ଆକର୍ଷଣ ସାଜିଛି ଏସ୍‌ଏଚ୍‌ଜି ମହିଳାଙ୍କ ପସରା

ଭୁବନେଶ୍ୱର,୯ା୧୨(ବ୍ୟୁରୋ): ରାଜଧାନୀ ଭୁବନେଶ୍ୱରରେ ପ୍ରଥମ ଥର ପାଇଁ ଆୟୋଜିତ ମିଶନ ଶକ୍ତି ମେଳାରେ ସମଗ୍ର ରାଜ୍ୟରୁ ଆସିଥିବା ସ୍ବଂୟ ସହାୟକ ଗୋଷ୍ଠୀର ମହିଳାମାନଙ୍କ ଦ୍ୱାରା ଉତ୍ପାଦିତ ସାମଗ୍ରୀ ଆକର୍ଷଣ ସାଜିଛି। ଢେଙ୍କାନାଳ ଡୋକ୍ରା କାରୁକାର୍ଯ୍ୟରୁ ଆରମ୍ଭକରି କନ୍ଧମାଳ ହଳଦୀ, ରାୟଗଡ଼ା ଜନଜାତିଙ୍କ ଦ୍ୱାରା ଉତ୍ପାଦିତ ଫଳ ଓ ପନିପରିବା ସମେତ ପ୍ରାକୃତିକ ଉପାୟରେ ପ୍ରସ୍ତୁତ ଆଚାର, ଚଟଣି, ମସଲା ଗୁଣ୍ଡ ଆଦି ସବୁକିଛି ଏହି ଗୋଟିଏ ସ୍ଥାନରେ ମିଳୁଛି। ମିଶନ ଶକ୍ତି ନିର୍ଦ୍ଦେଶାଳୟ, ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଦ୍ୱାରା ପ୍ରଦର୍ଶନୀ ପଡିଆରେ ଚାଲିଥିବା ଏହି ମେଳାରେ ୨୫୧ ସ୍ବୟଂ ସହାୟକ ଗୋଷ୍ଠୀ ଓ ଉପତ୍ାଦକ ଗୋଷ୍ଠୀର ମହିଳାଙ୍କ ଦ୍ୱାରା ପ୍ରସ୍ତୁତ ହସ୍ତତନ୍ତ, ହସ୍ତଶିଳ୍ପ, ଜଙ୍ଗଲଜାତ ଦ୍ରବ୍ୟ, ଖାଦ୍ୟ ସାମଗ୍ରୀ, ମସଲା ଏବଂ ଅନ୍ୟାନ୍ୟ ସାମଗ୍ରୀ ଉପଲବ୍ଧ ହେଉଛି।

