ଶାରଳା ମନ୍ଦିରରେ ନୀତି ହୋଇ ପାରିଲାନି: ୨ ହଜାର ଲୋକଙ୍କ ପ୍ରସାଦ ନଷ୍ଟ

ଜଗତ୍‌ସିଂହପୁର ଅଫିସ,୧୯ା୧୧: ସୋମବାର ନୂଆଖିଆ ପର୍ବରେ ମା’ସାରଳା ମନ୍ଦିରରେ ପୁଣି ଦେଖା ଦେଇଛି ବିଭ୍ରାଟ। ଏହି ପର୍ବରେ ପାଖାପାଖି ୨ ହଜାର ଲୋକଙ୍କ ପାଇଁ ଅପରାହ୍ନ ପ୍ରାୟ ୧ଟା ସୁଦ୍ଧା ରୋଷେଇ ହୋଇଥିଲେ ସୁଦ୍ଧା ତାହା ନୀତି ନ ହେବା କାରଣରୁ ନଷ୍ଟ ହୋଇଛି। ଜଣେ ରାଉଳ ରୋଷଶାଳାରେ ପ୍ରବେଶ କରିଥିବା ଦର୍ଶାଇ ପଣ୍ଡାମାନେ ରୋଷେଇ ହୋଇଥିବା ଖାଦ୍ୟ ନୀତି ନ କରିବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିଲା। ଅନ୍ୟପକ୍ଷରେ କମ୍‌ ପରିମାଣର ପ୍ରସାଦ, ଡାଲି, ତରକାରୀ ଓ ଖିରୀ ଆଦି ପ୍ରସ୍ତୁତ କରାଯାଇ ନୀତି କରାଯାଇଥିଲା। ରାତି ନୀତିରେ ମଧ୍ୟ ବିଳମ୍ବ ହୋଇଛି। ଏହାକୁ ନେଇ ମନ୍ଦିର ପରିସରରେ ଉତ୍ତେଜନା ପ୍ରକାଶ ପାଇଥିଲା। ରାତିରେ ମନ୍ଦିର ପ୍ରଶାସନ, ପଣ୍ଡା ଓ ସେବାୟତଙ୍କ ବୈଠକ ହୋଇଥିଲା। ଏଥିରେ ପ୍ରସାଦ ମାରା ହୋଇଥିବା ଉପରେ ଆଲୋଚନା ହୋଇଥିଲେ ସୁଦ୍ଧା କେହି ଏ ସମ୍ପର୍କରେ ମୁହଁ ଖୋଲି ନ ଥିଲେ। ଆଶ୍ଚର୍ଯ୍ୟର କଥା ହେଲା ପ୍ରସାଦ ମାରା ହୋଇ ନ ଥିବା ଉପସ୍ଥିତ ପଣ୍ଡାମାନେ କହିଥିଲେ। ତେବେ କେଉଁ କାରଣରୁ ଖାଦ୍ୟ ନଷ୍ଟ ହେଲା ବୋଲି ପ୍ରଶ୍ନ ଉଠିବାରୁ କେହି କିଛି କହି ନ ଥିଲେ। ଶେଷରେ ମଙ୍ଗଳବାର ପୁଣିଥରେ ବୈଠକର ଆୟୋଜନ ହେବ ଏବଂ ଏଥିରେ ଉପଜିଲାପାଳ କିମ୍ବା ଜିଲାପାଳ ଉପସ୍ଥିତ ରହିପାରନ୍ତି ବୋଲି ମନ୍ଦିର ପ୍ରଶାସନ ପକ୍ଷରୁ ଆକାଉଣ୍ଟାଣ୍ଟ ହରି ଲେଙ୍କା ସୂଚନା ଦେଇଥିଲେ। ଏ ସମ୍ପର୍କରେ ଜିଲାପାଳ ସଂଗ୍ରାମ କେଶରୀ ମହାପାତ୍ରଙ୍କ ସହ ଯୋଗାଯୋଗ କରିବାରୁ ସେ ପାରାଦୀପ ବାଲିଯାତ୍ରାରେ ଥିବା ଦର୍ଶାଇ ଏହି ଖବର ମନ୍ଦିର ନିର୍ବାହୀ ଅଧିକାରୀଙ୍କୁ ଦେବା ସହ ଆବଶ୍ୟକ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଥିବା କହିଛନ୍ତି।
