ବିଦେଶ ମାଟିରେ ଉଜ୍ଜୀବିତ ରହିଛି ଓଡ଼ିଆ ସଂସ୍କୃତି

ତିର୍ତ୍ତୋଲ,୫ା୧୨(ଡି.ଏନ.ଏ.): ବିଦେଶ ମାଟି ସୁଦୂର ସୌଦି ଆରବରେ ପ୍ରବାସୀ ଓଡ଼ିଆମାନେ ଦୀର୍ଘ ୧୧ବର୍ଷ ଧରି ଓଡ଼ିଶା କଳା, ସଂସ୍କୃତିର ପ୍ରଚାର ପ୍ରସାର କରିଆସୁଛନ୍ତି ବୋଲି ସେଠାରେ ରହୁଥିବା ତିର୍ତ୍ତୋଲ ଅଞ୍ଚଳର ଯୁବ ଇଞ୍ଜିନିୟର ହିମାଂଶୁ ମଲ୍ଲିକ ସୂଚନା ଦେଇଛନ୍ତି। ସେ କହିଛନ୍ତି, ପ୍ରତିବର୍ଷ ଭଳି ଚଳିତ ବର୍ଷ ସୌଦିର ରିୟାଦଠାରେ ସାଂସ୍କୃତିକ ଅନୁଷ୍ଠାନ ‘ରୋଜା’ ତରଫରୁ ବାର୍ଷିକ ସାଂସ୍କୃତିକ ଉତ୍ସବ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟଅତିଥି ଭାବେ ରିୟାଦରେ ଅବସ୍ଥାବିତ ଭାରତୀୟ ରାଷ୍ଟ୍ରଦୂତ ଡ. ଆଉସଫ ସୟେଦ ଯୋଗଦେଇ ବିଦେଶମାଟିରେ ଆୟୋଜିତ ଏପରି ସାଂସ୍କୃତିକ ଭାବମିନିମୟ ଉଦ୍ୟମକୁ ପ୍ରସଂଶା କରିଥିଲେ। ସମ୍ମାନିତ ଅତିଥି ଶିଳ୍ପପତି ଉତ୍କଳଜ୍ୟୋତି ଦେବ ମହାନ୍ତି, ରାଷ୍ଟ୍ରଦୂତ ସୟିଦଙ୍କ ସ୍ତ୍ରୀ ଫରା ସୟିଦ ପ୍ରମୁଖ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ସୌଦି ଆରବର ଦମ୍ମାମ ଓ ୟୁବେଲ ସହରରେ ଥିବା ଓଡିଆ ସଂଗଠନ କଳିଙ୍ଗନା ଓ ଉତ୍କଳିକାର ସଦସ୍ୟଙ୍କ ସହ ବିଭିନ୍ନ ପ୍ରଦେଶର ବହୁ ଅନୁଷ୍ଠାନର ସ୍ଥାନୀୟ ଅଧ୍ୟକ୍ଷମାନେ ଅତିଥି ଭାବେ ଯୋଗଦେଇ ଓଡିଆ ସଂସ୍କୃତି ଓ ସଦଭାବନା ପସାର ପାଇଁ ଏହି ପ୍ରୟାସକୁ ପ୍ରଂଶସା କରିଥିଲେ। ଅନୁଷ୍ଠାନର ସଭାପତି ଆଡ୍‌ଭୋକେଟ ରାଜୀବ ଏହାର ଲକ୍ଷ୍ୟ ଓ ଉପଲବଧି ସମ୍ପର୍କରେ ବିବରଣୀ ଦେଇଥିଲେ। ଏହି ଅବସରରେ ଅନୁଷ୍ଠିତ ସଂଗୀତ, ନୃତ୍ୟ ଓ ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟରେ ଉତ୍କଳର ମହିଳା, ଯୁବତୀଯୁବକ, ବାଳିକାବାଳକଙ୍କ ଦ୍ୱାରା ପରିବେଷିତ ସମ୍ବଲପୁରୀ, ଓଡିଶୀ, ଭାରତନାଟ୍ୟମ ପରି ପାରମ୍ପରିକ ଓ ଶ୍ରାସ୍ତ୍ରୀୟ ନୃତ୍ୟ ପ୍ରବାସୀ ଭାରତୀୟ ଦର୍ଶକଙ୍କ ଭରପୁର ମନୋରଞ୍ଜନ କରିଥିଲା। ସାଂସ୍କୃତିକ ସଚିଚ ପ୍ରବୀର ଦାସ, ମାନସ ସ୍ବାଇଁ ଓ ସୁକାନ୍ତ କୁମାର ପାତ୍ରଙ୍କ ନୃତ୍ୟ ଏବଂ ନିର୍ଦ୍ଦେଶିକା ଡ. ଚନ୍ଦନା ଦାସ, ଲୋପାମୁଦ୍ରା ପୃଷ୍ଟି, ମେହଭିସ ଅଲମାସ, ବିଲକିସ ଅଲ୍ଲୀଙ୍କ ପ୍ରଶିକ୍ଷଣରେ କାର୍ଯ୍ୟକ୍ରମ କରାଯାଇଥିଲା। ଏହି ସାଂସ୍କୃତିକ ଉତ୍ସବକୁ କୁମାରୀ ମନାହୀଲ, କୁମାରୀ ଆଦ୍ୟା, ସମ୍ବିତ, ତୁଷାରକାନ୍ତି ବେହେରା, ଅଫସନା, ତସନିମ, ଶ୍ରେୟନ, ଅଫାନ, ଅରିବା, ସମୀକ୍ଷା, ଆଫ୍ରିନ ଓ ଶସାଙ୍କ ପରିଚାଳନା କରିଥିଲେ। ପ୍ରମୁଖ ସଦସ୍ୟ ଦେବାଶିଷ ରାଉତ, ହାଡୁବନ୍ଧୁ ସାହୁ, ତୁଷାର ବେହେରା, ଇଂ ହିମାଂଶୁ ମଲ୍ଲିକ, ତୀର୍ଥବ୍ରତ ପଣ୍ଡା, ସମ୍ବିତ ମହାନ୍ତି, ସିମାଞ୍ଚଳ ସାହୁଙ୍କ ସମେତ ବହୁ ମହିଳା ସଦସ୍ୟ ସହଯୋଗ କରିଥିଲେ। ବାର୍ଷିକ ଉତ୍ସବର ସଫଳତା କାମନା କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରିୟାଦରେ ଅବସ୍ଥାବିତ ଭାରତୀୟ ରାଷ୍ଟ୍ରଦୂତ ଡ. ଆଉସଫ ସୟେଦଙ୍କ ଶୁଭେଛା ବାର୍ତ୍ତାକୁ ପଠନ କରାଯାଇଥିଲା।


