Posted inଜାତୀୟ

ବଜାୟ ରହୁ ଗଣତାନ୍ତ୍ରିକ ମୂଲ୍ୟବୋଧ

ନୂଆଦିଲ୍ଲୀ,୨୭ା୧୧(ପି.ଟି.): ମହାରାଷ୍ଟ୍ରରେ ସରକାର ଗଠନ ପାଇଁ ଭାଜପା ନେତୃତ୍ୱାଧୀନ ମେଣ୍ଟ ଓ ଶିବସେନା-ଏନ୍‌ସିପି-କଂଗ୍ରେସ ମେଣ୍ଟ ମଧ୍ୟରେ ଚାଲିଥିବା ଆଇନଗତ ଲଢ଼େଇ ଏକ ବିଚିତ୍ର ସ୍ଥିତି ସୃଷ୍ଟି କରିଛି। ଏଥିଯୋଗୁ ରାଜ୍ୟରେ ଗଣତାନ୍ତ୍ରିକ ମୂଲ୍ୟବୋଧ ଓ ସୁଶାସନ ପାଇଁ ନାଗରିକମାନଙ୍କ ଅଧିକାର ବଜାୟ ରଖିବା ଜରୁରୀ ହୋଇପଡ଼ିଛି। ମହାବିକାଶ ଅଘାଡ଼ି ମେଣ୍ଟ ପକ୍ଷରୁ ଦାଏର ଆବେଦନର ରାୟ ଶୁଣାଇ ମଙ୍ଗଳବାର ଏହା କହିଛନ୍ତି ସୁପ୍ରିମକୋର୍ଟ।
ସରକାର ଗଠନକୁ ନେଇ ସୃଷ୍ଟି ହୋଇଥିବା ସାମ୍ପ୍ରତିକ ସ୍ଥିତିରେ ସୁପ୍ରିମକୋର୍ଟ ନିଜ ପରିସୀମା ସମ୍ପର୍କରେ ଅବତାରଣା କରିଛନ୍ତି। ଜଷ୍ଟିସ୍‌ ଏନ୍‌.ଭି. ରମାନ୍ନା, ଅଶୋକ ଭୂଷଣ ଓ ସଞ୍ଜୀବ ଖାନ୍ନାଙ୍କୁ ନେଇ ଗଠିତ ଖଣ୍ଡପୀଠ ନିଜ ୧୯ ପୃଷ୍ଠା ସମ୍ବଳିତ ରାୟର ପ୍ରଥମ ପାରାରେ କହିଛନ୍ତି, ଅଦାଲତଗୁଡ଼ିକର ବିଚାର ପରିସର ଓ ସଂସଦୀୟ ସ୍ବାଧୀନତା ମଧ୍ୟରେ ଦୀର୍ଘ ସମୟ ଧରି ପ୍ରତିଦ୍ୱନ୍ଦ୍ୱିତା ଲାଗିରହିଛି। ଏଥିରେ ଦ୍ୱିମତ ହେବାର ନାହିଁ। ତେବେ ଗଣତାନ୍ତ୍ରିକ ପ୍ରକ୍ରିୟାରେ ନ୍ୟାୟିକ ହସ୍ତକ୍ଷେପ ଶେଷ ବିକଳ୍ପ ହୋଇଥିବାରୁ ସଂସ୍ଥାଗତ ଶିଷ୍ଟାଚାରର ପୁନର୍ଗଠନ ଓ କ୍ଷମତା ବିଭାଜନର ଆବଶ୍ୟକତା ରହିଛି।

