ଶାକାହାରୀ ଯାତ୍ରୀଙ୍କୁ ମାଂସାହାରୀ ଖ୍ୟାଦ୍ୟ ପରଷି ଅଡ଼ୁଆରେ ଏୟାର ଏସିଆ ବିମାନ: ଲାଗିଲା ଦେଢ଼ଲକ୍ଷ ଟଙ୍କାର ଜରିମାନା

ଅମୃତଶର,୨୭।୫: ଜଣେ ଶାକାହାରୀ ଯାତ୍ରୀଙ୍କୁ ବିମାନରେ ମାଂସାହାରୀ ଖାଦ୍ୟ ଦେଇ ହଇରାଣ କରାଯାଇଥିବା ଅଭିଯୋଗ ହୋଇଛି। ଏନେଇ କନଜ୍ୟୁମର କୋର୍ଟରେ ଅଭିଯୋଗ କରାଯାଇଥିବା ବେଳେ ଏବେ ତା’ର ଶୁଣାଣି ହୋଇଛି। କୋର୍ଟ ଏହି ମାମଲାରଳ ଶୁଣାଣି କରି ଏୟାର ଏସିଆ ବିମାନ ଉପରେ ଦେଢ଼ ଲକ୍ଷ ଟଙ୍କାର ଜରିମାନା ଲଗାଇଛନ୍ତି। ସୂଚନାଯୋଗ୍ୟ, ଏହି ଘଟଣା ହେଉଛି ୨୦୧୮ ଅକ୍ଟୋବରର। ପଞ୍ଚକୁଲାରେ ରହୁଥିବା ବିଜୟ ତ୍ରେହାନ(୬୧) ଅମୃତଶରରୁ ମାଲେସିଆ କୁଆଲାଲୁମପୁରକୁ ଯିବା ଆସିବା ଟିକେଟ ଏୟାର ଏସିଆରେ ବୁକ୍‌ କରିଥିଲେ। ଅକ୍ଟୋବର ୭ରେ ସେମାନେ କୁଆଲାଲୁମପୁର ଯାଇଥିଲେ। ଗଲାବେଳେ କୌଣସି ସମସ୍ୟା ହୋଇ ନ ଥିବା ବେଳେ ଭାରତକୁ ଫେରିବା ବେଳେ ଉକ୍ତ ପରିବାର ବହୁ ସମସ୍ୟାର ସାମ୍ମୁଖୀନ ହୋଇଥିଲେ। ଭାରତ ଫେରିବା ପାଇଁ ଏୟାର ଏସିଆରେ ୧୩ ଅକ୍ଟୋବରରେ ଟିକେଟ ହୋଇଥିବା ବେଳେ ବିମାନ ଉଡାଣର ସମୟ ୭ଟା ୨୦ରେ ରହିଥିଲା। ତ୍ରେହାନ ପରିବାର ୫ଟା ୧୫ ସୁଦ୍ଧା ବର୍ଡିଂ ପାସ୍‌ ଲଗେଜ୍‌ କ୍ଲିଅରାନ୍ସ ଭଳି ଅନ୍ୟ ଔପଚାରିକତା ପୁରା କରିସାରିଥିଲେ। ଇମିଗ୍ରେସନ କାଉଣ୍ଟର ଓ ସିକ୍ୟୁରିଟି ଯାଞ୍ଚରେ ଭିଡ଼ ରହିଥିବାରୁ ସୋମାନଙ୍କୁ ବିଳମ୍ବ ହୋଇଥିଲା। ପରେ ତ୍ରେହାନ ପରିବାର ଟର୍ମିନାଲ ପାଖକୁ ଯିବା ପାଇଁ ବିଳମ୍ବ ହେବାରୁ ତାଙ୍କୁ ଆଉ ବିମାନରେ ଚଢ଼ିବାକୁ ଦିଆଯାଇ ନ ଥିଲା। ଏହାପରେ ସେ ୧୪ ଅକ୍ଟୋବର ପାଇଁ ପୁଣି ସେହି ବିମାନରେ ଟିକେଟ ବୁକ୍‌ କରିଥିଲେ। ହେଲେ ଏତିକିରେ ସେମାନଙ୍କ ସମସ୍ୟାର ସମାଧାନ ହୋଇ ନ ଥିଲା। ତ୍ରେହାନ ପରିବାର ଶାକାହାରୀ ଥିବା ବେଳେ ଏୟାର ଲାଇନ୍ସ ପକ୍ଷରୁ ତାଙ୍କୁ ଚିକେନ ସ୍ୟାଣ୍ଡଓ୍ବିଚ୍‌ ଦିଆଯାଇଥିଲା। ଭାରତ ଫେରିବା ପରେ ପରିବାର ପକ୍ଷରୁ ଏୟାର ଏସିଆ ବିରୋଧରେ ଏକ ମାମଲା ରୁଜୁ କରିଥିଲେ। କନଜ୍ୟୁମର କୋର୍ଟ ଏହାର ଶୁଣାଣି କରି କହିଛନ୍ତି, ଶାକାହାରୀ ବ୍ୟକ୍ତିଙ୍କୁ ମାଂସାହାରୀ ଖାଦ୍ୟ ପରଷିବା ଧାର୍ମିକ ଭାବାନାକୁ ଆଘାତ ପହଞ୍ଚାଇବା ସହ ଏହା ଏକ ଅପରାଧ ମଧ୍ୟ। ତେଣୁ ତ୍ରେହାନ ପରିବାରକୁ ଖର୍ଚ୍ଚ କରିଥିବା ଟିକେଟ, ମାନସିକ ପ୍ରତାଡ଼ନା ଓ ମୋକଦ୍ଦମାରେ ହୋଇଥିବା ଖର୍ଚ୍ଚ ବାବଦରେ ଟଙ୍କା ଦେବାକୁ କୋର୍ଟ ଏୟାର ଏସିଆକୁ ନିର୍ଦ୍ଦେଶ ଦେଇଛନ୍ତି।


