ଫ୍ୟାଶନ ଟ୍ରେଣ୍ଡରେ ମଲ୍ଟି କଲର ଜୁଏଲେରୀ: ଜାଣନ୍ତୁ କ’ଣ ରହିଛି ଲାଟେଷ୍ଟ ଡିଜାଇନ

ନାରୀଙ୍କ ଗହଣରେ ଜୁଏଲେରୀର ଚାହିଦା ସବୁବେଳେ ରହିଆସିଛି। ଆଉ ସେହି ଚାହିଦାକୁ ଦେଖି ମାର୍କେଟ୍‌କୁ ଜୁଏଲେରୀର କେତେ ନୂଆ ନୂଆ କଲେକ୍‌ଶନ୍‌ ବି ଆସୁଛି। ଏଇ ଯେମିତି ବର୍ତ୍ତମାନର ଫ୍ୟାଶନ ଟ୍ରେଣ୍ଡରେ ମଲ୍ଟି କଲର ଜୁଏଲେରୀର ଡିମାଣ୍ଡ ଖୁବ୍‌ ଥିବା ଦେଖିବାକୁ ମିଳୁଛି। ତେବେ ଏହି ମଲ୍ଟି କଲର ଜୁଏଲେରୀର କ’ଣ ସବୁ ଲାଟେଷ୍ଟ ଡିଜାଇନ୍‌ ରହିଛି, ଆସନ୍ତୁ ଜାଣିବା
ସେ ସମ୍ପର୍କରେ…

ମଲ୍ଟି କଲର ଇୟର ରିଂ: ଏହି ଇୟର ରିଂକୁ ଯେକୌଣସି କଲରର ଆଉଟ୍‌ଫିଟ୍‌ ସହ ଆରାମରେ ପିନ୍ଧିହୁଏ। ତେଣିକି ସେ ଟ୍ରାଡିଶନାଲ୍‌ ସାଲଓ୍ବାର୍‌ ସୁଟ୍‌ ହେଉ କିମ୍ବା ଜିନ୍ସ, ସଟର୍‌ସ ଇତ୍ୟାଦି। ଆଜିକାଲି ମାର୍କେଟ୍‌ରେ ଗୋଲ୍ଡ, ରୋଜ୍‌ଗୋଲ୍ଡ ତଥା ସିଲ୍‌ଭର କଲରର କମ୍ବିନେଶନକୁ ମିଶାଇ ତିଆରି ହେଉଥିବା ଏକ ସ୍ବତନ୍ତ୍ର ଧରଣର ମଲ୍ଟିକଲର ଇୟର ରିଂ ମିଳୁଛି, ଯାହା ଆକର୍ଷଣୀୟ ଲାଗିବା ସହ ନାରୀଙ୍କୁ ଭାଇବ୍ରାଣ୍ଟ ଲୁକ୍‌ ଦେଇପାରୁଛି।

ମଲ୍ଟି କଲର ମିସ୍‌ମ୍ୟାଚ୍‌ ଇୟର ରିଂ: ବର୍ତ୍ତମାନର ଫ୍ୟାଶନ ଦୁନିଆରେ ମିସ୍‌ମ୍ୟାଚ୍‌ ଜୁଏଲେରୀର ବି ଖୁବ୍‌ ଚାହିଦା ରହିଥିବା ଦେଖିବାକୁ ମିଳୁଛି। ଖାସ୍‌କରି ମଲ୍ଟି କଲର୍‌ ଷ୍ଟୋନ୍‌ରେ ଆସୁଥିବା ମିସ୍‌ମ୍ୟାଚ୍‌ ଇୟର ରିଂ ଯୁବତୀମାନଙ୍କର ପ୍ରଥମ ପସନ୍ଦ ପାଲଟିଛି। ତେବେ ଏହି ଧରଣର ଇୟର ରିଂ ପିନ୍ଧିଲାବେଳେ ଶରୀରରେ ଆଉ କୌଣସି ମଲ୍ଟି କଲର୍‌ର ଜୁଏଲେରୀ ପିନ୍ଧିବା ଆଦୌ ଠିକ୍‌ ନୁହେଁ। ନଚେତ୍‌ ଲୁକ୍‌ ସେତେ ଆଟ୍ରାକ୍ଟିଭ୍‌ ଲାଗେନି।