ଶୋ’ ଷ୍ଟପର୍‌ ‘ମ୍ୟାଙ୍ଗୋ ସ୍କ୍ବାଶ୍‌’
ଭୁବନେଶ୍ୱରରେ ପ୍ରଥମଥର ପାଇଁ ଏହି ମେଳାରେ ମିଳୁଛି ମ୍ୟାଙ୍ଗୋ ସ୍କ୍ବାଶ୍‌ ବା ଭେଜିଟେବୁଲ ପିୟର୍‌। ଜନଜାତି ଭାଷାରେ ‘ବେଲର ବାଇଗଣ’ ଭାବେ ଜଣାଶୁଣା ଏହି ପରିବାର ନାଁ ଯେପରି ନିଆରା ଏହାର ସ୍ବାଦ ମଧ୍ୟ ସେଭଳି ଭିନ୍ନ। ପାହାଡ଼ିଆ ଅଞ୍ଚଳରେ ଆଦିମ ଜନଜାତିଙ୍କ ଦ୍ୱାରା ଚାଷ ହେଉଥିବା ଏହି ପରିବା ମଧ୍ୟ ଆମେରିକୀୟ ଅଞ୍ଚଳର ଏକ ଲୋକପ୍ରିୟ ଖାଦ୍ୟ। ଭିଟାମିନ୍‌ ବି, ଭିଟାମିନ୍‌ ସି, ପୋଟାସିୟମ ଓ ଆମିନୋ ଏସିଡ୍‌ରେ ପରିପୂର୍ଣ୍ଣ ଏହି ପରିବା ମିଶନ ଶକ୍ତି ମେଳାର ଶୋ’ ଷ୍ଟପର୍‌ ସାଜିଛି। ଦେଖିବାକୁ ଚକୋଲେଟ୍‌, ଫଳ ଓ ପିଜୁଳି ଭଳି ଲାଗୁଥିବା ଏହି ‘ବେଲର ବାଇଗଣ’ର ସ୍ବାଦ ପାଟିକୁ କାକୁଡ଼ି ଭଳି ଲାଗେ। ରାୟଗଡ଼ା ନିୟମଗିରିରୁ ରମାବାଈ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ଏହାକୁ ଆଣିଥିବାବେଳେ ରାଜଧାନୀର ଲୋକଙ୍କ ମଧ୍ୟରେ ଏହାକୁ ନେଇ ବିଶେଷ ଉତ୍ସାହ ଦେଖିବାକୁ ମିଳୁଛି। ମେଳା ବୁଲିବାକୁ ଆସୁଥିବା ଲୋକେ ଏହି ଷ୍ଟଲ୍‌ ପାଖରେ ସବୁଠାରୁ ଅଧିକ ଭିଡ଼ ଲଗାଉଛନ୍ତି। କିଏ ଚାଖିବାକୁ ଗୋଟିଏ ଦୁଇଟି ନେଉଛି ତ ଅଉ କେହି ଅଧାକେଜି, କେଜିଏ ନେଉଛି। କିଲୋପିଛା ମାତ୍ର ୪୦ ଟଙ୍କାରେ ବିକ୍ରି ହେଉଥିବା ଏହି ମ୍ୟାଙ୍ଗୋ ସ୍କ୍ବାଶ୍‌କୁ ନିୟମଗିରିର ଡଙ୍ଗରିଆ କନ୍ଧମାନେ ଚାଷ କରିଥାନ୍ତି। କଞ୍ଚାରେ ଖାଇବା ସହ ଏହାକୁ ଭଜା ଓ ତରକାରିରେ ମଧ୍ୟ ପକାଯାଏ ବୋଲି ଏହାକୁ ବିକ୍ରି କରୁଥିବା ସୁରୁମା କରକିଆ କହିଛନ୍ତି। କେବଳ ଏହି ମେଳା ନୁହେଁ, ରାଜ୍ୟ ଏବଂ ରାଜ୍ୟ ବାହାରେ ହେଉଥିବା ବିଭିନ୍ନ ମେଳାରେ ତାଙ୍କର ଏହି ବାଇଗଣକୁ ନେଇ ଲୋକଙ୍କ ମଧ୍ୟରେ ବିଶେଷ ଚାହିଦା ରହିଥାଏ। ଗତ ୩ ଦିନରେ ଆମର ୪ରୁ ୫ବସ୍ତା ବାଇଗଣ ବିକ୍ରି ହୋଇ ସାରିଥିବାରୁ ଆହୁରି ମଗାଇଛୁ ବୋଲି ସେ କହିଛନ୍ତି। ଏହାବ୍ୟତୀତ ତାଙ୍କ ଷ୍ଟଲ୍‌ରେ ଥିବା ଅଦିନିଆ ସପୁରୀ, କଞ୍ଚା ଓ ଶୁଖିଲା ଶିକାକାଇ, ଖମ୍ବଆଳୁ, ଶିମ୍ବ, ଦେଶୀ କଞ୍ଚାକଦଳୀ, ଶୁଖିଲା ହଳଦୀ, ମାଣ୍ଡିଆ ସମେତ ବିଭିନ୍ନ ପ୍ରକାରର ଡାଲି କିଣିବାକୁ ପ୍ରବଳ ଭିଡ଼ ଜମୁଛି।

ମାଣ୍ଡିଆ କାଫେର ‘ମାଣ୍ଡିଆ ବିରିୟାନୀ’
କୌଣସି ତାରକା ହୋଟେଲ କିମ୍ବା ବଡ଼ ରେଷ୍ଟୁରାଣ୍ଟ ନୁହେଁ, କେବଳ ମହିଳାଙ୍କ ଦ୍ୱାରା ଦେଶୀ ଶୈଳୀରେ ପ୍ରସ୍ତୁତ ଘର ତିଆରି ଖାଦ୍ୟ ମିଶନ ଶକ୍ତି ମେଳା ଫୁଡ୍‌ଷ୍ଟଲ୍‌ର ମୁଖ୍ୟ ଆକର୍ଷଣ ସାଜିଛି। ଅଧିକାଂଶ ମେଳା, ମହୋତ୍ସବରେ ବିଦେଶୀ ଓ ଫାଷ୍ଟ୍‌ଫୁଡ୍‌ ଖାଦ୍ୟ ବିକ୍ରି ହେଉଥିବା ବେଳେ ଏଠାରେ ମିଳୁଛି ମାଣ୍ଡିଆରେ ପ୍ରସ୍ତୁତ ସାଦା ଓ ଚିକେନ୍‌ ବିରିୟାନୀ। ମେଳାରେ ସ୍ବତନ୍ତ୍ର ଭାବେ ଏକ ‘ମାଣ୍ଡିଆ କାଫେ’ ଖୋଲିଛି। ସ୍ବାସ୍ଥ୍ୟ ସଚେତନତା ଦୃଷ୍ଟିରୁ ମିଲେଟ୍‌ ବା ମାଣ୍ଡିଆରୁ ପ୍ରସ୍ତୁତ ପୁଷ୍ଟିକର ଖାଦ୍ୟ ଲୋକଙ୍କୁ ଆକର୍ଷିତ କରୁଛି। ଦେଶୀ ଓ ବିଦେଶୀ ତଡ୍‌କା ସାଙ୍ଗକୁ ଏଠାରେ ପ୍ରସ୍ତୁତ ହେଉଛି ମାଣ୍ଡିଆ ଚିକେନ୍‌ ପକୋଡା, ମାଣ୍ଡିଆ ସ୍ୟାଣ୍ଡ୍‌ୱିଚ୍‌, ମାଣ୍ଡିଆ ବରା, ମାଣ୍ଡିଆ ଆଳୁଚପ୍‌। ମାଣ୍ଡିଆରୁ ପ୍ରସ୍ତୁତ ପ୍ରାୟ ୨୫ରୁ ଊର୍ଦ୍ଧ୍ୱ ପ୍ରକାରର ଖାଦ୍ୟ ଏଠାରୁ ଗ୍ରାହକ ପାଇପାରୁଥିବା ବେଳେ ମାଣ୍ଡିଆ ସାଦା ଓ ଚିକେନ୍‌ ବିରିୟାନୀର ଚାହିଦା ସବୁଠାରୁ ଅଧିକ ରହିଛି। ସେହିଭଳି ଜନଜାତି ମହିଳାଙ୍କ ଦ୍ୱାରା ସୁଆଁ, କାଙ୍ଗୁ, ଜହ୍ନା, ବାଜରା, ଚିନା, ଖୀରା ଓ ଚାଉଳରୁ ପ୍ରସ୍ତୁତ ଅନେକ ସାମଗ୍ରୀ ଏଠାରୁ ମିଳୁଛି। ତ୍ରିଶକ୍ତି ମହିଳା ପରିଷଦ ପକ୍ଷରୁ ପ୍ରସ୍ତୁତ ହେଉଥିବା ଏହି ଖାଦ୍ୟରେ ମଇଦା ଓ କର୍ନଫ୍ଲୋର ପରିବର୍ତ୍ତେ ମାଣ୍ଡିଆ ବ୍ୟବହାର କରାଯାଉଛି। ଏଥିପାଇଁ ଏନ୍‌ସିଡିସି ପକ୍ଷରୁ ୨୦ଜଣ ମହିଳାଙ୍କୁ ସ୍ବତନ୍ତ୍ର ଟ୍ରେନିଂ ଦିଆଯାଇଛି। ଏହାବ୍ୟତୀତ ବାରିପଦା ମୁଢିମାଂସ, ନୟାଗଡ଼ ଛେନାପୋଡ଼, ବରା, ଆଳୁକଷା, ଚକୁଳି ଓ ମାଂସ ତରକାରି, ଅଣ୍ଡା ଚପ୍‌ ଆଦି ଏଠାରେ ମିଳୁଛି।
‘ମଷ୍ଟାର୍ଡ ଶସ୍‌’କୁ ଟକ୍କର ଦେଉଛି ‘ସୋରିଷ ଚଟଣି’
ସ୍ୟାଣ୍ଡ୍‌ଓ୍ବିଚ୍‌ରୁ ଆରମ୍ଭକରି ବର୍ଗର, ପାସ୍ତା ପର୍ଯ୍ୟନ୍ତ ପାଶ୍ଚାତ୍ୟ ଖାଦ୍ୟ ସାମଗ୍ରୀରେ ମଷ୍ଟାର୍ଡ ଶସ୍‌ ଏକ ଲୋକପ୍ରିୟ ଇନ୍‌ଗ୍ରେଡିଏଣ୍ଟ୍‌। ତେବେ ଟମାଟୋ, ଚିଲି ଓ ଅନ୍ୟାନ୍ୟ ଶସ୍‌ ଭଳି ଏହି ଶସ୍‌ ଏବେ ଭାରତରେ ଲୋକ୍‌ପ୍ରିୟ ହୋଇଥିବାବେଳେ ଏହାର ଚାହିଦା ବେଶ୍‌ ଅଧିକ ରହୁଛି। କାଫେ, ରେଷ୍ଟୁରାଣ୍ଟରେ ଆଜିକାଲି ଏହା ଅଧିକ ବ୍ୟବହାର ହେଉଥିବାରୁ ବଡ଼ ବଡ଼ ଗ୍ରୋସରୀ ଓ ରିଟେଲ ଷ୍ଟୋର୍‌ରେ ବିଭିନ୍ନ ବ୍ରାଣ୍ଡ୍‌ର ମଷ୍ଟାର୍ଡ ଶସ୍‌ ଚଢା ଦାମ୍‌ରେ ବିକ୍ରି ହେଉଛି। ତେବେ ମିଶନ ଶକ୍ତି ମେଳାରେ ଏହି ମଷ୍ଟାର୍ଡ ଶସ୍‌କୁ ଟକ୍କର ଦେବାକୁ ଆସିଛି ଦେଶୀ ଉପାୟରେ ପ୍ରସ୍ତୁତ ସୋରିଷ ଚଟଣି। ଶତ ପ୍ରତିଶତ ପ୍ରାକୃତିକ ଉପାୟରେ ପ୍ରସ୍ତୁତ ଏହି ଚଟଣି ସିଧା ଆସିଛି ଜେଜେ ମା’ଙ୍କ ରୋଷେଇଶାଳରୁ। ପାଟିକୁ ଚଟ୍‌ପଟା ସୁଆଦ ସହ କଡ଼ା ଲାଗୁଥିବା ଏହି ଚଟଣି ବିଦେଶୀ ମଷ୍ଟାର୍ଡ ଶସ୍‌ଠାରୁ ଅଧିକ ସୁସ୍ବାଦୁ ହୋଇଥିବା ବେଳେ ଦାମ୍‌ ମଧ୍ୟ ବହୁତ କମ୍‌ ରହୁଛି। ସୁଦୂର ନୂଆପଡ଼ା ଜିଲା ସିଲେଟ୍‌ପାଣି ବ୍ଲକ୍‌ ସ୍ବଂୟ ସହାୟକ ଗୋଷ୍ଠୀର ଯୁବତୀ ଓ ମହିଳାମାନଙ୍କ ଦ୍ୱାରା ପ୍ରସ୍ତୁତ ଏହି ଚଟଣି ବ୍ୟତୀତ ପାଚିଲା ଲଙ୍କା, କଞ୍ଚା ଲଙ୍କା, ବରକୋଳି, ଅଁଳା, ଆମ୍ବ, ଲେମ୍ବୁ, ପୋଦିନା ଓ ତେନ୍ତୁଳି ଚଟଣି ମଧ୍ୟ ପ୍ରଥମଥର ପାଇଁ ରାଜଧାନୀରେ ଦେଖିବାକୁ ମିଳୁଛି। ସମ୍ପୂର୍ଣ୍ଣ ଦେଶୀୟ ପଦ୍ଧତିରେ ହାତରେ ତିଆରି ହେଉଥିବା ଏହି ଚଟଣି ତିଆରିକରି ୨୩ ବର୍ଷୀୟ ବବିତା ମାଝି ରୋଜଗାରକ୍ଷମ ହୋଇପାରିଥିବା ବେଳେ ତାଙ୍କ ଗୋଷ୍ଠୀର ୧୬ଜଣ ମହିଳାଙ୍କୁ ଏହା ସ୍ବାବଲମ୍ବୀ କରିପାରିଛି। ବର୍ଷତମାମ୍‌ ଏଭଳି ଚଟଣି ସହ ଭଳିକି ଭଳି ଆଚାର, ଡାଲ୍‌ମା ମସଲା, ବିଭିନ୍ନ ତରକାରି ମସଲା, ଜଙ୍ଗଲଜାତ ମହୁ ଆଦି ବିକ୍ରିକରି ସେମାନେ ବାହାରକୁ ପଠାଉଛନ୍ତି। ବିନା ପିଆଜ, ରସୁଣରେ ପ୍ରସ୍ତୁତ ହେଉଥିବା ଏହି ଚଟଣି ମିଶନ ଶକ୍ତି ବ୍ରାଣ୍ଡ ଓ ଲେବଲିଂ ଥିବା ସ୍ବତନ୍ତ୍ର ବୋତଲରେ ବିକ୍ରି ହେଉଥିବାବେଳେ ଦାମ୍‌ ରହିଛି ମାତ୍ର ୬୦ଟଙ୍କା। ଫ୍ରିଜରେ ନ ରଖିଲେ ମଧ୍ୟ ବର୍ଷେ ପର୍ଯ୍ୟନ୍ତ ଏହାକୁ ସୁରକ୍ଷିତ ଭାବେ ଖାଇ ହେବ ବୋଲି ବବିତା କହିଛନ୍ତି।


