ଏପରି ଲକ୍ଷଣ ଜଣାଇଦିଏ ହାର୍ଟ ଆଟାକ୍‌ର ପୂର୍ବ ସୂଚନା…

ହାର୍ଟ ଆଟାକ୍‌ କ୍ଷେତ୍ରରେ କେତେକ ସାଧାରଣ ଲକ୍ଷଣ ଦେଖାଯାଇଥାଏ। ସେ ସମ୍ପର୍କରେ ଜାଣନ୍ତୁ…

-ଛାତିରେ ଯନ୍ତ୍ରଣା: ହାର୍ଟ ପମ୍ପିଂରେ ବାଧା ଯୋଗୁ ଏହା ହୋଇଥାଏ।

-ବାରମ୍ବାର ନିଶ୍ୱାସ ପ୍ରଶ୍ୱାସ ନେବା ବା ଧଇଁ ସଇଁ ହେବା: ହାର୍ଟକୁ ପର୍ଯ୍ୟାପ୍ତ ପରିମାଣର ରକ୍ତ ପହଞ୍ଚି ନ ପାରିବାରୁ ଏପରି ହୋଇଥାଏ।

-ଗଳାରେ ନିୟମିତ କଫ ରହିବା: ଏହା ରକ୍ତ ସଞ୍ଚାଳନରେ ଅନିୟମିତତାକୁ ସୂଚାଇ ଥାଏ।

-ସାଧାରଣତଃ ଶୋଇବା ସମୟରେ ପାଦ, ଗଣ୍ଠି ଏବଂ ଗୋଡ ଫୁଲିବା: ରକ୍ତ ସଞ୍ଚାଳନରେ ଅନିୟମିତତା ଯୋଗୁ ଶରୀରର ତଳ ଅଙ୍ଗକୁ ଆବଶ୍ୟକ ଅନୁସାରେ ରକ୍ତ ପହଞ୍ଚିବାରେ ନାହିଁ।

-ତଳିପେଟ ଫୁଲିବା ସହ ଯନ୍ତ୍ରଣା ହେବା: ଏହା ମଧ୍ୟ ରକ୍ତ ସଞ୍ଚାଳନ ଯୋଗୁ ହୋଇଥାଏ।

-ଅଳ୍ପ କାମ କରି ଥକି ଯିବା ଏବଂ ଦେହହାତ ଥରିବା: ହାର୍ଟ ପମ୍ପିଂରେ ଅନିୟମିତତା ଯୋଗୁ ରକ୍ତ ସଞ୍ଚାଳନ ଆବଶ୍ୟକତା ଅନୁସାରେ ନ ହେବାରୁ ଏହା ହୋଇଥାଏ।

-ପିଠିର ଉପର ଭାଗରେ ଯନ୍ତ୍ରଣା: ଏହା ଆଞ୍ଜିନା ପେନ୍‌ ଯୋଗୁ ହୋଇଥାଏ।

-ବେକରେ ରହି ରହି ଅଳ୍ପ ଯନ୍ତ୍ରଣା ହେବା: ଏହା ଆଞ୍ଜିନା ପେନ୍‌କୁ ସୂଚିତ କରିଥାଏ।

-ହାତ ଗୋଡ଼ରେ ଅଳ୍ପ ଅଳ୍ପ ଯନ୍ତ୍ରଣା ରହି ରହି ହେବା: ଏହା ରକ୍ତସଞ୍ଚାଳନରେ ଅନିୟମିତତାକୁ ସୂଚାଏ।

