ରଥଖଳାରେ କୁନି କାରିଗର

ପୁରୀ ଅଫିସ,୩୦ା୫ – ଶ୍ରୀନଅର ସମ୍ମୁଖ ରଥଖଳାରେ ଆଗେଇ ଚାଲିଛି ରଥ ନିର୍ମାଣ କାର୍ଯ୍ୟ। ଅକ୍ଷୟ ତୃତୀୟା ଦିନ ରଥ କାମ ଅନୁକୂଳ ହୋଇଥିଲା। ତୁମ୍ବ କାମ ସରିବା ପରେ ଏବେ ଚକା ନିର୍ମାଣ ଚାଲିଛି। ନୃସିଂହ ଚତୁର୍ଦ୍ଦଶୀରେ ରୂପକାର ସେବକ ରଥଖଳାରେ ଯୋଗଦାନ କରିଛନ୍ତି। ବୁଧବାରଠାରୁ ରୂପକାର ସେବକଙ୍କ ପିଲାମାନେ ମଧ୍ୟ ଏହି କାର୍ଯ୍ୟରେ ସାମିଲ ହୋଇଛନ୍ତି। ରଥଖଳା ଏବେ ରୂପକାର ସେବକ ପିଲାଙ୍କ ପ୍ରଶିକ୍ଷଣ କେନ୍ଦ୍ର ପାଲଟିଛି। ବାତ୍ୟା ଓ ଖରାଛୁଟି ପାଇଁ ଏବେ ସ୍କୁଲ ବନ୍ଦ ରହିଛି। ତେଣୁ କୁନି କାରିଗରମାନେ ଏହି ପାରମ୍ପରିକ ସେବାକୁ ଆଦରି ଜେଜେ, ବାପା, ଦାଦାଙ୍କ ଠାରୁ କାମ ଶିଖିବାରେ ମନ ଦେଇଛନ୍ତି।
ନନ୍ଦିଘୋଷ ରଥର ରୂପକାର ସେବକ ରାଜେନ୍ଦ୍ର ମହାପାତ୍ରଙ୍କ ପୁଅ ଜଗନ୍ନାଥ ଓରଫ ଜଗା ୫ବର୍ଷ ବୟସରେ ରଥଖଳାରେ ପାଦ ଥାପିଥିଲେ। ଏବେ ତାଙ୍କ ବୟସ ୧୭। ବର୍ତ୍ତମାନ ସେ ବିଶ୍ୱମ୍ବର ବିଦ୍ୟାପୀଠରେ ୯ମ ଶ୍ରେଣୀର ଛାତ୍ର। କଣଗୁଜ, ପଟାଗୁଜ ଏବଂ ନାଟଗୁଜ କାମରେ ପାରଙ୍ଗମ ହୋଇଗଲେଣି। ଜଗନ୍ନାଥ କହିଛନ୍ତି, ଏହି ସେବାରେ ଆନନ୍ଦ ରହିଛି। ବାପାଙ୍କ ଭଳି ଜଣେ ରୂପକାର ସେବକ ହେବାକୁ ସେ ଆଶା ରଖିଛନ୍ତି।
ସ୍ବର୍ଗତ ଦେବରାଜ ମହାପାତ୍ରଙ୍କ ପୁଅ ଶୁଭମ(୧୫) ଏବଂ ଲିଙ୍ଗରାଜଙ୍କ ପୁଅ ପ୍ରକାଶ (୧୫) ଉଭୟ ବିଶ୍ୱମ୍ବର ବିଦ୍ୟାପୀଠର ଛାତ୍ର। ଏକାସାଙ୍ଗରେ କାମ ଶିଖିବା ଆରମ୍ଭ କରିଥିଲେ। ଉଭୟ ବର୍ତ୍ତମାନ ସିଂହବରାଳ କାମ କରୁଛନ୍ତି। ଗତବର୍ଷଠାରୁ କାହ୍ନୁ ମହାପାତ୍ରଙ୍କ ପୁଅ ସୂର୍ଯ୍ୟପ୍ରକାଶ(୬) ରଥଖଳାରେ ଯୋଗଦେଇଛନ୍ତି।
ବାପା, ଜେଜେଙ୍କଠାରୁ କାମ ଶିଖୁଛନ୍ତି ଓମ୍‌ ପ୍ରକାଶ। କାଠରେ ଅଙ୍କା ହୋଇଥିବା ଚିତ୍ରରେ ଖୋଦେଇ କରିବା ଶିକ୍ଷା ନେଉଛନ୍ତି। ବାପା ପଞ୍ଚାନନ କୁହନ୍ତି, ୩ବର୍ଷ ବୟସରେ ସେ ଆପେ ରଥଖଳାକୁ ଆସିବାକୁ ମନ ବଳାଇଥିଲା। ତାହାର ଆଗ୍ରହକୁ ଦେଖି ଏଠାକୁ ଆଣିଥିଲି।
ଏମାନଙ୍କ ମଧ୍ୟରେ ସବୁଠାରୁ ଛୋଟ କୁନି କାରିଗର ହେଉଛନ୍ତି ସୂର୍ଯ୍ୟପ୍ରକାଶ। ତପୋବନ ଆଦର୍ଶ ବିଦ୍ୟାଳୟରେ ପଢୁୁଛନ୍ତି। ଗତବର୍ଷଠାରୁ ରଥଖଳାରେ କାମ କରୁଛନ୍ତି। କୁନି ହାତରେ ନିହଣ ଓ ମୁଗୁର ଧରି ଚିତ୍ରିତ ସିଂହବିରାଳରେ ଖୋଦେଇ କରୁଛନ୍ତି। ତାଙ୍କ ଦୁଇଭାଇ ଶୁଭମ ଓ ପ୍ରକାଶ କୁହନ୍ତି, ରଥଖଳାରେ କାମ କରିବା ଭାଗ୍ୟରେ ଥିଲେ ମିଳେ। ଆମେ କାମ କରିବାବେଳେ ବହୁ ଭକ୍ତ, ପର୍ଯ୍ୟଟକ ଠିଆ ହୋଇ ଦେଖନ୍ତି। ଆମ ସହିତ ଫଟୋ ଉଠାନ୍ତି। ବହୁତ ଖୁସି ଲାଗେ। ଏଥିରେ ଯେଉଁ ଆନନ୍ଦ ରହିଛି, ତାହା ଖେଳକୁଦରେ ନାହିଁ। ଏ ସମ୍ପର୍କରେ ବରିଷ୍ଠ ରୂପକାର ଗଣେଶ ମହାପାତ୍ର କହିଛନ୍ତି, ଏହା ହେଉଛି ଆମର ପାରମ୍ପରିକ ସେବା। ମୁଁ ମଧ୍ୟ ପିଲାବସ୍ଥାରୁ କାମ ଶିଖିଥିଲି। ଏହା ବର୍ତ୍ତମାନ ସେମାନଙ୍କ ତାଲିମ ନେବା ସମୟ। ଏହି ସମୟରେ ଆମେ ତାଙ୍କୁ ହାତ ଧରି କାମ ଶିଖାଇଥାଉ।


