ରଥ ପାଇଁ ମିଳିଲାନି ନୂଆ କାଠ

ବାରିପଦା ଅଫିସ,୨୮।୫- ଦ୍ୱିତୀୟ ଶ୍ରୀକ୍ଷେତ୍ର ଭାବେ ପ୍ରସିଦ୍ଧି ଲାଭ କରିଥିବା ବାରିପଦା ରଥଯାତ୍ରା ଲାଗି ପ୍ରସ୍ତୁତି ଆରମ୍ଭ ହୋଇଛି। ୩ ରଥ ନିର୍ମାଣ ଲାଗି ୪୦ରୁ ଊର୍ଦ୍ଧ୍ୱ କାରିଗର ଲାଗିଛନ୍ତି। ରଥଯାତ୍ରାକୁ ଆଉ ଅଳ୍ପଦିନ ବାକିଥିବାରୁ ସେମାନେ ଦିନରାତି କାର୍ଯ୍ୟ କରୁଛନ୍ତି। ପୁରୀ ରଥଯାତ୍ରାର ଦିନକ ପରେ ହେଉଥିବା ବାରିପଦା ରଥଯାତ୍ରାରେ କେବଳ ମହିଳାମାନେ ସୁଭଦ୍ରାଙ୍କ ରଥ ଟାଣିବା ପରମ୍ପରା ଭକ୍ତମାନସରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛି । ପ୍ରତିବର୍ଷ କିଛି ନୂଆ ପୂରୁଣା କାଠ ମିଶାଇ ରଥ ନିର୍ମାଣ କରାଯାଉଥିବା ବେଳେ ଏଥର ପ୍ରଶାସନ ଖଣ୍ଡିଏ ବି ନୂଆ କାଠ ଯୋଗାଇ ଦେଇନାହିଁ। କାଠର ଅଭାବ ରଥନିର୍ମାଣ କାର୍ଯ୍ୟରେ ବାଧା ସୃଷ୍ଟି କରୁଥିବା ନିର୍ମାଣ ଦାୟିତ୍ୱରେ ଥିବା ରଥ ମହାପାତ୍ର ମୃତ୍ୟୁଞ୍ଜୟ ମହାପାତ୍ର ଅଭିଯୋଗ କରିଛନ୍ତି ।
ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ସେ କହିଛନ୍ତି, ବାରିପଦା ଠାକୁରଙ୍କ ୩ ରଥ କେବଳ ଶାଳ କାଠରେ ନିର୍ମାଣ ହୋଇଥାଏ। ରଥ ନିର୍ମାଣ ସକାଶେ ୫ହଜାର ସିଫ୍ଟ କାଠ ଦରକାର ପଡିଥାଏ। ଗତ ବର୍ଷର କିଛି ବଳକା କାଠରେ ବର୍ତ୍ତମାନ ସୁଦ୍ଧା ରଥ ନିର୍ମାଣ କରାଯାଉଛି। ପୁରୁଣା କାଠରେ ରଥ ତିଆରି ହେଉଥିବାରୁ ରଥଯାତ୍ରା ବେଳେ ଦୁର୍ଘଟଣା ଘଟିବା ଆଶଙ୍କାକୁ ଏଡାଇ ଦିଆଯାଇ ନ ପାରେ । ପ୍ରଶାସନ ଓ ଦେବୋତ୍ତର ବିଭାଗକୁ ଏନେଇ ଅବଗତ କରାଯାଇଥିଲେ ବି କୌଣସି ପଦକ୍ଷେପ ନିଆଯାଇ ନାହିଁ।
