ପିଏଲ୍‌ଏଫ୍‌ଆଇ ସଦସ୍ୟଙ୍କୁ ୪ଜଣ ଜବାବ ଦେଇଥିଲୁ: ନୟାପଲ୍ଲୀ ଥାନା ଅଧିକାରୀ ଅରୁଣ କୁମାର ସ୍ବାଇଁ

ଦେଶର ଆଭ୍ୟନ୍ତରୀଣ ସୁରକ୍ଷା ଓ ଆଇନଶୃଙ୍ଖଳା ରକ୍ଷା ପୋଲିସର ଗୁରୁଦାୟିତ୍ୱ। ବିଶେଷ କରି ମାଓବାଦୀ ଓ ଏହାର ଟୁକୁରା ସଂଗଠନ ପିଏଲ୍‌ଏଫ୍‌ଆଇ(ପିପୁଲ୍ସ ଲିବରେଶନ ଫ୍ରଣ୍ଟ ଅଫ୍‌ ଇଣ୍ଡିଆ), ସିମି ଭଳି ହିଂସା ସୃଷ୍ଟିକାରୀ ସଂଗଠନ ଏବଂ କୁଖ୍ୟାତ ଅପରାଧୀମାନଙ୍କୁ ଦମନ କାର୍ଯ୍ୟରେ ପୋଲିସ ନିୟୋଜିତ ରହିଛି। ଏଥିରେ ଅନେକ ପୋଲିସ କର୍ମଚାରୀ ଶହୀଦ ହୋଇଥିବା ନଜିର ରହିଛି। ଜୀବନ ପ୍ରତି ବିପଦ ଥିବା ଯୋଗୁ ସେମାନଙ୍କୁ ଗିରଫ କରିବା ପୋଲିସ ପାଇଁ ବଡ଼ ଚ୍ୟାଲେଞ୍ଜ। ହେଲେ ଏଭଳି ଏକ ଚ୍ୟାଲେଞ୍ଜରେ ସଫଳ ହୋଇଥିବା କହିଛନ୍ତି ନୟାପଲ୍ଲୀ ଥାନା ଅଧିକାରୀ ଅରୁଣ କୁମାର ସ୍ବାଇଁ। ଘଞ୍ଚ ଜଙ୍ଗଲ ସଂଲଗ୍ନ ପାହାଡ଼ ଉପରେ ଆମେ ୪ ଜଣ ରାତିଅଧିଆ ଅପରେଶନ ଚଳାଇ ପିଏଲ୍‌ଏଫ୍‌ଆଇ ସଦସ୍ୟଙ୍କୁ ଗୁଳିରେ ଜବାବ ଦେଇଥିଲୁ ବୋଲି ସ୍ବାଇଁ କହିଛନ୍ତି। ଏହି ଘଟଣା ତାଙ୍କ ଚାକିରି ଜୀବନର ଶ୍ରେଷ୍ଠ ଅନୁଭୂତି ବୋଲି ସେ ବର୍ଣ୍ଣନା କରିଛନ୍ତି। ଉକ୍ତ ଅପରେଶନ ପାଇଁ ପରବର୍ତ୍ତୀ ସମୟରେ ତାଙ୍କ ଟିମ୍‌କୁ ଡିଜିପି ପୁରସ୍କୃତ କରିଥିଲେ।