All Right Reserved By Dharitri.Com

ସେନ୍‌ସେକ୍ସ ୬୨୪ ପଏଣ୍ଟ ହ୍ରାସ

ମୁମ୍ବାଇ,୧୪-୮: ଦେଶର ଅର୍ଥନୀତିକୁ ଗତିଶୀଳ କରିବା ଲାଗି କେନ୍ଦ୍ର ସରକାରଙ୍କ ପକ୍ଷରୁ ପ୍ୟାକେଜ ଘୋଷଣାରେ ବିଳମ୍ବ ତଥା ବିଶ୍ୱ ବଜାରରେ ଦେଖାଦେଇଥିବା ଅସ୍ଥିରତା କାରଣରୁ ମଙ୍ଗଳବାର...

ଗିନିଜ ଓ୍ବାର୍ଲଡ ରେକର୍ଡରେ ସ୍ଥାନ ପାଇବାକୁ ଏକକାଳୀନ ହଜାରେ ଲୋକ କେଶ ରଙ୍ଗ କଲେ

ଚେନ୍ନାଇ,୧୬।୮: ସ୍ବାଧୀନତା ଦିବସ ଅବସରରେ ଚେନ୍ନାଇର ଚେମ୍ବାରମବାକମ ଅଞ୍ଚଳରେ ଥିବା ଏକ ଷ୍ଟାଡିୟମରେ ୧ହଜାର ଲୋକ ଏକାଠି ହୋଇଥିଲେ। ଏମାନଙ୍କର ଉଦ୍ଦେଶ୍ୟ ଥିଲା ଗିନିଜ ଓ୍ବାର୍ଲଡ...

ମହାରାଷ୍ଟ୍ର ନିର୍ବାଚନ: ଭାଜପାର ୧୨୫, ଶିବସେନାର ୧୨୪ ପ୍ରାର୍ଥୀ ତାଲିକା ଘୋଷଣା

ମୁମ୍ବାଇ,୧।୧୦: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଭାଜପା ପକ୍ଷରୁ ଦୀର୍ଘ ଦିନ ଧରି ଚାଲିରହିଥିବା ଅଙ୍କକଷା ମଙ୍ଗଳବାର ଛିଣ୍ଡିଛି। ଭାଜପା ପକ୍ଷରୁ ପ୍ରଥମ ତାଲିକା ଜାରି...

