ଡିଜିଟାଲ ପେମେଣ୍ଟରେ ଧମାକା କରିବ ଜିଓର ପିଓଏସ୍‌

ମୁମ୍ବାଇ,୨୮-୫: ରିଲାଏନ୍ସ ଜିଓ ଇନ୍‌ଫୋକମ୍‌ର ପଏଣ୍ଟ ଅଫ୍‌ ସେଲ୍‌(ପିଓଏସ୍‌) ମେଶିନ ଲଞ୍ଚତ୍ଙ୍ଗ୍‌ରୁ ପେମେଣ୍ଟ କମ୍ପାନୀଙ୍କ ମଧ୍ୟରେ କିରାନା ଷ୍ଟୋର୍‌ସକୁ ନେଇ ଲଢ଼େଇ ହେବ। ଏହାଦ୍ୱାରା ଡିଜିଟାଲ ପେମେଣ୍ଟ କ୍ଷେତ୍ରରେ ରିଲାଏନ୍ସ ଜିଓ ଦ୍ୱାରା ଏକ ଧମାକା ହେବାକୁ ଯାଉଛି। ପିଓଏସ୍‌ ଅଥବା କାର୍ଡ ସ୍ବାଇପ୍‌ ଟର୍ମିନାଲ, ରିଲାଏନ୍ସ ଜିଓ ଇନ୍‌ଫୋକମ୍‌ର ଛୋଟ ଦୋକାନୀଙ୍କ ମଧ୍ୟରେ ଇକୋସିଷ୍ଟମ ତିଆରି କରିବାର ଏକ ଯୋଜନାର ଅଂଶବିଶେଷ ହୋଇଛି।
ପେଟିଏମ୍‌, ଫୋନ୍‌ପେ ଏବଂ ଗୁଗଲ ପେ ଟର୍ମିନାଲ୍ସ ଜରିଆରେ ଓ୍ବେବ୍‌ ସର୍ଭିସେସ୍‌(ପେମେଣ୍ଟସ, ସପ୍ଲାଇ ଚେନ୍‌ ଏବଂ ଓ୍ବର୍କିଂ କ୍ୟାପିଟାଲ ଫାଇନାନ୍ସିଂ) ବୃଦ୍ଧି କରିବାର ପ୍ରୟାସ କରାଯିବ। ନଗଦ ଆଧାରିତ କିରାନା ଦୋକାନଗୁଡ଼ିକୁ ଡିଜିଟାଲ ଦୋକାନରେ ପରିବର୍ତ୍ତନ କରିବା ଡିଜିଟାଲ ପେମେଣ୍ଟ କମ୍ପାନୀଙ୍କ ଲାଗି କେନ୍ଦ୍ରବିନ୍ଦୁ ହୋଇଛି। ପ୍ରଥମେ କ୍ୟୁଆର୍‌ କୋଡ୍‌କୁ ଛୋଟ ବ୍ୟବସାୟୀଙ୍କ ଲାଗି ଉପଯୁକ୍ତ ସମାଧାନ ମନେ କରାଯାଉଥିଲା, କିନ୍ତୁ ଏହା ସଫଳ ହୋଇପାରିନାହିଁ। ଏସ୍‌ବିଆଇ କ୍ୟାପ୍‌ ସିକ୍ୟୁରିଟିଜ୍‌ ପକ୍ଷରୁ ନିକଟରେ ଜାରି କରାଯାଇଥିବା ଏକ ରିପୋର୍ଟରେ କୁହାଯାଇଛି ଯେ, ଭାରତୀୟ ଖୁଚୁରା ବଜାର ପ୍ରାୟ ୭୧୦ ନିୟୁତ ଡଲାରରେ ପହଞ୍ଚତ୍ଛି। ତେବେ ୯୦% କିରାନା ଦୋକାନ ଅସଂଗଠିତ କ୍ଷେତ୍ରରେ କାର୍ଯ୍ୟକରୁଛି। ଏଥିରେ ୧.୫ କୋଟି କିରାନା ଦୋକାନୀଙ୍କ ପ୍ରଭୁତ୍ୱ ରହିଛି। ବର୍ତ୍ତମାନ ଏହି ୧.