ଐତିହାସିକ କଟକ ବାଲିଯାତ୍ରା ଆରମ୍ଭ:ପଡ଼ିଆରେ ସୁରକ୍ଷା ବ୍ୟବସ୍ଥା କଡ଼ାକଡ଼ି, ଟ୍ରାଫିକ ନିୟନ୍ତ୍ରଣ ପାଇଁ ସ୍ବତନ୍ତ୍ର ବ୍ୟବସ୍ଥା

କଟକ ଅଫିସ, ୧୩।୧୧:କାର୍ତ୍ତିକ ପୂର୍ଣ୍ଣମୀ ଅବସରରେ ମଙ୍ଗଳବାର ଆରମ୍ଭ ହୋଇଛି ଐତିହାସିକ କଟକ ବାଲିଯାତ୍ରା। ପ୍ରଥମ ଦିନରେ ବାଲିଯାତ୍ରା ପଡିଆକୁ ଚାହିଁଲେ ଲୋକ ମାଳମାଳ। ବିଶେଷକରି ସନ୍ଧ୍ୟାରେ ମାତ୍ରେ ଭିଡ଼ ଅଧିକ ହୋଇଥିଲା। ଫଳରେ ଆଗକୁ ଯିବା ଭାରି ମୁସ୍କିଲ ହୋଇଥିଲା। କୋଳାହଳରେ ଫାଟି ପଡ଼ୁଥିଲା କାନ। ଲୋକମାନେ ଚଟ୍‌ପଟି ଖାଦ୍ୟ ଖାଇବା ସାଙ୍ଗକୁ ଦୋଳିରେ ବସି ବାଲିଯାତ୍ରାର ମଜ୍ଜା ନେଇଥିଲେ। ଏଥିସହ ବାଲିଯାତ୍ରାର ଉପର ଓ ତଳପଡିଆରେ ଖୋଲିଥିବା ଷ୍ଟଲରୁ ବିଭିନ୍ନ ଜିନିଷ କିଣାକିଣି କରିଥିଲେ। ବାଲିଯାତ୍ରା ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଚୋରି, ଡକାୟତିକୁ ରୋକିବା ଓ ଲୋକଙ୍କ ସୁବିଧାକୁ ଦୃଷ୍ଟିରେ ରଖି ପଡ଼ିଆରେ ୫୦ ପ୍ଲାଟୁନ ପୋଲିସ ଫୋର୍ସ ସହିତ ୨୦୦ ଜଣ ଅଫିସର ନିୟୋଜିତ ହୋଇଛନ୍ତି। କଟକ ଡିସିପି ଅଖିଳେଶ୍ୱର ସିଂ ବାଲିଯାତ୍ରା ପଡ଼ିଆରେ ରହି ସୁରକ୍ଷା ବ୍ୟବସ୍ଥା ଅନୁଧ୍ୟାନ କରୁଛନ୍ତି। ଏଥିସହ ପଡ଼ିଆରେ ପୋଲିସ ଆଉଟ ପୋଷ୍ଟ ନିର୍ମାଣ କରାଯାଇଛି। ପର୍ଯ୍ୟଟକ, ବ୍ୟବସାୟୀମାନେ ଯେ କୌଣସି ସମସ୍ୟା ସମ୍ମୁଖୀନ ହେଲେ ପୋଲିସର ସହାୟତା ନେଇପାରିବେ। ପଡିଆରେ ୬ଟି ୱାଚ ଟାୱାର ନିର୍ମାଣ କରାଯାଇଛି। ଚୋରି, ଡକାୟତିକୁ ରୋକିବା ଲାଗି ବାଲିଯାତ୍ରା ଉପର ପଡ଼ିଆରେ ୫ ଓ ତଳ ପଡ଼ିଆରେ ୯ଟି ୱାଚ୍‌ ଟିମ୍‌ ସଜାଗ ରହିଛନ୍ତି। ଏଥିସହ ସାଦା ପୋଷାକଧାରୀ ପୋଲିସ ମୁତୟନ ହୋଇଛନ୍ତି। ବାଲିଯାତ୍ରାରେ ଛୋଟ ପିଲାମାନେ ହଜିଯିବାର ସମ୍ଭାବନା ରହିଛି। ତେଣୁ ସେମାନଙ୍କୁ ନେଇ ଆସିଥିବା ଅଭିଭାବକ ଏଥିପ୍ରତି ଧ୍ୟାନ ଦେବାକୁ ଡିସିପି କହିଛନ୍ତି। ସେହିପରି ସେହିପରି ଟ୍ରାଫିକ ନିୟନ୍ତ୍ରଣ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି।
ସିଏମ୍‌ସି ଷ୍ଟଲ୍‌ରେ ପରିମଳ ବ୍ୟବସ୍ଥା
