Posted inUncategorized

ନାସା ଚିଠିକୁ ନେଇ ହଟୁନି ସନ୍ଦେହ: ଆଜି ରିପୋର୍ଟ ଦେବ ସାଇବର ସେଲ୍‌

ଅନୁଗୋଳ ଅଫିସ, ୧।୧୨ – ଅନୁଗୋଳ ହୁଲୁରିସିଂହାର ଲକ୍ଷ୍ମଣ ନାୟକଙ୍କ ପୁଅ ଶୁଭ୍ରାଂଶୁଙ୍କ ମାଭିକ୍‌ ଡ୍ରୋନକୁ ଉଚ୍ଚ ପ୍ରଶଂସା କରି ଆମେରିକା ଯିବାକୁ ଇମେଲ୍‌ରେ ଆସିଥିବା ଚିଠି ପ୍ରକୃତରେ ଆମେରିକାର ମହାକାଶ ଗବେଷଣା ସଂସ୍ଥା (ନାସା) ପଠାଇଛି କିମ୍ବା ଏହା ଫେକ୍‌ ତାହା ଉପରୁ ଏଯାଏ ସନ୍ଦେହ ହଟିପାରି ନାହିଁ। ଗତ ୧୩ ତାରିଖରୁ ଉକ୍ତ ଚିଠିକୁ ନେଇ ସାଇବର ସେଲ୍‌ ତଦନ୍ତ କରୁଥିବାବେଳେ ବହିର୍ବ୍ୟାପାର ମନ୍ତ୍ରଣାଳୟ ମଧ୍ୟ ଯୋଗାଯୋଗରେ ରହିଛି। କିନ୍ତୁ ଚିଠିର ପ୍ରକୃତ ସ୍ଥିତି କ’ଣ ସେ ନେଇ କୌଣସି ନିର୍ଯାସରେ କେହି ପହଞ୍ଚିପାରି ନାହାନ୍ତି। ଫଳରେ କୁନି ବୈଜ୍ଞାନିକଙ୍କ ଆଶା ଧୀରେ ଧୀରେ ମଉଳିଯାଉଥିବାବେଳେ ଏହାକୁ ନେଇ ପରିବାର ଲୋକେ ମଧ୍ୟ ଚିନ୍ତିତ ହୋଇପଡ଼ିଛନ୍ତି। ତେବେ ଅନୁଗୋଳ ଏସ୍‌ପି ଜଗମୋହନ ମୀନା କହିଛନ୍ତି, ସାଇବର ସେଲ୍‌ର ତଦନ୍ତ ଜାରି ରହିଛି। ରବିବାର ଏ ନେଇ ରିପୋର୍ଟ ଆସିବା ପରେ ଚିଠି ସମ୍ପର୍କରେ ଯାହା କିଛି କୁହାଯାଇପାରିବ।
ପ୍ରକାଶ ଯେ, ଅନୁଗୋଳ ଗାନ୍ଧୀମାର୍ଗ ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରର ୯ମ ଶ୍ରେଣୀ ଛାତ୍ର ଶୁଭ୍ରାଂଶୁ ନାୟକ ପ୍ରସ୍ତୁତ କରିଥିବା ରୋବୋଟିକ୍‌ ‘ମାଭିକ୍‌’ ଡ୍ରୋନ୍‌ ସମ୍ପର୍କରେ ନାସା ଓ୍ବେବ୍‌ସାଇଟ୍‌ରେ ପୋଷ୍ଟ କରିଥିଲେ। ଏହାପରେ ଗତ ମେ ୧୦ ତାରିଖରେ ଇ-ମେଲ୍‌ ମାଧ୍ୟମରେ ଏକ ଚିଠି ଗାନ୍ଧୀମାର୍ଗସ୍ଥିତ ଶିଶୁ ବିଦ୍ୟା ମନ୍ଦିରକୁ ଆସିଥିଲା। ସେଥିରେ ଶୁଭ୍ରାଂଶୁଙ୍କ ରୋବୋଟିକ୍‌ ପ୍ରକଳ୍ପ ନାସାକୁ ପସନ୍ଦ ଆସିଛି ଓ ତାହା ବିଶ୍ୱରେ ଦ୍ୱିତୀୟ ସ୍ଥାନ ପାଇଥିବାରୁ ନାସା ସ୍ପେଶ୍‌ ସେଟେଲମେଣ୍ଟ ପ୍ରତିଯୋଗିତାରେ ଭାଗନେବାକୁ ତାଙ୍କୁ ନାସା ଆମେରିକା ଡକାଇଥିବା ଉଲ୍ଲେଖ ରହିଥିଲା। ଏହାକୁ ନେଇ ଶୁଭ୍ରାଂଶୁଙ୍କ ସହ ତାଙ୍କ ପରିବାର ଓ ସ୍କୁଲ କର୍ତ୍ତୃପକ୍ଷ ଖୁସି ହେବା ସହିତ ଆମେରିକା ଯିବାକୁ ପ୍ରସ୍ତୁତି ଆରମ୍ଭ କରିଥିଲେ। କେହି ବି ସେତେବେଳେ ଚିଠିର ପ୍ରକୃତ ସ୍ଥିତିକୁ ନେଇ ସନ୍ଦେହବ୍ୟକ୍ତ କରି ନ ଥିଲେ। ଏପରି କି ନାସା ଯିବାକୁ ପ୍ରସ୍ତୁତ ଶୁଭ୍ରାଂଶୁ ଓ ବିଜ୍ଞାନ ଶିକ୍ଷକ ସୌମେନ୍ଦ୍ର ଡାଙ୍ଗ ପାସ୍‌ପୋର୍ଟ ନିମନ୍ତେ ଆବେଦନ କରିଥିଲେ। ତେବେ ଭିଜା ଆବେଦନ ପୂର୍ବରୁ ବିଦ୍ୟାଳୟ କର୍ତ୍ତୃପକ୍ଷ ଚିଠିକୁ ନେଇ ସନ୍ଦେହବ୍ୟକ୍ତ କରିଥିଲେ। ନଭେମ୍ବର ୧୩ରେ କର୍ତ୍ତୃପକ୍ଷ ଏସ୍‌ପିଙ୍କୁ ଭେଟି ସାଇବର ସେଲ୍‌ର ସହଯୋଗ ଲୋଡ଼ିଥିଲେ। ଉକ୍ତ ଚିଠିକୁ ଫେକ୍‌ ବୋଲି ସାଇବର ସେଲ୍‌ କହିବା ସହ ଆମେରିକାରୁ କୌଣସି ଚିଠି ଭାରତୀୟ ଆଇଡି ଜି-ମେଲ୍‌ରୁ ଆସି ନ ଥାଏ ବୋଲି ଜଣାଇଥିଲେ। ତେବେ ଅଧିକ ତଦନ୍ତ କରିବାକୁ ଚିଠିକୁ ସାଇବର ସେଲ୍‌ର ହେଡ୍‌କ୍ବାର୍ଟର୍ସକୁ ପଠାଇଥିଲେ। ସେହିପରି ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ ମଧ୍ୟ ଏଯାଏ କୌଣସି ସ୍ପଷ୍ଟୋକ୍ତି ଆସି ନ ଥିବାରୁ କୁନି ବୈଜ୍ଞାନିକ ସହ ପରିବାର ଲୋକ ଦ୍ୱନ୍ଦ୍ୱରେ ପଡ଼ିଛନ୍ତି। ଏ ସମ୍ପର୍କରେ ଶୁଭ୍ରାଂଶୁ କହିଛନ୍ତି, ଚିଠି ଫେକ୍‌ ବୋଲି ଏଯାଏ ତାଙ୍କ ନିକଟକୁ ସାଇବର ସେଲ୍‌ କି ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ ଲିଖିତ ଭାବେ କିଛି ଆସିନାହିଁ। ଦିଲ୍ଲୀ ଗଲାପରେ ଏସବୁ ଜଣାପଡ଼ିଥିଲା। ବହିର୍ବ୍ୟାପାର ମନ୍ତ୍ରଣାଳୟ ତଦନ୍ତ କରୁଥିଲେ ବି କୌଣସି ଉତ୍ତର ଆସିନାହିଁ। ଶୁଭ୍ରାଂଶୁଙ୍କ ବାପା ଲକ୍ଷ୍ମଣ କହିଛନ୍ତି, ଯଦି ଚିଠି ଫେକ୍‌ ହୋଇଥିବ ତା’ହେଲେ ନିଶ୍ଚିତ ମନରେ କଷ୍ଟ ହେବ। କିନ୍ତୁ ପୁଅର ପରିଶ୍ରମ କେବେ ବୃଥା ଯିବନାହିଁ। ବିଜ୍ଞାନ ଶିକ୍ଷକ ସୌମେନ୍ଦ୍ର ଡାଙ୍ଗ କହିଛନ୍ତି, ବର୍ତ୍ତମାନ କୁନି ବୈଜ୍ଞାନିକଙ୍କୁ ମାନସିକ ଚାପରୁ ମୁକ୍ତ କରାଯିବା ଆବଶ୍ୟକ। ତାଙ୍କୁ ପରିଶ୍ରମର ଫଳ ନିଶ୍ଚିତ ମିଳିବ। ସେହିପରି ପ୍ରଧାନ ଶିକ୍ଷକ ପ୍ରସନ୍ନ କୁମାର ପ୍ରଧାନ କହିଛନ୍ତି, ନଭେମ୍ବର ୧୩ରେ ଚିଠି ଫେକ୍‌ ବୋଲି ଜଣାପଡ଼ିଥିଲା। କିନ୍ତୁ ତଦନ୍ତ ଚାଲୁଥିବାରୁ କିଛି କହିବାକୁ ପୋଲିସ ମନା କରିଥିଲା। ଅନୁଗୋଳ ଜିଲାପାଳ ମନୋଜ କୁମାର ମହାନ୍ତିଙ୍କ ସହ ଯୋଗାଯୋଗ ହୋଇପାରି ନ ଥିବାରୁ ତାଙ୍କ ମତାମତ ମିଳିପାରି ନାହିଁ।