୫ କୋଟି କିରାନା ଦୋକାନୀଙ୍କ ମଧ୍ୟରୁ କେବଳ ୧୫% ପିଓଏସ୍‌ ଖର୍ଚ୍ଚ ବହନ କରିପାରୁଛନ୍ତି। ପିଓଏସ୍‌ ମାର୍କେଟ ଏବେ ବିକ୍ଷୀପ୍ତ ଅବସ୍ଥାରେ ଅଛି। ଏ କ୍ଷେତ୍ରରେ ୨/୩ଟି ବଡ଼ କମ୍ପାନୀ ସହ ଶହ ଶହ ସଂଖ୍ୟାରେ କ୍ଷୁଦ୍ର କମ୍ପାନୀ କାର୍ଯ୍ୟ କରୁଛନ୍ତି। ରିଲାଏନ୍ସ ଜିଓ ପିଓଏସ୍‌ ମେଶିନ ଲାଗୁ କରିବା ପରେ କିରାନା ଦୋକାନରେ ଡିଜିଟାଲ ପେମେଣ୍ଟରେ କିଭଳି ପ୍ରଭାବ ପଡ଼ିବ ସେ ସମ୍ପର୍କରେ ଏବେ କିଛି କହିବା ଅସମ୍ଭବ। ତେବେ କମ୍ପାନୀ ପକ୍ଷରୁ ଦୁଇଟି ପ୍ରଡକ୍ଟ ଜିଓ ପିଓଏସ୍‌ ଏବଂ ମାଇଜିଓକୁ ଏବେ ଦୋକାନୀଙ୍କୁ ବଣ୍ଟା ଯାଉଛି। ଜିଓ ନିକଟରେ ଏବେ ୩୦ କୋଟି ଗ୍ରାହକ ରହିଛନ୍ତି। ମାଇଜିଓ ଆପ୍‌ ଜରିଆରେ ଅଫର୍ସ ଏବଂ ପ୍ରମୋଶନ୍ସ ଦେଇ ଗ୍ରାହକଙ୍କୁ ପିଓଏସ୍‌ ଥିବା କିରାନା ଦୋକାନକୁ ଆଣିବାର ପ୍ରୟାସ କରାଯିବ। ଉପଭୋକ୍ତାଙ୍କ ସହ ଯୋଗାଣକାରୀଙ୍କୁ ମଧ୍ୟ କମ୍ପାନୀ ଟାର୍ଗେଟ କରିବ। ଗ୍ରାହକଙ୍କ ନିକଟରେ ସାମଗ୍ରୀ ପହଞ୍ଚାଇବା ପୂର୍ବରୁ ଦୋକାନୀଙ୍କୁ ହୋଲ୍‌ସେଲ୍‌ କେନ୍ଦ୍ରକୁ ଯିବାକୁ ପଡେ। ବ୍ୟବସାୟର ଡିଜିଟାଲିକରଣର ଏହା ପ୍ରକୃଷ୍ଟ ମାଧ୍ୟମ ହେବ। ଏହାକୁ ଦୃଷ୍ଟିରେ ରଖି ହୋଲସେଲ୍‌ କମ୍ପାନୀ ରିଲାଏନ୍ସ ମାର୍କେଟକୁ କିରାନା ସହ ଯୋଡାଯିବ। ଏହାଦ୍ୱାରା ବ୍ୟବସାୟୀ ପିଓଏସ୍‌ର ବ୍ୟବହାର କରି ଅର୍ଡର ଦେଇପାରିବେ। ରିଲାଏନ୍ସ ଇଣ୍ଡଷ୍ଟ୍ରିଜ ଭାରି ସବ୍‌ସିଡି ଜରିଆରେ ଅତ୍ୟନ୍ତ ଶସ୍ତା(ବାସ୍ତବିକ ଖର୍ଚ୍ଚ ୧୧ ହଜାର ଟଙ୍କା) ରେ ଏମ୍‌ପିଓଏସ୍‌ ଟର୍ମିନାଲ୍ସ ସହିତ ଏ କ୍ଷେତ୍ରରେ ଏଣ୍ଟ୍ରି କରିଛି। ଅପରପକ୍ଷରେ ଡିଜିଟାଲ ପେମେଣ୍ଟ କମ୍ପାନୀ ଫୋନ୍‌ ପେ ଏବଂ ଗୁଗଲ୍‌ ପେ ନିଜ ଗ୍ରାହକଙ୍କୁ ହାଇପରଲୋକାଲ କମର୍ସ ଅନୁଭବ ଦେବାକୁ ପ୍ରସ୍ତୁତି ଚଳାଇଛି। ସ୍ଥାନୀୟ ଦୋକାନୀଙ୍କୁ ଯୋଡିବା ପରେ ଆକର୍ଷଣୀୟ ଅଫର୍ସ ଦେଇ ଦୋକାନରେ ଗ୍ରାହକଙ୍କ ସଂଖ୍ୟା ବଢ଼ାଇବାରେ ଲାଗିଛନ୍ତି ଏବଂ ନିଜକୁ ପେମେଣ୍ଟ ମୋଡ୍‌ ରୂପରେ ଆଗକୁ ବଢ଼ାଉଛନ୍ତି।