All Right Reserved By Dharitri.Com

ଧାନ ରୋଇବା ବେଳେ ବଜ୍ରପାତ, ମହିଳା ମୃତ

ପାତ୍ରପୁର,୧୭ା୮(ଡି.ଏନ.ଏ.): ଜରଡ଼ା ଥାନା ପାତ୍ରପୁର ବ୍ଲକ ଗୁଣ୍ଡ୍ରା ପଞ୍ଚାୟତ ରାଙ୍କୁଡ଼ା ଗ୍ରାମରେ ଶନିବାର ଅପରାହ୍ନରେ ବିଲରେ କାମ କରୁଥିବା ଜଣେ ମହିଳା ଶ୍ରମିକଙ୍କ ବଜ୍ରପାତରେ ମୃତ୍ୟୁ...

୧୬୦୦ କୀର୍ତ୍ତିରାଜି ଫଟୋରେ ନିର୍ମିତ ବିଶ୍ୱକର୍ମା

ପୁରୁଣା ଭୁବନେଶ୍ୱର,୧୭-୯(ଡି.ଏନ.ଏ);ମଙ୍ଗଳବାର ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା। ଏଥିପାଇଁ ପ୍ରସ୍ତୁତି ସରିଥିବାବେଳେ ସହରଠୁ ଗାଁ ସବୁଠି ଉତ୍ସାହ ଆଉ ଉତ୍କଣ୍ଠା। ବିଶେଷକରି ବିଭିନ୍ନ ସହର ଓ ବଜାରରେ...

ଫିରିଙ୍ଗିଆ ମେଡିକାଲରେ ଜେନେରେଟର ଅଚଳ: ଲାଇନ କଟିଲେ ରୋଗୀ ହନ୍ତସନ୍ତ

ଫିରିଙ୍ଗିଆ,୨୭ା୫-ଫିରିଙ୍ଗିଆ ମେଡିକାଲ ବହୁ ଅବ୍ୟବସ୍ଥା ନେଇ ଗତି କରୁଛି। ରବିବାର ଏଠାରେ ବିଦ୍ୟୁତ୍‌ କାଟ ହୋଇଥିବାବେଳେ ଜେନେରେଟର ଚାଲୁ ନ ଥିଲା। ରୋଗୀମାନେ ଅସହ୍ୟ ଗରମରେ...