କଟକ ମହାନଗର ନିଗମ(ସିଏମ୍‌ସି) ପକ୍ଷରୁ ବାଲିଯାତ୍ରା ପଡ଼ିଆରେ ଏକ ସ୍ବତନ୍ତ୍ର ଷ୍ଟଲ୍‌ ଖୋଲାଯାଇଛି। ଏଠାରେ ସ୍ବେରେଜ ଓ ପରିମଳ ବ୍ୟବସ୍ଥା ଉପରେ ଲୋକମାନଙ୍କୁ ଅବଗତ କରାଯାଇଛି। ସିଏମ୍‌ସି ପକ୍ଷରୁ ସ୍ବଚ୍ଛ ଭାରତ ମିଶନ, ଜୈବ ବିଘଟନ କ୍ଷମ ‘ଓଦା ବର୍ଜ୍ୟବସ୍ତୁ କେନ୍ଦ୍ର’, ଶୁଖିଲା ବର୍ଜ୍ୟବସ୍ତୁ ଆଦାୟ ଓ ତାହାର ପୁନଃ ପରିଚାଳନା କେନ୍ଦ୍ର, ପୌରାଞ୍ଚଳର ନର୍ଦ୍ଦମା ସଫେଇ କାର୍ଯ୍ୟକ୍ରମ ଆଦି ବିଷୟରେ ଲୋକେ ଅବଗତ ହୋଇଥିଲେ।
ଟିକସ ପଇଠ ପାଇଁ ସଚେତନ
ସିଏମ୍‌ସି ପକ୍ଷରୁ ଏମ୍‌ପିଓଏସ୍‌ ମେଶିନ ଦ୍ୱାରା ବିଭିନ୍ନ ଟିକସ ପଇଠ ପାଇଁ ଲୋକଙ୍କୁ ସଚେତନ କରିବା ଲାଗି ଏକ ଷ୍ଟଲ ଖୋଲିଥିଲା। ଏହା ଜରିଆରେ ମ୍ୟୁନିସିପାଲିଟିରେ ହୋଲଡିଂ ଟିକସ, ଫୁଡ ଲାଇସେନ୍ସ ପେମେଣ୍ଟ ଭଳି ବିଭିନ୍ନ ଅର୍ଥ ଦେଣନେଣ ପ୍ରକ୍ରିୟା ଇ-ପେମେଣ୍ଟ ମାଧ୍ୟମରେ କରାଯିବ। ଯାହା ଉପରେ ଲୋକଙ୍କୁ ସଚେତନ କରାଯାଇଥିଲା।
ବାଲିଯାତ୍ରାରେ ଶିମିଳିପାଳ ମହୁ
ମା’ ଶାରଳା ଏସ୍‌ଏଚ୍‌ଜି ଗ୍ରୁପ ପକ୍ଷରୁ ବିକ୍ରି ହେଉଥିବା ଶିମିଳିପାଳର ଦେଶୀ ମହୁର ଅଧିକ ଚାହିଦା ରହିଛି। ବଜାରରେ ଏହା ପର୍ଯ୍ୟାପ୍ତ ପରିମାଣର ମିଳୁ ନ ଥିବାରୁ ଲୋକମାନେ ଏଠାରେ ଏହି ମହୁକୁ ନେବା ପାଇଁ ବେଶ୍‌ ପସନ୍ଦ କରୁଛନ୍ତି। ଏହି ମହୁ ୫୦୦ ଗ୍ରାମକୁ ୨୨୦ ଟଙ୍କା ରହିଛି। ପାଖାପାଖି ୧୦ହଜାର ଟଙ୍କାରୁ ଊର୍ଦ୍ଧ୍ୱ ବିକ୍ରି ହୋଇଛି। ସେହିପରି ହାତ ତିଆରି ହଳଦୀ, ଜିରା, ଜୁଆଣି ଲୋକମାନେ କିଣୁଛନ୍ତି ବୋଲି ଷ୍ଟଲ୍‌ ମାଲିକ ପ୍ରମୋଦ କୁମାର ଭଇସାଲ କହିଛନ୍ତି।
ଘରକରଣା ସାମଗ୍ରୀ ଷ୍ଟଲରେ ମହିଳାଙ୍କ ଲାଇନ୍‌
କାଇଁଶ ଗଛରୁ ପ୍ରସ୍ତୁତ ହୋଇଥିବା ଘରକରଣା ସାମଗ୍ରୀ ନେବା ପାଇଁ ମହିଳାମାନଙ୍କର ଲମ୍ବା ଲାଇନ ଲାଗିଥିଲା। ବିଶେଷକରି ଫୁଲ ଚାଙ୍ଗୁଡ଼ି ଓ ଡାଲା ପେଡ଼ିର ଚାହିଦା ଅଧିକ ଥିଲା। ଏହାର ମୂଲ୍ୟ ୪୦ ଟଙ୍କାରୁ ଆରମ୍ଭ କରି ୪୦୦ ଟଙ୍କା ପର୍ଯ୍ୟନ୍ତ ରହିଛି। ୨୦ ବର୍ଷ ଧରି ବାଲିଯାତ୍ରାରେ ବ୍ୟବସାୟ କରୁଛି। ଗଁାରୁ କାଇଁଶ ସଂଗ୍ରହ କରି ବିଭିନ୍ନ ରୂପ ଦେଇଥାଉ। କେବଳ ଓଡ଼ିଶା ନୁହେଁ ବାହାରକୁ ମଧ୍ୟ ଏହି ସାମଗ୍ରୀ ରପ୍ତାନୀ କରିଥାଉ। ବାଲିଯାତ୍ରା ଆସିଲେ ବେଶ୍‌ ଦି ପଇସା ରୋଜଗାର ହୋଇଥାଏ ବୋଲି କେନ୍ଦ୍ରାପଡ଼ାର ବ୍ୟବସାୟୀ ମାଗୁଣି ଚରଣ ସ୍ବାଇଁ କହିଛନ୍ତି।
