Posted inଜାତୀୟ

ଅଯୋଧ୍ୟା ରାୟକୁ ଚ୍ୟାଲେଞ୍ଜ ନିଷ୍ପତ୍ତି

ଲକ୍ଷ୍ନୌ/ନୂଆଦିଲ୍ଲୀ,୧୮ା୧୧(ପି.ଟି./ଆଇଏଏନ୍‌ଏସ୍‌): ସୁପ୍ରିମକୋର୍ଟଙ୍କ ଅଯୋଧ୍ୟା ରାୟ ପରେ ମଧ୍ୟ ରାମ ଜନ୍ମଭୂମି-ବାବ୍ରୀ ମସ୍‌ଜିଦ ଜମି ବିବାଦର ସମାଧାନ ହୋଇପାରି ନାହିଁ। ଏହି ଐତିହାସିକ ରାୟକୁ ସୁନ୍ନି ସେଣ୍ଟ୍ରାଲ ଓ୍ବାକଫ୍‌ ବୋର୍ଡ ସ୍ବାଗତ କରିଥିବାବେଳେ ଦୁଇଟି ମୁସ୍‌ଲିମ ସଙ୍ଗଠନ ଏକତରଫା ଓ ଭିତ୍ତିହୀନ ଦର୍ଶାଇ ସର୍ବୋଚ୍ଚ ଅଦାଲତରେ ଚ୍ୟାଲେଞ୍ଜ କରିବାକୁ ଯାଉଛନ୍ତି। ଜମାଇତ୍‌-ଉଲେମା-ହିନ୍ଦ୍‌ ଏବଂ ଅଲ୍‌ ଇଣ୍ଡିଆ ମୁସ୍‌ଲିମ ପର୍ସନାଲ ଲ ବୋର୍ଡ (ଏଆଇଏମ୍‌ପିଏଲ୍‌ବି) ରାୟକୁ ନେଇ ଅସନ୍ତୋଷ ବ୍ୟକ୍ତ କରିବା ସହ ସର୍ବୋଚ୍ଚ ଅଦାଲତରେ ରିଭ୍ୟୁ ପିଟିଶନ ଦାଏର କରିବାକୁ ରବିବାର ନିଷ୍ପତ୍ତି ନେଇଛନ୍ତି।
ସୁପ୍ରିମକୋର୍ଟ ଗତ ୯ ତାରିଖରେ ଅଯୋଧ୍ୟାର ଶତାବ୍ଦୀ ପୁରୁଣା ଜମି ବିବାଦ ମାମଲାର ରାୟ ଶୁଣାଇଥିଲେ। ଅଯୋଧ୍ୟାସ୍ଥିତ ୨.୭୭ ଏକର ବିବାଦୀୟ ଜମି ଅନ୍ୟତମ ହିନ୍ଦୁ ପକ୍ଷ ରାମ ଲାଲାଙ୍କୁ ମନ୍ଦିର ନିର୍ମାଣ ନିମନ୍ତେ ଦିଆଯିବ ଏବଂ ମସ୍‌ଜିଦ ପାଇଁ ସୁନ୍ନି ସେଣ୍ଟ୍ରାଲ ଓ୍ବାକଫ୍‌ ବୋର୍ଡକୁ ବିକଳ୍ପ ୫ ଏକର ଜମି ପ୍ରଦାନ କରାଯିବ ବୋଲି ୫ ଜଣିଆ ସାମ୍ବିଧାନିକ ପୀଠ ଘୋଷଣା କରିଥିଲେ। ଏହାକୁ ଓ୍ବାକଫ୍‌ ବୋର୍ଡ ସ୍ବାଗତ କରିଛି। ରାୟ ବିରୋଧରେ ରିଭ୍ୟୁ ପିଟିଶନ ଦାଏର କରାଯିବ ନାହିଁ ବୋଲି ଓ୍ବାକଫ୍‌ ବୋର୍ଡ ଅଧ୍ୟକ୍ଷ ଜଫର୍‌ ଫାରୁକି ସ୍ପଷ୍ଟ କରିସାରିଛନ୍ତି। ହେଲେ ଶୀର୍ଷ ଅଦାଲତ ନିଷ୍ପତ୍ତି ଶୁଣାଇବାର ସପ୍ତାହେ ପରେ ଜମାଇତ୍‌ ଆପତ୍ତି ଉଠାଇଛି। ଜମାଇତ୍‌ ମୁଖ୍ୟ ମୌଲାନା ଅର୍ଷଦ ମଦାନି ଏକ ବିବୃତିରେ କହିଛନ୍ତି, ଅଯୋଧ୍ୟା ରାୟ ପ୍ରମାଣ ଓ ଯୁକ୍ତି ଆଧାରିତ ନୁହେଁ। କାରଣ ସୁପ୍ରିମକୋର୍ଟ ସମସ୍ତ ମୁସ୍‌ଲିମ ପକ୍ଷଙ୍କ ଯୁକ୍ତି ଓ ପ୍ରମାଣକୁ ଗ୍ରହଣ କରିବା ସତ୍ତ୍ୱେ ହିନ୍ଦୁ ପକ୍ଷଙ୍କ ସପକ୍ଷରେ ରାୟ ଶୁଣାଇଛନ୍ତି। ଆମକୁ ସମ୍ପୂର୍ଣ୍ଣ ନ୍ୟାୟ ମିଳି ନ ଥିବାରୁ ମୁସ୍‌ଲିମମାନେ ମସ୍‌ଜିଦକୁ ଅନ୍ୟତ୍ର ସ୍ଥାନାନ୍ତର କରିପାରିବେ ନାହିଁ।
