Posted inରାଜ୍ୟ

ବିଭାଜିତ ସଂସଦୀୟ ଜନମତ

ଭୁବନେଶ୍ୱର,୨୮।୫: ‘ଉତ୍କଳରେ ନେତା ନାହିଁ ପ୍ରୟୋଜନ, ଉତ୍କଳର ନେତା ସ୍ବୟଂ ନାରାୟଣ’। ୨୦୧୯ ସଂସଦୀୟ ନିର୍ବାଚନର ଫଳାଫଳକୁ ଦେଖିଲେ କୌଣସି ଜଣେ ବି ସମଗ୍ର ଓଡ଼ିଶାର ସର୍ବମାନ୍ୟ ନେତା ହେବାର ଦାବିଦାର ହୋଇପାରି ନାହାନ୍ତି। ଚଳିତ ନିର୍ବାଚନରେ ଅଧିକାଂଶ ଆସନରେ ବିଜେଡି ଓ ଭାଜପା ମଧ୍ୟରେ କଡ଼ା ଟକ୍କର ହୋଇଥିଲା। ୨୧ ଲୋକ ସଭା ଆସନରୁ ବିଜେଡି ୧୨ଟି ଆସନ ପାଇଥିବାବେଳେ ଭାଜପା ୮ ଏବଂ ଗୋଟିଏ ଆସନ କଂଗ୍ରେସକୁ ଯାଇଛି। ଆଞ୍ଚଳିକ ସ୍ତରରେ ଦେଖିଲେ ପଶ୍ଚିମ ଓଡ଼ିଶାର ସମସ୍ତ ୫ ଆସନ କଳାହାଣ୍ଡି, ବରଗଡ଼, ବଲାଙ୍ଗୀର, ସମ୍ବଲପୁର, ସୁନ୍ଦରଗଡ଼ ସହ ଉତ୍ତର ଓଡ଼ିଶାର ମୟୂରଭଞ୍ଜ, ବାଲେଶ୍ୱର ଏବଂ ଉପକୂଳ ଓଡ଼ିଶାର ଭୁବନେଶ୍ୱର ଆସନକୁ ଭାଜପା ଦଖଲ କରିଛି। ଓଡ଼ିଶାର ମାନଚିତ୍ରକୁ ଅନୁଧ୍ୟାନ କଲେ ରାଜ୍ୟର ୨ପାର୍ଶ୍ୱର ସଂସଦୀୟ ଜନମତ ବିଭାଜିତ ହୋଇଯାଇଛି। ରାଜ୍ୟ ରାଜନୀତିରେ ବିଜେଡିର ଶାସନ ଗ୍ରହଣୀୟ ହୋଇଥିବାବେଳେ ଜାତୀୟସ୍ତରରେ ଗୈରିକ ଦଳକୁ ପୂର୍ବାପେକ୍ଷା ଭୋଟର ଅଧିକ ପସନ୍ଦ କରିଥିଲେ। ତେଣୁ ଚଳିତ ବର୍ଷର ନିର୍ବାଚନ ଫଳ ଭବିଷ୍ୟତର ରାଜନୀତିକୁ ମଧ୍ୟ ବିଶେଷଭାବେ ପ୍ରଭାବିତ କରିପାରେ ବୋଲି ରାଜନୀତି ସମୀକ୍ଷକମାନେ ମତ ଦେଇଛନ୍ତି। .
ଭାଜପାର ଏହି ପ୍ରଦର୍ଶନ ସୂଚାଇ ଦେଉଛି ଯେ, ଏବେ ରାଜ୍ୟର ଲୋକମାନେ ପରିବର୍ତ୍ତନ ମୁହାଁ ହୋଇଥିଲେ। ବିଧାନସଭା ନିର୍ବାଚନର ଫଳାଫଳ ବିଜେଡି ସପକ୍ଷରେ ଯାଇଥିଲେ ସୁଦ୍ଧା ଲୋକ ସଭାରେ ଦଳ ଆଶାତୀତ ସଫଳତା ପାଇ ନାହିଁ। ୨୦୧୪ ନିର୍ବାଚନରେ ବିଜେଡି ୨୦ଟି ଆସନରେ ଜିତିଥିବାବେଳେ ଭାଜପା ମାତ୍ର ଗୋଟିଏ ଆସନ(ସୁନ୍ଦରଗଡ଼)ରେ ବିଜୟ ଲାଭ କରିଥିଲା। ଦେଖିବାକୁ ଗଲେ ୨୦୧୭ରେ ହୋଇଥିବା ପଞ୍ଚାୟତ ନିର୍ବାଚନରେ ଭାଜପା ବହୁ ସଂଖ୍ୟକ ଜିଲା ପରିଷଦ ସିଟ୍‌ ହାତେଇ ପାରିଥିଲା। ଏପରିକି ଅନେକ ଜିଲାରେ ପରିଷଦ ମଧ୍ୟ ଗଠନ କରିଥିଲା। ସେହି ସବୁ ସ୍ଥାନରେ ବିଜେଡି ସ୍ଥିତି ଦୁର୍ବଳ ବୋଲି ଅନୁଭବ କରାଯାଇଥିଲା। ତେଣୁ ବିଜେଡି ନେତୃତ୍ୱ ଉକ୍ତ ଅଞ୍ଚଳକୁ ଅଧିକ ଗୁରୁତ୍ୱ ଦେଇଥିଲେ। ଏପରି କି ୨୦୧୮ ଫେବୃୟାରୀରେ ଅନୁଷ୍ଠିତ ବିଜେପୁର ଉପନିର୍ବାଚନରେ ତତ୍କାଳୀନ କଂଗ୍ରେସ ବିଧାୟକ ସ୍ବର୍ଗତ ସୁବଳ ସାହୁଙ୍କ ସ୍ତ୍ରୀ ରୀତା ସାହୁଙ୍କୁ ପ୍ରାର୍ଥୀ କରାଗଲା। ସମସ୍ତ କଳବଳ କୌଶଳ ଖର୍ଚ୍ଚ କରି ବିଜେଡି ନିର୍ବାଚନ ମଧ୍ୟ ଜିତିଲା। ଉପନିର୍ବାଚନରେ କଂଗ୍ରେସର ସିଂହଭାଗ ଭୋଟ ବିଜେଡିକୁ ସ୍ଥାନ୍ତାନ୍ତରିତ ହୋଇଥିବା ଲକ୍ଷ୍ୟ କରାଯାଇଥିଲା। ତେଣୁ ବିଜେଡି ସାଧାରଣ ନିର୍ବାଚନରେ ଭାଜପାକୁ ଉଚିତ ଜବାବ ଦେଇପାରିବ ବୋଲି ଏକ ଧାରଣା ସୃଷ୍ଟି କରାଯାଇଥିଲା। ପଶ୍ଚିମ ଓଡ଼ିଶାରେ ଭାଜପାର ପ୍ରଦର୍ଶନ ଉତ୍ତମ ରହିଥିବା କାରଣରୁ ସେହି ଅଞ୍ଚଳର ଭୋଟକୁ ନିଜ ସପକ୍ଷରେ କରିବା ଉଦ୍ଦେଶ୍ୟରେ ଗତ ନିର୍ବାଚନରେ ନବୀନ ପଟ୍ଟନାୟକ ନିଜ ପାରମ୍ପରିକ ଆସନ ହିଞ୍ଜିଳି ସହିତ ବିଜେପୁର ବିଧାନସଭା ଆସନରୁ ପ୍ରତିଦ୍ୱନ୍ଦ୍ୱିତା କରିଥିଲେ। ଚିନ୍ତା କରାଯାଇଥିଲା ଯେ, ମୁଖ୍ୟମନ୍ତ୍ରୀଙ୍କ ପଶ୍ଚିମ ଓଡ଼ିଶା ଉପସ୍ଥିତି ଦଳକୁ ଶକ୍ତିଶାଳୀ କରିବ। ବିଜେପୁର ବିଧାନସଭା ନିର୍ବାଚନମଣ୍ଡଳୀ ହେଉଛି ବରଗଡ ଲୋକ ସଭା ଆସନର ଏକ ଅଙ୍ଗ। ତେଣୁ ବରିଷ୍ଠ ନେତା ପ୍ରସନ୍ନ ଆଚାର୍ଯ୍ୟଙ୍କୁ ମଧ୍ୟ ସେହି ଲୋକ ସଭା ଆସନରୁ ପ୍ରାର୍ଥୀ କରାଯାଇଥିଲା। ଭାଜପା ସୁରେଶ ପୂଜାରୀଙ୍କୁ ବରଗଡ଼ ଲୋକ ସଭା ଆସନରୁ ପ୍ରାର୍ଥୀ କରାଯିବାରୁ ଏଥିରେ ଅସନ୍ତୁଷ୍ଟ ହୋଇ ଭାଜପା ନେତା ସୁବାସ ଚୌହାନ ଦଳ ଛାଡ଼ି ବିଜେଡିରେ ଯୋଗ ଦେଇଥିଲେ। ଏପରି କି କିଛି