୧୫୨୨ ଛାତ୍ରୀଛାତ୍ରଙ୍କୁ ମିଳିବ ଲ୍ୟାପଟପ୍‌

ବ୍ରହ୍ମପୁର ଅଫିସ୍‌,୧୪ା୧୧-ଯୁକ୍ତ ୨ରେ ଉତୀର୍ଣ୍ଣ ହୋଇଥିବା ମେଧାବୀ ଛାତ୍ରୀଛାତ୍ରଙ୍କୁ ମାଗଣା ଲ୍ୟାପଟପ୍‌ ପ୍ରଦାନ ପାଇଁ ତାଲିକା ଚୂଡ଼ାନ୍ତ ହୋଇଛି । ଗଞ୍ଜାମ ଜିଲାରେ ଚଳିତବର୍ଷ ୧୫୨୨ ଛାତ୍ରୀଛାତ୍ର ଲ୍ୟାପଟପ୍‌ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ତରଫରୁ ପ୍ରସ୍ତୁତ କଟ୍‌ଅଫ୍‌ ମାର୍କଠାରୁ ଅଧିକ ମାର୍କ ଆଣିଥିବା ଛାତ୍ରୀଛାତ୍ରମାନେ ଏହି ଲ୍ୟାପଟପ୍‌ ପାଇବେ । ତେବେ କେବେଠୁ ଏହା ବଣ୍ଟନ କରାଯିବ ତାରିଖ ଚୂଡ଼ାନ୍ତ ହୋଇନାହିଁ ।
ଯୁକ୍ତ ୨ ପରୀକ୍ଷାରେ ଶ୍ରେଷ୍ଠ ପ୍ରଦର୍ଶନ କରିଥିବା ମେଧାବୀ ଛାତ୍ରୀଛାତ୍ରଙ୍କୁ ରାଜ୍ୟ ସରକାରଙ୍କ ପକ୍ଷରୁ ବିଜୁ ଯୁବ ସଶକ୍ତୀକରଣ ଯୋଜନାରେ ପ୍ରତିବର୍ଷ ଲ୍ୟାପଟପ୍‌ ଦିଆଯାଉଛି। ଏହିକ୍ରମରେ ଚଳିତବର୍ଷ ଗଞ୍ଜାମ ଜିଲାରେ ମୋଟ ୧୫୨୨ ଛାତ୍ରୀଛାତ୍ରଙ୍କୁ ଲ୍ୟାପଟପ୍‌ ମିଳିବ। ସେମାନଙ୍କ ମଧ୍ୟରେ କଳା ବିଭାଗରେ ସାଧାରଣ ବର୍ଗର ୩୦୬ ଛାତ୍ରୀଛାତ୍ର ରହିଥିବା ବେଳେ ଅନୁସୂଚିତ ଜାତିର ୮୧ ଏବଂ ଅନୁସୂଚିତ ଜନଜାତିର ୧୧୧ଜଣ ରହିଛନ୍ତି । ବିଜ୍ଞାନ ବିଭାଗରେ ସାଧାରଣ ବର୍ଗର ୪୯୦, ଅନୁସୂଚିତ ଜାତିର ୧୩୧ ଏବଂ ଅନୁସୂଚିତ ଜନଜାତି ବର୍ଗର ୧୮୦ ଛାତ୍ରୀଛାତ୍ର ରହିଛନ୍ତି । ବାଣିଜ୍ୟ ବିଭାଗରେ ସାଧାରଣ ବର୍ଗର ୧୩୩, ଅନୁସୂଚିତ ଜାତିର ୩୦ ଏବଂ ଅନୁସୂଚିତ ଜନଜାତିର ୪୦ ଛାତ୍ରୀଛାତ୍ର ଲ୍ୟାପଟପ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି । ସେହିପରି ସଂସ୍କୃତରେ ମୋଟ ୧୧ ଏବଂ ଧନ୍ଦାମୂଳକ ଶିକ୍ଷାରେ ୯ ଛାତ୍ରୀଛାତ୍ର ଲ୍ୟାପଟପ ପାଇବେ। ରାଜ୍ୟର ଅନ୍ୟ ଜିଲାଗୁଡ଼ିକ ସହ ତୁଳନା କଲେ ଗଞ୍ଜାମ ଜିଲା ଦ୍ୱିତୀୟ ସ୍ଥାନରେ ରହିଛି । ଖୋର୍ଦ୍ଧା ଜିଲାର ସର୍ବାଧିକ ୧୬୨୪ଜଣ ଛାତ୍ରୀଛାତ୍ର ରହିଛନ୍ତି ।