ଛୋଟ ପିଲାଙ୍କ ସାମଗ୍ରୀ ବିକ୍ରି ସ୍ଥଳରେ ଭିଡ଼
ବାଲିଯାତ୍ରା ପଡ଼ିଆରେ ବୁଲା ବ୍ୟବସାୟୀଙ୍କ ଚାହିଦା ବଢିବାରେ ଲାଗିଛି। ଛୋଟ ପିଲାମାନଙ୍କ ନିମନ୍ତେ ସେମାନେ ବିଭିନ୍ନ ପ୍ରକାର ପେଁକାଳି, ବ୍ୟାଣ୍ଡ, କଣ୍ଢେଇ ଆଦି ବିକ୍ରି କରିବାକୁ ଆଣିଥାନ୍ତି। ଛୋଟ ପିଲାଙ୍କ ସାମଗ୍ରୀ ବିକ୍ରି ସ୍ଥଳରେ ଭିଡ଼ ଦେଖିବାକୁ ମିଳିଥିଲା। ଏ ନେଇ ବିହାରରୁ ଆସିଥିବା ବ୍ୟବସାୟୀ କହିଛନ୍ତି, ମୁଁ ୧୦ ବର୍ଷ ହେଲା ବାଲିଯାତ୍ରାରେ ପିଲାଙ୍କ ଖେଳଣା ବିକୁଛି। ଖେଳଣାର ମୂଲ୍ୟ ୫୦ଟଙ୍କାରୁ ଆରମ୍ଭ କରି ୨୦୦ ଟଙ୍କା ପର୍ଯ୍ୟନ୍ତ ରହିଛି। ସେହିପରି ଦିଲ୍ଲୀରୁ ଆସିଥିବା ଆସିଫ ଅଲି କହିଛନ୍ତି, ୫ ବର୍ଷ ହେଲା ବାଲିଯାତ୍ରାରେ ପିଲାଙ୍କ ନିମନ୍ତେ ବ୍ୟାଣ୍ଡ ବାଜା ବିକ୍ରି କରିଆସୁଛୁ। ଗତ ବର୍ଷଠାରୁ ଏହି ବର୍ଷ ଭଲ ବ୍ୟବସାୟ ହେବ ବୋଲି ଆଶା ରଖିଛୁ।
ଷ୍ଟଲ୍‌ରେ କଏଦୀଙ୍କ ହାତ ତିଆରି ସାମଗ୍ରୀ
ବାଲିଯାତ୍ରା ପଡ଼ିଆରେ ଏକ ନିଆରା ଷ୍ଟଲ୍‌ ଦେଖିବାକୁ ମିଳିଥିଲା। ଯେଉଁଥିରେ ଓଡ଼ିଶାର ବିଭିନ୍ନ ଜେଲ୍‌ରେ କାର୍ଯ୍ୟ କରୁଥିବା କଏଦୀଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ଗାମୁଛା, ଦରି, ଆସନ, ସବାଇ ଘାସରେ ତିଆରି ବିଭିନ୍ନ ସାମଗ୍ରୀ, ପରିବା ଷ୍ଟାଣ୍ଡ, ବ୍ୟାଗ, ରୁମାଲ, ସୋରିଷ ତେଲ, ଫିନାଇଲ ଭଳି ସାମଗ୍ରୀ ବିକ୍ରି କରାଯାଉଥିଲା। ଗାମୁଛାର ଦାମ ୧୦୦ଟଙ୍କାରୁ ଆରମ୍ଭ କରି ୧୩୦, ଦରି ୬୭୦ ଟଙ୍କାରୁ ୭୨୦୦ ଟଙ୍କାରେ ବିକ୍ରି ହେଉଥିବା ତପନ ପଟ୍ଟନାୟକ କହିଛନ୍ତି। ଏଥିରୁ ଆୟ ହେଉଥିବା ଅର୍ଥ ସରକାରୀ ତହବିଲକୁ ଯିବ ବୋଲି ସେ କହିଛନ୍ତି।
ପ୍ରଥମ ଦିନରେ ବୋଟିଂ ହେଲାନି
ବାଲିଯାତ୍ରା ପଡିଆରେ ପର୍ଯ୍ୟଟକଙ୍କ ନିମନ୍ତେ ଅସ୍ଥାୟୀ ପୋଖରୀ କରାଯାଇ ବୋଟିଂ ବ୍ୟବସ୍ଥା ପାଇଁ ନିଷ୍ପତ୍ତି ହୋଇଥିଲା। କିନ୍ତୁ ପ୍ରଥମ ଦିନରେ ବୋଟିଂର ମଜା ଉଠାଇପାରି ନ ଥିଲେ ପର୍ଯ୍ୟଟକ। ଏହାକୁ ନେଇ ସେମାନଙ୍କ ମଧ୍ୟରେ ଅସନ୍ତୋଷ ଦେଖାଯାଇଥିଲା।