ଜମାଇତ୍‌ର (ଉତ୍ତରପ୍ରଦେଶ) ପୂର୍ବତନ ସାଧାରଣ ସମ୍ପାଦକ ଏମ୍‌. ସିଦ୍ଦିକି ଏହି ମାମଲାର ଅନ୍ୟତମ ମୂଳ ଆବେଦନକାରୀ ଥିଲେ। ବର୍ତ୍ତମାନ ତାଙ୍କ ପଦରେ ଥିବା ଅଶାଦ୍‌ ରାଶ୍‌ଦି ପରବର୍ତ୍ତୀ ସମୟରେ ମାମଲାର ଆବେଦନକାରୀ ହୋଇଥିଲେ ବୋଲି ଜମାଇତ୍‌ ସମ୍ପାଦକ ଫଜ୍‌ଲୁର ରହମନ କହିଛନ୍ତି। ଜମାଇତ୍‌ର ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ କାର୍ଯ୍ୟକାରୀ କମିଟିର ସମ୍ମତି ପରେ ରାୟକୁ ଚ୍ୟାଲେଞ୍ଜ କରିବା ପାଇଁ ସ୍ଥିର କରାଯାଇଛି। ଏ ସଂକ୍ରାନ୍ତରେ ବିଶେଷଜ୍ଞ ଓ ଆଇନଜୀବୀମାନଙ୍କ ପରାମର୍ଶ ନିଆଯାଇଛି। ରାୟ ବିରୋଧରେ ପୁନର୍ବିଚାର ଆବେଦନ କରାଯିବ। ରିଭ୍ୟୁ ପିଟିଶନ ଦାଏର କରିବା ପାଇଁ ଭାରତର ସମ୍ବିଧାନରେ ବିକଳ୍ପ ବ୍ୟବସ୍ଥା ଥିବାରୁ ଏହା ଚୂଡ଼ାନ୍ତ ରାୟ ନୁହେଁ ବୋଲି ସେ କହିଛନ୍ତି।
ରାୟକୁ ନେଇ ଏଆଇଏମ୍‌ପିଏଲ୍‌ବି ମଧ୍ୟ ଅନୁରୂପ ଭାବେ ଅସନ୍ତୋଷ ବ୍ୟକ୍ତ କରିବା ସହ ମସ୍‌ଜିଦ ନିର୍ମାଣ ପାଇଁ ବିକଳ୍ପ ୫ ଏକର ଜମି ଗ୍ରହଣ କରିବାକୁ ମନା କରିଦେଇଛି। ଏହି ସଙ୍ଗଠନର ବରିଷ୍ଠ ସଦସ୍ୟ ତଥା ଅଲ୍‌ ଇଣ୍ଡିଆ ବାବ୍ରୀ ମସ୍‌ଜିଦ୍‌ ଆକ୍ସନ କମିଟି (ଏଆଇବିଏମ୍‌ଏସି) ଆବାହକ ଜଫରୟାବ୍‌ ଜିଲାନି କହିଛନ୍ତି, ମସ୍‌ଜିଦ ଜମି ଆଲ୍ଲାଙ୍କର ଓ ଶାରିଆ ଅଧୀନ। ତେଣୁ ଏହାକୁ କାହାକୁ ଦିଆଯାଇ ପାରିବ ନାହିଁ। ମସ୍‌ଜିଦ ନିର୍ମାଣ ପାଇଁ ଅନ୍ୟ କୌଣସି ସ୍ଥାନରେ ଜମି ଗ୍ରହଣ କରିବୁ ନାହିଁ। ୧୯୪୯ ଡିସେମ୍ବର ୨୩ ରାତିରେ ବାବ୍ରୀ ମସ୍‌ଜିଦ ଭିତରେ ଭଗବାନ ରାମଙ୍କ ମୂର୍ତ୍ତି ସ୍ଥାପନା କରିବା ଅସାମ୍ବିଧାନିକ ଥିଲା। ତେଣୁ ସୁପ୍ରିମକୋର୍ଟ ରାମମୂର୍ତ୍ତିଙ୍କୁ ‘ଆରାଧ୍ୟ’ ବୋଲି କିପରି ବିବେଚନା କଲେ। ୫ ଏକର ଜମି ପ୍ରଦାନ କରାଯିବା ଦ୍ୱାରା ସନ୍ତୁଳନ ରକ୍ଷା କରାଯାଇ ପାରିବ ନାହିଁ କି କ୍ଷତି ପୂରଣ ହୋଇ ପାରିବ ନାହିଁ। ପୂର୍ବରୁ ମୁସ୍‌ଲମାନମାନଙ୍କ ପକ୍ଷରୁ ଏହି ମାମଲା ଦାଏର କରାଯାଇଥିଲା। ବୋର୍ଡ ଏହି ସମ୍ପ୍ରଦାୟର ଭାବବେଗର ପ୍ରତିନିଧିତ୍ୱ କରୁଥିଲା। ତେଣୁ ସେମାନଙ୍କ ସାମ୍ବିଧାନିକ ଅଧିକାର ସାବ୍ୟସ୍ତ କରିବା ପାଇଁ ରାୟ ପ୍ରକାଶ ପାଇବାର ୩୦ ଦିନ ମଧ୍ୟରେ ରିଭ୍ୟୁ ପିଟିଶନ ଦାଏର କରାଯିବ। ଏବେ ସୁନ୍ନି ଓ୍ବାକଫ୍‌ ବୋର୍ଡ ମୁସଲମାନ ସମ୍ପ୍ରଦାୟର ଏହି ମତକୁ ସମ୍ମାନ ଦେବା ଉଚିତ ବୋଲି ଏଆଇଏମ୍‌ପିଏଲ୍‌ବି ପକ୍ଷରୁ କୁହାଯାଇଛି।


