ଗଞ୍ଜାମ ଜିଲା ଚିଠି: ପଛକୁ ଦେଖ

ଗତ ଏକ ବର୍ଷ ହେଲା ବ୍ରହ୍ମପୁର ମହାନଗର ନିଗମ(ବିଏମ୍‌ସି)ରେ ଅମଲାତନ୍ତ୍ର ଶାସନ ଚାଲିଛି। ୨୦୧୮ ସେପ୍ଟେମ୍ବର ୩୦ରେ ରାଜ୍ୟବ୍ୟାପୀ ସମସ୍ତ ପୌରସଂସ୍ଥାକୁ ରାଜ୍ୟ ସରକାର ଭାଙ୍ଗିଦେଇଥିଲେ ମଧ୍ୟ ଏଯାଏଁ ନିର୍ବାଚନ କରାଇନାହାନ୍ତି। ସୁତରାଂ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଏବେ ବିଏମ୍‌ସିର ପ୍ରଶାସକ ଦାୟିତ୍ୱରେ ରହିଛନ୍ତି। ନିୟମିତ ବ୍ୟବଧାନରେ ବିଏମ୍‌ସି ପକ୍ଷରୁ ନୂଆ ନୂଆ ଯୋଜନା ଘୋଷଣା କରାଯାଉଛି। ଗୋଟିଏ ପରେ ଗୋଟିଏ ପ୍ରକଳ୍ପ ଆରମ୍ଭ ହେଉଛି, କିନ୍ତୁ ଶେଷ ହେଉନି। ବିଏମ୍‌ସିର ଅଧିକାରୀମାନେ କେବଳ ଶ୍ରେୟ ନେବା ପାଇଁ ଏଭଳି କରୁଥିବା ବିରୋଧୀ ଅନେକ ସମୟରେ ଅଭିଯୋଗ କରୁଛନ୍ତି। ଯାହାର ପରିଣାମ ସହରବାସୀ ଭୋଗୁଛନ୍ତି। ପୂର୍ବତନ କମିଶନର୍‌ ନିଖିଲ ପୱନ କଲ୍ୟାଣଙ୍କ ମହତ୍ତ୍ୱାକାଂକ୍ଷୀ ଯୋଜନା ଥିଲା ଡିଜିଟାଲ୍‌ ଡୋର୍‌ ନମ୍ବରିଙ୍ଗ୍‌। ପ୍ରତ୍ୟେକଙ୍କ ଘର ଆଗରେ ଏକ ସ୍ବତନ୍ତ୍ର ନମ୍ବର ରହିବ। ୱେବ୍‌ସାଇଟ୍‌ରେ କେବଳ ଘରର ନମ୍ବର ଦେଲେ, ଠିକଣା ମିଳିଯିବ। ସେ ଦାୟିତ୍ୱରେ ଥିବା ପର୍ଯ୍ୟନ୍ତ ଏହି ଯୋଜନା କାର୍ଯ୍ୟକାରୀ କରିବାକୁ ବିଏମ୍‌ସି ଅଧିକାରୀମାନେ ଆଗ୍ରହ ଦେଖାଇଥିଲେ। ହେଲେ ସେ ବଦଳି ହେବା ପରଠୁ ଏହା ବନ୍ଦ ପଡ଼ିଛି। ଅଧିକାରୀମାନେ ଏହାକୁ କାର୍ଯ୍ୟକାରୀ କରିବାକୁ ଇଚ୍ଛା ପ୍ରକାଶ କରୁନାହାନ୍ତି। କେବଳ ଏହି ଗୋଟିଏ ନୁହଁ, ତାଙ୍କ ସମୟର ଅନେକ ଯୋଜନା ବର୍ତ୍ତମାନ ବନ୍ଦ ହୋଇଯାଇଛି କିମ୍ବା ମନ୍ଥର ଗତିରେ ଚାଲିଛି। ୭୦ଲକ୍ଷରୁ ଅଧିକ ଟଙ୍କାରେ ସହରର ବିଭିନ୍ନ ସ୍ଥାନରେ ଶୌଚାଳୟ ନିର୍ମାଣ କରାଯାଇଛି। ଉଦ୍‌ଘାଟନ ପରଠୁ ସେଗୁଡ଼ିକ ବନ୍ଦ ପଡ଼ିଛି। ଓଡ଼ିଶା ବିପର୍ଯ୍ୟୟ ଥଇଥାନ ପ୍ରକଳ୍ପ(ଓଡିଆର୍‌ପି)ରେ ବସ୍ତି ଅଞ୍ଚଳ ଉନ୍ନୟନ ପାଇଁ ୨୦୧୪ ମସିହା ପହିଲାରୁ ପଦକ୍ଷେପ ନିଆଯାଇଥିଲେ ମଧ୍ୟ ତାହା ଏଯାଏଁ ଶେଷ ହୋଇନି। ପ୍ରାୟ ୯କୋଟି ଟଙ୍କାରେ ରାମଲିଙ୍ଗମ୍‌ ପୋଖରୀର ସୌନ୍ଦର୍ଯ୍ୟକରଣ କାମ ୨୦୧୬ ମସିହାରୁ ଆରମ୍ଭ ହୋଇଥିବା ବେଳେ ତାହା ଅଧା ମଧ୍ୟ ହୋଇନାହିଁ। ଅସଫଳ ତାଲିକାରେ ଆହୁରି ଅନେକ ପ୍ରକଳ୍ପ ଅଛି। ବର୍ତ୍ତମାନର କମିଶନର୍‌ ଚକ୍ରବର୍ତ୍ତୀ ସିଂ ରାଠୋର୍‌ଙ୍କ ସମୟରେ ମଧ୍ୟ ଆରମ୍ଭ ଅନେକ ଯୋଜନା ଉଦ୍‌ଘାଟନ ପରେ ପ୍ରାୟତଃ ବନ୍ଦ ପଡ଼ିଛି। କୋଟିଏ ଟଙ୍କା ଖର୍ଚ୍ଚରେ ବ୍ରହ୍ମପୁର ସହରକୁ ମାଗଣା ୱାଇଫାଇ ଜୋନ୍‌ କରିବା ହେଉ ଅବା ୱାଟର୍‌ ଏଟିଏମ୍‌, ଉଭୟ ଠିକ୍‌ରେ କାର୍ଯ୍ୟ କରୁନି। ସୋଲାର୍‌ ବସ୍‌ଷ୍ଟାଣ୍ଡ, ଗୃହପାଳିତ ପ୍ରାଣୀଙ୍କ ଟ୍ୟାଗିଂ ଯୋଜନା ବନ୍ଦ ହୋଇପଡ଼ିଛି। ୪ଶହ କୋଟିରୁ ଊର୍ଦ୍ଧ୍ୱ ଟଙ୍କାର ଜାନବିଲି ପ୍ରକଳ୍ପରେ ସହରବାସୀଙ୍କୁ ପାନୀୟ ଜଳ ଯୋଗାଣ କରାଯିବ। ସହର ସାରା ପାଇପ୍‌ ବିଚ୍ଛାଇବା ପାଇଁ ରାସ୍ତାଘାଟ ଖୋଳି ଦିଆଗଲା। ଦୁଇ ବର୍ଷରୁ ଅଧିକ ସମୟ ପରେ ମଧ୍ୟ ଏହି ପ୍ରକଳ୍ପ ସଂପୂର୍ଣ୍ଣ ହୋଇପାରିନି। ମହୁଡ଼ାସ୍ଥିତ ସେପ୍ଟିକ୍‌ ଟ୍ରିଟ୍‌ମେଣ୍ଟ ପ୍ରକଳ୍ପ ମଧ୍ୟ ଉଦ୍‌ଘାଟନ ପରଠୁ ଅକାମୀ ହୋଇଯାଇଛି। ଏସବୁ ବ୍ୟତୀତ ଯାହା ବ୍ରହ୍ମପୁରବାସୀଙ୍କୁ ହଇରାଣରେ ପକାଇଛି, ତାହା ହେଉଛି ଖରାପ ରାସ୍ତା। ସହରବ୍ୟାପୀ ରାସ୍ତାଗୁଡ଼ିକର ଅବସ୍ଥା ଅତ୍ୟନ୍ତ କଦର୍ଯ୍ୟ। ଯାନ ଦୂରର କଥା, ଏମିତି ଅନେକ ରାସ୍ତାରେ ଚାଲିବା ବି କଷ୍ଟ। ସହରବାସୀଙ୍କ ମତ ହେଲା, ଯେଉଁ ଯୋଜନାଗୁଡ଼ିକ ପୂର୍ବରୁ ଆରମ୍ଭ ହୋଇଛି, ବିଶେଷକରି ଜାନବିଲି ପ୍ରକଳ୍ପ, ତାହାକୁ ପ୍ରଥମେ ଶେଷ କରାଯାଉ। ବିଏମ୍‌ସି ଏବଂ ଜିଲା ପ୍ରଶାସନର ଅଧିକାରୀମାନେ ଟିକେ ପଛକୁ ଦେଖି ଅସଂପୂର୍ଣ୍ଣ ପ୍ରକଳ୍ପଗୁଡ଼ିକ ଶେଷ କରନ୍ତୁ, ତା’ ପରେ ଆଗକୁ ଦେଖନ୍ତୁ ବୋଲି ସହରବାସୀ ମତବ୍ୟକ୍ତ କରିଛନ୍ତି ା

– ଆଶୀର୍ବାଦ ରାଉତ


All Right Reserved By Dharitri.Com

ବ୍ରାଉନ ସୁଗାର ଜବତ: ଜଣେ ଗିରଫ

ରାଇରଙ୍ଗପୁର,୬ା୨(ଡି.ଏନ୍‌.ଏ.)- ରାଇରଙ୍ଗପୁର ପୋଲିସ ବୁଧବାର ଚଢାଉ କରି ୧୨ ଗ୍ରାମ ବ୍ରାଉନସୁଗାର ଜବତ କରିବା ସହ ଜଣଙ୍କୁ ଗିରଫ କରିଛି। ସର୍କଲ ଏସ୍‌ଡିପିଓ ସ୍ନେହାଶିଷ ସାହୁଙ୍କ...

ଧୋଇଗଲା କଲଭର୍ଟ ପାର୍ଶ୍ୱ ରାସ୍ତା

ଫୁଲବାଣୀ ଅଫିସ,୩୦ା୮- ତୁମୁଡ଼ିବନ୍ଧ ବ୍ଲକର ଉପାନ୍ତ ତଥା ମାଓବାଦୀ ପ୍ରଭାବିତ ଅଞ୍ଚଳ ଭାବେ ପରିଚିତ ଲଙ୍କାଗଡ଼ ପଞ୍ଚାୟତ କାରୁକୁଡି ଗ୍ରାମକୁ ଯୋଗାଯୋଗ ବିଚ୍ଛିନ୍ନ ହୋଇଛି। ଗତ...

ସାପ କାମୁଡାରେ ଜୀବନ ଗଲା

ଯୋଡ଼ା, ୩୦।୭(ଡି.ଏନ.ଏ.)-କେନ୍ଦୁଝର ଜିଲା ଯୋଡା ଥାନା ବିଲେଇପଦା ଫାଣ୍ଡି ଅନ୍ତର୍ଗତ କୀତାବେଡାଠାରେ ସାପ କାମୁଡାରେ ଲୋଚନ ପଲେଇ(୫୮)ଙ୍କର ଡାକ୍ତରଖାନାରେ ମୃତ୍ୟୁ ଘଟିଛି। ରବିବାର ପୂର୍ବାହ୍ନରେ ଲୋଚନ...

