ବୁଲ୍‌ବୁଲ୍‌ ପ୍ରଭାବ: ଜଗତ୍‌ସିଂହପୁର ଜିଲାର ଧାନ,ପରିବା ଫସଲ ଅଧିକ କ୍ଷତିଗ୍ରସ୍ତ

ଜଗତ୍‌ସିଂହପୁର ଅଫିସ,୧୦ା୧୧: ବାତ୍ୟା ବୁଲ୍‌ବୁଲ ପ୍ରଭାବରେ ଜଗତ୍‌ସିଂହପୁର ଜିଲାର ତଳିଆ ଅଞ୍ଚଳ ଲୋକେ ପ୍ରଭାବିତ ହେବା ସହ ବ୍ୟାପକ ଧାନ ଓ ପନିପରିବା କ୍ଷତିଗ୍ରସ୍ତ ହୋଇଛି। ବିଶେଷକରି ଧାନ ଥୋଡ ଧରୁଥିବାରୁ ପବନ ମାଡରେ ଏହା ନଷ୍ଟ ପ୍ରାୟ ହୋଇଯାଇଛି। ଜିଲାର ସମସ୍ତ ଅଞ୍ଚଳରେ ଗଛ ଭାଙ୍ଗିଥିବା ବେଳେ ପାରାଦୀପ, କୁଜଙ୍ଗ, ତିର୍ତ୍ତୋଲ, ଏରସମା ଓ ବାଲିକୁଦା ଅଞ୍ଚଳରେ ଏହି ସଂଖ୍ୟା ଅଧିକ ବୋଲି ଆକଳନ କରାଯାଇଛି। ୮ତାରିଖରୁ ବର୍ଷା ଓ ପବନ ଲାଗି ରହିବାରୁ ଜିଲାର ତଳିଆ ତଥା ସମ୍ବେଦନଶୀଳ ଅଞ୍ଚଳର ଲୋକଙ୍କୁ ବିଭିନ୍ନ ବାତ୍ୟା ଆଶ୍ରୟସ୍ଥଳ ଓ ଶିକ୍ଷାନୁଷ୍ଠାନକୁ ସ୍ଥାନାନ୍ତର କରାଯାଇଥିଲା। ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଥିଲେ ଜିଲାପାଳ ସଂଗ୍ରାମ କେଶରୀ ମହାପାତ୍ର। ଜିଲାପାଳ ପାରାଦୀପରେ ରହି ଲୋକଙ୍କୁ ସ୍ଥାନାନ୍ତରଣ, ରନ୍ଧା ଖାଦ୍ୟ ପ୍ରଦାନ, ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ନ ଯିବା, ବାତ୍ୟାଜନିତ ଭାଙ୍ଗି ପଡିଥିବା ଗଛକୁ କାଟି ସଫା କରିବା ଆଦି କାର୍ଯ୍ୟ ତଦାରଖ କରିଥିଲେ ।

ଜିଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ ଜିଲାର ୫୪୬ ଜଣଙ୍କୁ ବିଭିନ୍ନ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତରିତ କରାଯାଇଥିଲା। ସେମାନଙ୍କ ମଧ୍ୟରୁ ପାରାଦୀପ ପୌର ପରିଷଦ ଦ୍ୱାରା ମେରାଇନ ଆକ୍ବାରିୟମକୁ ୮୬ଜଣ, ପାରାଦୀପ ମ୍ୟୁନିସିପାଲ୍‌ଟି ହାଇସ୍କୁଲରେ ୨୦୦, ତିର୍ତ୍ତୋଲ ବ୍ଲକର ତର୍ଜଙ୍ଗା ହାଇସ୍କୁଲରେ ୨୦୦ ଓ ଜଗତ୍‌ସିଂହପୁରସ୍ଥିତ ଶ୍ରୀକୃଷ୍ଣ ଏକାଡେମୀକୁ ୬୦ଜଣଙ୍କୁ ସ୍ଥାନାନ୍ତରିତ କରାଯାଇଥିଲା। ଏହି ଲୋକଙ୍କୁ ଶୁଖିଲା ଓ ରନ୍ଧାଖାଦ୍ୟ ଦିଆଯାଇଥିଲା। ପାରାଦୀପରେ କ୍ରକୋଡାଇଲ୍‌ ପାର୍କଠାରୁ ମାଉସୀ ମା’ଛକ ରାସ୍ତା, ମଧୁବନ ରାସ୍ତା, କ୍ରକୋଡାଇଲ ପାର୍କ ରାସ୍ତାଠାରୁ ସବ୍‌ଷ୍ଟେସନ୍‌ ଛକ ରାସ୍ତାରେ ଗଛ ଭାଙ୍ଗି ପଡିଥିବାରୁ ଏନ୍‌ଡିଆର୍‌ଏଫ୍‌, ଓଡ୍ରାଫ ଓ ଅଗ୍ନିଶମ ବାହିନୀ ପକ୍ଷରୁ ରାସ୍ତା ସଫା କରାଯାଇଥିଲା। ଜିଲାପାଳ ଶୁକ୍ରବାର ଷଣ୍ଢକୁଦ, ବଙ୍ଗାଳିସାହି ଆଦି ଅଞ୍ଚଳ ପରିଦର୍ଶନ କରି ସ୍ଥାନାନ୍ତରଣ ପ୍ରକ୍ରିୟା ତଦାରଖ କରିଥିଲେ। ଶୁକ୍ରବାର ରାତିରେ ପାରାଦୀପରେ ପବନର ବେଗ ଅଧିକ ଥିଲା। ଏହାର ପ୍ରଭାବରେ କେତେକ ସ୍ଥାନରେ ବିଦ୍ୟୁତ ଖୁଣ୍ଟ ଭାଙ୍ଗି ପଡିଥିବା ବେଳେ ଆଉ କେତେକ ସ୍ଥାନରେ ବଙ୍କା ହୋଇ ଯାଇଥିଲା। ତାର ମଧ୍ୟ ଅନେକ ସ୍ଥାନରେ ଛିଡିଥିବାରୁ ବିଦ୍ୟୁତ ସରବରାହ ବ୍ୟାଘାତ ଘଟିଛି। ବର୍ଷା କମିବା ପରେ ବିଦ୍ୟୁତ ବିଭାଗ କର୍ମଚାରୀମାନେ ତୁରନ୍ତ ମରାମତି କରିବେ ବୋଲି ସୂଚନା ଦିଆଯାଇଛି। ଏରସମା ବସ୍‌ ଷ୍ଟାଣ୍ଡରେ ଗୋଟିଏ ଗଛ ଭାଙ୍ଗି ପଡିଥିବାରୁ ସମସ୍ୟା ହୋଇଥିଲା। ସୌଭାଗ୍ୟ ଅଗ୍ନିଶମ ବିଭାଗ କର୍ମଚାରୀ ଏହାକୁ କାଟି ସଫା କରି ଦେଇଛନ୍ତି। ଖବର ଲେଖାହେବା ବେଳକୁ ପାଗରେ ସୁଧାର ଆସିଛି। ଜଗତ୍‌ସିଂହପୁର ସମେତ ବିରିଡ଼ି, ରଘୁନାଥପୁର, ନାଉଗାଁ ଆଦି ଅଞ୍ଚଳରେ ବର୍ଷା ଓ ପବନ ଆଦୌ ନ ଥିବା ବେଳେ ଅନ୍ୟ ବ୍ଲକ ଅଞ୍ଚଳରେ କମିଥିବା ଜଣାଯାଇଛି। ତେବେ ସମସ୍ତ ପରିସ୍ଥିତିର ମୁକାବିଲା ପାଇଁ ଜିଲା ପ୍ରଶାସନ ସଜାଗ ରହିଛି। ଜିଲାର ବିଭିନ୍ନ ବିଭାଗୀୟ ଅଧିକାରୀ ଏହାକୁ ତଦାରଖ କରୁଛନ୍ତି। ବର୍ଷା ଓ ପବନ ଯୋଗୁ ଧାନ ଫସଲ କ୍ଷତିଗ୍ରସ୍ତ ହୋଇଥିବାରୁ କୃଷି ବିଭାଗର ଅଧିକାରୀମାନେ ପାଗ ବଦଳିଲେ ଆକଳନ କରି ରିପୋର୍ଟ କରିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି।

ସୂଚନାଯୋଗ୍ୟ ଯେ, ବାତ୍ୟା ବୁଲ୍‌ବୁଲ୍‌ ପ୍ରଭାବରେ ଗତ ୮ ତାରିଖ ସକାଳୁ ଜିଲାରେ କୋହଲିଆ ପାଗ ସାଙ୍ଗକୁ ଝିପ ଝିପ ବର୍ଷା ଆରମ୍ଭ ହୋଇଥିଲା। ଶନିବାର ପୂର୍ବାହ୍ନ ସୁଦ୍ଧା ବର୍ଷା, ପବନ ଲାଗି ରହିଥିଲା। ପରିସ୍ଥିତିର ମୁକାବିଲା ପାଇଁ ୧ ଏନ୍‌ଡିଆର୍‌ଏଫ୍‌ ଦଳ(୨୫ ଜଣିