ରାଜଧାନୀର ୨୩ ଛକରେ ଟ୍ରାଫିକ ଯାଞ୍ଚ: ଉଲ୍ଲଂଘନକାରୀଙ୍କୁ ଗୋଡ଼ାଇ ଧରିଲା ପୋଲିସ

ଭୁବନେଶ୍ୱର,୨।୧୨(ବ୍ୟୁରୋ): କଡ଼ାକଡ଼ି ହୋଇଛି ନୂଆ ମୋଟର ଯାନ ଆଇନ। ଆର୍‌ଟିଓ ସଂକ୍ରାନ୍ତ କାଗଜପତ୍ରକୁ ଛାଡ଼ି ଦେଲେ ୧୦ ଟ୍ରାଫିକ ନିୟମ ଉଲ୍ଲଂଘନକୁ ଗୁରୁତ୍ୱ ଦିଆଯାଇଛି। ତେବେ ୩ ମାସର କୋହଳ ଓ ଚକୋଲେଟ, ଫୁଲତୋଡ଼ା ଦେଇ ସଚେତନ କରିବା ପରେ ବି ବହୁ ଲୋକ ପୁରୁଣା ଅଭ୍ୟାସ ଛାଡ଼ି ନ ପାରି ଧରାପଡିଛନ୍ତି। ରାଜଧାନୀର ରାଜମହଲ, ରସୁଲଗଡ, ମାଷ୍ଟରକ୍ୟାଣ୍ଟିନ, ଲକ୍ଷ୍ମୀସାଗର, ଆଚାର୍ଯ୍ୟବିହାର, ଜୟଦେବ ବିହାର, ବାଇପାସ୍‌ ରୋଡ଼ର ସାଇମନ୍ଦିର ଛକ, ନାଲକୋ ଛକ, ପଟିଆ ଛକ, ଖଣ୍ଡଗିରି ଛକ ଆଦି ୨୩ ସ୍ଥାନରେ ଯାଞ୍ଚ କରାଯାଇଥିଲା। ଯେଉଁ ଗାଡ଼ି ଚାଳକମାନେ ହେଲ୍‌ମେଟ୍‌ ପିନ୍ଧି ନ ଥିଲେ, ସିଟ୍‌ ବେଲ୍ଟ ବାନ୍ଧି ନ ନ ଥିଲେ, ରଙ୍ଗ୍‌ ସାଇଡ୍‌ରେ ଯାଉଥିଲେ ସେମାନଙ୍କୁ ପୋଲିସ ଅଟକାଇ ଜରିମାନା କରିଥିଲା। ଗାଡ଼ି ଚାଳକ ମଦ୍ୟପାନ କରିଥିଲେ କି ନାହିଁ ତାହା ମଧ୍ୟ ଯାଞ୍ଚ କରାଯାଇଥିଲା। ଅଧିକାଂଶ ଲୋକ ଜରିମାନାରୁ ମୁକୁଳିବାକୁ ଚେଷ୍ଟା କରିଥିଲେ। ନିୟମ ଉଲ୍ଳଂଘନ କରି ଖସି ଯାଉଥିବା ଗାଡ଼ି ଚାଳକଙ୍କୁ ପୋଲିସ ଗୋଡ଼ାଇ ଗୋଡ଼ାଇ ଧରିଥିଲା। ରାଜମହଲ ଛକରେ ଯାଞ୍ଚରେ ଅଧିକ ପୋଲିସ ଓ ଟ୍ରାଫିକ କର୍ମଚାରୀ ନିୟୋଜିତ ଥିଲେ। ପୂର୍ବରୁ ଉକ୍ତ ସ୍ଥାନରେ ପୋଲିସ-ଜନତା ଖଣ୍ଡଯୁଦ୍ଧ ଲାଗିଥିବାରୁ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ଆଶଙ୍କାରେ ଫୋର୍ସ ମଧ୍ୟ ମୁତୟନ କରାଯାଇଥିଲା। ସେହିଭଳି ଜାତୀୟ ରାଜପଥର ପଳାଶୁଣୀରୁ ବାଲିକୁଦା ପର୍ଯ୍ୟନ୍ତ କମିଶନରେଟ ପୋଲିସ ପକ୍ଷରୁ ସ୍ବତନ୍ତ୍ର ଟିମ୍‌ ଜଗି ରହିଥିଲା। ବିଶେଷକରି ଅଧିକ ବେଗରେ ଯାଉଥିବା ଗାଡ଼ି ଉପରେ ପଦକ୍ଷେପ ନିଆଯାଇଥିଲା। ଜାତୀୟ ରାଜପଥର ଏହି ପରିସୀମା ମଧ୍ୟରେ ସ୍ପିଡ୍‌ ଲିମିଟ୍‌ ହାଲୁକା ଯାନ ପାଇଁ ୫୦ କେଏମ୍‌ପିଏଚ୍‌ ରଖାଯାଇଥିବାବେଳେ ଭାରିଯାନ ପାଇଁ ୭୦ କିମି ରହିଛି। ସେହିଭଳି ଦୁଇଚକିଆ ଯାନ ପାଇଁ ୫୦ କେଏମ୍‌ପିଏଚ୍‌ ରଖାଯାଇଛି।