ମଲ୍ଟି କଲର ଚୁଡ଼ି: ମଲ୍ଟି କଲର ଷ୍ଟୋନ୍‌ ଲାଗିଥିବା ଖୁବ୍‌ ସୁନ୍ଦର ସୁନ୍ଦର ଚୁଡ଼ି ଏବେ ମାର୍କେଟ୍‌ରେ ମିଳୁଛି, ଯାହାକୁ ଖାସ୍‌ କରି ଶାଢ଼ି, ସାଲ୍‌ଓ୍ବାର୍‌ ସୁଟ୍‌ କିମ୍ବା ଲେହେଙ୍ଗା ସହ ପିନ୍ଧିଲେ ଗର୍ଜିିୟସ୍‌ ଲୁକ୍‌ ମିଳିଥାଏ। ବିନା ଷ୍ଟୋନ୍‌ବାଲା ମଲ୍ଟି କଲର ଚୁଡ଼ି ବି ଏବେ ମାର୍କେଟରେ ମିଳିଲାଣି, ଯାହାକୁ ପାର୍ଟି, ଫଙ୍କଶନ୍‌କୁ ଗଲାବେଳେ ଆଉଟ୍‌ଫିଟ୍‌ ସହ ମ୍ୟାଚିଂକରି ପିନ୍ଧିଲେ ଲୁକ୍‌ ଆକର୍ଷଣୀୟ ଲାଗେ।

ମଲ୍ଟି ଷ୍ଟୋନ୍‌ ଓ୍ବାଚ୍‌: ଓ୍ବାଚ୍‌ ବା ଘଣ୍ଟା ପିନ୍ଧିବାକୁ ପସନ୍ଦ କରୁଥିବା ଯୁବତୀମାନେ ଚାହିଁଲେ ମଲ୍ଟି ଷ୍ଟୋନ୍‌ବାଲା ଓ୍ବାଚ୍‌ ବି ହାତରେ ପିନ୍ଧିପାରିବେ। ଏବେ ମାର୍କେଟରେ ଅନେକ ଆକର୍ଷଣୀୟ ଡିଜାଇନ୍‌ର ମଲ୍ଟି ଷ୍ଟୋନ୍‌ ଓ୍ବାଚ୍‌ ମିଳିଲାଣି, ଯାହାକୁ ହାତରେ ପିନ୍ଧିଲେ ଘଣ୍ଟା ସହିତ ହାତରେ କୌଣସି ବ୍ରେସ୍‌ଲେଟ୍‌ ପିନ୍ଧିବା ପରି ଅନୁଭବ ହୋଇପାରିବ।

ମଲ୍ଟି କଲର ପେଣ୍ଡେଣ୍ଟ ନେକ୍‌ଲେସ୍‌: ଖାସ୍‌କରି ପର୍ଲ ନେକ୍‌ଲେସ୍‌ ସାଙ୍ଗରେ ମଲ୍ଟି ଷ୍ଟୋନ ଖଚିତ ପେଣ୍ଡେଣ୍ଟ ଅଧିକ ସୁନ୍ଦର ଦେଖାଯାଇଥାଏ। ଏହାକୁ ଯେକୌଣସି ଅକେଜନ୍‌ରେ ବି ଆରାମରେ କ୍ୟାରି କରାଯାଇପାରେ।

ମଲ୍ଟି କଲର ଟାଇମ୍‌-ପିସ୍‌ ନେକ୍‌ଲେସ୍‌: ଯେଉଁ ଯୁବତୀମାନଙ୍କର ଭିନ୍‌ଟେଜ୍‌ ତଥା ଚାର୍ମ ଲୁକ୍‌ ପସନ୍ଦ, ସେମାନେ ଚାହିଁଲେ ମଲ୍ଟି କଲର ଟାଇମ-ପିସ୍‌ ନେକ୍‌ଲେସ୍‌କୁ ଟ୍ରାଏ କରିପାରିବେ। ଏହା ଏକ ଟ୍ରେଣ୍ଡି ଜୁଏଲେରୀ ଭାବେ ବି ଜଣାଯାଏ।

ମଲ୍ଟି ଷ୍ଟୋନ୍‌ ସିଙ୍ଗଲ୍‌ ଷ୍ଟେଟ୍‌ମେଣ୍ଟ ନେକ୍‌ଲେସ୍‌: ଏହି ନେକ୍‌ଲେସ୍‌କୁ ପିନ୍ଧିଲେ ଗର୍ଜିୟସ୍‌ ଲୁକ୍‌ ମିଳିଥାଏ। ଏଥିରେ ମଲ୍ଟି ଷ୍ଟୋନ୍‌ ଲାଗିଥିବାରୁ ଏହାକୁ ଯେକୌଣସି ରଙ୍ଗର ଆଉଟ୍‌ଫିଟ୍‌ ସହ ମ୍ୟାଚିଂକରି ପିନ୍ଧିହୁଏ। ତେବେ ଖାସ୍‌କରି ଡିପ୍‌ ନେକ୍‌ବାଲା ଆଉଟ୍‌ଫିଟ୍‌ ସହ ଏହି ନେକ୍‌ଲେସ୍‌କୁ ପିନ୍ଧିଲେ ଏହାର ଷ୍ଟାଇଲ୍‌ ବାହାରକୁ ଭଲ ଦେଖାଯାଇଥାଏ।

ମଲ୍ଟି କଲର ରିଙ୍ଗ: ରିଙ୍ଗ୍‌ ବା ମୁଦି ବି ହେଉଛି ଏମିତି ଏକ ଜୁଏଲେରୀ, ଯାହା ହାତର ଶୋଭା ବର୍ଦ୍ଧନ କରିବାରେ ମୁଖ୍ୟ ଭୂମିକା ଗ୍ରହଣ କରିଥାଏ। ଏବେ ଯେହେତୁ ମଲ୍ଟି କଲର୍‌ ଜୁଏଲେରୀ ବିଷୟରେ ଏତେ ଆଲୋଚନା କରାଯାଉଛି, ସେଠି ମଲ୍ଟି କଲର ରିଙ୍ଗ୍‌କୁ ଭୁଲିଯିବା ଆଦୌ ଠିକ୍‌ ହେବନାହିଁ। ତେବେ ଏହି ମଲ୍ଟି କଲର ରିଙ୍ଗ୍‌କୁ ଶାଢ଼ିଠାରୁ ଆରମ୍ଭ କରି ଏମ୍ବ୍ରୋଡୋରି ଜ୍ୟାକେଟ୍‌ ପର୍ଯ୍ୟନ୍ତ ସବୁଥିରେ ମ୍ୟାଚିଂକରି ପିନ୍ଧିହେବ।


All Right Reserved By Dharitri.Com

ଶୀତଦିନେ ପାଦ ଓ ଆଙ୍ଗୁଳି ପୋଡ଼ାଜଳାରୁ ଦୂରେଇ ରହିବା ପାଇଁ କରନ୍ତୁ ଏପରି …

ନୂଆଦିଲ୍ଲୀ: ଶୀତଦିନେ ପରିବେଶ ଶୁଷ୍କ ଏବଂ ଥଣ୍ଡା ରହିଥାଏ। ଫଳରେ ଶରୀରର ନିମ୍ନ ଅଂଶରେ ରକ୍ତ ସଞ୍ଚାଳନ କମ ହୋଇଥାଏ। ତେଣୁ କେତେକଙ୍କଠାରେ ପାଦ ଓ...

ରକ୍ତଚାପ ମାପିବ ସ୍ମାର୍ଟଗ୍ଲାସ୍‌

ମାଇକ୍ରୋସଫ୍ଟ ନିଜ ସ୍ମାର୍ଟ ଗ୍ଲାସ୍‌(ଚଷମା)ର ଆସନ୍ତା ପିଢ଼ି ବିକଶିତ କରିବାରେ ଲାଗିଛି। ଏହା ରକ୍ତଚାପ ମାପିବା ଡିଭାଇସ୍‌ ରୂପେ କାମ କରିବ। ଏହାର ନା ଗ୍ଲୋବେଲା...

ପାରାଲିସିସ୍‌ର କେତେକ କାରଣ…

ବେଳେବେଳେ କେତେକଙ୍କ ଶରୀରର ଅଙ୍ଗପ୍ରତ୍ୟଙ୍ଗ କିଛି କ୍ଷଣ ପାଇଁ ସ୍ବାଭାବିକ ଭାବେ କାମ କରି ନ ଥାଏ। ଏହାକୁ ଚିକିତ୍ସକମାନେ ଅସ୍ଥାୟୀ ପାରାଲିସିସ୍‌ କହିଥାନ୍ତି। ମସ୍ତିଷ୍କର...

ଜାଣନ୍ତୁ କେଉଁ ଫଳ କେଉଁ ସମୟରେ ଖାଇବା ଉଚିତ

ଫଳ ସ୍ବାସ୍ଥ୍ୟ ପାଇଁ ଉପକାରୀ। ସେଥିପାଇଁ ଯଦି କାହାର ଦେହ ଖରାପ ହୋଇଯାଏ, ଡାକ୍ତର ତାଙ୍କୁ ଫଳ ଖାଇବାକୁ ପରାମର୍ଶ ଦେଇଥା’ନ୍ତି। କାରଣ ଫଳରେ ଅନେକ...

ବର୍ଷାଦିନେ ତ୍ୱଚାର ଯତ୍ନ

ବର୍ଷାଦିନେ ତ୍ୱଚାରେ ବିଭିନ୍ନ ସମସ୍ୟା ଦେଖାଯାଏ, ଯାହାର ସମାଧାନ ନିହାତି ଜରୁରୀ। ଜାଣନ୍ତୁ ଏ ନେଇ କିଛି ଟିପ୍ସ… ଏହିଦିନେ ଅଧିକ ମେକ୍‌ ଅପ୍‌ ନିଅନ୍ତୁ...

ମୁଣ୍ଡବିନ୍ଧା ପାଇଁ ରାମବାଣ ଜୁଆଣି

ସାଧାରଣତଃ ମୁଣ୍ଡ ବିନ୍ଧିବା ସମସ୍ୟା ପ୍ରାୟ ସମସ୍ତଙ୍କଠାରେ ଦେଖା ଦେଇଥାଏ। ବିଶେଷ କରି ବ୍ୟସ୍ତ ବହୁଳ ଜୀବନ ବା କାର୍ଯ୍ୟ ଚାପରେ ଥିବା ବ୍ୟକ୍ତିଙ୍କଠାରେ ଏହି...

କର୍ମଜୀବୀ ମହିଳା ଓ ପରିଚ୍ଛନ୍ନତା

ସୌନ୍ଦର୍ଯ୍ୟ ସହ ପରିଚ୍ଛନ୍ନତା ଓତପ୍ରୋତ ଭାବେ ଜଡ଼ିତ ା ପ୍ରତ୍ୟେକ ସୁନ୍ଦରୀ ନାରୀ ପରିଷ୍କାର ପରିଚ୍ଛନ୍ନ ନ ରହିପାରନ୍ତି, କିନ୍ତୁ ପ୍ରତ୍ୟେକ ପରିଚ୍ଛନ୍ନ ନାରୀ ସୁନ୍ଦରୀ...

ସ୍ମରଣ ଶକ୍ତି ବୃଦ୍ଧି ପାଇଁ କମଳା ଜୁସ୍‌

ବୟସ ବଢ଼ିବା ସହ ସ୍ମରଣଶକ୍ତି ଦୁର୍ବଳ ହେବା ସାଧାରଣ କଥା। ଏ ସମୟରେ ଛୋଟ ଛୋଟ କଥା ଭୁଲିବା ସମସ୍ୟା ଦେଖାଦେଇଥାଏ, ଯାହା ଅତ୍ୟନ୍ତ ବିପଜ୍ଜନକ...

Leave a comment

Your email address will not be published. Required fields are marked *