ମଙ୍ଗଳବାର ଘଟଣାକ୍ରମ

ପୂର୍ବାହ୍ନ ୯ଟା ୧୪ : ଶିବସେନା ମୁଖପତ୍ର ‘ସାମ୍‌ନା’ ସମ୍ପାଦକୀୟରେ ରାଜ୍ୟପାଳ ଭଗତ ସିଂ କୋଶିୟାରୀଙ୍କୁ ସମାଲୋଚନା।
ପୂର୍ବାହ୍ନ ୧୦ଟା ୩୯ : ବୁଧବାର ଅପରାହ୍ନ ୫ଟା ସୁଦ୍ଧା ସଂଖ୍ୟାଗରିଷ୍ଠତାର ପ୍ରମାଣ ଦେବା ଲାଗି ମୁଖ୍ୟମନ୍ତ୍ରୀ ଫଡ୍‌ନବିସ୍‌ଙ୍କୁ ସୁପ୍ରିମକୋର୍ଟ ନିର୍ଦ୍ଦେଶ।
ପୂର୍ବାହ୍ନ ୧୧ଟା ୨୨ : ଶିବସେନା ଏମ୍‌ପି ସଞ୍ଜୟ ରାଉତ୍‌ କହିଲେ ସତ୍ୟ କେବେହେଲେ ପରାଜୟ ହେବ ନାହିଁ।
ପୂର୍ବାହ୍ନ ୧୧ଟା ୩୨ : ମହାରାଷ୍ଟ୍ରରେ ଭାଜପାର ରାଜନୀତିକୁ ବିରୋଧ କରି ସମ୍ବିଧାନ ଦିବସରେ ପାର୍ଲାମେଣ୍ଟର ମିଳିତ ଅଧିବେଶନକୁ କଂଗ୍ରେସ ଓ ଶିବସେନା ଏମ୍‌ପିଙ୍କ ସହ ବିରୋଧୀଙ୍କ କକ୍ଷତ୍ୟାଗ।
ପୂର୍ବାହ୍ନ ୧୧ଟା ୩୯ : ସୁପ୍ରିମକୋର୍ଟ ଗଣତାନ୍ତ୍ରିକ ମୂଲ୍ୟବୋଧକୁ ଅତୁଟ ରଖିଥିବାରୁ ଏନ୍‌ସିପି ମୁଖ୍ୟ ଶରଦ ପାଓ୍ବାର ଖୁସି ବ୍ୟକ୍ତ କଲେ।
ଅପରାହ୍ନ ୧୨ଟା ୭ : ଶିବସେନା ନେତା ଉଦ୍ଧବ ଠାକ୍‌ରେଙ୍କ ନିକଟରେ ୧୬୨ ବିଧାୟକଙ୍କ ସମର୍ଥନ ଥିବାରୁ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍‌ନବିସ୍‌ ଇସ୍ତଫା ଦେଇଦେବା ଉଚିତ ବୋଲି ମତ ଦେଲେ ଶିବସେନା ନେତା ଏକ୍‌ନାଥ ସିନ୍ଦେ।
ଅପରାହ୍ନ ୧୨ଟା ୩୪ : ସାମ୍ପ୍ରତିକ ମହାରାଷ୍ଟ୍ରର ରାଜନୈତିକ ସ୍ଥିତିରେ କେନ୍ଦ୍ରର ହସ୍ତକ୍ଷେପକୁ ଦେଖିଲେ ସାମ୍ବିଧାନିକ ନୀତିଆଦର୍ଶ ସୁରକ୍ଷିତ ଥିବା ଭଳି ଲାଗୁନି ବୋଲି ପ୍ରକାଶ କଲେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ।
ଅପରାହ୍ନ ୧ଟା ୧୮ : ମଙ୍ଗଳବାର ସନ୍ଧ୍ୟାରେ ଫଡ୍‌ନବିସ ଡ଼ାକିଥିବା ବୈଠକରେ ଯୋଗଦେବାକୁ ସମସ୍ତ ନବନିର୍ବାଚିତ ଭାଜପା ବିଧାୟକଙ୍କୁ ମୁମ୍ବାଇରେ ପହଞ୍ଚିବାକୁ କୁହାଗଲା।
ଅପରାହ୍ନ ୨ଟା ୧୭ : ଆସ୍ଥାଭୋଟ ପୂର୍ବରୁ ଜଣେ ବରିଷ୍ଠ ବିଧାୟକଙ୍କୁ କାମଚଳା ବାଚସ୍ପତି ଭାବେ ନିଯୁକ୍ତି ଦେବା ଲାଗି କଂଗ୍ରେସ ମତ ଦେଲା।
ଅପରାହ୍ନ ୨ଟା ୨୯ : ପାର୍ଲାମେଣ୍ଟରେ ଅନୁଷ୍ଠିତ ସମ୍ବିଧାନ ଦିବସକୁ ବର୍ଜନ କରିଥିବା କଂଗ୍ରେସକୁ ଭାଜପା ନେତା ରବିଶଙ୍କର ପ୍ରସାଦଙ୍କ ସମାଲୋଚନା।
