି ହେଉ ନ ଥିବା ପ୍ରକାଶ କରିଛନ୍ତି। ପିଲେଟକୁ ନେଇ ଅତୀତରେ ବହୁ ଆନ୍ଦୋଳନ ହୋଇଥିଲା। ଏହାକୁ ଦୃଷ୍ଟିରେ ରଖି ଚମ୍ପୁଆ ଉପଜିଲାପାଳ କିଛି ସର୍ତ୍ତମୂଳକ କଟକଣା ପୋଲିସ ଉପସ୍ଥିତିରେ ପରିବହନକାରୀ ଠିକାଦାରମାନଙ୍କୁ ଜାରି କରାଯାଇଥଲା। ହେଲେ ବର୍ତ୍ତମାନ ଏହି ପିଲେଟ ପରିବହନକାରୀ ସଂସ୍ଥାମାନେ ନିୟମକୁ ଉଲ୍ଲଂଘନ କରି ଅଞ୍ଚଳର କିଛି ଅସାଧୁ ପୋଲିସକୁ ହାତବାରିଶି କରି ପିଲେଟ ପରିବହନ କରୁଛନ୍ତି। ତେଣେ ପ୍ରତିଦିନ ବଡ଼ବିଲ ଠାରୁ ବାଂଶପାଣି, ଜୁରୁଡ଼ି ରେଳସାଇଡିଂକୁ ଶହ ଶହ ଟ୍ରକ ପିଲେଟ ପରିବହନ ହେଉଛି। ଏକ ହିସାବରୁ ଜଣାପଡ଼ିଛି ଯେ,ଏହି ରାସ୍ତାରେ ପ୍ରାୟ ୬ରୁ ୭ମେଟ୍ରିକ ଟନ ପିଲେଟ ଦୈନିକ ରାସ୍ତାରେ ପଡ଼ୁଛି ଯାହାର ଆନୁମାନିକ ମୂଲ୍ୟ ପ୍ରାୟ୪୦ହଜାର ଟଙ୍କାରୁ ଅଧିକ ହେବ ବୋଲି ଖଣି ବିଶେଷଜ୍ଞମାନେ ମତ ଦେଇଛନ୍ତି। ପ୍ରତି ମେଟ୍ରିକ ଟନ ପିଛା ପିଲେଟର ମୂଲ୍ୟ ୬ ହଜାର ଟଙ୍କାରୁ ଅଧିକ ହେବ। ସୂଚନାଯୋଗ୍ୟ ଯେ,ପ୍ରଶାସନ ପିଲେଟ ପରିବହନ ଉପରେ ଆବଶ୍ୟକୀୟ ପଦକ୍ଷେପ ନ ନେଲେ ପ୍ରତିଦିନ ପିଲେଟ ନଷ୍ଟ ହେବା ସହ ଧନଜୀବନ ହାନୀ ବୃଦ୍ଧି ପାଇବ। ଏ ସମ୍ପର୍କରେ କେନ୍ଦୁଝର ଏସ୍‌ପି ଜୟନାରାୟଣ ପଙ୍କଜ ଉଦବେଗ ପ୍ରକାଶ କରି କହିଛନ୍ତି ଯେ, ଜିଲା ପୋଲିସ ଦୁର୍ଘଟଣା ରୋକିବା ପାଇଁ ସମସ୍ତ ପ୍ରକାରର ପଦକ୍ଷେପ ନେଉଛନ୍ତି। ଖୁବ ଶୀଘ୍ର ପିଲେଟ ପରିବହନ କରୁଥିବା ଟ୍ରକ, ଡମ୍ପର ଗୁଡ଼ିକରେ ସମ୍ପୂର୍ଣ୍ଣ ଘୋଡ଼ଣୀର ବ୍ୟବସ୍ଥା ବାଧ୍ୟତାମୂଳକ କରାଯିବାକୁ ଦାବି ହୋଇଛି।


All Right Reserved By Dharitri.Com

ରଟିଣା ସରକାରୀ ଜମିରୁ ମୋରମ ଲୁଟ୍‌:ମାସେ ଧରି ଚାଲିଛି, ଟେର୍‌ ପାଉନାହାନ୍ତି ଅଧିକାରୀ

ଖଇରା, ୨।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ତହସିଲ ବର୍ତ୍ତନା ରାଜସ୍ବ କ୍ଷେତ୍ର ଅଧୀନ ବାଲିଗଡ଼ ଦଖଲରେ ଥିବା ସରକାରୀ ଜମିରୁ ଲକ୍ଷ ଲକ୍ଷ ଟଙ୍କାର ମୋରମ ଲୁଟ୍‌...

ବିଭିନ୍ନ ଚୋରିରେ ସମ୍ପୃକ୍ତ ଯୁବକ ଗିରଫ

ଖଇରା, ୧୩ା୪(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ବଜାରର ଏକ ମୋବାଇଲ ଦୋକାନ ସମେତ ଅନ୍ୟାନ୍ୟ ସ୍ଥାନରୁ ସାଇକେଲ ତଥା ଅନ୍ୟାନ୍ୟ ଆସବାବପତ୍ର ଚୋରିରେ ସମ୍ପୃକ୍ତ ଯୁବକଙ୍କୁ...