ମନ୍ଦିରରେ ପ୍ରତିବର୍ଷ ନୂଆଖିଆ ପର୍ବରେ ବ୍ୟାପକ ଆୟୋଜନ କରାଯାଏ। ପାଖାପାଖି ୩/୪ ହଜାର ଲୋକଙ୍କ ପାଇଁ ରୋଷଶାଳା ବାହାରେ ରୋଷେଇ ହୁଏ। ଏହି ଅନୁଯାୟୀ ଚଳତବର୍ଷ ସମସ୍ତ ପ୍ରସ୍ତୁତି ହୋଇଥିଲା। ସକାଳୁ ଯଜ୍ଞଶାଳା ପାର୍ଶ୍ୱରେ ପରମ୍ପରା ଅନୁଯାୟୀ ପଣ୍ଡାମାନେ ରୋଷେଇ କରିଥିଲେ। ଅନ୍ନଖେଚେଡି, ଡାଲି, ତରକାରୀ, ଖିରି, ଖଟା, ମରିଚପାଣି, ଦହିକଡି ଓ ସାଗ ଆଦି ପ୍ରସ୍ତୁତ କରାଯାଇ ପାଖାପାଖି ୩୦ଟି ହଣ୍ଡା, ଶତାଧିକ ହାଣ୍ଡିରେ ରଖାଯାଇଥିଲା। ଅପରାହ୍ନ ପ୍ରାୟ ୧ଟା ସୁଦ୍ଧା ଏସବୁ ପ୍ରସ୍ତୁତ ହୋଇ ଯାଇଥିଲା। କିନ୍ତୁ ତା ଭିତରେ କେହି ଜଣେ ରାଉଳ ରୋଷେଇ ସ୍ଥାନ ଦେଇ ଚାଲି ଯିବାରୁ ଆଉ ପ୍ରସ୍ତୁତ ହେବାକୁ ଥିବା ଖିରି ଓ ତରକାରି ତିଆରି ହୋଇପାରି ନ ଥିଲା। ଏ ବାବଦ ପାଖାପାଖି ୩୦/୪୦ ଲିଟର କ୍ଷୀର ଓ ଅମୁଣିଆ ପରିବା ପୂର୍ବପରି ରହିଛି। ତେବେ କାହିଁକି ରାଉଳ ଜଣକ ରୋଷେଇ ସ୍ଥାନ ଦେଇ ଗଲେ ତାକୁ ନେଇ ଗଣ୍ଠି କରିଥିଲେ ପଣ୍ଡାମାନେ। ସମ୍ପୃକ୍ତ ରାଉଳଙ୍କ ଯୋଗୁ ସମସ୍ତ ଖାଦ୍ୟ ମାରା ହେଲା ବୋଲି ଯୁକ୍ତି ବାଢି ପଣ୍ଡାମାନେ ଏହାକୁ ନୀତି ପାଇଁ ନେଇ ନ ଥିଲେ। ବିଗତବର୍ଷଗୁଡିକରେ ଦେଖାଯାଇଛି ନୂଆଖିଆରେ ପ୍ରସ୍ତୁତ ଖାଦ୍ୟ ହଣ୍ଡାରେ ମାଙ୍କ ପାଖକୁ ନୀତି ପାଇଁ ଯାଏ। କିନ୍ତୁ ପଣ୍ଡାମାନେ ଏହାକୁ ନୀତି ପାଇଁ ନ ନେବାରୁ ଏକପ୍ରକାର ଅସ୍ବାଭାବିକ ପରିସ୍ଥିତି ସୃଷ୍ଟି ହୋଇଥିଲା। ମନ୍ଦିର ପରିସରରେ ହୋ ହଲ୍ଲା ଆରମ୍ଭ ହୋଇ ଯାଇଥିଲା। ମନ୍ଦିର ନିର୍ବାହୀ ଅଧିକାରୀ ଓ କର୍ମଚାରୀମାନେ ପହଞ୍ଚତ୍ ପରିସ୍ଥିତି ଦେଖି ସ୍ଥାନ ଛାଡି ଚାଲି ଯାଇଥିଲେ। ଏ ପରିସ୍ଥିତିରେ ପଣ୍ଡାମାନେ ନୀତି ବନ୍ଦ କରିବା ଠିକ ନୁହେଁ ବୋଲି ଅନୁଭବ କରି ପୁଣିଥରେ କମ ପରିମାଣର ଅନ୍ନ, ଡାଲି, ଖିରୀ, ଶାଗ ଓ ତରକାରୀ ଆଦି ପ୍ରସ୍ତୁତ କରି ନୀତି କରିଥିଲେ। କିନ୍ତୁ ୨ ହଜାର ଲୋକଙ୍କ ପାଇଁ ପ୍ରସ୍ତୁତ ଖାଦ୍ୟ ମା’ଙ୍କ ପାଖରେ ନୀତି ହେବା ସମ୍ଭବ ନ ହେବାରୁ ତାହା ବାହାରେ ସେମିତି ହଣ୍ଡା ଓ ହାଣ୍ଡି ଆଦିରେ ରହିଛି। ପ୍ରସାଦ ସେବନ ପାଇଁ ମନ୍ଦିରରେ ପହଞ୍ଚତ୍ଥିବା ଲୋକେ ଏଥିରେ ଅତିଷ୍ଠ ହୋଇ ପାଟିତୁଣ୍ଡ କରିଥିଲେ।