କାଳୀପୂଜା ପ୍ରସ୍ତୁତି ଆରମ୍ଭ : ମୂର୍ତ୍ତି ନିର୍ମାଣ ପାଇଁ ଉଠିଲା ମାଟି

ଯାଜପୁର ରୋଡ,୧୪ା୧୦(ନି.ପ୍ର.): କାଳୀପୂଜାକୁ ସରସ ସୁନ୍ଦର କରିବା ନେଇ ସହରର ବିଭିନ୍ନ ପୂଜା କମିଟି ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି। ଶାସ୍ତ୍ର ଅନୁସାରେ କୁମାର ପୂର୍ଣ୍ଣିମା...

ଆଟେଣ୍ଡାନ୍ସ ଖାତାରେ ପୂର୍ବତନ ବିଧାୟକଙ୍କ ନାମ

ଭୁବନେଶ୍ୱର,୨୦ା୨(ବ୍ୟୁରୋ): ପାଲଲହଡ଼ା ବିଧାୟକ ମୁକେଶ କୁମାର ପାଲ ପ୍ରଥମଥର ବିଧାୟକ ହୋଇଛନ୍ତି। ଯେତେବେଳେ ବିଧାନସଭାର ଅଧିବେଶନରେ ଯୋଗ ଦେବାକୁ ଆସୁଛନ୍ତି ବିଧାୟକଙ୍କ ଅଟେଣ୍ଡାନ୍ସ ଖାତାରେ ରହିଛି...

‘ମିଶନ ବିୟୁଟି ସିଟି’ ତ୍ୱରାନ୍ବିତ: ଓଟି ରୋଡ୍‌ରୁ ହଟିଲା ଜବରଦଖଲ

ବାଲେଶ୍ୱର ଅଫିସ, ୯।୮-ବାଲେଶ୍ୱର ସହରରେ ବିଭିନ୍ନ ସ୍ଥାନରେ ଜବରଦଖଲ ଓ ହୋର୍ଡ଼ିଂ ଉଚ୍ଛେଦ ଗତ ଜୁଲାଇ ୨୨ତାରିଖରୁ ଆରମ୍ଭ ହୋଇଥିବା ବେଳେ ଗୁରୁବାର ପୂର୍ବାହ୍ନ ୧୧ଟାରେ...

ଗଞ୍ଜାମ ଜିଲା ୨୦୧୯ ନିର୍ବାଚନ: ଦଳବଦଳ ପ୍ରାର୍ଥୀଙ୍କ ବଢ଼ିଛି ଚିନ୍ତା

ବ୍ରହ୍ମପୁର ଅଫିସ,୨୮ା୪-ଗଞ୍ଜାମ ଜିଲାରେ ୨୦୧୯ ସାଧାରଣ ନିର୍ବାଚନ ଦୁଇ ପର୍ଯ୍ୟାୟରେ ସରିଯାଇଛି। ଫଳାଫଳ ଘୋଷଣାକୁ ୨୫ ଦିନ ବାକି ରହିଛି। ଦଳ ବଦଳ କରି ମଇଦାନକୁ...

୪ ବର୍ଷ ପରେ ଜେଲରୁ ମୁକୁଳିଲେ ସାରଥି

କଟକ ଅଫିସ, ୨୫।୭: ସାରଥି ଓରଫ୍‌ ସନ୍ତୋଷ ରାଉଳ ଗୁରୁବାର ଜେଲରୁ ମୁକୁଳିଛନ୍ତି। ସମସ୍ତ ୩ଟି ଯାକ ମାମଲାର ଜାମିନ୍‌ ପାଇବା ପରେ କଟକ ଚୌଦ୍ୱାର...

Leave a comment

Your email address will not be published. Required fields are marked *