ବମ୍ବେ କ୍ୟାଣ୍ଟିନ୍‌ରେ ଓଡ଼ିଆ ମେନୁ: ମାଛ ହଳଦୀପାଣିରୁ ଆମ୍ବୁଲ ବିୟର୍‌

ଭୁବନେଶ୍ୱର,୧ା୧୨: ‘ଏ ଫିଷ୍ଟ୍‌ ଫ୍ରମ୍‌ ଦି ଇଷ୍ଟ୍‌’। ପୂର୍ବ ଉପକୂଳର ପାରମ୍ପରିକ ଖାଦ୍ୟ ପହଞ୍ଚତ୍ଛି ପଶ୍ଚିମ ଉପକୂଳର ଲୋକପ୍ରିୟ ସହର ବମ୍ବେରେ। ବମ୍ବେର ଲୋକପ୍ରିୟ ଚେନ୍‌ ରେସ୍ତୋରଁା ‘ବମ୍ବେ କ୍ୟାଣ୍ଟିନ୍‌’ରେ ମିଳୁଛି ଖାଣ୍ଟି ଓଡ଼ିଆ ଖାଦ୍ୟ। ଓଡ଼ିଶାର କୋଣାନୁକୋଣରୁ ବଛାବଛା ଲୋକପ୍ରିୟ ଖାଦ୍ୟ ପ୍ରଥମଥର ପାଇଁ ବମ୍ବେର ଏକ ଲୋକପ୍ରିୟ ଇଟରୀରେ ଉପଲବ୍ଧ ହେଉଛି। ସ୍ବତନ୍ତ୍ରତା ସହ ବମ୍ବେରେ ମିଳୁଥିବା ସାମଗ୍ରୀକୁ ଦୃଷ୍ଟିରେ ରଖି ମୋଟ ୭୦ ଖାଦ୍ୟରୁ ୩୦ ପ୍ରକାରର ନିଆରା ଓଡ଼ିଆ ଖାଦ୍ୟ ‘ବମ୍ବେ କ୍ୟାଣ୍ଟିନ୍‌’ ମେନୁରେ ସାମିଲ ହୋଇଛି। ନିକଟରେ ଓଡ଼ିଶା ଗସ୍ତରେ ଆସିଥିବା ‘ବମ୍ବେ କ୍ୟାଣ୍ଟିନ୍‌’ର ଜଣାଶୁଣା ସେଫ୍‌ ଥୋମାସ୍‌, ଗୌରବ ଏବଂ ସାନନ୍‌ ଓଡ଼ିଶାର ଲୋକପ୍ରିୟ ଫୁଡ୍‌ ବ୍ଲଗର୍‌ ଅଳକା ଜେନାଙ୍କ ସହଯୋଗରେ ଏହି ସ୍ବତନ୍ତ୍ର ମେନୁ ପ୍ରସ୍ତୁତ କରିଛନ୍ତି। ବମ୍ବେରେ ରହୁଥିବା ଓଡ଼ିଆ ଏବଂ ଓଡ଼ିଆ ଖାଦ୍ୟକୁ ଭଲପାଉଥିବା ବମ୍ବେବାସୀ ନଭେମ୍ବର ୨୫ରୁ ଡିସେମ୍ବର ୮ ପର୍ଯ୍ୟନ୍ତ ଏହି ସ୍ବତନ୍ତ୍ର ଖାଦ୍ୟର ମଜା ନେଇପାରିବେ।
ଦେଶର ବିଭିନ୍ନ ରାଜ୍ୟ ବୁଲି ସେଠାକାର ହଜିଯାଉଥିବା ତଥା ଅନାଲୋଚିତ ଖାଦ୍ୟକୁ ନିଜ ମେନୁରେ ସାମିଲ କରି ତାହାକୁ ବିଶ୍ୱବାସୀଙ୍କ ନଜରକୁ ଆଣୁଥିବା ‘ବମ୍ବେ କ୍ୟାଣ୍ଟିନ୍‌’ ଏଥର ଓଡ଼ିଶା ଉପରେ ଫୋକସ୍‌ କରିଛି। କିଛିଦିନ ତଳେ ଏହି ରେସ୍ତୋରଁାର ସେଫ୍‌ ଟିମ୍‌ ଓଡ଼ିଶା ଆସି ବହୁ ସ୍ଥାନ ବୁଲିବା ସହ ବିଭିନ୍ନ ପ୍ରକାର ଆଞ୍ଚଳିକ ଖାଦ୍ୟ ଖାଇଥିଲେ। ପାରମ୍ପରିକ ଓଡ଼ିଆ ଖାଦ୍ୟ ଓ ତା’ର ଇତିହାସ ସମ୍ପର୍କରେ ଜାଣିବା ସହ ‘ବମ୍ବେ କ୍ୟାଣ୍ଟିନ୍‌’ର ସ୍ବତନ୍ତ୍ର ମେନୁରେ ସେଗୁଡ଼ିକୁ ସାମିଲ କରିଛନ୍ତି। ‘ଏ ଫିଷ୍ଟ୍‌ ଫ୍ରମ୍‌ ଦି ଇଷ୍ଟ୍‌’ ନାମରେ ନାମିତ ହୋଇଥିବା ଏହି ମେନୁରେ ଗ୍ରାହକମାନେ ଘରେ ରନ୍ଧାଯାଇଥିବା ଓଡ଼ିଆ ଖାଦ୍ୟର ମଜା ନେଇପାରୁଛନ୍ତି। ଏଠାରେ ଲୋକେ ପଖାଳ, ହବିଷ ଡାଲ୍‌ମା, ବଡ଼ିଚୂରା, ଗୋଟା ବଡ଼ି, ଆମ୍ବୁଲ ଚିଙ୍ଗୁଡି, ଛତୁ ପତ୍ରପୋଡା, ଭଜା ଛେନା ତରକାରି, କାଙ୍କଡ଼ ଝୋଳ, ଓଉ ଖଟା, ଆମ୍ବୁଲ ରାଇ, କଖାରୁ ଫୁଲ ଭଜା, ଚିଙ୍ଗୁଡି ଛେଚା, ଛେନାପୋଡ଼, ବ୍ରହ୍ମପୁର ପ୍ରସିଦ୍ଧ ଫ୍ରାଏଡ୍‌ ଚିକେନ୍‌ ଭଳି ସୁସ୍ବାଦୁ ଓଡ଼ିଆ ଖାଦ୍ୟ ପାଇପାରୁଛନ୍ତି। ତେବେ ଏହି ଲୋକପ୍ରିୟ ରେସ୍ତୋରଁାର ପ୍ରଫେଶନାଲ ସେଫ୍‌ମାନଙ୍କୁ ଅଳକା ନିଜେ ଗାଇଡ୍‌ କରିଛନ୍ତି। ଏହାସହ ମାଛ ହଳଦୀପାଣି, ଗୋଟା ବାଇଗଣ ତରକାରି ଭଳି କିଛି ହଜିଯାଇଥିବା ପାରମ୍ପରିକ ଓଡ଼ିଆ ଖାଦ୍ୟକୁ ଅଳକା ନିଜସ୍ବ ଉଦ୍ୟମରେ ‘ବମ୍ବେ କ୍ୟାଣ୍ଟିନ୍‌’ରେ ପହଞ୍ଚାଇଛନ୍ତି। କେବଳ ଏତିକି ନୁହେଁ, ଏଠାରେ ଚାଲିଥିବା ‘କକ୍‌ଟେଲ୍‌ ଫେଷ୍ଟିଭାଲ୍‌’ରେ ସାମିଲ ଥିବା କେତେକ କକ୍‌ଟେଲ୍‌ରେ ମଧ୍ୟ ଓଡ଼ିଶା ଏବଂ ଓଡ଼ିଆ ଖାଦ୍ୟର ଝଲକ ଦେଖିବାକୁ ମିଳିଛି। ଆମ୍ବୁଲ ଫ୍ଲେଭର୍‌ ବିୟର୍‌ ବା କକ୍‌ଟେଲ ବିଶେଷ ଲୋକପ୍ରିୟତା ହାସଲ କରିଥିବା କିଛି ଫ୍ୟୁଜନ୍‌ ଓଡ଼ିଆ ଖାଦ୍ୟ ଅଣଓଡ଼ିଆଙ୍କ ମଧ୍ୟରେ ବହୁଳଭାବେ ଆଦୃତ ହୋଇଛି। ତେବେ ଓଡ଼ିଆ ଏବଂ ବଙ୍ଗାଳୀ ଖାଦ୍ୟ ପରସ୍ପରଠାରୁ କିଭଳି ପୃଥକ୍‌ ତାହା ଏଠାରେ ଲୋକେ ଜାଣିପାରୁଛନ୍ତି ବୋଲି ଅଳକା ନିଜ ସୋସିଆଲ ମିଡିଆରେ ଉଲ୍ଲେଖ କରିଛନ୍ତି।