ରାତି ବୈଠକରେ ପଣ୍ଡା ଓ ସେବାୟତ (ରାଉଳ)ଙ୍କ ମୁରବୀ ତଥା ପରିଛା ସୁଦାମ ଚରଣ ପଣ୍ଡା, ବଡ ପଣ୍ଡା ପ୍ରଜ୍ଞାଜୀତ ପଣ୍ଡା, ରଘୁନାଥ ପଣ୍ଡା, କୈଳାସ ଚନ୍ଦ୍ର ରାଉଳ, ତ୍ରିଲୋଚନ ରାଉଳ, ସାରଦା ପ୍ରସାଦ ରାଉଳ, ଅଜିତ କୁମାର ରାଉଳ, ଅଜିତ କୁମାର ନାୟକ, ହେରେକୃଷ୍ଣ ନାୟକ, ନୃସିଂହ ନାୟକ ଓ ସତ୍ୟାନନ୍ଦ ନାଏକ, ମନ୍ଦିର ଆକାଉଣ୍ଟାଣ୍ଟ ହରି ଲେଙ୍କା, ବରିଷ୍ଠ କିରାଣି ବାଇଧର ଜେନା, ମନ୍ଦିର କର୍ମଚାରୀ ନୃସିଂହ ଚରଣ ସାହୁ ଓ ରାଜକିଶୋର ମହାନ୍ତିଙ୍କ ସମେତ ଶତାଧିକ ପଣ୍ଡା, ସେବାୟତ ଯୋଗ ଦେଇଥିଲେ।
ଅତୀତରେ ବଡ ପଣ୍ଡା ବିବାଦରୁ ମନ୍ଦିର ପରିସରରେ ନୀତି ବିଭ୍ରାଟ ହୋଇଥିଲା। ଏହି ବିବାଦ ଜିଲାପାଳ, ଦେବୋତ୍ତର କମିଶନରଙ୍କ ସ୍ତରରେ ନ ଛିଡିବାରୁ ମାମଲା ହାଇକୋର୍ଟକୁ ଯାଇଥିଲା। ହାଇକୋର୍ଟଙ୍କ ନିର୍ଦ୍ଦେଶ ବଳରେ ମନ୍ଦିରରେ ୨ ବଡ ପଣ୍ଡାଙ୍କୁ ପୃଥକ ଭାବେ ପର୍ବ ବାଣ୍ଟି ଦିଆଯାଇଥିଲା। ତା ପୂର୍ବରୁ ଏହି ପରିସରରେ ଭୋଗ, ଦୀପ ଦୋକାନ କରିଥିବା ବ୍ୟକ୍ତିମାନେ କିସ୍ତି ବାବଦ ପାଖାପାଖି ୫୦ ଲକ୍ଷ ଟଙ୍କା ପୈଠ କରୁ ନ ଥିବା ଦର୍ଶାଇ ଲୋକେ ସ୍ବର ଉଠାଇଥିଲେ। ଏହାଦ୍ୱାରା ମନ୍ଦିରର ରାଜସ୍ବ କମୁଥିଲେ ସୁଦ୍ଧା ଦେବୋତ୍ତର ବିଭାଗ ନୀରବତାକୁ ନେଇ ସନ୍ଦେହ ପ୍ରକାଶ ପାଇଥିଲା। ବଡ କଥା ହେଲା ଏହି ଭୋଗ ଓ ଦୀପ ଦୋକାନୀ କିସ୍ତି ଟଙ୍କା ଦେଉ ନ ଥିବାବେଳେ ସେମାନଙ୍କୁ ବାତ୍ୟା ଫନୀ କ୍ଷତିର ଆଳ ଦେଖାଇ ଦେବୋତ୍ତର ବିଭାଗ ଅର୍ଥ ଛାଡ କରିବାକୁ ପଦକ୍ଷେପ ନେଇଥିଲା। ଏହି ଖବର ଧରିତ୍ରୀରେ ପ୍ରକାଶ ପାଇଲା ପରେ ଦେବୋତ୍ତର କମିଶନର ଛାଡ ଉପରେ ରୋକ ଲଗାଇବାକୁ ନିଷ୍ପତ୍ତି ନେଇଥିବା ସୂଚନା ଦେଇଥିଲେ। ମୋଟାମୋଟି ଭାବେ ମନ୍ଦିର ପରିସରରେ ବିଭିନ୍ନ ସମୟରେ ବିଶୃଙ୍ଖଳା ଲୋକଙ୍କ ମନରେ ଗଭୀର ରେଖାପାତ କରୁଛି। ଲୋକଙ୍କ ଭାବାବେଗ ସହ ଖେଳାଯାଉଥିବାରୁ ତୀବ୍ର ଅସନ୍ତୋଷ ପ୍ରକାଶ ପାଉଛି।