ଗତ ଯୁକ୍ତ ୨ପରୀକ୍ଷାରେ ଯେଉଁମାନେ ଭଲ ପ୍ରଦର୍ଶନ କରିଥିଲେ, ରାଜ୍ୟବ୍ୟାପୀ ସେଭଳି ମୋଟ ୧୫ହଜାର ଛାତ୍ରୀଛାତ୍ରଙ୍କୁ ଲ୍ୟାପଟପ୍‌ ପ୍ରଦାନ କରାଯିବ । ରାଜ୍ୟରେ ୩୦ ଜିଲା ପାଇଁ ୩୦ ନୋଡ଼ାଲ୍‌ ସେଣ୍ଟର୍‌ କରାଯାଇଛି । ଗଞ୍ଜାମ ଜିଲା ପାଇଁ ଖଲ୍ଲିିକୋଟ ସ୍ବୟଂ ଶାସିତ ମହାବିଦ୍ୟାଳୟ ନୋଡ଼ାଲ୍‌ ସେଣ୍ଟର ରହିଛି । ସୂଚନା ଓ ପ୍ରଯୁକ୍ତିବିଦ୍ୟା ବିଭାଗ ତରଫରୁ ଲ୍ୟାପଟପ୍‌ଗୁଡ଼ିକ ନୋଡ଼ାଲ ସେଣ୍ଟର ଅଧ୍ୟକ୍ଷଙ୍କୁ ପ୍ରଦାନ କରାଯିବ। ଜିଲାରେ କେବେ ଲ୍ୟାପଟପ୍‌ ବଣ୍ଟାଯିବ ତାହା ସ୍ଥିର ହୋଇନାହିଁ । ତେବେ ଡିସେମ୍ବର ୩୧ତାରିଖ ସୁଦ୍ଧା ନୋଡ଼ାଲ କେନ୍ଦ୍ରରୁ ଛାତ୍ରୀଛାତ୍ରମାନେ ଲ୍ୟାପଟପ୍‌ ସଂଗ୍ରହ କରିପାରିବେ। ଯଦି କୌଣସି ଛାତ୍ରୀଛାତ୍ର ନିଜେ ଆସି ନ ପାରନ୍ତି, ତେବେ ସେ ଯାହାଙ୍କୁ ଲ୍ୟାପଟପ୍‌ ସଂଗ୍ରହ କରିବା ପାଇଁ ପଠାଇବେ, ସେ ଆବଶ୍ୟକ ପ୍ରମାଣପତ୍ର ଦାଖଲ କରିବା ଆବଶ୍ୟକ। ଅନ୍ୟପଟେ ସୁରୁଖୁରରେ ଲ୍ୟାପଟପ ବଣ୍ଟନ ପାଇଁ ଜିଲାସ୍ତରରେ କମିଟି ଗଠିତ ହୋଇଛି । ଏହାର ଅଧ୍ୟକ୍ଷ ଜିଲାପାଳ ରହିଥିବା ବେଳେ ସଂଯୋଜକ ଭାବେ ନୋଡ଼ାଲ୍‌ କଲେଜର ଅଧ୍ୟକ୍ଷ ଏବଂ ବଣ୍ଟନ ଦାୟିତ୍ୱରେ ଥିବା ଅଧ୍ୟ୍ୟାପକ ଏହି କମିଟିରେ ସଦସ୍ୟ ରହିଛନ୍ତି ।
ସୂଚନାଯୋଗ୍ୟ ଯେ, ଗତ ୨୦୧୪ ମସିହାରୁ ବିଜୁ ଯୁବ ସଶକ୍ତୀକରଣ ଯୋଜନାରେ ଲ୍ୟାପଟପ୍‌ ବଣ୍ଟନ କରାଯାଉଛି । ପ୍ରଥମ ବର୍ଷ ଗଞ୍ଜାମ ଜିଲାର ୧୫୪୨ ଛାତ୍ରୀଛାତ୍ର ଲ୍ୟାପଟପ୍‌ ପାଇଥିଲେ । ୨୦୧୫ରେ ୧୪୩୮, ୨୦୧୬ରେ ୧୩୭୨, ୨୦୧୭ ମସିହାରେ ୧୫୦୧ ଜଣ ଲ୍ୟାପଟପ୍‌ ପାଇଥିଲେ। ୨୦୧୮ରେ ୧୪୫୯ ଛାତ୍ରୀଛାତ୍ର ଲ୍ୟାପଟପ୍‌ ପାଇଥିଲେ । ଗତ ୪ ବର୍ଷକୁ ତୁଳନା କଲେ ଚଳିତ ବର୍ଷ ଅଧିକ ସଂଖ୍ୟକ ଛାତ୍ରୀଛାତ୍ର ଲ୍ୟାପଟପ୍‌ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ।