ଏସବୁ ସମସ୍ୟା ଦେଖାଦେଲେ ଶୀଘ୍ର ଡାକ୍ତରଙ୍କ ସହିତ ପରାମର୍ଶ କରିବା ସହିତ କେତେକ ବିଷୟ ପ୍ରତି ଧ୍ୟାନ ଦେବାକୁ ପଡ଼ିଥାଏ। ସେଗୁଡିକ ହେଉଛି:
ପ୍ରତିଦିନ ଖାଦ୍ୟ କିମ୍ବା ପାନୀୟ ଗ୍ରହଣ ପୂର୍ବରୁ ନିଜର ଓଜନ ଯାଞ୍ଚ: ଅତିରିକ୍ତ ଓଜନ ବୃଦ୍ଧି ହାର୍ଟର ସାଧାରଣ କାମରେ ବାଧା ଉପତ୍ନ୍ନ କରିଥାଏ। ଏପରିସ୍ଥଳେ ୦.୫-୧ କିଗ୍ରା ପର୍ଯ୍ୟନ୍ତ ଓଜନ ବୃଦ୍ଧି ମଧ୍ୟ ସମସ୍ୟା ସୃଷ୍ଟି କରେ। ଏପରିସ୍ଥଳେ ଖାଦ୍ୟ ଗ୍ରହଣରେ ଅଙ୍କୁଶ ଲଗାଇବାକୁ ପଡିଥାଏ।

ଚଳଚଞ୍ଚଳ ରହିବା ସହିତ ଆବଶ୍ୟକ ସମୟରେ ବିଶ୍ରାମ : ଚଳଚଞ୍ଚଳ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ମାତ୍ର କେତେକ ସମୟରେ ଏହା ସମ୍ଭବପର ହୋଇ ନ ଥାଏ । ସେତେବେଳେ ବିଶ୍ରାମ ନେବାର ଆବଶ୍ୟକତା ରହିଛି। କିଛି ହାଲକା ଶାରିରୀକ ଶ୍ରମ କରିବା ସହିତ ଡାକ୍ତରଙ୍କ ସହିତ ପରାମର୍ଶ ପରେ ଚାଲିବା, ସାଇକେଲିଂ, ପହଁରା ଏବଂ ଯୋଗ ଭଳି କିଛି ହାଲକା ବ୍ୟାୟାମ କରିବା ଆବଶ୍ୟକ।
ସ୍ବାସ୍ଥ୍ୟପ୍ରଦ ଖାଦ୍ୟ ଗ୍ରହଣ : ଉପଯୁକ୍ତ ସମନ୍ବିତ ଖାଦ୍ୟ ଗ୍ରହଣ କରିବା ଆବଶ୍ୟକ। ଖାଦ୍ୟରେ ଅଧାରୁ ଅଧିକ ଫଳ ଏବଂ ସବୁଜ ପନିପରିବା ରହିଲେ ଭଲ। ଏହାଛଡା ଅଳ୍ପ ଚର୍ବି ଥିବା କିମ୍ବା ଚର୍ବି ମୁକ୍ତ କ୍ଷୀର ଖାଦ୍ୟରେ ଗ୍ରହଣ କରିବା ଆବଶ୍ୟକ। ପ୍ରୋଟିନ୍‌ ମଧ୍ୟରେ ସମୁଦ୍ରଜାତ ଖାଦ୍ୟ, ବିନ୍‌, ପ୍ରକିୟାକରଣ ହୋଇଥିବା ସୋୟା ଗ୍ରହଣ କରିବା ଭଲ। କଠିନ ଚର୍ବି, ରିଫାଇନଡ୍‌ ଖାଦ୍ୟଶସ୍ୟ ଏବଂ ଚିନିର ପରିମାଣ ଖାଦ୍ୟରେ କମ୍‌ କରିବା ପ୍ରୟୋଜନ।

ଅତ୍ୟଧିକ ଲୁଣ ଠାରୁ ଦୂରେଇ ରହିବା: ଶରୀରରେ ସୋଡିୟମ୍‌ର ମାତ୍ରା ବୃଦ୍ଧି ପାଇଲେ ଶରୀରର ଜଳ ଧାରଣ କ୍ଷମତା ବଢ଼ିଥାଏ। ଖାଦ୍ୟରେ ଅତ୍ୟଧିକ ଲୁଣ ରକ୍ତଚାପ ବୃଦ୍ଧି କରିବା ସହିତ ଡାଇୟୁରେଟିକ୍‌ର କାର୍ଯ୍ୟକୁ ପ୍ରଭାବିତ କରିଥାଏ ଫଳରେ ଶରୀରରେ ତରଳ ପଦାର୍ଥର ପୁନଃଧାରଣ କ୍ଷମତା ବୃଦ୍ଧି ପାଇ ଗୋଡ ଫୁଲିବା ସମସ୍ୟା ଦେଖାଯାଇଥାଏ। ଖାଦ୍ୟ ରାନ୍ଧିବା ସମୟରେ ଲୁଣ କିମ୍ବା ଲୋ-ସଲ୍ଟ ନ ପକାଇ ଖାଦ୍ୟ ଗ୍ରହଣ ପୂର୍ବରୁ ଖାଦ୍ୟରେ ଲୁଣ ପକାଇ ଗ୍ରହଣ କଲେ ଭଲ।