ଅପରାହ୍ନ ୩ଟା ୧ : ମହାରାଷ୍ଟ୍ରରେ ଶକ୍ତିପରୀକ୍ଷା ଲାଗି ସୁପ୍ରିମକୋର୍ଟ ନିର୍ଦ୍ଦେଶ ଦେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ରମନ୍ତ୍ରୀ ତଥା ଭାଜପା ଅଧ୍ୟକ୍ଷ ଅମିତ ଶାହ ଓ ଦଳର କାର୍ଯ୍ୟକାରୀ ଅଧ୍ୟକ୍ଷ ଜେ.ପି.ନଡ୍ଡାଙ୍କ ମଧ୍ୟରେ ବୈଠକ।
ଅପରାହ୍ନ ୩ଟା ୧୬ : କଂଗ୍ରେସ, ଏନ୍‌ସିପି ସହଯୋଗରେ ଶିବସେନା ନେତା ଉଦ୍ଧବ ଠାକ୍‌ରେ ସମ୍ପୂର୍ଣ୍ଣ ୫ ବର୍ଷ ଲାଗି ମୁଖ୍ୟମନ୍ତ୍ରୀ ରହିବେ ବୋଲି ଦଳୀୟ ନେତା ସଞ୍ଜୟ ରାଉତ ମତ ଦେଲେ।
ଅପରାହ୍ନ ୩ଟା ୧୮ : ଅଜିତ ପାଓ୍ବାର ଏବେ ଶିବସେନା-କଂଗ୍ରେସ-ଏନ୍‌ସିପି ମେଣ୍ଟରେ ବୋଲି ଶିବସେନା ନେତା ସଞ୍ଜୟ ରାଉତ ଦାବି କଲେ।
ଅପରାହ୍ନ ୩ଟା ୨୦ : ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ପଦରୁ ଅଜିତ ପାଓ୍ବାରଙ୍କ ଇସ୍ତଫା ଦେଇଥିବା କହିଲେ ଶିବସେନା ନେତା ସଞ୍ଜୟ ରାଉତ।
ଅପରାହ୍ନ ୩ଟା ୩୬ : ମହାରାଷ୍ଟ୍ର ଜନମତ ଶିବସେନା ଅପେକ୍ଷା ଭାଜପା ପାଖରେ ଅଧିକ ବୋଲି ଖବରଦାତା ସମ୍ମିଳନୀରେ ମତ ଦେଲେ ଦେବେନ୍ଦ୍ର ଫଡ୍‌ନବିସ୍‌।
ଅପରାହ୍ନ ୩ଟା ୪୪ : ରାଜଭବନକୁ ଯାଇ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା କଥା ଖବରଦାତା ସମ୍ମିଳନୀରେ କହିଲେ ଫଡ୍‌ନବିସ୍‌।
ଅପରାହ୍ନ ୫ଟା ୬ : ଭାଜପା ନେତା କାଳିଦାସ କୋଲମ୍ବକରଙ୍କୁ ମହାରାଷ୍ଟ୍ର ବିଧାନସଭାର କାମଚଳା ବାଚସ୍ପତି ଭାବେ ନିଯୁକ୍ତି ଦିଆଗଲା।
ରାତି ୮ଟା ୧୨ : ରାଜ୍ୟପାଳଙ୍କୁ ତରବରିଆ ନିଷ୍ପତ୍ତିକୁ ପୂର୍ବତନ ପ୍ରଧାନମନ୍ତ୍ରୀ ଏଚ୍‌.ଡି.ଦେବେଗୌଫଡ଼ାଙ୍କ ସମାଲୋଚନା। ହଠାତ୍‌ ରାଷ୍ଟ୍ରପତି ଶାସନ ହଟାଇ ଫଡ୍‌ନବିସ୍‌ଙ୍କୁ ମୁଖ୍ୟମନ୍ତ୍ରୀ କରାଇବା ଭୁଲ ନିଷ୍ପତ୍ତି ଥିଲା ବୋଲି ସେ କହିଛନ୍ତି।
ରାତି ୯ଟା ୧୨ : ରାଜ୍ୟପାଳଙ୍କ ନିଷ୍ପତ୍ତିକୁ ବାମ ଦଳର ସମାଲୋଚନା।
ରାତି ୯ଟା ୧୩ : ଶିବସେନା-ଏନ୍‌ସିପି-କଂଗ୍ରେସ ମେଣ୍ଟ ଉଦ୍ଧବ ଠାକ୍‌ରେଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କଲେ।
ରାତି ୯ଟା ୩୯ : ଏନ୍‌ସିପି ନେତା ଅଜିତ ପାଓ୍ବାର ଦଳୀୟ ମୁଖ୍ୟ ଶରଦ ପାଓ୍ବାରଙ୍କୁ ଭେଟିଲେ।
ରାତି ୯ଟା ୪୦ : ଉଦ୍ଧବ ଠାକ୍‌ରେ ରାଜଭବନରେ ପହଞ୍ଚି ମହାରାଷ୍ଟ୍ରରେ ନୂଆ ସରକାର ଗଠନ ଲାଗି ଦାବି କଲେ।
ରାତି ୯ଟା ୪୬ : ମୁମ୍ବାଇରେ ବରିଷ୍ଠ ଭାଜପା ନେତା ଓ ନବନିର୍ବାଚିତ ସଦସ୍ୟଙ୍କ ମଧ୍ୟରେ ବୈଠକ ଆରମ୍ଭ।


