ଏଫ୍‌ଆଇଏଚ୍‌ ପୁରସ୍କାର: ପ୍ଲେୟର ଅଫ୍‌ ଦି ଇୟର ଦୌଡ଼ରେ ମନପ୍ରୀତ

ଲାଉସାନେ, ୭ା୧୨(ପି.ଟି.)-
ଅନ୍ତର୍ଜାତୀୟ ହକି ଫେଡେରେଶନ (ଏଫ୍‌ଆଇଏଚ୍‌) ପୁରସ୍କାର ଦୌଡ଼ରେ ସାମିଲ ହୋଇଛନ୍ତି ଭାରତୀୟ ଦଳର ଅଧିନାୟକ ମନପ୍ରୀତ ସିଂ। ଏଫ୍‌ଆଇଏଚ୍‌ ପ୍ଲେୟର ଅଫ୍‌ ଦି ଇୟର ପାଇଁ ତାଙ୍କ ନାମ ଶୁକ୍ରବାର ସୁପାରିସ କରାଯାଇଛି। ଅନ୍ୟ ଦୁଇ ଭାରତୀୟ ବିବେକ ସାଗର ପ୍ରସାଦ ଓ ଲାଲରେମସିଆମି ଯଥାକ୍ରମେ ପୁରୁଷ ଓ ମହିଳା ବିଭାଗର ଉଦୀୟମାନ ଖେଳାଳି ପୁରସ୍କାର ଦୌଡ଼ରେ ରହିଛନ୍ତି। କ୍ୟାରିୟରରେ ୨୪୨ଟି ଅନ୍ତର୍ଜାତୀୟ ମ୍ୟାଚ୍‌ ଖେଳିସାରିଥିବା ୨୭ ବର୍ଷୀୟ ମନପ୍ରୀତ ଭାରତୀୟ ମିଡ୍‌ଫିଲ୍ଡର ଜଣେ ନିର୍ଭରଯୋଗ୍ୟ ଖେଳାଳି ଭାବେ ପରିଚିତ। ତାଙ୍କ ନେତୃତ୍ୱରେ ଭାରତୀୟ ଦଳ ୨ ମ୍ୟାଚ୍‌ବିଶିଷ୍ଟ ଅଲିମ୍ପିକ୍‌ କ୍ୱାଲିଫାୟରରେ ରୁଷିଆକୁ ୧୧-୩ ଗୋଲ ବ୍ୟବଧାନରେ ହରାଇ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିଲା। ୧୯ ବର୍ଷୀୟ ମିଡ୍‌ଫିଲ୍ଡର ବିବେକ ଗତବର୍ଷ ୟୁଥ୍‌ ଅଲିମ୍ପିକ୍ସରେ ଭାରତର ନେତୃତ୍ୱ ନେଇ ଦଳକୁ ରୌପ୍ୟ ପଦକ ବିଜୟୀ କରାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ। ଚଳିତ ବର୍ଷ ଏଫଆଇଏଚ୍‌ ସିରିଜ ଫାଇନାଲ୍ସରେ ସେ ଶ୍ରେଷ୍ଠ ଯୁବ ଖେଳାଳି ପୁରସ୍କାର ମଧ୍ୟ ପାଇଥିଲେ। ୧୯ ବର୍ଷୀୟା ଲାଲରେମସିଆମି ଏସିଆନ ଗେମ୍ସରେ ରୌପ୍ୟ ପଦକ ବିଜୟିନୀ ଭାରତୀୟ ମହିଳା ଦଳର ସଦସ୍ୟା ଥିଲେ।
ଏଫ୍‌ଆଇଏଚ୍‌ ପ୍ଲେୟର ଅଫ୍‌ ଦି ଇୟର ଦୌଡ଼ରେ ସାମିଲ ଥିବା ଅନ୍ୟ ଖେଳାଳିମାନେ ହେଲେ ଅଷ୍ଟ୍ରେଲିଆର ଇଡି ଓକେନଡେନ, ଆରନ ଜେଲସ୍କି, ଆର୍ଜେଣ୍ଟିନାର ଲୁକାସ ଭିଲା ଏବଂ ବେଲ୍‌ଜିୟମର ଆର୍ଥର ଭାନ୍‌ ଡୋରେନ ଓ ଭିକ୍ସର ଓ୍ବେଗନେଜ୍‌। ୩୨ ବର୍ଷୀୟ ଓକେନଡେନ ୩୪୦ ଅନ୍ତର୍ଜାତୀୟ ମ୍ୟାଚ୍‌ ଖେଳିବାର ଅଭିଜ୍ଞତା ରଖିଛନ୍ତି। ସେହିପରି ଏକାଧିକ ଅଧିନାୟକ ପଲିସି ଅନୁସାରେ ଜେଲସ୍କି ଅଧିନାୟକ ଦାୟିତ୍ୱ ବହନ କରି ଏଫଆଇଏଚ୍‌ ପ୍ରୋ ଲିଗ୍‌-୨୦୧୯ରେ ଅଷ୍ଟ୍ରେଲିଆକୁ ସ୍ବର୍ଣ୍ଣ ପଦକ ବିଜୟୀ କରାଇଥିଲେ। ଭିଲ୍ଲା ୨୦୧୬ ରିଓ ଅଲିମ୍ପିକ୍ସ ଓ ୨୦୧୯ ପାନ୍‌ ଆମେରିକାନ୍‌ ଗେମ୍ସ ଚାମ୍ପିୟନ ଆର୍ଜେଣ୍ଟିନାର ଦଳର ସଦସ୍ୟ ଥିଲେ। ବେଲ୍‌ଜିୟମର ଦୁଇ ଖେଳାଳି ଭାନ୍‌ ଡୋରେନ ଓ ଓ୍ବେଗ୍‌ନେଜ୍‌ ଦେଶକୁ ୨୦୧୮ ହକି ବିଶ୍ୱକପ୍‌ ବିଜୟୀ କରାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ। ଏହା ବ୍ୟତୀତ ୨୦୧୯ ଏଫଆଇଏଚ୍‌ ପ୍ରୋ ଲିଗ୍‌ରେ ରନର୍ସଅପ୍‌ ବେଲଜିୟମ ଦଳର ସଦସ୍ୟ ଥିଲେ। ବିଶ୍ୱର ବିଭିନ୍ନ ଜାତୀୟ ଆସୋସିଏଶନ, ଖେଳାଳି, ପ୍ରଶଂସକ ଏବଂ ଜର୍ନାଲିଷ୍ଟ ଏହି ପୁରସ୍କାର ପାଇଁ ଭୋଟ ଦେଇ ପୁରସ୍କାର ବିଜେତା ଚୟନ କରିଥାନ୍ତି। ୨୦୨୦ ଜାନୁୟାରୀ ୧୭ ପର୍ଯ୍ୟନ୍ତ ଭୋଟ ପ୍ରକ୍ରିୟା ଖୋଲା ରହିବ। ଏଫଆଇଏଚ୍‌ କୋଚ୍‌ ଅଫ୍‌ ଦି ଇୟରକୁ ମିଶାଇ ୨୦୧୯ର ସମସ୍ତ ଏଫଆଇଏଚ୍‌ ହକି ଆଓ୍ବାର୍ଡ ୨୦୨୦ ଫେବୃୟାରୀରେ ଘୋଷଣା ହେବ। ଉଭୟ ମହିଳା ଓ ପୁରୁଷ ବିଭାଗର କୋଚ୍‌ ଅଫ୍‌ ଦି ଇୟର ପୁରସ୍କାର ଏଫ୍‌ଆଇଏଚ୍‌ ପ୍ୟାନେଲ ନିର୍ଦ୍ଧାରଣ କରିଥାଏ।
ପୁରସ୍କାର ଦୌଡ଼ରେ ସାମିଲ ଖେଳାଳି
ପୁରୁଷ
ଏଫ୍‌ଆଇଏଚ୍‌ ପ୍ଲେୟର ଅଫ୍‌ ଦି ଇୟର: ମନପ୍ରୀତ ସିଂ(ଭାରତ), ଇଡି ଓକେନଡେନ, ଆରନ ଜେଲସ୍କି (ଉଭୟେ ଅଷ୍ଟ୍ରେଲିଆ), ଲୁକାସ ଭିଲା(ଆର୍ଜେଣ୍ଟିନା), ଆର୍ଥର ଭାନ ଡୋରେନ, ଭିକ୍ସର ଓ୍ବେଗନେଜ୍‌(ଉଭୟ ବେଲଜିୟମ)।
ଏଫ୍‌ଆଇଏଚ୍‌ ଗୋଲକିପର ଅଫ୍‌ ଦି ଇୟର: ଟେଲର ଲୋଭେଲ(ଅଷ୍ଟ୍ରେଲିଆ), ଭିନ୍‌ସେଣ୍ଟ ଭାନାସ୍କ(ବେଲଜିୟମ), ଡେଭିଡ କାର୍ଟର(କାନାଡ଼ା), କ୍ୱିକୋ କୋର୍ଟେସ(ସ୍ପେନ), ଭିକ୍ଟର ଆଲି(ଜର୍ମାନୀ)।
ଏଫ୍‌ଆଇଏଚ୍‌ ରାଇଜିଂ ଷ୍ଟାର ଅଫ୍‌ ଦି ଇୟର(୨୩ ବର୍ଷରୁ କମ୍‌): ବିବେକ ସାଗର ପ୍ରସାଦ (ଭାରତ), ମାଇକୋ କାସେଲା(ଆର୍ଜେଣ୍ଟିନା), ବ୍ଲାକ୍‌ ଗୋଭର୍ସ(ଅଷ୍ଟ୍ରେଲିଆ), ଜାଚାରି ଓ୍ବାଲାସ (ଗ୍ରେଟ୍‌ ବ୍ରିଟେନ), ଜୋନାସ ଡି ଜିଉସ(ନେଦରଲାଣ୍ଡ୍ସ)।
ମହିଳା
ଏଫ୍‌ଆଇଏଚ୍‌ ପ୍ଲେୟର ଅଫ୍‌ ଦି ଇୟର: କାର୍ଲା ରିବେକି(ଆର୍ଜେଣ୍ଟିନା), ଜାନି ମୁଲର ଓ୍ବିଲାଣ୍ଡ (ଜର୍ମାନୀ), ଉଭା ଡି ଗୋଏଡେ, ଫ୍ରେଡରିକ୍‌ ମାଟଲା (ଉଭୟ ନେଦରଲାଣ୍ଡ୍ସ), ଷ୍ଟାସି ମିଚେଲସନ, ଅଲିଭା ମେରୀ(ଉଭୟ ନ୍ୟୁଜିଲାଣ୍ଡ)।
ଏଫ୍‌ଆଇଏଚ୍‌ ଗୋଲକିପର ଅଫ୍‌ ଦି ଇୟର: ରାକେଲ ଲିଞ୍ଚ୍‌(ଅଷ୍ଟ୍ରେଲିଆ), ମାରିଆ ରୁଇଜ୍‌ (ସ୍ପେନ୍‌), ମାଥିଡେ ପେଟ୍ରିକ୍ସ(ଫ୍ରାନ୍ସ), ଆୟେଶା ମ୍ୟାକଫେରାନ(ଆୟର୍ଲାଣ୍ଡ), ମେଗୁମି କାଗିୟାମା (ଜାପାନ)।
ଏଫ୍‌ଆଇଏଚ୍‌ ରାଇଜିଂ ଷ୍ଟାର ଅଫ୍‌ ଦି ଇୟର(୨୩ ବର୍ଷରୁ କମ୍‌): ଲାଲରେମସିଆମି (ଭାରତ), ଜୁଲିଟା ଜାଙ୍କୁନାସ(ଆର୍ଜେଣ୍ଟିନା), ଝୋଙ୍ଗ ଜିଆକି(ଚାଇନା), ନାଇକ୍‌ ଲୋରେଞ୍ଜ (ଜର୍ମାନୀ), ଫ୍ରେଡରିକ୍‌ ମାଟଲା(ନେଦରଲାଣ୍ଡ୍ସ)।