All Right Reserved By Dharitri.Com

ଜନ୍ମବେଦିରେ ପହଞ୍ଚିଲେ ଶ୍ରୀଜୀଉ

ଖୋର୍ଦ୍ଧା ଅଫିସ,୫।୭: ଖୋର୍ଦ୍ଧା ନିକଟସ୍ଥ ଗୁରୁଜଙ୍ଗ, ମକୁନ୍ଦପ୍ରସାଦ, ଉଇଲକିଶନନଗର ଓ ଦଧିମାଛଗାଡିଆଠାରେ ରଥଯାତ୍ରା ଅନୁରୂପ ଭାବେ ଅନୁଷ୍ଠିତ ହୋଇଯାଇଛି। ଗୁରୁଜଙ୍ଗର ବିଶ୍ୱନାଥ ମନ୍ଦିରରୁ ଏକକ ଜଗନ୍ନାଥ...

ଅନୁପ୍ରବେଶକାରୀଙ୍କୁ ସହଯୋଗ ଦେଇଛନ୍ତି ରାଜନେତା: ହଇରାଣ ହୋଇପାରନ୍ତି ମୂଳବାସିନ୍ଦା

ଭୁବନେଶ୍ୱର,୨୦-୯(ବ୍ୟୁରୋ):ଭାରତରେ ରହୁଥିବା ବେଆଇନ ପ୍ରବାସୀଙ୍କୁ ଚିହ୍ନଟ କରି ବିଦା କରାଯିବ। ଏଥିଲାଗି ଜାତୀୟ ନାଗରିକ ପଞ୍ଜିକା(ଏନ୍‌ଆର୍‌ସି) ସାରା ଦେଶରେ ଲାଗୁ କରାଯିବ ବୋଲି ସ୍ବରାଷ୍ଟ୍ର ମନ୍ତ୍ରୀ...

ପଳାଶୁଣୀ ଦୁର୍ଗାପୂଜା ସମିତି: ନବମୀରେ ଖେଚୁଡ଼ି, ଦଶମୀରେ ଦହିପଖାଳ

ବାଲିଅନ୍ତା,୨୬।୯(ଡି.ଏନ.ଏ.): ଆଉ ଦିନ କେଇଟା ପରେ ଧରାପୃଷ୍ଟକୁ ଓହ୍ଲାଇବେ ମା’ ଜଗତ୍‌ଜନନୀ। ଏଥିପାଇଁ ରାଜ୍ୟ ସାରା ଚଳଚଞ୍ଚଳ ହୋଇଉଠିଛି। ରାଜ୍ୟର କୋଣ ଅନୁକୋଣରେ ସାଜସଜ୍ଜା ପ୍ରସ୍ତୁତି...