All Right Reserved By Dharitri.Com

ୟେଦୁରପ୍ପା ସରକାରଙ୍କୁ ସମର୍ଥନ ଦେବ କି ଜେଡିଏସ୍‌

ବେଙ୍ଗାଲୁରୁ,୨୭।୭: କର୍ନାଟକ ରାଜନୀତିରେ ବହୁ ସମୟ ଧରି ଲାଗି ରହିଥିବା ନାଟକ ପରେ ଶେଷରେ ଭାଜପା ନେତା ବିଏସ୍‌ ୟେଦୁରପ୍ପା ଶୁକ୍ରବାର ମୁଖ୍ୟମନ୍ତ୍ରୀ ଭାବେ ଶପଥ...

ମେଣ୍ଟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ୍‌

ନୂଆଦିଲ୍ଲୀ,୨୩ା୧୧: ମହାରାଷ୍ଟ୍ରରେ ଶିବସେନା-ଏନ୍‌ସିପି-କଂଗ୍ରେସ ମେଣ୍ଟ ଗଠନ ହେବା ପୂର୍ବରୁ ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ୍‌ କରାଯାଇଛି। ଭାଜପା କର୍ମୀ ସୁରେନ୍ଦ୍ର ବାହାଦୁର ସିଂଙ୍କ ପକ୍ଷରୁ ଦାଏର ପିଟିଶନରେ...

ଦେଶର ସୁରକ୍ଷା ହିଁ ଗୁରୁତ୍ୱପୂର୍ଣ୍ଣ: ନରାଓ୍ବଣେ

ନୂଆଦିଲ୍ଲୀ,୧।୧: ନୂଆବର୍ଷ ଅବସରରେ ନୂଆ ସେନାମୁଖ୍ୟ ଲ୍ୟୁଟ୍‌ନାଣ୍ଟ୍‌ ଜେନେରାଲ ମନୋଜ ମୁକୁନ୍ଦ ନରାଓ୍ବଣେ ନ୍ୟାସନାଲ ଓ୍ବାର ମେମୋରିଆଲ୍‌ରେ ଶହୀଦ୍‌ଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହିତ ଦେଶବାସୀଙ୍କୁ...