All Right Reserved By Dharitri.Com

କରୋନା ଭୟ: ବାୟୋମେଟ୍ରିକ ବ୍ୟବହାର ନ କରିବାକୁ ବିଧାନସଭା କର୍ମଚାରୀଙ୍କୁ ନିର୍ଦ୍ଦେଶ

ଭୁବନେଶ୍ୱର, ୧୧।୩(ବ୍ୟୁରୋ): କରୋନା ଏକ ଭୟଙ୍କର ବ୍ୟାଧି ଭାବେ ସମଗ୍ର ବିଶ୍ୱକୁ କବଳିତ କରିଛି। ଭାରତରେ ମଧ୍ୟ ଏହା ଚିନ୍ତାର କାରଣ ପାଲଟିଛି। ଏହାର କୌଣସି...

ଭେଣ୍ଡିଂ ଜୋନ୍‌ରେ ଜଳିଗଲା ୮ ଦୋକାନ

ଭୁବନେଶ୍ୱର,୨।୪ (ବ୍ୟୁରୋ): ଭୁବନେଶ୍ୱରସ୍ଥିତ ଏଜି ଛକ ନିକଟ ଭେଣ୍ଡିଂଜୋନ୍‌ରେ ବୁଧବାର ରାତି ପ୍ରାୟ ୯ଟାରେ ନିଆଁ ଲାଗି ୮ ଦୋକାନ ଜଳିଯାଇଛି। ଖବର ପାଇ ଅଗ୍ନିଶମ...

