ପ୍ରତିବର୍ଷ ଜିଲାରେ ବଢ଼ୁଛି ରୋଗୀ ସଂଖ୍ୟା:ଜିଲାରେ ୪୫୬ ଜଣ ଏଚ୍‌ଆଇଭି ପଜିଟିଭ୍‌

ନୟାଗଡ଼ ଅଫିସ,୧।୧୨-ରବିବାର ପାଳନ କରାଯିବ ବିଶ୍ୱ ଏଡ୍‌ସ ଦିବସ । ଚଳିତ ବର୍ଷର ବାର୍ତ୍ତା ରହିଛି କମ୍ୟୁନିଟିଜ୍‌ ମେକ୍‌ ଦି ଡିଫରେନ୍ସ ଅର୍ଥାତ୍‌ ଗୋଷ୍ଠୀ ହିଁ ପରିବର୍ତ୍ତନର ନିର୍ମାତା । ଲୋକମାନେ ଯେପରି ସଚେତନ ହୋଇ ଏହି ମାରାତ୍ମକ ରୋଗଠାରୁ ଦୂରେଇ ରହିପାରିବେ ସେହି ଲକ୍ଷ୍ୟରେ ପ୍ରତିବର୍ଷ ଏହି ଦିବସ ପାଳନ କରାଯାଉଛି। ହେଲେ ନୟାଗଡ଼ ଜିଲାରେ ପ୍ରତିବର୍ଷ ଏହି ମାରାତ୍ମକ ରୋଗ ତାର କାୟାବିସ୍ତାର କରୁଥିବା ଦେଖିବାକୁ ମିଳୁଛି। ପ୍ରତିବର୍ଷ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗୁଛି। ନୟାଗଡ଼ ଜିଲା ସି’ କ୍ୟାଟେଗୋରିରେ ଥିଲେ ମଧ୍ୟ ଜିଲାରେ ଏହି ରୋଗର ପ୍ରାଦୁର୍ଭାବ ଦେଖିବାକୁ ମିଳିଛି। ଜିଲାରେ ୨୦୦୬ରୁ ବର୍ତ୍ତମାନ ସୁଦ୍ଧା ୪୫୬ ଜଣଙ୍କଠାରେ ଏଚ୍‌ଆଇଭି ପଜିଟିଭି ଚିହ୍ନଟ କରାଯାଇଥିବା ଜିଲା ମୁଖ୍ୟ ଚିକିତ୍ସାଳୟ ପକ୍ଷରୁ ସୂଚନା ମିଳିଛି। ସେମାନଙ୍କ ମଧ୍ୟରୁ ପୁରୁଷ ୨୯୦, ମହିଳା ୧୦୩, ଏଏନ୍‌ସି (ମା ପେଟରେ ଥିବା ସମୟରେ) ୪୩, ନାବାଳକ ୯ ଓ ନାବାଳିକା ୧୧ ଜଣଙ୍କଠାରେ ଏହି ଭୂତାଣୁ ପଜିଟିଭ ଚିହ୍ନଟ କରାଯାଇଛି। ବର୍ଷ ଅନୁଯାୟୀ ଦେଖିଲେ ୨୦୦୬ରେ ୧୩ ଜଣ, ୨୦୦୭ରେ ୨୨, ୨୦୦୮ରେ ୨୯, ୨୦୦୯ରେ ୨୨, ୨୦୧୦ରେ ୩୭, ୨୦୧୧ରେ ୩୯, ୨୦୧୨ରେ ୪୩, ୨୦୧୩ରେ ୩୮, ୨୦୧୪ରେ ୩୪ , ୨୦୧୫ରେ ୪୩, ୨୦୧୬ରେ ୨୭, ୨୦୧୭ରେ ୩୮ , ୨୦୧୮ରେ ୩୫ ଓ ୨୦୧୯ ବର୍ତ୍ତମାନ ସୁଦ୍ଧା ୩୬ ଜଣ ଏହିଭଳି ୪୫୬ ଜଣଙ୍କଠାରେ ଏଚଆଇଭି ଭୂତାଣୁ ଚିହ୍ନଟ କରାଯାଇଛି। ଏମାନଙ୍କ ମଧ୍ୟରୁ ୭୭ ଜଣଙ୍କ ଜୀବନ ଏହି ମାରାତ୍ମକ ରୋଗରେ ଚାଲିଯାଇଛି। ଅନ୍ୟପକ୍ଷେ ମାତ୍ର ୧୬୧ ଜଣ ମଧୁବାବୁ ପେନସନ୍‌ ଯୋଜନାରେ ସାମିଲ ହୋଇଛନ୍ତି, ଲୋକଲଜ୍ଜା ଭୟରେ ଅନ୍ୟମାନେ ଏହି ଭତ୍ତା ପାଇଁ ଆବେଦନ କରୁ ନ ଥିବା ଜଣାପଡ଼ିଛି।
ଯେ, ଜିଲାର ୭ଟି ଚିକିତ୍ସାଳୟରେ ଆଇସିଟିସି, ୩ଟି କେନ୍ଦ୍ରରେ ଏଫଆଇସିଟିସି, ଜିଲା ମୁଖ୍ୟ ଚିକିତ୍ସାଳୟରେ ଏସ୍‌ଟିଡ଼ି କ୍ଲିନିକ୍‌ ଖୋଲାଯାଇଛି। ୨୦୧୫ ମସିହାରେ ଖୋଲାଯାଇଥିବା ଏଆରଟି କେନ୍ଦ୍ରରେ ଜିଲାର ବର୍ତ୍ତମାନ ୨୮୭ ଜଣ ମେଡିସିନ୍‌ ନେଇ ଖାଉଛନ୍ତି। ଅନ୍ୟମାନେ ଲୋକଲଜ୍ଜା ଭୟରେ ଭୁବନେଶ୍ୱର କେନ୍ଦ୍ରରୁ ଆଣି ଖାଉଥିବା ଜଣାପଡ଼ିଛି। କହିବାକୁ ଗଲେ ଛୁଆଁ ଅଛୁଆଁ ଭେଦଭାବ, ବାଛବିଚାର ଓ ଗ୍ରାମରେ ସାମାଜିକ ପ୍ରତିବନ୍ଧକ ସାଜିଛି ମୁଖ୍ୟ ସମସ୍ୟା। ଏହି ଭୟରେ କିଛି ଲୋକ ମଧ୍ୟ ଜିଲାରେ ଚିକିତ୍ସା କରାଉନାହାନ୍ତି। ସେମାନେ ଭୁବନେଶ୍ୱରରେ ଯାଇ ଚିକିତ୍ସିତ ହେଉଥିବା ଦେଖିବାକୁ ମିଳୁଛି। ପ୍ରତିବର୍ଷ ସଚେତନତା କରାଯାଉଥିଲେ ମଧ୍ୟ ଜିଲାରେ ଏହି ରୋଗର ପ୍ରାଦୁର୍ଭାବ ବଢ଼ିବା ଓ ସାମାଜିକ ପ୍ରତିବନ୍ଧକ ହଟାଇ ଦିଆଯାଇ ପାରୁନାହିଁ। ଏଡ୍‌ସ ରୋଗ ବ୍ୟାପିବା ପାଇଁ ୪ଟି କାରଣ ଥିଲେ ମଧ୍ୟ ଆମେ କେବଳ ଅସୁରକ୍ଷିତ ଯୌନସମ୍ପର୍କ ଦ୍ୱାରା ଏହି ରୋଗ ହେଉଥିବା ଭାବି ଆକ୍ରାନ୍ତ ବ୍ୟକ୍ତିଙ୍କୁ ଖରାପ ନଜରରେ ଦେଖିଆସୁଛୁ। ଯାହାଦ୍ୱାରା ରୋଗୀ ମନରେ ହତାଶାଭାବ ଦେଖାଦେଉଛି। ତେଣୁ ରୋଗୀ ନୁହେଁ, ରୋଗକୁ ଘୃଣା କରିବା ଦରକାର ବୋଲି ବୁଦ୍ଧିଜୀବୀ ପ୍ରକାଶ କରିଛନ୍ତି। ଜିଲା ସ୍ବାସ୍ଥ୍ୟ ବିଭାଗ ପକ୍ଷରୁ ଲୋକମାନଙ୍କୁ ଏ ମାରାତ୍ମକ ରୋଗ ବିଷୟରେ ସଚେତନତା କରାଯାଉଥିବା ନେଇ ସୂଚନା ମିଳିଛି।