୨୦୧୩ ଅଗଷ୍ଟ ୨ ରାତିରେ ଘଟିଥିଲା ସେହି ଘଟଣା। ସ୍ବାଇଁ କହିଛନ୍ତି ଯେ, ମୁଁ ସେତେବେଳେ ସୁନ୍ଦରଗଡ ଜିଲା ରାଜଗାଙ୍ଗପୁର ଥାନା ଅଧିକାରୀ ଭାବେ କାର୍ଯ୍ୟ କରୁଥିଲି। ସନ୍ଧ୍ୟା ସମୟରେ ବିଶ୍ୱସ୍ତ ସୂତ୍ରରୁ ଏକ ଖବର ମିଳିଥିଲା ଯେ, ଡେମୁଲ ଝରଣ ଜଙ୍ଗଲର ପାହାଡ଼ରେ ୫ଜଣ ପିଏଲ୍‌ଏଫ୍‌ଆଇ ସଦସ୍ୟ ଲୁଚି ରହିଛନ୍ତି। ସେମାନେ ବଡ଼ଧରଣର ଅପରାଧ ଘଟାଇବାକୁ ଯୋଜନା କରୁଛନ୍ତି। ପିଏଲ୍‌ଏଫ୍‌ଆଇ ସଦସ୍ୟମାନେ ମୁଖ୍ୟତଃ ସୁନ୍ଦରଗଡ଼ ଜିଲା ସମେତ ପଡ଼େଶୀ ରାଜ୍ୟ ଝାଡଖଣ୍ଡ, ଛତିଶଗଡ଼ର ଘଞ୍ଚ ଜଙ୍ଗଲରେ ରହି ଅପରାଧ ଘଟାଇଥାନ୍ତି। ସେମାନେ ବ୍ୟାଙ୍କ୍‌ ଲୁଟ, ଡକାୟତି, ହତ୍ୟା, ଅପହରଣ, ସରକାରୀ କାର୍ଯ୍ୟରେ ବାଧା ସମେତ ରାସ୍ତା କିମ୍ବା ଅନ୍ୟ ନିର୍ମାଣ କାର୍ଯ୍ୟ କରୁଥିବା ଠିକାଦାରଙ୍କୁ ଅପହରଣ କରି ଟଙ୍କା ମାଗନ୍ତି। ଖବର ମିଳିବା ପରେ ଭାବିଲି ଯେ, ଜଙ୍ଗଲକୁ ଅଧିକ ଫୋର୍ସ ନେଇଗଲେ ପିଏଲ୍‌ଏଫ୍‌ଆଇ ଗୁପ୍ତଚର ଖବର ପାଇଯିବେ। ତେଣୁ ଜଣେ ଏସ୍‌ଆଇ, ଜଣେ କନ୍‌ଷ୍ଟେବଳ ଓ ଜଣେ ହାବିଲଦାରଙ୍କୁ ନେଇ ଅପରେଶନରେ ବାହାରିଲି। ପୋଲିସ ଗାଡ଼ି ନ ନେଇ ବାଇକରେ ରାତି ପ୍ରାୟ ଗୋଟାଏ ସମୟରେ ଡେମ୍ବୁଲ ଝରଣ ଜଙ୍ଗଲ ଅଭିମୁଖେ ବାହାରିଲୁ। ଆମ ସମସ୍ତଙ୍କ ପାଖରେ ପିସ୍ତଲ ଥିଲା। ପ୍ରଥମେ ବାଇକକୁ ପାହାଡର ଏକ କିଲୋମିଟର ଦୂର ବୁଦାରେ ଲୁଚାଇ ପାହାଡ ଉପରକୁ ଚଢ଼ିଥିଲୁ। ଜାଗା ଦେଖାଇବା ପାଇଁ ସାଥିରେ ଯାଇଥିବା ଖବରୀ ପାହାଡ଼ ଦେଖାଇ ଦେଇ ଚାଲି ଯାଇଥିଲେ। ରାତି ପ୍ରାୟ ୩ଟାରେ ଆମେ ପାହାଡ଼ ଉପରେ ପହଞ୍ଚିଥିଲୁ। ଉପରେ ପ୍ରଶସ୍ତ ସ୍ଥାନ ଥିବା ଦେଖିବାକୁ ମିଳିଥିଲା। ଏକ ଗଛମୂଳେ ଲୁଚି ରହି ପିଏଲ୍‌ଏଫ୍‌ଆଇ ସଦସ୍ୟଙ୍କ ଗତିବିଧି ଜାଣିବାକୁ ଚେଷ୍ଟା କଲୁ। ଅନ୍ଧାର ଯୋଗୁ ସେଠାକାର ସ୍ଥିତି ବିଷୟରେ ଜାଣିବା ଅତ୍ୟନ୍ତ କଷ୍ଟକର ଥିଲା। ହେଲେ ବହୁ କଷ୍ଟରେ ଜାଣିବାକୁ ପାଇଲୁ ଯେ, ଜଣେ ଲୋକେ କାନ୍ଧରେ ବନ୍ଧୁକ ପକାଇ ପଇଁତରା ମାରୁଥିଲେ ଏବଂ ଅନ୍ୟ ୪ଜଣ ଶୋଇଥିଲେ। କିନ୍ତୁ ଗଛର ପତ୍ର ଓ ଡାଳ ଖଡ଼ ଖଡ଼ ହୋଇଯିବାରୁ ସେମାନେ ପୋଲିସ ଥିବା ଜାଣିପାରି ଗୁଳିଚାଳନା କରିଥିଲେ। ଆମେ ବି ପାଲଟା ଜବାବ ଦେଲୁ। ଏହି ସମୟ ମଧ୍ୟରେ ଏକ ଚିତ୍କାର ସାଙ୍ଗକୁ ପାହାଡ଼ ତଳକୁ ଖସି ପଳାଇଯିବାର ଶବ୍ଦ ଶୁଣାଗଲା। କିଛି ସମୟ ପରେ ଶୂନ୍‌ଶାନ ଲାଗିଲା। ଆମେ ସତର୍କତାର ସହ ଆଗକୁ ବଢ଼ିଲୁ। ଅଳ୍ପବାଟ ଯିବା ପରେ ଏକ ସ୍ଥାନରେ ରକ୍ତ ପଡ଼ିଥିବାବେଳେ ୧୦ଟି ବନ୍ଧୁକ, ୩ଟି ପିସ୍ତଲ, ୧୪୦ ଗୁଳି ଓ ଅନ୍ୟାନ୍ୟ ସାମଗ୍ରୀ ମିଳିଥିଲା। ସେମାନଙ୍କ ମଧ୍ୟରୁ ଜଣେ ଗୁଳିମାଡ଼ରେ ଆହତ ହୋଇଥିବା ରକ୍ତ ଛିଟାରୁ ଜଣାପଡ଼ିଥିଲା। ସେମାନେ ଖସି ପଳାଇବାରେ ସକ୍ଷମ ହୋଇଥିଲେ। ୧୦ ଦିନ ପରେ ୨ ପିଏଲ୍‌ଏଫଆଇ ସଦସ୍ୟଙ୍କୁ ସେହି ଜଙ୍ଗଲ ନିକଟରୁ ଗିରଫ କରାଯାଇଥିଲା ବୋଲି ଆଇଆଇସି ସ୍ବାଇଁ କହିଛନ୍ତି।