ଭୁଲ ଚାଲାଣ କଟିଥିଲେ ଫେରସ୍ତ ମିଳିବ ଟଙ୍କା: ମନ୍ତ୍ରୀ

ଭୁବନେଶ୍ୱର,୬।୧୨(ବ୍ୟୁରୋ): ସଂଶୋଧିତ ଟ୍ରାଫିକ୍‌ ନିୟମ କଡ଼ାକଡ଼ି କରାଯିବା ପରେ ଉଲ୍ଲଂଘନକାରୀଙ୍କଠାରୁ ଚାଲାଣ କରାଯାଇ ମୋଟା ଅଙ୍କର ଜରିମାନା ଆଦାୟ କରାଯାଉଛି। ହେଲେ କେତେକ କ୍ଷେତ୍ରରେ ଚାଲାଣ...

ଇ-ବିଧାନ କାର୍ଯ୍ୟକାରୀ ନେଇ ଅଧ୍ୟୟନ କରିବ ଗୃହ କମିଟି, ବାଚସ୍ପତିଙ୍କ ନେତୃତ୍ୱରେ ଗସ୍ତ କଲା ଦଳ

ଭୁବନେଶ୍ୱର,୨୦।୮(ବ୍ୟୁରୋ)- ଓଡ଼ିଶା ବିଧାନସଭା ବାଚସ୍ପତି ଡ. ସୂର୍ଯ୍ୟନାରାୟଣ ପାତ୍ରଙ୍କ ନେତୃତ୍ୱରେ କମ୍ପ୍ୟୁଟରୀକରଣ ସମ୍ପର୍କିତ ଗୃହ କମିଟି ଅଧ୍ୟୟନ ଗସ୍ତରେ ମଙ୍ଗଳବାର ହିମାଚଳ ପ୍ରଦେଶ ଯାତ୍ରା କରିଛନ୍ତି।...

ମହିଳାଙ୍କଠାରୁ ୧.୭ଲକ୍ଷ ଟଙ୍କା ଠକେଇ, ହତ୍ୟା ଧମକ ୨ ଅଭିଯୁକ୍ତ ଗିରଫ

ଭୁବନେଶ୍ୱର,୭।୧୨(ବ୍ୟୁରୋ): ଚାକିରି କରାଇଦେବା ଆଳରେ ଜଣେ ମହିଳାଙ୍କଠାରୁ ୧ ଲକ୍ଷ ୭୦ ହଜାର ଟଙ୍କା ଠକେଇ କରିବା ସହ ହତ୍ୟା ଧମକ ଦେବା ଅଭିଯୋଗରେ କ୍ୟାପିଟାଲ...

ପୋଲିସର ନିଷ୍କ୍ରିୟତା ପ୍ରତିବାଦରେ ସାମାଜିକ କର୍ମୀଙ୍କ ଧାରଣା

କୃଷ୍ଣପ୍ରସାଦ,୧୬।୭(ଡି.ଏନ.ଏ.)- ପୋଲିସର ନିଷ୍କ୍ରିୟତା ବିରୋଧରେ କୃଷ୍ଣପ୍ରସାଦ ଅଞ୍ଚଳର ସାମାଜିକ କର୍ମୀ ତଥା ପୁରୀ ଜିଲା ୯ ନମ୍ବର ଜୋନ୍‌ ଜିଲା ପରିଷଦ ସଭ୍ୟା ପ୍ରଭାତି ପ୍ରଧାନ...

ଚୌଦ୍ୱାରରେ ଏନ୍‌କାଉଣ୍ଟର: ଦୁର୍ଦ୍ଦାନ୍ତ ଅପରାଧୀ ଜିତୁ ଗୁରୁତର

ଚୌଦ୍ୱାର,୧୩ା୧୦(ଡି.ଏନ୍‌.ଏ.): କଟକ ଜିଲା ଚୌଦ୍ୱାର ଅଞ୍ଚଳରେ ରବିବାର ସକାଳେ ପୋଲିସ-ଅପରାଧୀ ମୁହଁାମୁହିଁ ହୋଇଛନ୍ତି। ଚୌଦ୍ୱାର ପୋଲିସ ଓ ସ୍ପେଶାଲ ସ୍କ୍ବାଡ ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଚାଉଳିଆଗଞ୍ଜ...

Leave a comment

Your email address will not be published. Required fields are marked *