All Right Reserved By Dharitri.Com

ଚୋରା ଶାଳ ଗଣ୍ଡି ସହ ଶଗଡ଼ ଜବତ, ୨ ଗିରଫ

ପରଜଙ୍ଗ,୧୮।୧୨(ଡି.ଏନ.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଦଦରାଘାଟି ଫରେଷ୍ଟ ସେକ୍ସନ ଅଧିନ ଜାତୀୟ ରାଜପଥଠାରୁ କୁଲେଇ ଯାଇଥିବା ରାସ୍ତାର କୁଲେଇ ଗ୍ରାମ ନିକଟ ଆମ୍ବ ତୋଟା...

ଖୋଲା ପଡ଼ିଆରେ ଶିଶୁ କନ୍ୟା ଜନ୍ମ କଲେ ମହିଳା

କେନ୍ଦୁଝର, ୧୨ା୨(ସ୍ବ.ପ୍ର.): ବାଂଶପାଳ ବ୍ଲକ ଅଞ୍ଚଳରେ ଜଣେ ପ୍ରସୂତି ମହିଳା ଖୋଲା ପଡିଆରେ ଶିଶୁ ଜନ୍ମ ଭଳି ଅଭାବନୀୟ ଘଟଣା ଚର୍ଚ୍ଚାର ବିଷୟ ହୋଇଛି ।...

ବରଯାତ୍ରୀ ନେଇ ଆସିଥିବା ଡିଜେ ଗାଡ଼ି ଦୁର୍ଘଟଣାଗ୍ରସ୍ତ

ପାଟଣା,୧।୬(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ଏରେଣ୍ଡେଇ ପଞ୍ଚାୟତ ଦହିବୁଡା ହୁଡିସାହି ବାଙ୍କ ନିକଟରେ ଶନିବାର ସକାଳେ ଏକ ଡିଜେ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି। ଏହି...