– ରିପୋର୍ଟ: ତ୍ରିନାଥ ମହାନ୍ତି, ଭୁବନେଶ୍ୱର


All Right Reserved By Dharitri.Com

ଖରାପ ପରୀକ୍ଷା ଫଳକୁ ନେଇ ଗଣଶିକ୍ଷା ବିଭାଗର କଡ଼ା ଆଭିମୁଖ୍ୟ:ଶୂନ, ୫୦%ରୁ କମ୍‌ ଫଳ କରିଥିବା ହାଇସ୍କୁଲ ଶିକ୍ଷକଙ୍କ ଦରମା ବନ୍ଦ ହେବ

ଭୁବନେଶ୍ୱର,୨୮ା୮(ବ୍ୟୁରୋ):ସରକାରୀ, ସରକାରୀ ଅନୁଦାନପ୍ରାପ୍ତ ହାଇସ୍କୁଲର ଖରାପ ପରୀକ୍ଷା ଫଳକୁ ନେଇ ସ୍କୁଲ ଓ ଗଣଶିକ୍ଷା ବିଭାଗ କଠୋର ଆଭିମୁଖ୍ୟ ଗ୍ରହଣ କରିଛି। ୨୦୧୯ ହାଇସ୍କୁଲ ସାର୍ଟିଫିକେଟ୍‌...

ନାବାଳିକା ଝିଆରୀକୁ ବଳାତ୍କାର: ଥାନାରେ ଅଭିଯୋଗ, ଅଭିଯୁକ୍ତ ମଉସା ଗିରଫ, ସହଯୋଗ କରିବା ଅଭିଯୋଗରେ ମାଉସୀ ବି ଗିରଫ

ରାଉରକେଲା ଅଫିସ, ୪।୧୨: ତମାମ ଦେଶରେ ବଳାତ୍କାରକୁ ନେଇ ତୁମ୍ବିତୋଫାନ ଚାଲିଥିବା ବେଳେ ବୁଧବାର ରାଉରକେଲାରେ ଘଟିଥିବା ଏକ ଲଜ୍ଜାଜନକ ଘଟଣା ବିଭିନ୍ନ ମହଲରେ ପ୍ରତିକ୍ରିୟା...