ଆବଶ୍ୟକ ଔଷଧ ଗ୍ରହଣ: ଯଦି ଆପଣଙ୍କ ଠାରେ କିଛି ପାର୍ଶ୍ୱପ୍ରତିକ୍ରିୟା ସୃଷ୍ଟି ହେଉଛି ତେବେ କାର୍ଡିଓଲୋଜିଷ୍ଟଙ୍କ ସହିତ ପରାମର୍ଶ କରିବା ଜରୁରୀ।

ଶାରିରୀକ ଲକ୍ଷଣ ପ୍ରତି ସତର୍କ ଦୃଷ୍ଟି: ଏଭଳି ସ୍ଥଳେ ନିରନ୍ତର ଶାରିରୀକ ଲକ୍ଷଣ ପ୍ରତି ସତର୍କ ରହିବା ଆବଶ୍ୟକ। ଶାରିରୀକ ଅବସ୍ଥା ସହଜଜନକ ନୁହେଁ, ମାତ୍ର ଏହା ସହିତ ସମନ୍ବୟ ରକ୍ଷାକରି ଚଳିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପରିବର୍ତ୍ତନ ଓ ଉପଯୁକ୍ତ ଔଷଧ ଗ୍ରହଣ ଦ୍ୱାରା ଡାଇବେଟିସ୍‌ ମିଲିଟସ୍‌ ଏବଂ ଉଚ୍ଚ ରକ୍ତଚାପରେ ନିୟନ୍ତ୍ରଣ ଆଣିବା ଆବଶ୍ୟକ।
ସମ୍ପୂର୍ଣ୍ଣ ବନ୍ଦ କରିବା ଆବଶ୍ୟକ।

ହାର୍ଟ ଆଟାକ୍‌ର ଲକ୍ଷଣ ଅନୁସାରେ ଆବଶ୍ୟକ ଚିକିତ୍ସା ବ୍ୟବସ୍ଥା ଏବଂ ଜୀବନ ଶୈଳୀରେ ପରିବର୍ତ୍ତନ ଆଣିଲେ ପରବର୍ତ୍ତୀ ଜୀବନ ଅପେକ୍ଷାକୃତ ସହଜ ଓ ସରଳ ହୋଇପାରିଥାଏ।


All Right Reserved By Dharitri.Com

ଓଜନ କମ୍‌ କରିବାକୁ ଚାହୁଁଥିଲେ ଖାଆନ୍ତୁ କାକୁଡି

ସ୍ବାସ୍ଥ୍ୟ ଓ ସୌନ୍ଦର୍ଯ୍ୟ ପାଇଁ କାକୁଡ଼ି ବହୁତ ଲାଭକାରୀ ଏଥିରେ ସନ୍ଦେହ ନାହିଁ। ଏହାର ଲାଭକାରୀ ଗୁଣ ଅନେକ କିଛି ରହିଛି । ସୁନ୍ଦର ସ୍ବାସ୍ଥ୍ୟ...

ଯନ୍ତ୍ରଣାରୁ ଉପଶମ ଦେବ ଡିଭାଇସ

କାଲିଫର୍ନିଆରେ ଥିବା ମେଡ୍‌ଟେକ୍‌ କମ୍ପାନୀ ଅଧୀନ ମାୟୋସାଇନ୍ସ ନାମକ ସଂସ୍ଥାର ଗବେଷକମାନେ ଏକ ଆୟୋଭେରା-ସି କ୍ରାୟୋଆନାଲଜେସିଆ ଡିଭାଇସ ପ୍ରସ୍ତୁତ କରିଛନ୍ତି। ଏହା ଯନ୍ତ୍ରଣା ଲାଘବ କରିବାରେ...