All Right Reserved By Dharitri.Com

କଳାପାଟ ପୀଠରୁ ବୃଦ୍ଧଙ୍କ ମୃତଦେହ ଉଦ୍ଧାର ଘଟଣା: ହତ୍ୟାକାରୀ ପୁଅ ଜେଲ ଗଲେ

ଗଣିଆ,୬ା୧୧(ଡି.ଏନ.ଏ.): ନୟାଗଡ଼ ଜିଲା ଗଣିଆ ଥାନା ମଣିଭଦ୍ରା ପର୍ବତ ପାଦଦେଶରେ ଥିବା ମା’ କଳାପାଟ ପୀଠ ପରିସରରୁ ସୋମବାର ସକାଳୁ ଜଣେ ବୃଦ୍ଧଙ୍କ ମୃତଦେହକୁ ପୋଲିସ...

କଟକରେ ଗଳାକାଟି ୩ ଜଣଙ୍କୁ ହତ୍ୟା ଘଟଣା: ନାରାୟଣଙ୍କୁ ଫସାଇ ଦେଇଛି ପୋଲିସ

ନୟାଗଡ଼ ଅଫିସ,୧।୮: କଟକ ସହରରେ ଗତ ୨୩ ଓ ୨୪ ତାରିଖରେ ଫୁଟ୍‌ପାଥ୍‌ରେ ଶୋଇଥିବା ୩ ଜଣ ଲୋକଙ୍କ ଗଳାକାଟିି ହତ୍ୟା ଘଟଣା ସାରା ରାଜ୍ୟରେ...