All Right Reserved By Dharitri.Com

ମଧ୍ୟାହ୍ନ ଭୋଜନ କ୍ଷୀରରେ ପାଣି ମିଶାଇବା ଘଟଣା: ୨ ନିଲମ୍ବିତ

ଲକ୍ଷ୍ନୌ,୨୯।୧୧: କେନ୍ଦ୍ର ସରକାର ସ୍କୁଲ ପିଲାଙ୍କ ପାଇଁ ବିଭିନ୍ନ ପ୍ରକାର ଯୋଜନା କରୁଛନ୍ତି। ହେଲେ ସେ ସବୁ ଯୋଜନା କାର୍ଯ୍ୟକାରୀ ନ ହୋଇ ବାଟବଣା ହେବାରେ...

ରାଜନାଥଙ୍କ ଘରେ ଗ୍ରୁପ ଅଫ୍‌ ମିନିଷ୍ଟର୍ସ ବୈଠକ ଆରମ୍ଭ

ନୂଆଦିଲ୍ଲୀ,୧୭।୮: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଘରେ ଶନିବାର ଗ୍ରୁପ ଅଫ୍‌ ମିନିଷ୍ଟର୍ସ ବୈଠକ ଆରମ୍ଭ ହୋଇଛି। ଏଥିରେ ଯୋଗଦେବା ଲାଗି ସ୍ବରାଷ୍ଟ୍ରମନ୍ତ୍ରୀ ଅମିତ ଶାହ,...