ଭାଜପା ଜିଲା ପରିଷଦ ସଭ୍ୟ ମଧ୍ୟ ଦଳ ଛାଡ଼ି ବିଜେଡିରେ ସାମିଲ ହୋଇଥିଲେ। ଆଶା କରାଯାଉଥିଲା ଯେ, ବରଗଡ଼ ଲୋକ ସଭା କ୍ଷେତ୍ରକୁ ବିଜେଡି ସହଜରେ ଅକ୍ତିଆର କରିପାରିବ। ମାତ୍ର ତାହା ହେଲା ନାହିଁ। ବରଗଡ଼ରେ ଭାଜପା ପ୍ରାର୍ଥୀ ପୂଜାରୀ ବିଜୟ ଲାଭ କଲେ । ସେତିକି ନୁହେଁ, ପଶ୍ଚିମ ଓଡ଼ିଶାର ସମସ୍ତ ୫ଟି ଆସନରେ ଭାଜପା ବିଜୟ ବାନା ଉଡ଼ାଇପାରିଲା, ଯାହାକି ନବୀନଙ୍କ ନେତୃତ୍ୱ ପ୍ରତି ଏକ ପ୍ରକାର ଚ୍ୟାଲେଞ୍ଜ ସୃଷ୍ଟି କରିଛି। ଉତ୍ତର ଓଡ଼ିଶାରେ ମଧ୍ୟ ସମାନ ସ୍ଥିତି। ମୟୂରଭଞ୍ଜ ଓ ବାଲେଶ୍ୱର ସଂସଦୀୟ କ୍ଷେତ୍ରରେ ଭାଜପା ବାଜିମାତ କରିଥିଲା। ସେହିଭଳି ବାଲେଶ୍ୱର ପୂର୍ବତନ ଏମ୍‌ପି ରବୀନ୍ଦ୍ର ଜେନାଙ୍କୁ ଜିଲା ସଭାପତି କରାଯିବା ସହ, ବରିଷ୍ଠ ନେତା ରଘୁନାଥ ମହାନ୍ତିଙ୍କୁ ବିଦା କରିବାର ବାଟ ସୃଷ୍ଟି କରାଯାଇଥିଲା। ତାହାର କୁଫଳ ଶେଷରେ ବିଜେଡିକୁ ଭୋଗିବାକୁ ପଡିଲା। ଅନୁରୂପଭାବେ ଭୁବନେଶ୍ୱରରେ ପ୍ରତିକୂଳ ପରିସ୍ଥିତି ସତ୍ତ୍ୱେ ଭାଜପା ପ୍ରାର୍ଥତ୍ନୀ ଅପରାଜିତା ଷଡ଼ଙ୍ଗୀ ବିଜୟୀ ହୋଇଛନ୍ତି। ତେଣୁ ବିଜେଡି ନେତୃତ୍ୱ, ସ୍ଥାନୀୟ ସଙ୍ଗଠନକୁ ନେଇ ଏକାଧିକ ପ୍ରଶ୍ନ ଉଙ୍କି ମାରିଛି। ଲୋକ ସଭାରେ ବିଜେଡିର ମୋଟ ଭୋଟ ପ୍ରତିଶତ ୪୨.୭୬ ପ୍ରତିଶତ ଥିବାବେଳେ ଭାଜପାର ୩୮.୩୭ ରହିଛି। ଦୁଇ ଦଳ ମଧ୍ୟରେ ଭୋଟ ପ୍ରତିଶତ ଅନ୍ତର ମାତ୍ର ୪.୩୯ ପ୍ରତିଶତ ରହିଛି।
କେତେଜଣ ରାଜନୈତିକ ପର୍ଯ୍ୟବେକ୍ଷକଙ୍କ କହିବାନୁଯାୟୀ, ବିଜେଡିରେ ନବୀନଙ୍କ ସାରା ରାଜ୍ୟରେ ଗ୍ରହଣୀୟତା କେତେକାଂଶରେ ହ୍ରାସ ପାଇଛି। ଏହାର କାରଣ ଲୋକ ସଭା ଫଳାଫଳରୁ ସ୍ପଷ୍ଟ ଅନୁମେୟ। ଅପରପକ୍ଷରେ ଭାଜପାରେ କୌଣସି ଗ୍ରହଣୀୟ ରାଜ୍ୟସ୍ତରୀୟ ନେତା ନ ଥିବାରୁ ବିଧାନସଭା ନିର୍ବାଚନ ଫଳାଫଳ ସମ୍ପୂର୍ଣ୍ଣ ବୀପରିତ ହୋଇଥିଲା।

