ଭାରତୀୟଙ୍କ ଦାବିଦାରହୀନ ଜମା; ସ୍ବିସ୍‌ ସରକାରଙ୍କୁ ହସ୍ତାନ୍ତର ହୋଇପାରେ

ନୂଆଦିଲ୍ଲୀ,୧୧-୧୧: ସ୍ବିଜରଲ୍ୟାଣ୍ଡର ବିଭିନ୍ନ ବ୍ୟାଙ୍କରେ ରହିଥିବା ଭାରତୀୟଙ୍କ ସମେତ ଅନ୍ୟ ଦେଶର ଲୋକଙ୍କ ଦାବିଦାରହୀନ ଜମା ସେଠାକାର ସରକାରଙ୍କ ହସ୍ତାନ୍ତର ହୋଇପାରେ। ଏଭଳି ଭାବେ ଭାରତ ସହ ସଂଯୋଗ ଥିବା ୧୨ ଆକାଉଣ୍ଟର କୌଣସି ଦାବିଦାର ନ ଥିବା ଜଣାପଡିଛି। ସ୍ବିସ୍‌ ବ୍ୟାଙ୍କଗୁଡିକରେ ୩୦୦ କୋଟି ଟଙ୍କାରୁ ଉର୍ଦ୍ଧ୍ୱ ଅଣଦାବିଦାର ଅର୍ଥ ରହିଥିବା ଏକ ଖବର ସାମ୍ନାକୁ ଆସିଛି। ସେଠାକାର ସରକାର ୨୦୧୫ରେ ନିଷ୍କ୍ରିୟ ଖାତା ସମ୍ପର୍କରେ ସୂଚନାକୁ ସାର୍ବଜନୀନ କରିଥିଲେ। ଦାବିଦାର ପ୍ରମାଣ ଦେଇ ଅର୍ଥ ପାଇବା ଲାଗି ବ୍ୟାଙ୍କ ନିର୍ଦ୍ଦିଷ୍ଟ ସମୟ ସୀମା ଜାରି କରିଛି। ହେଲେ ପ୍ରାୟ ୧୦ ଭାରତୀୟ ଆକାଉଣ୍ଟର କେହି ଦାବିଦାର ସାମ୍ନାକୁ ଆସି ନ ଥିବା ଜଣାପଡିଛି। ଆକାଉଣ୍ଟଗୁଡିକ ଭାରତୀୟ ମୂଳ ନିବାସୀ ଏବଂ ବ୍ରିଟିଶ ସରକାରଙ୍କ ଅମଳରେ ନାଗରିକଙ୍କ ସହ ଜଡିତ ବୋଲି ଖବର ପ୍ରକାଶ ପାଇଛି। ଗତ ୬ ବର୍ଷ ମଧ୍ୟରେ କୌଣସି ଗୋଟିଏ ଖାତା ଲାଗି ମଧ୍ୟ ଭାରତୀୟଙ୍କ ପକ୍ଷରୁ ସ୍ପଷ୍ଟ ଭାବେ ଦାବି କରାଯାଇ ନ ଥିବା ସ୍ବିସ୍‌ ବ୍ୟାଙ୍କିଙ୍ଗ କର୍ତ୍ତୃପକ୍ଷ କହିଛନ୍ତି। ଏହି ଆକାଉଣ୍ଟଗୁଡିକ ମଧ୍ୟରେ ୨ଟି କଲିକତା, ଗୋଟିଏ ଡେରାଡୁନ ଏବଂ ୨ଟି ମୁମ୍ବାଇ ଭଳି ସ୍ଥାନ ସହ ସମ୍ପର୍କ ରହିଛି। ଏଭଳି ମଧ୍ୟ କିଛି ଆକାଉଣ୍ଟ ରହିଛି ଯାହାର ମାଲିକ ଏବେ ଫ୍ରାନ୍ସ ଏବଂ ଇଂଲଣ୍ଡରେ ରହୁଛନ୍ତି।