All Right Reserved By Dharitri.Com

ନାଉଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର: ଅଚଳ ଅବସ୍ଥାରେ ୧୦୮ ଆମ୍ବୁଲାନ୍ସ

ନାଉଗାଁ ,୨୫।୧୧(ସ୍ବ.ପ୍ର.): ରୋଗୀଙ୍କୁ ବିନାମୂଲ୍ୟରେ ହସ୍‌ପିଟାଲରେ ପହଞ୍ଚାଇବା ପାଇଁ ସରକାର ୧୦୮ ପରି ଜରୁରି ଆମ୍ବୁଲାନ୍ସ ସେବା ଆରମ୍ଭ କରିଛନ୍ତି। ଏହି ଆମ୍ବୁଲାନ୍ସ ସେବା ନାଉଗାଁ...

୧୫ ଗ୍ରାମ୍‌ ବ୍ରାଉନ ସୁଗାର ଜବତ: ଜଣେ ଗିରଫ

ସିମୁଳିଆ,୧୧।୧(ଡି.ଏନ୍‌.ଏ.): ବାଲେଶ୍ୱର ଜିଲା ସିମୁଳିଆ ବ୍ଲକ ମଇତାପୁର ଅଞ୍ଚଳରୁ ୧୫ ଗ୍ରାମ ୭୦୦ ମିଲିଗ୍ରାମ ବ୍ରାଉନ ସୁଗାରକୁ ପୋଲିସ ଜବତ କରିଛି। ଉକ୍ତ ଅଞ୍ଚଳର ଉପେନ୍ଦ୍ର...

୧୨ନଂ ୱାର୍ଡବାସୀ ହୀନସ୍ତା

ଫୁଲବାଣୀ ଅଫିସ, ୭ା୮-ଗ୍ରାମାଞ୍ଚଳ ନୁହେଁ ସହରରେ ବି ଲୋକଙ୍କୁ ପାଣି ମିଳୁନି। ୬ ବର୍ଷ ହେଲା ପାଣି ଟାଙ୍କି ନିର୍ମାଣ ହୋଇଛି। ଖାଲି ରଙ୍ଗ ଲଗାଯାଇ...