ରାଜ ଠାକ୍‌ରେଙ୍କୁ ଇଡିର ସମନ୍‌ ଜାରି

ମୁମ୍ବାଇ,୧୯।୮: ମହାରାଷ୍ଟ୍ର ନବନିର୍ମାଣ ସେନା ମୁଖ୍ୟ ରାଜ୍‌ ଠାକ୍‌ରେଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ସମନ୍‌ ଜାରି କରାଯାଇଛି। ନିର୍ମାଣ କ୍ଷେତ୍ରରେ ଲିଜିଂ ଏବଂ ଆର୍ଥିକ ସେବା...

ଆସାମ ବନ୍ୟା ସ୍ଥିତି ସଙ୍ଗିନ: ୭ ମୃତ, ୧୫ ଲକ୍ଷ ପ୍ରଭାବିତ

ଗୁଆହାଟୀ,୧୪ା୭: ଆସାମରେ ବନ୍ୟାରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ୧୫ ଲକ୍ଷ ଲୋକ ପ୍ରଭାବିତ ହୋଇଛନ୍ତି। ରାଜ୍ୟର ୩୩ ଜିଲା ମଧ୍ୟରୁ ୨୫ଟି କ୍ଷତିଗ୍ରସ୍ତ ହୋଇଛି।...

ରାଜ୍ୟ ସଭାରେ ତିନି ତଲାକ୍‌ ବିଲ୍‌ ପାସ୍‌ ହେବାର ଗୋଟିଏ ଦିନ ପରେ ସ୍ତ୍ରୀଙ୍କୁ ସ୍ବାମୀ ଦେଲେ ତଲାକ୍‌

ଅହମ୍ମଦାବାଦ୍‌,୩୧।୭: ରାଜ୍ୟ ସଭାରେ ତିନି ତଲାକ୍‌ ବିଲ୍‌ ମଙ୍ଗଳବାର ପାସ୍‌ ହୋଇଛି। ତେବେ ବୁଧବାର ଗୁଜରାଟ ଅହମ୍ମଦାବାଦ୍‌ରେ ସ୍ତ୍ରୀଙ୍କୁ ସ୍ବାମୀ ତିନି ତଲାକ୍‌ ଦେଇଛନ୍ତି। ଏହାପରେ...

ଶହୀଦ ଦିବସରେ ଭଗତ ସିଂ, ସୁକଦେବ, ରାଜଗୁରୁଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ମୋଦି

ନୂଆଦିଲ୍ଲୀ,୨୩।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଶହୀଦ ଦିବସ ଅବସରରେ ଭଗତ ସିଂ, ସୁକଦେବ ଓ ରାଜଗୁରୁଙ୍କ ଶ୍ରଦ୍ଧାଞ୍ଜଳି ଜଣାଇଛନ୍ତି। ମୋଦି କହିଛନ୍ତି ଦେଶପ୍ରତି ଥିବା...

ଗାଈ ଗୋବରରୁ ସାବୁନ ତିଆରି: ଦାମ୍‌ ୧୨୫ ଟଙ୍କା

ନୂଆଦିଲ୍ଲୀ,୨।୧୦: ଭାରତ ସରକାରଙ୍କ ଖଦୀ ଓ ଗ୍ରାମୋଦ୍ୟୋଗ ବିଭାଗ ପକ୍ଷରୁ ଗାଈ ଗୋବରରୁ ସାବୁନ ତିଆରି କରାଯାଇଛି। ଆୟୋଜିତ ଏକ ଉତ୍ସବରେ ସଡ଼କ ପରିବହନ ମନ୍ତ୍ରୀ...

Leave a comment

Your email address will not be published. Required fields are marked *