(ସସ୍ମିତା ପାଇକରାୟ)


All Right Reserved By Dharitri.Com

ଦିବ୍ୟାଙ୍ଗ ହୋଇ ବି ଜଳସେବା ଯୋଗାଉଛନ୍ତି ପ୍ରଣତୀ

ଭୁବନେଶ୍ୱର, ୬ା୬(ବ୍ୟୁରୋ)- ସେବା କରିବାର ଦୃଢ଼ ମନୋବଳ ଆଗରେ ହାର ମାନିଛି ଶାରୀରିକ ଅକ୍ଷମତା। ଜଣେ ଦିବ୍ୟାଙ୍ଗ ହୋଇ ମଧ୍ୟ ତୁଷାର୍ଥ ଲୋକଙ୍କୁ ଜଳସେବା ଯୋଗାଉଛନ୍ତି।...

ବଦଳିବ ଅନୁଗୋଳ ଷ୍ଟାଡିୟମ ରୂପ:ଭିତ୍ତିଭୂମି ପରଖିଲେ ଆର୍କିଟେକଚର୍‌

ଅନୁଗୋଳ ଅଫିସ, ୧୩।୮ ବଦଳିବ ଅନୁଗୋଳ ଷ୍ଟାଡିୟମ ରୂପରେଖ। ଅତ୍ୟାଧୁନିକ ଜ୍ଞାନକୌଶଳରେ ଏହାର ନବକଳେବର କରାଯିବ। ଏଥିସହ ବିଭିନ୍ନ ଖେଳ ସୁବିଧାରେ ଏଠାରେ ଯେପରି ଆୟୋଜନ...

ବିବାଦରେ ଛନ୍ଦି ହୋଇପଡ଼ିଛି ବିଭିନ୍ନ ପ୍ରକଳ୍ପ

ଭଦ୍ରକ ଅଫିସ, ୧୫।୧୨- ଭଦ୍ରକ ଜିଲାରେ ଫୁଡ୍‌ ଓ ଟେକ୍ସଟାଇଲ ପାର୍କ ଭଳି ସରକାରୀ ଶିଳ୍ପ ପ୍ରକଳ୍ପ ବିବାଦୀୟ ପରିସ୍ଥିତି ଯୋଗୁ କାର୍ଯ୍ୟକାରୀ ହୋଇପାରୁ ନାହିଁ।...

ଉଛୁଳିଲା ଭାର୍ଗବୀ, ତଳିଆ ଅଞ୍ଚଳରେ ପଶିଲା ପାଣି

ପୁରୀ ଅଫିସ,୧୭।୮ – ହୀରାକୁଦ ଗେଟ୍‌ ଖୋଲାଯିବା ପରେ ମହାନଦୀରେ ପ୍ରବାହିତ ହେଉଛି ବନ୍ୟା ପାଣି। ଫଳରେ ଏହାର ଶାଖା ନଦୀଗୁଡ଼ିକ ମଧ୍ୟ ଫୁଲିବାରେ ଲାଗିଛି।...

ଖୁବ୍‌ଶୀଘ୍ର କାର୍ଯ୍ୟକ୍ଷମ ହେବ ତାଳଚେର ଫର୍ଟିଲାଇଜର ପ୍ଲାଣ୍ଟ: ଧର୍ମେନ୍ଦ୍ର

ଭୁବନେଶ୍ୱର,୨୮ା୮(ବ୍ୟୁରୋ):ତାଳଚେର ଫର୍ଟିଲାଇଜର ପ୍ଲାଣ୍ଟକୁ ଖୁବ୍‌ଶୀଘ୍ର କାର୍ଯ୍ୟକ୍ଷମ କରାଯିବ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି। ମଙ୍ଗଳବାର କେନ୍ଦ୍ରମନ୍ତ୍ରୀ ପ୍ରଧାନ ପେଟ୍ରୋଲିୟମ ମନ୍ତ୍ରଣାଳୟ ତଥା ଫର୍ଟିଲାଇଜର୍ସ ବିଭାଗ...

ପୌରାଞ୍ଚଳରେ ପଲିଥିନ ନିଷେଧ: ଅକ୍ଟୋବର ୨ରୁ ସାରା ରାଜ୍ୟରେ ଲାଗୁ ହେବ

ଭୁବନେଶ୍ୱର,୨୨ା୮(ବ୍ୟୁରୋ): ଆସନ୍ତା ଅକ୍ଟୋବର ୨ ଗାନ୍ଧୀ ଜୟନ୍ତୀରୁ ସମସ୍ତ ପୌରାଞ୍ଚଳରେ ପଲିଥିନ ଉପରେ ଲାଗିବ କଟକଣା। ସବୁ ସହରକୁ ପଲିଥିନ ମୁକ୍ତ କରାଯିବ। ଏନେଇ ଜଙ୍ଗଲ...

କେନ୍ଦ୍ର ପଇସା ସୁଧରେ ଆଦର୍ଶ ବିଦ୍ୟାଳୟ: ବିରୋଧୀ ଦଳ ନେତାଙ୍କ ଅଭିଯୋଗ

ଭୁବନେଶ୍ୱର,୨୧।୨(ବ୍ୟୁରୋ): ଗତ ୨୧ ବର୍ଷରେ ମାତ୍ର ୨୬ ହଜାର ବେକାରିଙ୍କୁ ସରକାର ନିଯୁକ୍ତି ଦେଇଛନ୍ତି। ଖାଲି ପଦବୀରେ ମାତ୍ର ୧% ନିଯୁକ୍ତି ଦେଇଛନ୍ତି। ସ୍କୁଲ, ଡାକ୍ତରଖାନା...

ପୁଣି ଚର୍ଚ୍ଚାରେ ଏସପି ସାରା ଶର୍ମା:ଅଧିକାରୀ, ଜନସାଧାରଣଙ୍କୁ ଦେଲେ ବ୍ୟାୟାମ ତାଲିମ

ପାରଳାଖେମୁଣ୍ଡି,୨୦-୧୧ (ସ୍ବ.ପ୍ର.):ପୁଣି ଚର୍ଚ୍ଚାରେ ଗଜପତି ଏସପି ସାରା ଶର୍ମା। ପୂର୍ବରୁ ମହିଳାଙ୍କ ସୁରକ୍ଷା ପାଇଁ ସି-ଟିମ୍‌ ଗଠନ କରିବା ସହ ଏଥିପାଇଁ ଗୀତଗାଇ ଚର୍ଚ୍ଚାକୁ ଆସିଥିଲେ।...

Leave a comment

Your email address will not be published. Required fields are marked *