All Right Reserved By Dharitri.Com

ଓଡ଼ିଶାରେ ଉପରାଷ୍ଟ୍ରପତି: ବିଶ୍ୱ କବି ମହାକୁମ୍ଭରେ ଯୋଗଦେଲେ

ଭୁବନେଶ୍ୱର,୬।୧୦(ବ୍ୟୁରୋ): ଉପରାଷ୍ଟ୍ରପତି ଭେଙ୍କେୟା ନାଇଡୁ ଦିନିକିଆ ଗସ୍ତରେ ଆସିଛନ୍ତି। ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ରାଜ୍ୟପାଳ ପ୍ରଫେସର ଗଣେଶୀଲାଲ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ଲଗାଣ ବର୍ଷା : ବଢୁଛି ମହାନଦୀ ଜଳସ୍ତର; ବନ୍ୟା ଆଶଙ୍କାରେ ନଦୀକୂଳିଆ ଗ୍ରାମବାସୀ

ଗଣିଆ,୧୪।୮(ଡି.ଏନ.ଏ.)-ଗତ ୨ଦିନ ଧରି ଲଘୁଚାପଜନିତ ଲଗାଣ ବର୍ଷା ଯୋଗୁ ମହାନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି ା ଚଳିତ ବର୍ଷ ହୀରାକୁଦ ନଦୀବନ୍ଧରୁ ଏ ପର୍ଯ୍ୟନ୍ତ...