ବିନା ନୋଟିସରେ ବସ୍ତିବାସିନ୍ଦାଙ୍କୁ ଉଚ୍ଛେଦ କରିବାକୁ ଯାଇ ଅଡୁଆରେ ପ୍ରଶାସନ

ଭଦ୍ରକ ଅଫିସ, ୧।୧୦: ଭଦ୍ରକ ଜିଲା ଚରମ୍ପା ପରିବହନ ବିଭାଗ ନିକଟସ୍ଥ ସରକାରୀ ଜମିରେ କିଛି ଆଦିବାସୀ ଜବରଦଖଲ କରି ରହିଆସୁଛନ୍ତି। ମଙ୍ଗଳବାର ପ୍ରଶାସନ ପକ୍ଷରୁ...

ଟାଟାଷ୍ଟିଲ କାର୍ଯ୍ୟାଳୟରେ ଜମିହରା ଗ୍ରାମବାସୀଙ୍କ ଦାବି ନେଇ ଆଲୋଚନା: ପ୍ରଶାସନ ନ ଆସିବାରୁ ହେଲାନି ସମାଧାନ

ଯୋଡ଼ା, ୭।୮(ଡି.ଏନ.ଏ.)-କେନ୍ଦୁଝର ଜିଲା ଟାଟାଷ୍ଟିଲ କମ୍ପାନୀର ଯୋଡା ଇଷ୍ଟ ଲୁହାପଥର ଖଣି ସମ୍ମୁଖରେ ଯୋଡା ଭୂୟଁା ବସ୍ତିର ଜମିହରା ମାନେ ବିଭିନ୍ନ ଦାବି ନେଇ ଜୁଲାଇ...

ତିହିଡି, ଚାନ୍ଦବାଲି ମଦମୃତ୍ୟୁ ଘଟଣା: ଅଭିଯୁକ୍ତଙ୍କ ଗିରଫ ଦାବିରେ ଗଣଧାରଣା, ପ୍ରତିବାଦ ସଭା

ତିହିଡ଼ି, ୧୪।୫(ଡି.ଏନ୍‌.ଏ.)- ଭଦ୍ରକ ଜିଲାର  ତିହିଡ଼ି ଓ ଚାନ୍ଦବାଲିରେ ବିଷାକ୍ତ ମଦ ପିଇ ୧୦ଜଣଙ୍କର ମୃତ୍ୟୁ ଘଟିଥିବା ବେଳେ ପୋଲିସ ଓ ପ୍ରଶାସନ ଏଯାଏ କୌଣସି...

ସଂସ୍କୃତି, ପର୍ଯ୍ୟଟନ ମନ୍ତ୍ରୀଙ୍କ ପଞ୍ଚଲିଙ୍ଗେଶ୍ୱର ଗସ୍ତ:‘ପୀଠର ବିକାଶ ଲାଗି ସାମୂହିକ ସହଯୋଗ ଲୋଡା’

ସଜନାଗଡ଼, ୨।୬(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ନିର୍ବାଚନମଣ୍ଡଳୀର ପ୍ରସିଦ୍ଧ ଶୈବପୀଠ ବାବା ପଞ୍ଚଲିଙ୍ଗେଶ୍ୱର ପୀଠକୁ ରବିବାର ସଂସ୍କୃତି, ପର୍ଯ୍ୟଟନ ବିଭାଗର ରାଷ୍ଟ୍ରମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଗସ୍ତ କରିଥିଲେ।...

କୁଲଡ଼ିହାରେ ପକ୍ଷୀ ଗଣନା ଆରମ୍ଭ

ସଜନାଗଡ଼, ୪।୧(ଡି.ଏନ.ଏ.)- ବାଲେଶ୍ୱର ଜିଲା ନୀଳଗିରି କୁଲଡ଼ିହା ଅଭୟାରଣ୍ୟରେ ପ୍ରତ୍ୟେକ ବର୍ଷ ଭଳି ଚଳିତବର୍ଷ ବନ ବିଭାଗ ପକ୍ଷରୁ କୁଲଡିହା ଅଭୟାରଣ୍ୟରେ ପକ୍ଷୀଗଣନା ଆରମ୍ଭ ହୋଇଛି।...

Leave a comment

Your email address will not be published. Required fields are marked *