ଜରିମାନା ଆଦାୟ ଉଦ୍ଦେଶ୍ୟ ନୁହେଁ : ଟ୍ରାଫିକ ଡିସିପି
ଟ୍ରାଫିକ ଡିସିପି ସାଗରିକା ନାଥ, ଟ୍ରାଫିକ ଏସିପି କେ.କେ. ପାଣିଗ୍ରାହୀ ଓ ଅନ୍ୟ ବରିଷ୍ଠ ପୋଲିସ ଅଧିକାରୀ ଯାଞ୍ଚ ସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଥିଲେ। ଏହି ଅବସରରେ ଡିସିପି ନାଥ କହିଛନ୍ତି, ସରକାରଙ୍କ ନିୟମ ଅନୁଯାୟୀ ଯାଞ୍ଚ ଚାଲିଛି। ଜରିମାନା ଆଦାୟ କରିବା ଆମର ଉଦ୍ଦେଶ୍ୟ ନୁହେଁ। ଲୋକଙ୍କ ସୁରକ୍ଷିତ ଯାତ୍ରା ପୋଲିସର ମୁଖ୍ୟ ଦାୟିତ୍ୱ। ସଡ଼କ ନିୟମ ମାନିବାକୁ ପୋଲିସ ପକ୍ଷରୁ ଏଭଳି କଡାକଡି ପଦକ୍ଷେପ ଗ୍ରହଣ କରାଯାଉଛି।
ଏଣିକି ମଦୁଆ ଗାଡ଼ି ଚାଳକଙ୍କୁ ଜେଲ
ମଦ୍ୟପାନ କରି ଗାଡ଼ି ଚଳାଇବା ଯୋଗୁ ଅଧିକ ଦୁର୍ଘଟଣା ଘଟି ଧନଜୀବନ ହାନି ହେଉଛି। ତେଣୁ ମଦୁଆ ଗାଡି ଚାଳକଙ୍କୁ ଧରିବାକୁ ସ୍ପେଶାଲ ଡ୍ରାଇଭ ଆରମ୍ଭ କରାଯାଇଛି। ସ୍ବତନ୍ତ୍ର ଟିମ୍‌ ସହରରେ ପାଟ୍ରୋଲଂ କରି ମଦୁଆ ଗାଡ଼ି ଚାଳକଙ୍କୁ ଗିରଫ କରି ସିଧା କୋର୍ଟ ଚାଲାଣ କରିବେ। ରଙ୍ଗ ସାଇଡ୍‌ ଗାଡ଼ି ଚାଳନା ରୋକିବାକୁ ଦୃଷ୍ଟାନ୍ତମୂଳକ ପଦକ୍ଷେପ ହେବ। ଜାତୀୟ ରାଜପଥରେ ବିଶେଷକରି କଟକ ଓ ଭୁବନେଶ୍ୱରୁ ଯୋଡୁଥିବ ଲିଙ୍କ୍‌ ରୋଡରେ ଓଭର ସ୍ପିଡ୍‌ ରୋକିବାକୁ ଗାଡ଼ି ଚାଳକଙ୍କଠାରୁ ମୋଟା ଅଙ୍କର ଜରିମାନା ଆଦାୟ ହେବ ବୋଲି ଡିସିପି ସାଗରିକା ନାଥ କହିଛନ୍ତି। ସେ କହିଛନ୍ତି, ବାଇକ୍‌ରେ ବସୁଥିବା ଲୋକେ ବିଶେଷକରି ୪ରୁ ୧୨ ବର୍ଷ ମଧ୍ୟରେ ପିଲାକୁ ନେଉଥିଲେ ହେଲ୍‌ମେଟ ପିନ୍ଧାନ୍ତୁ। ଆଗକୁ ଏପରି ଯାଞ୍ଚ କଡାକଡି ହେବ ବୋଲି ଡିସିପି ସୂଚନା ଦେଇଛନ୍ତି।