ବିମାନବନ୍ଦର ଛାତ ଭୁଶୁଡ଼ି ମୃତ୍ୟୁ ଘଟଣା: ଅନ୍ତର୍ଯ୍ୟାମୀଙ୍କ ପରିବାରକୁ ମିଳିବ ଭତ୍ତା

ଭୁବନେଶ୍ୱର,୩୦।୧(ବ୍ୟୁରୋ): ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରେ ନିର୍ମାଣାଧୀନ ଛାତ ଭୁଶୁଡ଼ି ପ୍ରାଣ ହରାଇଥିବା ଅନ୍ତର୍ଯ୍ୟାମୀଙ୍କ ପରିବାରକୁ ଭତ୍ତା ମିଳିବ। ତାଙ୍କ ପରିବାରକୁ ମାସିକ ଭତ୍ତା ପ୍ରଦାନ...

୨୬ରେ ସୂର୍ଯ୍ୟୋପରାଗ: ସମସ୍ତ ସ୍କୁଲ, କଲେଜ ଛୁଟି

ଭୁବନେଶ୍ୱର, ୨୪।୧୨(ବ୍ୟୁରୋ): ଆସନ୍ତା ଡିସେମ୍ବର ୨୬ରେ ସୂର୍ଯ୍ୟୋପରାଗ ଯୋଗୁ ରାଜ୍ୟର ସମସ୍ତ ଶିକ୍ଷାନୁଷ୍ଠାନକୁ ଛୁଟି ଘୋଷଣା କରିଛନ୍ତି ରାଜ୍ୟ ସରକାର। ଏନେଇ ସୂଚନା ଦେଇଛନ୍ତି ଗଣଶିକ୍ଷା...

୨୦ ବର୍ଷରେ ବୁଟୁ-ଲକ୍ଷ୍ମୀଧର ଯୋଡ଼ିଚା’ ଦୋକାନ ଦେଇଛି ସାହାରା :ଏକାଠି ଭଡା ଘର ନେଇ ସପରିବାର ରହୁଛନ୍ତି

କେନ୍ଦୁଝର, ୧୬ା୭ (ସ୍ବ.ପ୍ର.)- ସେମାନେ ଥିଲେ ପରସ୍ପର ଅପରିଚିତ। ଗ୍ରାମ ଅଲଗା ା କାମ ବି ଅଲଗା । ପରିସ୍ଥିତି ସେମାନଙ୍କୁ ଏକାଠି କଲା। ଆଜିକୁ...

କୋର୍ଟରେ ହାଜର ହେଲେ ପୁଞ୍ଜିଲାଲ

ବଲାଙ୍ଗୀର ଅଫିସ,୨୪ା୧: ବଲାଙ୍ଗୀର ଜିଲା ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାରେ ଗିରଫ ହୋଇ ଜେଲ ଯାଇଥିବା ମୁଖ୍ୟ ଅଭିଯୁକ୍ତ ଅଧ୍ୟାପକ ପୁଞ୍ଜିଲାଲ ମେହେର ମଙ୍ଗଳବାର...

‘ଜନତା କର୍ଫ୍ୟୁ’ରେ କମିଶନରେଟ ପୋଲିସର ସ୍ବତନ୍ତ୍ର ପାସ୍‌ ବ୍ୟବସ୍ଥା: ଜରୁରିକାଳୀନ କାମ ପାଇଁ ନେଇପାରିବେ

ଭୁବନେଶ୍ୱର,୨୨।୩(ବ୍ୟୁରୋ): କରୋନା ସଂକ୍ରମଣ ରୋକିବା ଓ ସମସ୍ତଙ୍କୁ ଏହି ଭୂତାଣୁ ସମ୍ପର୍କରେ ସଚେତନ କରିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିବେଦନ କ୍ରମେ ରବିବାର ସାରା...

Leave a comment

Your email address will not be published. Required fields are marked *