ଆଜି ୭୩ତମ ସ୍ବାଧୀନତା ଦିବସ:କଡ଼ା ସୁରକ୍ଷାରେ ରାଜଧାନୀ

ଭୁବନେଶ୍ୱର, ୧୫ା୮(ବ୍ୟୁରୋ):୭୩ତମ ସ୍ବାଧୀନତା ଦିବସ ପାଳନ ପାଇଁ ସାରା ରାଜ୍ୟ ପ୍ରସ୍ତୁତ ରହିଥିବାବେଳେ ଭୁବନେଶ୍ୱରର ୟୁନିଟ୍‌-୩ସ୍ଥିତ ପ୍ରଦର୍ଶନୀ ପଡ଼ିଆରେ ରାଜ୍ୟସ୍ତରୀୟ ପତାକା ଉତ୍ତୋଳନ ଓ ରାଷ୍ଟ୍ରୀୟ...

ଗୋଟିଏ ସ୍ଥାନରେ ରାଜ୍ୟର ଉତ୍କୃଷ୍ଟ ହସ୍ତକଳା

ଭୁବନେଶ୍ୱର,୩ା୩(ବ୍ୟୁରୋ): ରାଜ୍ୟ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ପକ୍ଷରୁ ଏକ ରାଜ୍ୟସ୍ତରୀୟ ହସ୍ତଶିଳ୍ପ ପ୍ରଦର୍ଶନୀ ସୋମବାର ୟୁନିଟ୍‌-୩ସ୍ଥିତ ପ୍ରଦର୍ଶନୀ ପଡ଼ିଆରେ ଉଦ୍‌ଘାଟିତ ହୋଇଛି। ହସ୍ତ...

ନିର୍ମଳ ମିଶ୍ର ଷ୍ଟାଫ୍‌ ସିଲେକ୍ସନ କମିଶନ ଅଧ୍ୟକ୍ଷ ନିଯୁକ୍ତ

ଭୁବନେଶ୍ୱର,୨୪।୯(ବ୍ୟୁରୋ): ରାଜ୍ୟ ସରକାର ଆଇଏଏସ୍‌  ଅଫିସର ନିର୍ମଳ ଚନ୍ଦ୍ର ମିଶ୍ରଙ୍କୁ ଷ୍ଟାଫ୍‌ ସିଲେକ୍ସନ କମିଶନଙ୍କ ଅଧ୍ୟକ୍ଷ ଭାବେ ନିଯୁକ୍ତ କରିଛନ୍ତି। ସୋମବାର ଏ ନେଇ ବିଜ୍ଞପ୍ତି...

ଖୋଲା ରହିବ ଜରୁରୀ ସାମଗ୍ରୀ ଦୋକାନ

ଭୁବନେଶ୍ୱର,୧୭।୩ (ବ୍ୟୁରୋ): ସୋମବାର ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ କରୋନା ମୁକାବିଲା ପାଇଁ ପୋଲିସ ସେବା ଭବନରେ ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଥିଲେ। ଏହି ବୈଠକରେ...

ବିରୋଧୀ ଦଳ ନେତା ପଦକୁ ନେଇ ଚର୍ଚ୍ଚା

ଭୁବନେଶ୍ୱର,୨୮।୫(ବ୍ୟୁରୋ): ନିର୍ବାଚନ ପରେ ରାଜ୍ୟରେ ସରକାର ଗଠନ କରିବାକୁ ଯାଉଥିବା ବିଜେଡି ବିଧାୟକ ଦଳ ବୈଠକ ରବିବାର ଅନୁଷ୍ଠିତ ହୋଇଥିଲା। ସର୍ବସମ୍ମତିକ୍ରମେ ନବୀନ ପଟ୍ଟନାୟକ ବିଧାୟକ...

‘ସଚେତନ ହେବା, ସୁରକ୍ଷିତ ରହିବା’

ଭୁବନେଶ୍ୱର,୨୩।୩(ବ୍ୟୁରୋ): କରୋନା ମୁକାବିଲା ଲାଗି ଜରୁରୀ ସେବାରେ ନିୟୋଜିତ ଥିବା ଡାକ୍ତର, ନର୍ସ, ସ୍ବାସ୍ଥ୍ୟ ଏବଂ ସଫେଇ କର୍ମଚାରୀ, ପରିବହନ କାର୍ଯ୍ୟରେ ନିୟୋଜିତ ଥିବା ବ୍ୟକ୍ତି,...

Leave a comment

Your email address will not be published. Required fields are marked *