ପୁରୀ ଭଳି ବାରିପଦାର ଜଗନ୍ନାଥଙ୍କ ରଥରେ ୧୬, ବଳଭଦ୍ରଙ୍କ ରଥରେ ୧୪ ଓ ସୁଭଦ୍ରାଙ୍କ ରଥରେ ୧୨ ଟି ଚକ ଲାଗିଥାଏ। ୨୦୧୫ ନବକଳେବର ସମୟରେ ଏଠାକାର ୩ ରଥର ୪୨ ଚକ ମଧ୍ୟରୁ ୨୨ଟି ନୂତନ ଚକ ଲଗାଯାଇଥିଲା। ଏ ସବୁ ପୁରୁଣା ହୋଇ ଗଡିବା ଅବସ୍ଥାରେ ନାହିଁ। ଏହାସତ୍ତ୍ୱେ ପ୍ରଶାସନ ପକ୍ଷରୁ ପୁରୁଣା ଚକକୁ ରଥରେ ଲଗାଇବାକୁ କୁହାଯାଇଛି। ସ୍ଥାନୀୟ ବଡଦାଣ୍ଡ ରାସ୍ତାର ଅବସ୍ଥା ଠିକ ନ ଥିବାରୁ ରଥ ଗଡିବାରେ ସମସ୍ୟା ଦେଖାଦେଇ ପାରେ ବୋଲି ରଥ ମହାପାତ୍ର ଆଶଙ୍କା ବ୍ୟକ୍ତ କରିିଛନ୍ତି।
ହରି ବଳଦେବ ଜୀଉ ମନ୍ଦିରର ବିଧି ଅନୁଯାୟୀ ରଥ ମହାପାତ୍ରଙ୍କୁ ଡାକି ରଥ କାଠ ଚୟନ କରି ଉପଯୁକ୍ତ ପରିମାଣର ନୂଆ କାଠ ଯୋଗାଇ ଦିଆଯିବା ବ୍ୟବସ୍ଥା ରହିଛି। ଜିଲା ପ୍ରଶାସନ ଏବଂ ଦେବୋତ୍ତର ବିଭାଗ ଏହି ଗୁରୁତ୍ୱପୂର୍ଣ୍ଣ ଦିଗ ପ୍ରତି ଉଦାସୀନ ରହିବା ଏକ ବିଡମ୍ବନା ବୋଲି ସ୍ଥାନୀୟ ନାଗରିକ ଓ ବୁଦ୍ଧିଜୀବୀ କହିଛନ୍ତି। ଅନ୍ୟପକ୍ଷେ ରଥ ନିର୍ମାଣ ଲାଗି ମଜୁରୀ ଠିକ୍‌ ସମୟରେ ମିଳୁ ନାହିଁ ବୋଲି କାରିଗରମାନେ ଅଭିଯୋଗ କରିଛନ୍ତି। ଦୁଇ ସପ୍ତାହ କାର୍ଯ୍ୟ କଲେ କେବଳ ଗୋଟିଏ ସପ୍ତାହର ମଜୁରି ମିଳୁଛି। ସରକାରଙ୍କ ନିର୍ଦ୍ଧାରିତ ସର୍ବନିମ୍ନ ମଜୁରୀ ଅନୁଯାୟୀ କୁଶଳୀ ଶ୍ରମିକଙ୍କୁ ଦୈନିକ ୫ ଶହ ଟଙ୍କା ପରିବର୍ତ୍ତେ କାରିଗରମାନଙ୍କୁ ଦୈନିକ ୩୫୦ ଟଙ୍କା ଦିଆଯାଉଛି ବୋଲି ସେମାନେ ଦର୍ଶାଇଛନ୍ତି। ଏ ସମ୍ପର୍କରେ ଦେବୋତ୍ତର ଅଧିକାରୀ ତଥା ବାରିପଦା ଉପ ଜିଲାପାଳ ଦିବ୍ୟଜ୍ୟୋତି ପରିଡାଙ୍କୁ ପଚାରିବାରୁ ନିର୍ବାଚନ କାର୍ଯ୍ୟରେ ସେ ବ୍ୟସ୍ତ ଥିବାରୁ ରଥ ନିର୍ମାଣ କାର୍ଯ୍ୟରେ ଅସୁବିଧା ଦେଖାଦେଇଛି। ଚଳିତ ବର୍ଷ ରଥ ନିର୍ମାଣ ଲାଗି ଆବଶ୍ୟକ ହେଉଥିବା କାଠ ଯୋଗାଣରେ କୌଣସୀ ଅସୁବିଧା ହେବନି। ଏନେଇ ଜିଲାର ସମସ୍ତ ବନଖଣ୍ଡ ଅଧିକାରୀଙ୍କ ସହ ଆଲୋଚନା କରାଯାଇଛି। ସେହିପରି ଆଚରଣବିଧି ଲାଗୁ ହୋଇଥିବା ଯୋଗୁ କାରିଗରମାନଙ୍କୁ ମଜୁରୀ ପ୍ରଦାନରେ ଅସୁବିଧା ହୋଇଥାଇପାରେ ବୋଲି ସେ କହିଛନ୍ତି।