All Right Reserved By

ଆୟୁଷ୍ମାନ୍‌ ଭାରତ ଯୋଜନାକୁ ଆମେରିକାର ପ୍ରଶଂସା

ଓ୍ବାଶିଂଟନ,୧୨-୫: ଏନ୍‌ଡିଏ ସରକାରଙ୍କ ମହତ୍ତ୍ୱାକାଂକ୍ଷୀ ଯୋଜନା ‘ଆୟୁଷ୍ମାନ ଭାରତ’କୁ ଆମେରିକାର ଥିଙ୍କଟ୍ୟାଙ୍କ  ସେଣ୍ଟର ଫର୍‌ ଗ୍ଲୋବାଲ ଡେଭଲପ୍‌ମେଣ୍ଟ(ସିଜିଡି) ପ୍ରଶଂସା କରିଛି। ଏହି ଯୋଜନା ୟୁନିଭର୍ସାଲ ହେଲ୍‌ଥ...

ନିଶାନ ପକ୍ଷରୁ ସହାୟତା

ଭୁବନେଶ୍ୱର,୧୫-୫: ଫନୀ ପ୍ରଭାବିତ ଲୋକଙ୍କୁ ସହାୟତା କରିବା ଲାଗି ନିଶାନ ଇଣ୍ଡିଆ ଆଗେଇ ଆସିଛି। କମ୍ପାନୀ ପକ୍ଷରୁ କଟକ ଏବଂ ଭୁବନେଶ୍ୱରରେ ଜରୁରୀକାଳୀନ ମରାମତି ଟିମ୍‌...

ଗ୍ରାହକଙ୍କୁ ଦେଲାନି ଜିଏସ୍‌ଟି ଫାଇଦା;ପି ଆଣ୍ଡ ଜି ଖାଇଗଲା ୨୫୦ କୋଟି

ନୂଆଦିଲ୍ଲୀ,୨୪-୪: ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ଅଧୀନରେ ଗ୍ରାହକଙ୍କୁ ଫାଇଦା ନ ଦେଇ ଆମେରିକାର ମଲ୍ଟି ନ୍ୟାଶନାଲ ଏଫ୍‌ଏମ୍‌ସିଜିି କମ୍ପାନୀ ପ୍ରକ୍ଟର ଆଣ୍ଡ ଗ୍ୟାମ୍ବଲ(ପି ଆଣ୍ଡ...