ମଙ୍ଗଳ ଗ୍ରହରେ ଜୀବସତ୍ତା ସମ୍ଭବ

ମଙ୍ଗଳ ଗ୍ରହକୁ ନେଇ ବିଭିନ୍ନ ଦେଶରେ ମହାକାଶବିଜ୍ଞାନୀ ଗବେଷଣା ଜାରି ରଖିଛନ୍ତି। ସେଠାରେ ଲୁକ୍କାୟିତ ବିଭିନ୍ନ ତଥ୍ୟକୁ ଲୋକଲୋଚନକୁ ଆଣିବାକୁ ବେଶ କିଛି ବର୍ଷ ଧରି...

ମନକୁ ହାଲକା କରିବା ପାଇଁ ଆପଣାନ୍ତୁ ଏହି ସହଜ ଉପାୟ…

ବିଭିନ୍ନ ସମସ୍ୟା ଯୋଗୁ ମନ ବେଳେବେଳେ ଭାରାକ୍ରାନ୍ତ ହୋଇଯାଇଥାଏ। ମାନସିକ ଅବସ୍ଥାର ସାଧାରଣ ସ୍ଥିତି ଫେରାଇ ଆଣିବାରେ ଭାବର ଆଦାନପ୍ରଦାନ ମୁଖ୍ୟ ଭୂମିକା ଗ୍ରହଣ କରିଥାଏ।...

ଆଣ୍ଠୁଗଣ୍ଠି ସମସ୍ୟା ଦୂର ପାଇଁ କରନ୍ତୁ ଏହି ଯୋଗାସନ

ଯୋଗ ଶିକ୍ଷାରେ ଶରୀରର ବିଭିନ୍ନ ପ୍ରକାରର ସମସ୍ୟା ପାଇଁ ଅଲଗା ଅଲଗା ଆସନ ରହିଛି। ଯାହା ଦ୍ୱାରା ରୋଗ ଦୂର ହେବାର ସମ୍ଭାବନା ରହିଥାଏ। ଏଥି...

ରୋଗ ପ୍ରତିରୋଧକ ଶକ୍ତି ବଢାଏ ଅଦା ଚା’

ଶୀତଦିନ ଆରମ୍ଭ ହେଲାଣି। ଋତୁ ବଦଳିବା ସହିତ ବିଭିନ୍ନ ପ୍ରକାରର ରୋଗ ଆଶଙ୍କା ବଢ଼ିଯାଏ। ଏପରିସ୍ଥଳେ ରୋଗରୁ ରକ୍ଷା ଏବଂ ସୁସ୍ଥ ରହିବା ଲାଗି ଅଦା...

ଏହିସବୁ ଖାଦ୍ୟ ଖାଇବା ପରେ କ୍ଷୀର ପିଇବା ଅନୁଚିତ

ପ୍ରତିଦିନ କ୍ଷୀର ପିଇବା ଶରୀର ପାଇଁ ଖୁବ୍‌ ଲାଭଦାୟକ। ଏହା ଶରୀରକୁ ଶକ୍ତି ଯୋଗାଇବା ସହିତ ଅନେକ ରୋଗ ସହ ଲଢ଼ିଥାଏ। ମାତ୍ର ଏପରି କିଛି...

ମ୍ୟୁଜିକ୍‌ ଥେରାପି

ଭାରାକ୍ରାନ୍ତ ମନକୁ ଅନେକାଂଶରେ ହାଲ୍‌କା କରିଥାଏ ସଙ୍ଗୀତ। ମନ ପସନ୍ଦର ଗୀତ ଶୁଣିବା ଦ୍ୱାରା ମନ ପ୍ରଫୁଲ୍ଲ ରହିବା ସହ ମାନସିକତା ସକାରାତ୍ମକ ରହିଥାଏ। କେତେକ...

Leave a comment

Your email address will not be published. Required fields are marked *