(ଚିଦାନନ୍ଦ ଜେନା)


All Right Reserved By Dharitri.Com

ଅବ୍ୟବସ୍ଥାରେ କ୍ୱାରାଣ୍ଟାଇନ ସେଣ୍ଟର

ବାଲିଆ, ୧।୪:  କରୋନା ମହାମାରୀ ପାଇଁ ପଞ୍ଚାୟତସ୍ତରରେ କ୍ୱାରାଣ୍ଟାଇନ୍‌ ସେଣ୍ଟର କରିବାକୁ ରାଜ୍ୟ ସରକାରଙ୍କ ତରଫରୁ ପ୍ରତି ପଞ୍ଚାୟତକୁ ୫ ଲକ୍ଷ ଟଙ୍କା ଲେଖାଏଁ ଦିଆଯାଇଛି।...

ଆନ୍ଧ୍ର ପ୍ରଦେଶ ରାଜ୍ୟପାଳଙ୍କୁ ଡକ୍ଟରେଟ୍‌ ଉପାଧି

ଭୁବନେଶ୍ୱର,୧୭ା୨(ବ୍ୟୁରୋ): ପଞ୍ଜାବର ମଣ୍ଡି ଗୋବିନ୍ଦଗଡ଼ସ୍ଥିତ ଦେଶ୍‌ ଭଗତ ବିଶ୍ୱବିଦ୍ୟାଳୟର ୭ମ ସମାବର୍ତ୍ତନ ଉତ୍ସବରେ ଆନ୍ଧ୍ର ପ୍ରଦେଶ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ ମୁଖ୍ୟ ଅତିଥିଭାବେ ଯୋଗଦେଇ ଛାତ୍ରୀଛାତ୍ରଙ୍କ...

ମୁଖ୍ୟମନ୍ତ୍ରୀଙ୍କ ଘୋଷଣା: ବରଗଡ଼ରେ ହେବ କ୍ୟାନ୍‌ସର ହସ୍ପିଟାଲ

ବରଗଡ ଅଫିସ,୨୧।୧- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ବରଗଡ ଗସ୍ତରେ ଆସି ଭଟଲି ବ୍ଲକ ଅନ୍ତର୍ଗତ ଟୁକୁର୍ଲା(ଖେଦାପାଲି) ନିକଟରେ ନିର୍ମିତ ନୂତନ ଜିଲା ମୁଖ୍ୟ ଡାକ୍ତରଖାନା,...