ରାଜୀବ ଗାନ୍ଧୀ ହତ୍ୟା ମାମଲାର ଦୋଷୀ ନଳିନୀଙ୍କର ବଢିଲା ପାରୋଲ ଅବଧି

ଚେନ୍ନାଇ,୨୨।୮: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ନିଳିନୀଙ୍କୁ ମିଳିଥିବା ୧ମାସର ପାରୋଲ ଅବଧିକୁ ବଢାଇ ଦିଆଯାଇଛି। ମାଡ୍ରାସ ହାଇକୋର୍ଟଙ୍କ...

୩ ଦିନ ପାଇଁ ବନ୍ଦ ହେଲା ସମସ୍ତ ଶିକ୍ଷାନୁଷ୍ଠାନ

ଥିରୁଭାନନ୍ତପୁରମ,୯।୩: କେରଳର ପଥନାମଥିଥ୍ଥ ଜିଲାପାଳ ସୋମବାରଠାରୁ ୩ ଦିନ ପାଇଁ ସମସ୍ତ ଶିକ୍ଷାନୁଷ୍ଠାନକୁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି। ପଥନାମଥିଥ୍ଥ ଜିଲାରେ ରବିବାର ୫ କରୋନା...

ପାକିସ୍ତାନକୁ ଭାରତର ଜବାବ

ନୂଆଦିଲ୍ଲୀ,୯।୮: ମୋଦି ସରକାର ଜମ୍ମୁ-କଶ୍ମୀରରେ ଅନୁଚ୍ଛେଦ ୩୭୦ ହଟାଇବା ପରେ ଭାରତ ପାକିସ୍ତାନ ମଧ୍ୟରେ ତିକ୍ତତା ବଢିବାରେ ଲାଗିଛି। ପାକିସ୍ତାନ ଭାରତ ସହ ବ୍ୟବସାୟୀକ ସମ୍ପର୍କ...

କରୋନା ଭୟ: ଛେଳିକୁ ମାସ୍କ ପିନ୍ଧାଇଲେ ମାଲିକ

ଅମରାବତୀ,୯।୪: କରୋନା ଭାଇରସ ଏବେ ସାରା ବିଶ୍ୱରେ ତା’ର କାୟା ବିସ୍ତାର କରିଛି। କିଛିଦିନ ତଳେ ଦେଖିବାକୁ ମିଳିଥିଲା ଆମେରିକାର ଚିଡିଆଖାନାରେ ଏକ ବାଘ କରୋନାରେ...

ପଞ୍ଚମଥର ବି ବଲିଉଡ୍‌ ଗାୟିକାଙ୍କ କରୋନା ସଂକ୍ରମିତ ରିପୋର୍ଟ ଆସିଲା ପିଜିଟିଭ

ଲକ୍ଷ୍ନୌ,୩୧।୩: ବଲିଉଡ୍‌ ସିଙ୍ଗର କନିକା କପୁର କରୋନା ଭାଇରସରେ ସଂକ୍ରମିତ ହୋଇଥିବା ଖବର ସମସ୍ତଙ୍କୁ ଜଣା। ତେବେ ପଞ୍ଚମଥର ବି ତାଙ୍କ ରିପୋର୍ଟ ପଜିଟିଭ ଆସିବା...

ରେନିକୋଟ, ସନ୍‌ଗ୍ଲାସ୍‌ ପିନ୍ଧି କରୋନା ସହ ଯୁଦ୍ଧ କରୁଛନ୍ତି ଡାକ୍ତର

ସିଲିଗୁଡି,୩୧।୩: ସାରା ବିଶ୍ୱରେ ୩୭ହଜାରରୁ ଊର୍ଦ୍ଧ୍ୱ ଲୋକଙ୍କ ଜୀବନ ନେଇସାରିଥିବା କରୋନା ଭାଇରସ୍‌ ଏବେ ଭାରତରେ ଦ୍ରୁତଗତିରେ ବ୍ୟାପିବାରେ ଲାଗିଛି। ଭାରତରେ ଏପର୍ଯ୍ୟନ୍ତ କରୋନା ସଂକ୍ରମିତଙ୍କ...

Leave a comment

Your email address will not be published. Required fields are marked *