All Right Reserved By Dharitri.Com

ଗର୍ଭବତୀଙ୍କ ତଣ୍ଟି ଚିପି ହତ୍ୟା ଘଟଣା: ଜେଲ ଗଲେ ସ୍ବାମୀ

ବ୍ରହ୍ମପୁର ଅଫିସ,୧୯ା୮-ଗୋଷାଣୀନୂଆଗଁା ଥାନା ଅନ୍ତର୍ଗତ ନୂଆ ଖଜୁରିଆରେ ଗତ ୧୪ ତାରିଖରେ ୪ ମାସର ଗର୍ଭବତୀ ଥିବା ଜଣେ ମହିଳାଙ୍କୁ ତାଙ୍କ ସ୍ବାମୀ ତଣ୍ଟି ଚିପି...

ପ୍ରତି ସକାଳେ ପତାକା ଉତ୍ତୋଳନ

ବ୍ରହ୍ମପୁର ଅଫିସ୍‌,୧୩ା୮- ତ୍ରିରଙ୍ଗା କେବଳ ଯେ ଆମ ଦେଶର ଜାତୀୟ ପତାକା ତାହା ନୁହଁ, ଏହା ପ୍ରତ୍ୟେକ ଭାରତୀୟଙ୍କ ଗର୍ବ ଏବଂ ଗୌରବର ପ୍ରତୀକ। ଯିଏ,...

ଜିଲାପାଳଙ୍କୁ ଭେଟିଲେ ଠକେଇର ଶିକାର ଛାତ୍ରୀଛାତ୍ର

ଫୁଲବାଣୀ ଅଫିସ, ୨୧ା୬- ଭୁବନେଶ୍ୱରରେ ଏକ ଶିକ୍ଷା ଅନୁଷ୍ଠାନରେ ମାଗଣା ପଢ଼ିବା, ରହିବା, ଖାଇବା ଇତ୍ୟାଦି ପ୍ରଲୋଭନ ଦେଖାଇ କନ୍ଧମାଳର ଜଣେ ଯୁବକ ପାଖାପାଖି ୨୦...