ସଂଶୋଧିତ ଏନ୍‌ପିଏ ସର୍କୁଲାର ଜାରି

ମୁମ୍ବାଇ,୮-୬: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଶୁକ୍ରବାର ସଂଶୋଧିତ ଏନ୍‌ପିଏ ସର୍କୁଲାର ଜାରି କରିଛି। ୨୦୦୦ କୋଟି ଅଥବା ଏହାଠାରୁ ଊର୍ଦ୍ଧ୍ୱ ଟଙ୍କାର ବକେୟା ଋଣ ଫେରସ୍ତ...

ଏଫ୍‌ପିଆଇ ସରଚାର୍ଜ ପ୍ରତ୍ୟାହାରକୁ ନେଇ ଅର୍ଥମନ୍ତ୍ରୀ ଚୁପ୍‌

ନୂଆଦିଲ୍ଲୀ,୧୧-୮: ବଜେଟରେ ଲାଗୁ ହୋଇଥିବା ସରଚାର୍ଜକୁ ନେଇ ଚିନ୍ତିତ ଫରେନ ପୋର୍ଟଫୋଲିଓ ଇନ୍‌ଭେଷ୍ଟର(ଏଫ୍‌ପିଆଇ) କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ଙ୍କୁ ଭେଟିଛନ୍ତି। ସରଚାର୍ଜ ଲାଗୁ ହେବା ଦ୍ୱାରା...

୧୦୦୦ କୋଟିର ୬ ଏନ୍‌ପିଏ ଆକାଉଣ୍ଟ ବିକିବ ପିଏନ୍‌ବି

ନୂଆଦିଲ୍ଲୀ,୧୭-୬: ରାଷ୍ଟ୍ରାୟତ୍ତ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ୧୦୦୦ କୋଟି ଟଙ୍କାରୁ ଅଧିକ ୬ ଏନ୍‌ପିଏ ଆକାଉଣ୍ଟକୁ ବିକ୍ରି କରିବାକୁ ଘୋଷଣା କରିଛି। ବିକ୍ରି ହେବାକୁ ଥିବା...

ଜିଏସ୍‌ଟି ସେଲ୍‌ସ ରିଟର୍ନ ଦାଖଲ ଅବଧି ବଢିଲା

ନୂଆଦିଲ୍ଲୀ,୨୧ା୪: ସାମଗ୍ରୀ ଓ ସେବା ଟିକସ(ଜିଏସ୍‌ଟି) ସେଲ୍‌ସ ରିଟର୍ନ ଦାଖଲ କରିବାରେ ଶେଷ ତାରିଖର ଅବଧିକୁ ସରକାର ବୃଦ୍ଧି କରିଛନ୍ତି। ମାର୍ଚ୍ଚ ମାସ ଲାଗି ଜିଏସ୍‌ଟିଆର୍‌-୩ବି...

୨୬ରୁ ସ୍ପାଇସଜେଟ୍‌ ଉଡ଼ାଇବ ୨୮ ବିମାନ

ନୂଆଦିଲ୍ଲୀ,୨୪-୪: ଆସନ୍ତା ୨୬ରୁ ଘରୋଇ ନେଟଓ୍ବାର୍କରେ ସ୍ପାଇସଜେଟ୍‌ ନୂଆଦିଲ୍ଲୀ ଏବଂ ମୁମ୍ବାଇରୁ ଅନ୍ୟ ସହରକୁ ଦୈନିକ ୨୮ ନୂଆ ବିମାନ ଉଡ଼ାଇବ ବୋଲି ମଙ୍ଗଳବାର କମ୍ପାନୀ...

selfi corner

Model This Week

Why Dharitri

Leave a comment

Your email address will not be published. Required fields are marked *