ମୁହାଁମୁହିଁ ଧକ୍କା ହୋଇ ଗ୍ୟାସ୍‌ ଟ୍ୟାଙ୍କର-କୋଇଲା ବୋଝେଇ ଟ୍ରକ୍‌ ଜଳିଯିବା ଘଟଣା: ଟ୍ୟାଙ୍କରରୁ ଗ୍ୟାସ୍‌ ରିଫିଲ

ସମ୍ବଲପୁର,୧୫।୧୨(ବ୍ୟୁରୋ): ସମ୍ବଲପୁର-ଅନୁଗୋଳ ଜାତୀୟ ରାଜପଥ ଯୁଯୁମୁରା ଥାନା ନିକଟରେ ଶନିବାର ଏଲ୍‌ପିଜି ଗ୍ୟାସ୍‌ ଟ୍ୟାଙ୍କର ଓ କୋଇଲା ବୋଝେଇ ଟ୍ରକ୍‌ ଦୁର୍ଘଟଣାଗ୍ରସ୍ତ ହୋଇଥିଲା। ରବିବାର ସକାଳୁ...

ବିବାହ ଚତୃର୍ଥୀ ଭୋଜିରେ ବଜ୍ରପାତ : ବର ମୃତ, ମହିଳାଙ୍କ ସମେତ ୪ ଗୁରୁତର

ଆନନ୍ଦପୁର,୧୬।୫(ଡି.ଏନ.ଏ.)-କେନ୍ଦୁଝର ଜିଲା ହରିଚନ୍ଦନପୁର ଥାନା ଅଞ୍ଚଳରେ ବୁଧବାର ଏକ ଦୁଃଖଦ ଘଟଣା ଘଟିଛି ା ବିବାହ ଚତୁର୍ଥୀ ଭୋଜି ଚାଲି ଥିବାବେଳେ ବଜ୍ରପାତ ଘଟି ବରର...

ଭଙ୍ଗା ମନ୍ଦିରରେ ୭୦ ମାଣ ଜମିର ମାଲିକ

ବାରିପଦା ଅଫିସ/କପ୍ତିପଦା,୩ା୯(ଡି଼.ଏନ୍‌.ଏ)- ସମ୍ପତ୍ତି ଅଛି, ମାତ୍ର ଟ୍ରଷ୍ଟ ବୋର୍ଡ ପାଇଁ କ୍ଷମତା ଲଢେଇ ଓ ପରିଚାଳନାଗତ ତ୍ରୁଟିକୁ ନେଇ ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ...

ବଦଳି ହୋଇ ଚାଲିଗଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ: ଧାର୍ଯ୍ୟ ହୋଇପାରିଲାନି ମହାପ୍ରସାଦ ଦର

ପୁରୀ ଅଫିସ, ୨୨ା୮: ଶ୍ରୀମନ୍ଦିରର ମୁଖ୍ୟ ପ୍ରଶାସକ ବଦଳି ହୋଇ ଚାଲିଗଲେ। ସୁଆର ମହାସୁଆର ନିଯୋଗ କର୍ମକର୍ତ୍ତା ମଧ୍ୟ ପରିବର୍ତ୍ତନ ହୋଇଗଲେ। ମାତ୍ର ଆନନ୍ଦବଜାର ଶୃଙ୍ଖଳା...

ଧୋଇଗଲା ବାଟାଗୁଡ଼ା ଅସ୍ଥାୟୀ ପୋଲ

କୋଟଗଡ଼, ୧୩।୮ (ଡି.ଏନ୍‌.ଏ): କନ୍ଧମାଳ ଜିଲା ବାଲିଗୁଡ଼ାସ୍ଥିତ ବାଟାଗୁଡ଼ା ଅସ୍ଥାୟୀ ପୋଲ ଲଗାଣ ବର୍ଷାରେ ମଙ୍ଗଳବାର ପୁଣିଥରେ ଧୋଇଯାଇଛି। ଫଳରେ ଗାଡ଼ିମୋଟର ଯିବାଆସିବା ଠପ୍‌ ହୋଇଯାଇଛି।...

ଲୁହାପଥର ବୋଝେଇ ୬ ଡମ୍ପର ଜବତ ଘଟଣା:ଡମ୍ପର ମାଲିକ ଗିରଫ

ବଡବିଲ, ୧୦।୧୨ (ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ଥାନା ପୋଲିସ ଗତ ନଭେମ୍ବର ୨୬ ତାରିଖରେ ରାଜ୍ୟ ସୀମାନ୍ତ ନାଲଦାରୁ ଲୁହାପଥର ବୋଝେଇ ୬ଟି ଡମ୍ପର ଜବତ...

Leave a comment

Your email address will not be published. Required fields are marked *