ଫନୀ ପରେ ଅମ୍ଫନ୍‌ ଦେଇଗଲା ଦୁଃଖ

ପୁରୀ ଅଫିସ,୨୩ା୫: ବାତ୍ୟା ଫନୀରେ ପୁରୀ ଜିଲାର ପାନଚାଷ ସମ୍ପୂର୍ଣ୍ଣ ଉଜୁଡ଼ି ଯାଇଥିଲା। ପବନ ମାଡ଼ରେ ଧରାଶାୟୀ ହୋଇଥିଲା ହଜାର ହଜାର ପାନବରଜ। ଧାର, କରଜ...

ଆଜିଠାରୁ ମା’ ଲୋଭୀ ଠାକୁରାଣୀଙ୍କ ଯାତ୍ରା

(ଉପେନ୍ଦ୍ର ରାଉତ) ବଅଁରପାଳ, ୧୨।୧୧ ଅନୁଗୋଳ ଜିଲା ବଅଁରପାଳ ବ୍ଲକ ଗଡ଼ସନ୍ତ୍ରୀ ଠାରେ ଥିବା ମା’ ଲୋଭୀ ଠାକୁରାଣୀଙ୍କ ଯାତ୍ରା ମଙ୍ଗଳବାରଠାରୁ ଆରମ୍ଭ ହେବ। ଗଡ଼ସନ୍ତ୍ରୀ...

ନୀହାରିକା ହତ୍ୟା ମାମଲା : ଆତ୍ମସମର୍ପଣ କଲେ ପ୍ରେମିକ କିଶୋର

ଜଗତ୍‌ସିଂହପୁର ଅଫିସ/ବିରିଡ଼ି (ଡି.ଏନ୍‌.ଏ.),୨୧ା୯: ନର୍ସ ନୀହାରିକା ପାତ୍ର ହତ୍ୟା ମାମଲା ଏବେ ଭିନ୍ନ ମୋଡ଼ ନେଇଛି। ନୀହାରିକାଙ୍କ ମୃତଦେହ ବିରିଡ଼ି ଥାନା ଅଧୀନ ବିଲୁଆଖାଇ ନଦୀପଠାରୁ...

ଲଡୁବାବା ମନ୍ଦିରରେ ଭଙ୍ଗହେଲା ୨୦୦ ବର୍ଷର ପରମ୍ପରା: ଶୀତଳଷଷ୍ଠୀରେ କରାଗଲାନି ଠାକୁରଙ୍କ ନଗର ପରିକ୍ରମା, ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ

ନୟାଗଡ଼ ଅଫିସ,୯ା୬- ନୟାଗଡ଼ ଜିଲା ଶରଣକୁଳ ଲଡ଼ୁବାବା ମନ୍ଦିରରେ ୨୦୦ ବର୍ଷର ପରମ୍ପରା ଭଙ୍ଗ କରାଯାଇଛି। ଗୁରୁବାର ଶୀତଳଷଷ୍ଠୀରେ ଠାକୁରଙ୍କ ବିଜେ ପ୍ରତିମାଙ୍କୁ ନଗର ପରିକ୍ରମା...

ଦ୍ୱାଦଶ କୁଆଖିଆ ମହୋତ୍ସବ ପାଇଁ ପ୍ରସ୍ତୁତି

ରସୁଲପୁର,୫ା୧୨(ଡି.ଏନ୍‌.ଏ.): ରସୁଲପୁର ବ୍ଲକ ଅଞ୍ଚଳର ବ୍ୟବସାୟିକ ପ୍ରାଣକେନ୍ଦ୍ର ବୋଲି କୁହାଯାଉଥିବା କୁଆଖିଆ ବଜାରର ସାରଙ୍ଗପୁର ମେଲଣ ପଡ଼ିଆରେ ଆୟୋଜିତ ହେବାକୁ ଥିବା ଦ୍ୱାଦଶ କୁଆଖିଆ ମହୋତ୍ସବ...

Leave a comment

Your email address will not be published. Required fields are marked *