ଖୁଦୁରୁକୁଣୀ ଓଷା ହେଲା କାଳ: ନଦୀରେ ବୁଡ଼ି ୨ ଭଉଣୀଙ୍କ ଜୀବନଗଲା

କଟକ ସଦର,୧୮।୮: କଟକ ଜିଲା କିଶନନଗର ଥାନା ଅନ୍ତର୍ଗତ ବାବୁଜଙ୍ଗ ପଞ୍ଚାୟତ ସଫିପୁର ଗ୍ରାମର ୨ ଭଉଣୀଙ୍କ ରବିବାର ଶୁକପାଇକା ନଦୀରେ ବୁଡ଼ି ମୃତ୍ୟୁ ଘଟିଛି।...

ଦ.ପୂ. ରେଳପଥ ଜିଏମ୍‌ଙ୍କ ବଡ଼ବିଲ ଗସ୍ତ: ବଡ଼ବିଲ-ବାଂଶପାଣି ରେଳପଥ ଦାବି ଦୋହରାଇଲା ବିକାଶ ପରିଷଦ

ବଡ଼ବିଲ,୨୯।୯(ସ୍ବ.ପ୍ର.)- ଦ.ପୂ. ରେଳବାଇ ଜିଏମ ସଞ୍ଜୟ କୁମାର ମହାନ୍ତି ଶନିବାର ସାରେ କେନ୍ଦୁଝର ଜିଲା ବଡ଼ବିଲ ରେଳଷ୍ଟେଶନ ପରିଦର୍ଶନରେ ଆସି ପହଞ୍ଚିଥିଲେ। ଏହି ଅବସରରେ ବଡ଼ବିଲ...

୩୦ଫୁଟ ତଳକୁ ଖସିଲା ଯାତ୍ରୀବାହୀ ବସ୍‌:୧୨ ଆହତ ୪ ଗୁରୁତର

ଆଠଗଡ,୧୩ା୧ (ସ୍ବ.ପ୍ର.)- ଖୁଣ୍ଟୁଣୀ-ନରସିଂହପୁର ୬୫ନଂ ରାଜ୍ୟ ରାଜପଥର ଆଠଗଡ଼ ଥାନା ଅନ୍ତର୍ଗତ ଗୁଣ୍ଡିଚାପୁର ଗ୍ରାମ ନିକଟରେ ସୋମବାର ଅପରାହ୍ନରେ ଏକ ଘରୋଇ ବସ୍‌ ଭାରସାମ୍ୟ ହରାଇ...

ଆନନ୍ଦପୁର ଓ ଘଷିପୁରା ନିର୍ବାଚନମଣ୍ଡଳୀରେ ଭୋଟ ଗଣତି ଆରମ୍ଭ

ଆନନ୍ଦପୁର(ସ୍ବ.ପ୍ର.)/ହାଟଡିହି(ଡି.ଏନ.ଏ) ୨୩।୫: କେନ୍ଦୁଝର ଜିଲା ଆନନ୍ଦପୁର ଓ ଘଷିପୁରା ନିର୍ବାଚନମଣ୍ଡଳୀର ଭୋଟ ଗଣତି ଆରମ୍ଭ ହୋଇଛି। ଶାଳପଡ଼ା ମହିଳା ମହାବିଦ୍ୟାଳୟ ପରିସରରେ କଡ଼ା ସୁରକ୍ଷା ବ୍ୟବସ୍ଥାରେ...

ବର୍ଷା ଦିନରେ ଚାଲିଛି ମୋରମ କାମ

ଚମ୍ପୁଆ, ୨୯।୮(ଡି.ଏନ.ଏ.)- ଚମ୍ପୁଆ ଏନ.ଏ.ସିର ୨ନଂ ୱାର୍ଡ ପାଞ୍ଚପୋଖରିଆ ଗ୍ରାମ ରାସ୍ତା ମରଣଯନ୍ତା ପାଲଟିଛି । ରାସ୍ତା ନିର୍ମାଣ ପାଇଁ ମୋରମ ବିଛା ହୋଇଥିବାରୁ ଗ୍ରାମବାସୀ...

Leave a comment

Your email address will not be published. Required fields are marked *