ହୃଦ୍‌ଘାତରେ ଓଡ଼ିଆ ଯବାନଙ୍କ ପରଲୋକ: ଶେଷ ସମ୍ମାନ ଜଣାଇଲେ ଆର୍ମି ଏଡି କଲେଜ ଯବାନ

ଗୋପାଳପୁର,୨୫ା୬: ଭାରତୀୟ ସେନାବାହିନୀରେ କାର୍ଯ୍ୟରତ ଜଣେ ଓଡ଼ିଆ ଯବାନଙ୍କ ରବିବାର ସକାଳେ ହୃତ୍‌ଘାତରେ ପରଲୋକ ଘଟିଛି। ସେ ହେଲେ ଗୋପାଳପୁର ଥାନା କରାପଲ୍ଲୀ ଗ୍ରାମର ପି....

ନୂଆଗଡକୁ ପୁଣି ଲେଉଟିଲା ଡେଙ୍ଗୁ: ଜଣେ ମୃତ, ୨ ଆକ୍ରାନ୍ତ

ଆର.ଉଦୟଗିରି, ୨୯ା୧୧ (ଡି.ଏନ.ଏ.) – ମାସେ ନପୁରୁଣୁ ପୁଣି ନୁଆଗଡକୁ ଡେଙ୍ଗୁ ଲେଉଟିଛି। ବୁଧବାର ଡେଙ୍ଗୁରେ ଗ୍ରାମର ଜଣଙ୍କ ମୃତ୍ୟୁ ଘଟିଥିବାବେଳେ ୨ଜଣ ଆକ୍ରାନ୍ତ ହୋଇଛନ୍ତି।...

ରାଉରକେଲାରେ ଜାତୀୟସ୍ତରୀୟ ଷଷ୍ଠ ଡ୍ୟାନ୍ସ ଫେଷ୍ଟିଭାଲ: ଓଡ଼ିଶୀ ନୃତ୍ୟ ପରିବେଷଣ କରି ପୁରସ୍କୃତ ହେଲ କନ୍ଧମାଳ ଛାତ୍ରୀ

ଦାରିଙ୍ଗବାଡ଼ି,୯।୬(ଡି.ଏନ୍‌.ଏ): ରାଉରକେଲା କଳାସଂଘମ୍‌ ପକ୍ଷରୁ ଜାତୀୟସ୍ତରୀୟ ଷଷ୍ଠ ଡ୍ୟାନ୍ସ ଫେଷ୍ଟିଭାଲ ଶନିବାର ଅନୁଷ୍ଠିତ ହୋଇଯାଇଛି। ରାଉରକେଲା ସେକ୍ଟର ୧୯ ସିଭିକ୍‌ ସେଣ୍ଟରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ...

ଲଗାଣ ବର୍ଷାରେ କାନ୍ଥ ଭୁଶୁଡ଼ିବା ଘଟଣା: ବୃଦ୍ଧା ମୃତ

ଦିଗପହଣ୍ଡି,୨୯।୧୦(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଚୌଧୁରୀ ଟିକରପଡ଼ା ପଞ୍ଚାୟତ ବଜ୍ରଗୁମ୍ମା ଗାଁ ଦଳିତ ସାହିରେ ଲଗାଣ ବର୍ଷାରେ ଗତ ଶନିବାର ସନ୍ତୋଷ ନାଇକଙ୍କ ମାଟି...

ହିଞ୍ଜିଳି ଥାନା ଅଞ୍ଚଳରୁ ଘନ ଘନ ଚୋରି

ହିଞ୍ଜିଳିକାଟୁ,୩୧।୫(ଡି.ଏନ୍‌.ଏ.) : ହିଞ୍ଜିଳି ଥାନା ଅଞ୍ଚଳର ବିଭିନ୍ନ ଗ୍ରାମରୁ ଗତ ୨ଦିନରେ ଏକାଧିକ ଚୋରି ଅଭିଯୋଗ ହୋଇଛି। ଗୁରୁବାର ରାତିରେ ରାମଚନ୍ଦ୍ରପୁର ଗ୍ରାମର ହେମନ୍ତ ସେଠିଙ୍କ...

Leave a comment

Your email address will not be published. Required fields are marked *