ଏମ୍‌ଏମ୍‌ଡିଆର୍‌ ଆକ୍ଟ , କୋଇଲା ଖଣି କ୍ଷେତ୍ର ନିୟମ ସଂଶୋଧନକୁ କ୍ୟାବିନେଟ ମଞ୍ଜୁରୀ

ନୂଆଦିଲ୍ଲୀ,୯-୧: ମାଇନ୍ସ ଆଣ୍ଡ ମିନେରାଲ୍ସ ଡେଭଲପମେଣ୍ଟ ରେଗୁଲେସନ ଆକ୍ଟ(ଏମ୍‌ଏମ୍‌ଡିଆର୍‌) ଏବଂ କୋଲ୍‌ ମାଇନ୍ସ( ସ୍ପେଶିଆଲ ପ୍ରୋଭିଜନ) ନିୟମରେ ପରିବର୍ତ୍ତନକୁ କେନ୍ଦ୍ର କ୍ୟାବିନେଟ ବୈଠକରେ ମଞ୍ଜୁରୀ କରାଯାଇଛି।...

ନିୟନ୍ତ୍ରଣ ହରାଇଲା ହେଲିକପ୍ଟର: ଲାଣ୍ଡିଂ ନ କରି ଦିଲ୍ଲୀ ଫେରିଗଲେ ବାଲକ୍‌ ନାଥ୍‌

ଅଲଓ୍ବର,୩୦।୬: ରାଜସ୍ଥାନ ଅଲଓ୍ବର ଲୋକ ସଭା ଆସନର ଭାଜପା ଏମ୍‌ପି ବାବା ବାଲକ୍‌ ନାଥ୍‌ଙ୍କ ହେଲିକପ୍ଟର ନିୟନ୍ତ୍ରଣ ହରାଇବାରୁ ଏହା ଲାଣ୍ଡିଂ ନ କରି ପାରି...

ହାଇଦ୍ରାବାଦ୍‌ ବଜାରରେ ମିଳୁନି ଜାତୀୟ ପତାକା

ହାଇଦ୍ରାବାଦ୍‌,୯।୧:ତେଲେଙ୍ଗାନା ରାଜଧାନୀ ହାଇଦ୍ରାବାଦରେ ନାଗରିକତ୍ୱ ସଂଶୋଧିତ ଆଇନ୍‌(ସିଏଏ)କୁ ବିରୋଧ କରି ଜୋରଦାର ପ୍ରଦର୍ଶନ ଜାରି ରହିଛି। ଏହି ଆଇନକୁ ବିରୋଧ ଏବଂ ସପକ୍ଷରେ ମତ ଦେଉଥିବା...

କର୍ନାଟକ ବିଧାୟକ ଅଯୋଗ୍ୟ ଘୋଷଣା ମାମଲା: ୟେଦୁରପ୍ପାଙ୍କ ଅଡିଓ କ୍ଲିପ୍‌କୁ ରେକର୍ଡ ଭାବେ ନେବାକୁ କଂଗ୍ରେସର ଅନୁରୋଧ

ନୂଆଦିଲ୍ଲୀ,୫ା୧୧(ପି.ଟି.): କର୍ନାଟକର ୧୭ ବିଧାୟକଙ୍କୁ ଅଯୋଗ୍ୟ ଘୋଷଣା କରାଯିବା ମାମଲାର ଶୁଣାଣି ସୁପ୍ରିମକୋର୍ଟରେ ଚାଲିଥିଲାବେଳେ ମୁଖ୍ୟମନ୍ତ୍ରୀ ବି.ଏସ୍‌. ୟେଦୁରପ୍ପାଙ୍କ ଅଡିଓ କ୍ଲିପ୍‌କୁ ରେକର୍ଡ ଭାବେ ଗ୍ରହଣ...

ଆଇଏନ୍‌ଏକ୍ସ୍‌ ମାମଲା: ଇଡ଼ି ଅଧିକାରୀ ରାକେଶ ଆହୂଜାଙ୍କ ବଦଳି

ନୂଆଦିଲ୍ଲୀ,୨୨।୮: ଆଇଏନ୍‌ଏକ୍ସ୍‌ ମାମଲାରେ ଇଡ଼ିର ସହାୟକ ଯାଞ୍ଚ୍‌ ଅଧିକାରୀ ରାକେଶ ଆହୂଜାଙ୍କୁ ଗୁରୁବାର ବଦଳି କରାଯାଇଛି। ଇଡ଼ିରେ ତାଙ୍କର କାର୍ଯ୍ୟକାଳ ଶେଷ ହୋଇଥିବାରୁ ଏପରି କରାଯାଇଥିବା...

Leave a comment

Your email address will not be published. Required fields are marked *