All Right Reserved By Dharitri.Com

Posted inUncategorized View All

କୁତ୍ସିତ ବୃତ୍ତି

ପରିବେଶ ପରିଚିନ୍ତା/ ମାନେକା ଗାନ୍ଧୀ ଏ ପୃଥିବୀରେ ଯେତେ ସର୍ଭେ କରାଯାଇଛି, ସେଥିରୁ ଜଣାପଡ଼ିଛି ଯେ ନାଳନର୍ଦ୍ଦମା ସଫାକରିବା, ବିଶେଷକରି ପ୍ରାଣୀ (ଗାଈ, ଘୁଷୁରି, କୁକୁଡ଼ା...

ଭେରି ସିଭିଅର ସାଇକ୍ଲୋନିକ୍‌ ଷ୍ଟର୍ମରେ ପରିଣତ ହେଲା ‘ବୁଲ୍‌ବୁଲ୍‌’

ଭୁବନେଶ୍ୱର,୮।୧୧(ବ୍ୟୁରୋ): ସାମୁଦ୍ରିକ ଝଡ଼ ବୁଲ୍‌ବୁଲ୍‌ ଏବେ ଭେରି ସିଭିଅର ସାଇକ୍ଲୋନିକ୍‌ ଷ୍ଟର୍ମରେ ପରିଣତ ହୋଇଛି। ଏହାର ପ୍ରଭାବରେ ପୁରୀ, ଜଗତସିଂପୁର, କେନ୍ଦ୍ରାପଡା ଓ ଭଦ୍ରକରେ ପ୍ରବଳ...

ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଭାରତକୁ ଝଟ୍‌କା

ନୂଆଦିଲ୍ଲୀ, ୨୧।୧ (ପି.ଟି.)- ଘରୋଇ ମାଟିରେ ଅଷ୍ଟ୍ରେଲିଆକୁ ୨-୧ରେ ଦିନିକିଆ ସିରିଜ ହରାଇବା ପରେ ଭାରତୀୟ ଦଳ ବର୍ତ୍ତମାନ ନ୍ୟୁଜିଲାଣ୍ଡ ଗସ୍ତ ପାଇଁ ପ୍ରସ୍ତୁତ ହେଉଛି।...

ରହସ୍ୟମୟ କୁଣ୍ଡ: ତାଳି ମାରିଲେ ଉପରକୁ ଉଠିଥାଏ ପାଣି

ନୂଆଦିଲ୍ଲୀ: ବିଶ୍ୱରେ ଏମିତି କିଛି ରହସ୍ୟଜନକ ଘଟଣା ଘଟିଥାଏ, ଯାହା ଉପରୁ ଆଜି ବି ପରଦା ଉଠିପାରିନାହିଁ। ସେମିତି ଏକ ରହସ୍ୟମୟ କୁଣ୍ଡ ରହିଛି ଭାରତରେ।...

୫୦ ଅଣ୍ଡା ଖାଇବାକୁ ଲାଗିଥିଲା ସର୍ତ୍ତ: ୪୨ଖାଇବା ପରେ ମୃତ୍ୟୁ

ଜୋନପୁର,୪।୧୧: ବେଳେବେଳେ ଥଟ୍ଟାରେ ଲାଗିଥିବା ସର୍ତ୍ତ ମୃତ୍ୟୁର କାରଣ ହୋଇଥାଏ। ଅଣ୍ଡା ଓ ମଦରେ ସର୍ତ୍ତ ଲଗାଇ ଜଣେ ବ୍ୟକ୍ତି ମୃତ୍ୟୁମୁଖକୁ ଠେଲି ହୋଇଯାଇଥିବା ଜଣାପଡ଼ିଛି।...

ସରିଲା ‘ଆଗ୍ନେୟ’: ଝୁମାଇଲେ ବିନୋଦ ରାଠୋଡ୍‌

ଢେଙ୍କାନାଳ ଅଫିସ, ୧୩।୧୦ – ସ୍ଥାନୀୟ ମିନି ଷ୍ଟାଡିୟମ୍‌ରେ ଦୁଇଦିନ ଧରି ଚାଲିଥିବା ବଜରଙ୍ଗ କ୍ଲବର ବାର୍ଷିକ ଉତ୍ସବ ‘ଆଗ୍ନେୟ’ ଶନିବାର ସନ୍ଧ୍ୟାରେ ଉଦ୍‌ଯାପିତ ହୋଇଯାଇଛି।...

Leave a comment

Your email address will not be published. Required fields are marked *