କିଛି ଆକାଉଣ୍ଟର ଦାବି ଲାଗି ରହିଥିବା ସମୟ ସୀମା ଆସନ୍ତା ମାସରେ ଶେଷ ହେଉଛି। ଅପରପକ୍ଷରେ ଆଉ କିଛି ଆକାଉଣ୍ଟ କ୍ଷେତ୍ରରେ ସମୟ ସୀମା ୨୦୨୦ ଯାଏ ରହିଛି। ସ୍ବିସ୍‌ ବ୍ୟାଙ୍କରେ ଥିବା କିଛି ନିଷ୍ପ୍ରିୟ ଆକାଉଣ୍ଟ ଲାଗି ପାକିସ୍ତାନର ବାସିନ୍ଦା ଦାବି କରିଛନ୍ତି। ଏହାବାଦ୍‌ ସୁଇଜରଲାଣ୍ଡ ଏବଂ ଅନ୍ୟ ଦେଶର ବାସିନ୍ଦା ମଧ୍ୟ ଆଉ କିଛି ଆକାଉଣ୍ଟଧାରୀଙ୍କ ଉତ୍ତରାଧିକାରୀ ବୋଲି ଦାବିରେ ଜଣାଇଛନ୍ତି। ୨୦୧୫ରେ ସୁଇଜରଲାଣ୍ଡ ପ୍ରଥମଥର ଲାଗି ଆକାଉଣ୍ଟ ତଥ୍ୟ ସାର୍ବଜନୀନ କରିଥିଲା। ସୂଚୀରେ ମୋଟ ୨୬୦୦ ଆକାଉଣ୍ଟ ରହିଛି। ଆକାଉଣ୍ଟଗୁଡିକରେ ୪.୫ କୋଟି ସ୍ବିସ୍‌ ଫ୍ରାଙ୍କ୍‌ (ପ୍ରାୟ ୩୦୦ କୋଟି ଟଙ୍କା) ରହିଛି। ୧୯୫୫ରୁ ଏହି ରାଶି ଉପରେ କୌଣସି ଦାବି କରାଯାଇ ନାହିଁ। ଏହି ସୂଚୀରେ ପ୍ରତିବର୍ଷ ନୂଆ ଆକାଉଣ୍ଟ ଯୋଡି ହେଉଛି। ଏହି କ୍ରମରେ ସବୁ ଦେଶକୁ ମିଶାଇ ୩,୫୦୦ ଆକାଉଣ୍ଟ ଯୋଡି ହୋଇଛି।
ସ୍ବିସ୍‌ ବ୍ୟାଙ୍କ ଆକାଉଣ୍ଟରେ କଳାଧନ ପ୍ରସଙ୍ଗ ଭାରତରେ ଏକ ବିବାଦୀୟ ବିଷୟ ହୋଇପଡିଛି। ଭାରତୀୟମାନେ ଟିକସ ଲୁଚାଇବା ଲାଗି ସେମାନଙ୍କ ଟଙ୍କାକୁ ସ୍ବିସ୍‌ ବ୍ୟାଙ୍କ ଆକାଉଣ୍ଟରେ ରଖୁଥିବା ସାଧାରଣରେ ବିଶ୍ୱାସ ରହିଛି। ସେହିଭଳି ରାଜରାଜୁଡା ମଧ୍ୟ ସ୍ବିସ ବ୍ୟାଙ୍କରେ ଟଙ୍କା ରଖିଥିବା ସନ୍ଦେହ କରାଯାଇଥାଏ। ଟିକସ ଆଦାନପ୍ରଦାନ ଚୁକ୍ତି ତଥା ବିଶ୍ୱ ସ୍ତରର ଚାପ ଯୋଗୁ ସ୍ବିଜରଲାଣ୍ଡ ଏହାର ବ୍ୟାଙ୍କିଙ୍ଗ ତଥ୍ୟକୁ ବିଭିନ୍ନ ଦେଶ ସହ ଆଦାନ ପ୍ରଦାନ କରୁଛି। ଭାରତ ସମେତ ଅନ୍ୟ ଦେଶ ସ୍ବିଜରଲାଣ୍ଡ ସହ ସୂଚନାର ସ୍ବତଃ ଆଦାନପ୍ରଦାନ ଚୁକ୍ତିରେ ସାମିଲ ହୋଇଛନ୍ତି। ଏହି ଚୁକ୍ତି ମୁତାବକ ଭାରତକୁ ପ୍ରଥମ ପର୍ଯ୍ୟାୟ ତଥ୍ୟ ମିଳିଛି। ଦ୍ୱିତୀୟ ପର୍ଯ୍ୟାୟ ତଥ୍ୟ ୨୦୨୦ ସେପ୍ଟେମ୍ବରରେ ଉପଲବ୍ଧ ହେବ ବୋଲି ଜଣାପଡ଼ିଛି।