ଆଜିଠୁ ନୟାଗଡ଼ ସହରରେ ପଲିଥିନ ନିଷେଧ:୫ରୁ ୨୫ ହଜାର ପର୍ଯ୍ୟନ୍ତ ଜରିମାନା, ୩ ମାସ ଜେଲଦଣ୍ଡ ଭୋଗିବାକୁ ପଡ଼ିବ

ନୟାଗଡ଼ ଅଫିସ,୨ା୧୦: ନୟାଗଡ଼ ସହରରେ ବୁଧବାରଠାରୁ ପଲିଥିନ ନିଷେଧ କରାଯିବ। କୌଣସି ବ୍ୟବସାୟୀ ପଲିଥିନ ବ୍ୟବହାର କଲେ ତାଙ୍କଠାରୁ ୫ରୁ ୨୫ ହଜାର ପର୍ଯ୍ୟନ୍ତ ଜରିମାନା...

୪ ବର୍ଷ ପରେ ଘରକୁ ଫେରିଲେ ହଜିଲା ପୁଅ

ଓଡ଼ଗାଁ,୧୫ା୧୧(ସ୍ବ.ପ୍ର.): ୪ ବର୍ଷ ପରେ ଘରକୁ ଫେରିଲେ ହଜିଲା ପୁଅ ।  ପୁଅର ପତ୍ତା ନ ପାଇ ଦୁଃଖ ଓ ଯନ୍ତ୍ରଣାରେ ଦିନ କାଟୁଥିଲେ ପରିବାର...

ସହରକୁ ଜଳଯୋଗାଣ ବନ୍ଦ : ଜନସ୍ବାସ୍ଥ୍ୟ ବିଭାଗ ବେଫିକର

ନୟାଗଡ଼ ଅଫିସ,୨୧ା୧୦: ନୟାଗଡ଼ ସହରକୁ ଦୈନିକ ଆବଶ୍ୟକ ଅନୁଯାୟୀ ଜଳ ଯୋଗାଣ ହେଉ ନ ଥିବାବେଳେ ଏବେ ୩ଦିନ ହେଲା ସମ୍ପୂର୍ଣ୍ଣ ବନ୍ଦ ହୋଇଛି। ଫଳରେ...

ଟ୍ରକ୍‌ ଧକ୍କାରେ ରେଳ ଫାଟକ ଭାଙ୍ଗିଲା: ଅଟକିରହିଲା ଗାଡିମୋଟର

ନିରାକାରପୁର,୨୩ା୧୧(ଡି.ଏନ୍‌.ଏ.): ଖୋର୍ଦ୍ଧା ରେଳ ଡିଭିଜନ ଅଧୀନରେ ଥିବା ନିରାକାରପୁର ଲେଭଲ କ୍ରସିଂ ଫାଟକ ଏକ ଟ୍ରକ୍‌ ଧକ୍କାରେ ଭାଙ୍ଗିଯାଇଛି। ଶୁକ୍ରବାର ସନ୍ଧ୍ୟାରେ ରାମେଶ୍ୱରରୁ ନିରାକାରପୁର ଆସୁଥିବା...

ଲାଠିପଡ଼ା ମଡେଲ ଡିଗ୍ରୀ କଲେଜରେ ଅବ୍ୟବସ୍ଥା: ପ୍ରତିବାଦରେ ଛାତ୍ରମାନଙ୍କ ଧାରଣା

ନୟାଗଡ଼ ଅଫିସ,୨୧ା୯: ନୟାଗଡ଼ ଜିଲା ସଦର ବ୍ଲକ ଲାଠିପଡ଼ାସ୍ଥିତ ଜିଲାର ଏକମାତ୍ର ସରକାରୀ ମଡେଲ ଡିଗ୍ରୀ କଲେଜରେ ଲାଗି ରହିଛି ଅବ୍ୟବସ୍ଥା। ବିଭିନ୍ନ ସମୟରେ ଏ...

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ମାନିବାରେ ପ୍ରଥମ: ଓଡ଼ଗାଁ ଆହାର କେନ୍ଦ୍ରରେ ମଧ୍ୟାହ୍ନ ଭୋଜନ କଲେ କୃଷି ମନ୍ତ୍ରୀ

ଓଡଗାଁ, ୨୪।୧୦(ସ୍ବ.ପ୍ର.)-ସ୍ଥାନୀୟ ବିଧାୟକ ତଥା ମନ୍ତ୍ରୀ ଅରୁଣ କୁମାର ସାହୁ ଭୁବନେଶ୍ୱରରୁ ନୟାଗଡ଼ ଟ୍ରେନରେ ଆସିବାକୁ ନେଇ ଚର୍ଚ୍ଚାରେ ରହିଛନ୍ତି । ଏହି ଘଟଣାର ଦିନଟିଏ...

Leave a comment

Your email address will not be published. Required fields are marked *