ଡାଇଭର୍ସନ ରାସ୍ତା ବିପଦସଙ୍କୁଳ

ଝୁମ୍ପୁରା, ୨।୬ (ଡି.ଏନ୍‌.ଏ.)-ଝୁମ୍ପୁରା ବଜାର ଅଞ୍ଚଳ ତଥା ସରକାରୀ କାର୍ଯ୍ୟାଳୟ, ବ୍ଲକ, ଡାକ୍ତରଖାନା, ସ୍କୁଲକୁ ସଂଯୋଗ କରୁଥିବା ୨ଟି ମୁଖ୍ୟରାସ୍ତା, ଝୁମ୍ପୁରା – ଉଖୁଣ୍ଡା ରାସ୍ତା...

ଦୋକାନରେ କାମ କରୁଛନ୍ତି ଶିଶୁଶ୍ରମିକ, ପ୍ରଶାସନିକ ଅଧିକାରୀଙ୍କ ଅଣଦେଖା

ଆନନ୍ଦପୁର,୧୩ା୬(ସ୍ବ.ପ୍ର.): ଆନନ୍ଦପୁର ଫକୀରମୋହନ ବଜାରରେ ଜଣେ ଶିଶୁଶ୍ରମିକ ପାଣି ବୋହୁଥିବାର ଦେଖିବାକୁ ମିଳିଛି। ଉକ୍ତ ନାବାଳକ ଜଣକ ନିୟମିତ ଭାବେ ପାଣି ବୋହିବା କାର୍ଯ୍ୟଠାରୁ ଆରମ୍ଭ...

ମରୁଡ଼ି ଘୋଷଣା ଦାବିରେ ଗଣଆନ୍ଦୋଳନ

ବାଲିଆପାଳ,୧୩।୮(ସ୍ବ.ପ୍ର.)-ବାଲିଆପାଳ ବ୍ଲକ ସମେତ ବସ୍ତା, ଜଳେଶ୍ୱର, ଭୋଗରାଇ ବ୍ଲକ ଏବଂ ବାଲେଶ୍ୱର ଜିଲାକୁ ମରୁଡି ଅଞ୍ଚଳ ଘୋଷଣା ଦାବିରେ ଚାଷୀ ଏକତା ମଞ୍ଚ ଏବଂ ସୂଚନା...

ବିପଦ ସଙ୍କେତ ଊର୍ଦ୍ଧ୍ୱରେ ଜଳକା: ତଳିଆ ଅଞ୍ଚଳ ସ୍ଥିତି ଉପରେ ନଜର

ବାଲେଶ୍ୱର ଅଫିସ/ବସ୍ତା,୨୭।୮(ସ୍ବ.ପ୍ର.)- ବାଲେଶ୍ୱର ଜିଲାର ବସ୍ତା ଅଞ୍ଚଳ ଦେଇ ପ୍ରବାହିତ ଜଳକା ନଦୀରେ ଜଳସ୍ତର ବିପଦସଙ୍କେତ ଉପରେ ପ୍ରବାହିତ ହେଉଛି। ନଦୀ ତଳମୁଣ୍ଡର ବିଭିନ୍ନ ସ୍ଥାନରେ...

ଧାନକିଣାକୁ କେନ୍ଦ୍ର କରି ସମବାୟ ସମିତି ସମ୍ମୁଖରେ ଧାରଣା

ଜଳେଶ୍ୱର,୧।୧(ସ୍ବ.ପ୍ର): ଜଳେଶ୍ୱର ସ୍ଥିତ ଭଦ୍ରକ-ବାଲେଶ୍ୱର କେନ୍ଦ୍ର ସମବାୟ ବ୍ୟାଙ୍କ ଅଧୀନ ଚାଫଲା ସେବା ସମବାୟ ସମିତିରେ ବିବାଦ ଦେଖାଦେବାରୁ ଧାରଣା ଦିଆଯାଇଥିଲା। ଫଳରେ ଧାନ କ୍ରୟ...

ଖଡ଼ଗପୁର ଡିଆର୍‌ଏମ୍‌ଙ୍କୁ ଭେଟିଲେ ପ୍ରତିନିଧି ଦଳ

ଜଳେଶ୍ୱର,୬।୧(ସ୍ବ.ପ୍ର.)- ଖଡଗପୁର ରେଳ ଡିଭିଜନ ଅଧୀନ ବାଲେଶ୍ୱର ଜିଲାର ଜଳେଶ୍ୱର ଏକ ପ୍ରମୁଖ ଷ୍ଟେଶନ ହୋଇଥିଲେ ବି ଏହାର ଆଶାନୁରୂପ ବିକାଶ ହୋଇ ନାହିଁ ା...

Leave a comment

Your email address will not be published. Required fields are marked *