All Right Reserved By Dharitri.Com

ହିନ୍ଦୁ, ମୁସଲମାନଙ୍କ ମିଳନସ୍ଥଳ: ସୟଦ ହାତିମଶାହା ପୀରବାବାଙ୍କ ପୀଠ

ରୂପସା, ୧୩ା୩(ବାଞ୍ଛାନିଧି ଦେ)-ବାଲେଶ୍ୱର ଜିଲା ବସ୍ତା ବ୍ଲକ ରାଉତପଡା ପଞ୍ଚାୟତର କାନ୍ଥି ବସ୍ତିରେ ରହିଛି ପ୍ରସିଦ୍ଧ ସୟଦ ହାତିମଶାହା ପୀରବାବାଙ୍କ ପୀଠ। ହିନ୍ଦୁ ଓ ମୁସଲମାନମାନଙ୍କ...

ଜଳେଶ୍ୱର ତହସିଲ: ଆଜିଠୁ ସୌରାତରୁ ବାଲି ପରିବହନ ବନ୍ଦ

ଜଳେଶ୍ୱର, ୨।୧୨(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ଜିଲା ଜଳେଶ୍ୱର ତହସିଲ ଅଧୀନ ସମସ୍ତ ସୌରାତରୁ ବାଲି ପରିବହନ ୩ତାରିଖଠାରୁ ବନ୍ଦ ରହିବ ବୋଲି ସୌରାତ ମାଲିକ ସଂଘ ତରଫରୁ ନିଷ୍ପତ୍ତି...

ସମୀକ୍ଷା ହେଲେ ରଜ କୁଇନ୍‌

ତିହିଡ଼ି, ୧୫।୬ (ଡି.ଏନ.ଏ.) : ଭଦ୍ରକ ଜିଲା ତିହିଡ଼ି ବ୍ଲକ ଅନ୍ତର୍ଗତ ମୁକୁନ୍ଦପୁର ପଞ୍ଚାୟତ ଚଉଁରୀ ଗଁ।ରେ ଶୁକ୍ରବାର ରଜବତୀ ସାହିତ୍ୟ ସଂସ୍କୃତି ଅନୁଷ୍ଠାନ ପକ୍ଷରୁ...

୧୪ ମାସ ହେଲା ଛାତ୍ରୀ ନିବାସରେ ତାଲା

ବସ୍ତା,୨୦।୭(ସ୍ବ.ପ୍ର.): ବାଲେଶ୍ୱର ଜିଲା ଜାମଶୂଳୀ  ବ୍ଲକ ଜାମଶୂଳୀସ୍ଥିତ ଲକ୍ଷ୍ମୀନାରାୟଣ ମହାବିଦ୍ୟାଳୟର ଏକମାତ୍ର ଛାତ୍ରୀନିବାସ ୧୪ ମାସ ହେଲା ବନ୍ଦ ରହିଛି। କଲେଜ କର୍ତ୍ତୃପକ୍ଷ ଛାତ୍ରୀନିବାସ ଆନୁଷଙ୍ଗିକ...

ରେଳ ଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ବାଲେଶ୍ୱର ଅଫିସ,୧୯।୧: ବାଲେଶ୍ୱର ଷ୍ଟେଶନ ପାଖ ଅଡ଼ର ବଜାର ନିକଟ ରେଳ ଧାରଣାରୁ ରବିବାର ସକାଳେ ପୋଲିସ ଜଣେ ମହିଳାଙ୍କ ମୃତଦେହ ଉଦ୍ଧାର କରିଛି। ମୃତକ...

ପୁଅର ମୃତ୍ୟୁ ଖବର ଶୁଣି ଆରପାରିକୁ ଚାଲିଗଲେ ମା’

ବାଲେଶ୍ୱର ଅଫିସ, ୧୬।୩-ଚିକିତ୍ସା ଅବହେଳାରୁ ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟରେ ରବିବାର ଜଣେ ରୋଗୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଏହାକୁ ନେଇ ଡାକ୍ତରଖାନା ପରିସରରେ...

ରାସ୍ତା ପାର ହେଉଥିବା ବେଳେ ଧକ୍କା ଦେଲା ଡମ୍ପର: ୬ ବର୍ଷ ନାବାଳିକାଙ୍କ ମୃତ୍ୟୁ

ବସ୍ତା, ୩୧।୧୦(ସ୍ବ.ପ୍ର.): ବାଲେଶ୍ୱର ଜିଲା ବସ୍ତା ଥାନା ଅନ୍ତର୍ଗତ ୬୦ ନଂ. ଜାତୀୟ ରାଜପଥ ଅମର୍ଦାରୋଡ ଛକ ନିକଟରେ ବୁଧବାର ସକାଳେ ଡମ୍ପର ଧକ୍କାରେ ଜଣେ...

ଶାସ୍ତ୍ରୀ ପରୀକ୍ଷା ଫଳ ପ୍ରକାଶିତ: ସାହିତ୍ୟ ସମ୍ମାନରେ ଅନୁପମା ଟପ୍ପର

ଖଇରା, ୩୦।୫(ଡି.ଏନ.ଏ.)-ପୁରୀ ଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଉପଶାସ୍ତ୍ରୀ ଓ ଶାସ୍ତ୍ରୀ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। ଶାସ୍ତ୍ରୀ (+୩)ରେ ଖଇରା ବ୍ଲକ ଅଧୀନ ଅଲିପୁର...

Leave a comment

Your email address will not be published. Required fields are marked *