All Right Reserved By Dharitri.Com

ରିଏଲ ଇଷ୍ଟେଟ ଲାଗି ପ୍ୟାକେଜ ଘୋଷଣା: ଫ୍ଲାଟ କ୍ରେତାଙ୍କ ସ୍ବପ୍ନ ହେବ ପୂରଣ

ନୂଆଦିଲ୍ଲୀ,୧୫-୯: ଦେଶର ଦେଖାଦେଇଥିବା ଆର୍ଥିକ ମାନ୍ଦାବସ୍ଥାର ପ୍ରଭାବ ରିଏଲ ଇଷ୍ଟେଟ ସେକ୍ଟରରେ ପଡିଛି। ଏହି ସେକ୍ଟର ପାଇଁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଶନିବାର ପ୍ୟାକେଜ...

ଫୋର୍ବ୍ସ୍‌ ଇଣ୍ଡିଆ ପକ୍ଷରୁ ପ୍ରକାଶ ପାଇଲା ଧନଶାଳୀଙ୍କ ତାଲିକା: ପୁଣି ବାଜି ମାରିଲେ ମୁକେଶ ଅମ୍ବାନୀ

ନୂଆଦିଲ୍ଲୀ,୧୧।୧୦: ଫୋବର୍‌ସ ଇଣ୍ଡିଆ ୨୦୧୯ ପକ୍ଷରୁ ଭାରତର ସବୁଠାରୁ ଧନଶାଳୀ ବ୍ୟକ୍ତିଙ୍କ ନୂଆ ତାଲିକା ପ୍ରକାଶ ପାଇଛି। ଭାରତର ଟପ୍‌ ଶହେରେ ଥିବା ବ୍ୟକ୍ତିଙ୍କ ତାଲିକାରେ...

ସପ୍ତାହକ ଭିତରେ ଜେଟ୍‌ର ସ୍ଥିତି ସ୍ପଷ୍ଟ ହେବ: ଏସ୍‌ବିଆଇ ମୁଖ୍ୟ

ନୂଆଦିଲ୍ଲୀ,୨୦-୫: ଆର୍ଥିକ ସଙ୍କଟ କାରଣରୁ ଅସ୍ଥାୟୀଭାବେ ବନ୍ଦ ହୋଇଯାଇଥିବା ଜେଟ୍‌ ଏୟାରଓ୍ବେଜ୍‌ର ଭବିଷ୍ୟତକୁ ନେଇ ଏବେ ବି ଅନିଶ୍ଚିତତା ଲାଗି ରହିଛି। ଜେଟ୍‌ ପୁଣିଥରେ କାର୍ଯ୍ୟକ୍ଷମ...

ବର୍ଷକରେ ୭୧,୫୪୩ କୋଟି ଟଙ୍କାର ବ୍ୟାଙ୍କ ଠକେଇ

ନୂଆଦିଲ୍ଲୀ,୨୫-୧୨: ୨୦୧୮-୧୯ ଆର୍ଥତ୍କ ବର୍ଷରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକରେ ଠକେଇ ୭୪% ବଢିଛି। ଏହି ଠକେଇରେ ୭୧,୫୪୩ କୋଟି ଟଙ୍କା ଜଡିତ ଥିବା ଜଣାପଡିଛି। ୨୦୧୭-୧୮ରେ ବ୍ୟାଙ୍କଗୁଡିକରେ...

ଜେଟ୍‌ର ୪୧୦ ପାଇଲଟ ଦେଇସାରିଛନ୍ତି ଇସ୍ତଫା

ନୂଆଦିଲ୍ଲୀ,୨୪-୪: ଜେଟ୍‌ ଏୟାରଓ୍ବେଜ ପୁଣିଥରେ ଉଡ଼ିବା ନେଇ ସଂଶୟ ରହିଛି। ଗତ ୭ ମାସ ମଧ୍ୟରେ ୪୧୦ ଜଣ ପାଇଲଟ ଓ କ୍ୟାପ୍ଟେନ ଚାକିରି ଛାଡ଼ିଛନ୍ତି।...

ଜାଲ୍‌ ଜିଏସ୍‌ଟି ଇନ୍‌ଭଏସ;ଦେଶର ୩୩୬ ସ୍ଥାନରେ ଚଢ଼ାଉ

ନୂଆଦିଲ୍ଲୀ,୧୩-୯: ଦେଶରେ ଜିଏସ୍‌ଟି ଲାଗୁ ହେବାର ୨ ବର୍ଷ ପରେ ମୋଦି ସରକାର ଜିଏସ୍‌ଟି ଫାଙ୍କି ବିରୋଧରେ ଦେଶବ୍ୟାପୀ ଚଢ଼ାଉ ଅଭିଯାନ କରିଛନ୍ତି। ଅର୍ଥମନ୍ତ୍ରଣାଳୟ ପକ୍ଷରୁ...

୧୦୦ ବିମାନ ସହ ୪ର୍ଥ ସ୍ଥାନରେ ସ୍ପାଇସ୍‌ଜେଟ୍‌

ମୁମ୍ବାଇ,୨୭-୫: ଘରୋଇ ବିମାନ କମ୍ପାନୀ ସ୍ପାଇସ୍‌ଜେଟ୍‌ ରବିବାର ଏକ ବୋଇଂ ୭୩୭ ବିମାନକୁ ସାମିଲ କରିଛି। ଫଳରେ କମ୍ପାନୀ ନିକଟରେ ବିମାନ ସଂଖ୍ୟା ଏବେ ୧୦୦ରେ...

ବଡ଼ ଜମା-ଉଠାଣ ଲାଗି ଜରୁରୀ ହେବ ଆଧାର

ନୂଆଦିଲ୍ଲୀ,୨୩-୭: କଳାଧନ ଉପରେ ଲଗାମ ଲଗାଇବାକୁ ଯାଇ କେନ୍ଦ୍ର ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି, ଯାହାର ସିଧାସଳଖ ପ୍ରଭାବ ସାଧାରଣରେ ଦେଖାଯିବ। ବ୍ୟାଙ୍କ...

Leave a comment

Your email address will not be published. Required fields are marked *