ନେତାଙ୍କ ଟ୍ରାଫିକ୍‌ ନିୟମ ଉଲ୍ଲଂଘନ ପ୍ରସଙ୍ଗ:କାର୍ଯ୍ୟାନୁଷ୍ଠାନ ପାଇଁ ଡିଜିପିଙ୍କୁ ଏନ୍‌ଏଚ୍‌ଆର୍‌ସିଙ୍କ ନିର୍ଦ୍ଦେଶ

ଭୁବନେଶ୍ୱର,୧୩।୧୧(ବ୍ୟୁରୋ):ଟ୍ରାଫିକ୍‌ ନିୟମ ଉଲ୍ଲଂଘନ ଅଭିଯୋଗ ସଂକ୍ରାନ୍ତୀୟ ଏକ ମାମଲାରେ ତ୍ୱରିତ କାର୍ଯ୍ୟାନୁଷ୍ଠାନ ନେବା ପାଇଁ ଜାତୀୟ ମାନବାଧିକାର କମିଶନ(ଏନ୍‌ଏଚ୍‌ଆରସି)ଙ୍କ ପକ୍ଷରୁ ଓଡ଼ିଶା ଡିଜିପିଙ୍କୁ ନିର୍ଦ୍ଦେଶ ଦିଆଯାଇଛି।...

ଋଷିକୁଲ୍ୟା, ବଡନଦୀରେ ପ୍ରଥମ ବନ୍ୟାଜଳ

ଆସିକା,୭।୮(ଡି.ଏନ୍‌.ଏ.)- ଗତ ସୋମବାର ଠାରୁ ଆସିକା ତଥା ଆଖପାଖ ଅଞ୍ଚଳରେ ଲଘୁଚାପ ଜନିତ ଲଗାଣ ବର୍ଷା ଲାଗି ରହିଛି ା ବୁଧବାର ମଧ୍ୟାହ୍ନରେ ଆସିକାର ଉଭୟ...

ରାଜପ୍ରସାଦ ବିଜେ:ମହାପ୍ରଭୁ ସୁସ୍ଥ ହେବା ଖବର ଜାଣିଲେ ଗଜପତି

ପୁରୀ ଅଫିସ, ୩୦ା୬: ପବିତ୍ର ସ୍ନାନ ପୂର୍ଣ୍ଣିମାରେ ୧୦୮ ଗଡ଼ୁ ଜଳରେ ସ୍ନାନ ପରେ ଜ୍ୱରରେ ପଡ଼ିଥିଲେ ମହାପ୍ରଭୁ। ଅଣସର ଘରେ ଠାକୁରଙ୍କ ଗୁପ୍ତସେବା ଚାଲିଥିଲା।...

ନିଶା ବେପାରୀଙ୍କ ଉପରେ ପୋଲିସର କଡା ଆଭିମୁଖ୍ୟ:  ଚାର୍ଜଶିଟ୍‌ରେ ଯୋଡ଼ା ହେବ ସମ୍ପତ୍ତି ତାଲିକା

କଟକ ଅଫିସ୍‌, ୧୦ା୭: ରାଜ୍ୟରେ ଦିନକୁଦିନ ବେଆଇନ ନିଶା କାରବାର ବୃଦ୍ଧି ପାଉଛି। ବିଶେଷ କରି ବେଆଇନ ଗଞ୍ଜେଇ, ବ୍ରାଉନସୁଗାର କାରବାର ପୋଲିସ ପାଇଁ ଚିନ୍ତାର...

ପୁରୀକୁ ଭିକାରିମୁକ୍ତ ପ୍ରକ୍ରିୟା ଆରମ୍ଭ: ସିଂହଦ୍ୱାର ସମ୍ମୁଖରେ ବସିଥିବା ଭିକାରୀଙ୍କୁ କାଉନ୍‌ସେଲିଂ କରାଗଲା

ପୁରୀ ଅଫିସ,୩।୩: ପୁରୀ ସହରକୁ ଭିକାରିମୁକ୍ତ କରିବା ଲାଗି ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ଏଥିପାଇଁ ପାଇଲଟ ପ୍ରୋଜେକ୍ଟ ସକ୍ଷମ ଯୋଜନା ଆରମ୍ଭ ହୋଇଛି। ମଙ୍ଗଳବାର...

ଘର ପରିସରରେ ଶୌଚାଳୟ ଟାଙ୍କି ନିର୍ମାଣ ନିର୍ଦ୍ଦେଶ ଦେଲା ବିଏମ୍‌ସି : ପାଇଖାନା ମଇଳା ଡ୍ରେନକୁ ଛାଡ଼ିଲେ ଜରିମାନା

ଭୁବନେଶ୍ୱର, ୧୨।୭(ବ୍ୟୁରୋ) : ନିଜ ଘରୁ ବାହାରୁ ଥିବା ମଳଯୁକ୍ତ ମଇଳା ଓ ପଚା ମଇଳାକୁ କୌଣସି ଡ୍ରେନ କିମ୍ବା ନଦୀକୁ ପାଇପ ଯୋଗେ ଛାଡୁଥିଲେ...

Leave a comment

Your email address will not be published. Required fields are marked *