All Right Reserved By Dharitri.Com

ବର୍ଷବର୍ଷ ଧରି ବାରଣ୍ଡାରେ ପଢୁଛନ୍ତି ୨ ଶ୍ରେଣୀର ଛାତ୍ରୀଛାତ୍ର

ଝରିଗାଁ, ୨୧।୧(ସ୍ବ.ପ୍ର.) –  ଗ୍ରାମାଞ୍ଚଳରେ ଗୁଣାତ୍ମକ ଶିକ୍ଷା ବିକାଶ ପାଇଁ ରାଜ୍ୟ ସରକାର ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି। କିନ୍ତୁ ଏହାର ସଫଳ ରୂପାୟନ ହୋଇପାରୁନି...

ଜାତିଭିତ୍ତିକ ଜନଗଣନା ନିଷ୍ପତ୍ତିକୁ ବିରୋଧୀଙ୍କ ସମାଲୋଚନା

ଭୁବନେଶ୍ୱର,୧୩ା୧(ବ୍ୟୁରୋ): ରାଜ୍ୟରେ ସାମାଜିକ, ଆର୍ଥିକ ଏବଂ ଜାତିଭିତ୍ତିକ ଜନଗଣନା ହେବ। ୨୦୨୧ ଜନସଂଖ୍ୟା ଗଣନା ବେଳେ ଏକାସାଙ୍ଗରେ ଏହି ଗଣନା କରାଯିବ। ଶନିବାର ରାଜ୍ୟ କ୍ୟାବିନେଟ୍‌ରେ...

ଅବିଶ୍ରାନ୍ତ ବର୍ଷା, ଅଶାନ୍ତ ସମୁଦ୍ର

ଭୋଗରାଇ, ୨୫।୧୦(ଡି.ଏନ.ଏ.)-ଲଘୁଚାପ ପ୍ରଭାବରେ ଭୋଗରାଇ ସମେତ ଆଖପାଖ ଅଞ୍ଚଳରେ ବୁଧବାରଠାରୁ ଅବିଶ୍ରାନ୍ତ ବର୍ଷା ଲାଗିରହିଛି। ତୁହାକୁ ତୁହା ବର୍ଷା ହେବା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି।...

୩ ବିଦେଶ ଫେରନ୍ତାଙ୍କୁ ଆଇସୋଲେଶନରେ ରହିବାକୁ ପରାମର୍ଶ ଦେଲା ପ୍ରଶାସନ

ଭଞ୍ଜନଗର,୨୨।୩(ଡି.ଏନ୍‌.ଏ.): ଇଂଲଣ୍ଡ ଓ କୁଏତ୍‌ରୁ ୨ ଜଣ ଭଞ୍ଜନଗର ବାସିନ୍ଦା ଗତ ସପ୍ତାହରେ ଘରକୁ ଫେରିଥିବା ବେଳେ ଶନିବାର ଦୁବାଇରୁ ଆଉ ଜଣେ ଘରକୁ ଫେରିଛନ୍ତି।...

ଦୃଷ୍ଟି ଆଢୁଆଳରେ ‘ହାଲୁଆ ଜଳ ପ୍ରପାତ’

ରାୟଗଡ଼ା ଅଫିସ , ୧୨ା୧୨-ରାୟଗଡ଼ା ଜିଲାରେ ଅନେକ ପର୍ଯ୍ୟଟନସ୍ଥଳୀ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର। ସେଥିମଧ୍ୟରୁ ଅନେକ ଲୋକଲୋଚନକୁ ଆସିପାରୁନାହିଁ। ପର୍ଯ୍ୟଟନସ୍ଥଳୀର ଉନ୍ନତି ନେଇ ସରକାର ଲକ୍ଷ...

ଗଞ୍ଜେଇ ବିକି ସେଲୁନ୍‌ ଦୋକାନୀ ଗିରଫ

ବାରଙ୍ଗ,୧୮ା୧(ଡି.ଏନ.ଏ): ସେଲୁନ୍‌ ଦୋକାନରେ ଗଞ୍ଜେଇ ବିକିବାବେଳେ ଶୁକ୍ରବାର ପୋଲିସ ହାତରେ ଧରାପଡ଼ି ଗିରଫ ହୋଇଛନ୍ତି ଦୋକାନ ମାଲିକ। ସେ ହେଲେ ନନ୍ଦନକାନନ ଥାନା ଅନ୍ତର୍ଗତ ପଦା...

ଭଦ୍ରକର ଦୁଇ ଲକ୍ଷ ଉଜ୍ଜଳା ପରିବାରକୁ ମିଳିବ ମାଗଣା ଗ୍ୟାସ, ବିତରକ କର୍ମଚାରୀଙ୍କୁ ୫ ଲକ୍ଷର ବୀମା

ଭଦ୍ରକ ଅଫିସ, ୧୧।୪ – କରୋନା ମୁକାବିଲା ପାଇଁ ଭଦ୍ରକ ଜିଲାରେ ୨,୦୯,୦୦୦ ପରିବାରକୁ ମାସିକ ଗୋଟିଏ କରି ତିନୋଟି ଏଲ୍‌ପିଜିର ଦାମ୍‌ ସରକାରଙ୍କ ପକ୍ଷରୁ...

ଅର୍ଥନୈତିକ ସର୍ଭେ ରିପୋର୍ଟ ଗଣମାଧ୍ୟମରେ ପ୍ରକାଶକୁ ନେଇ ବିଧାନସଭାରେ ଉଦ୍‌ବେଗ: ସରକାରଙ୍କ କୈଫିୟତ ତଲବ କଲେ ବିରୋଧୀ

ଭୁବନେଶ୍ୱର, ୨୮।୬(ବ୍ୟୁରୋ): ରାଜ୍ୟ ସରକାରଙ୍କ ଅର୍ଥନୈତିକ ସର୍ଭେ ରିପୋର୍ଟ-୨୦୧୮ ସୋସିଆଲ ମିଡିଆରେ ବୁଲୁଛି, ଖବରକାଗଜରେ ପ୍ରକାଶ ପାଇଛି। ହେଲେ ବିଧାୟକମାନଙ୍କୁ ଏପର୍ଯ୍ୟନ୍ତ ଦିଆଗଲା ନାହିଁ। ସରକାରୀ...

Leave a comment

Your email address will not be published. Required fields are marked *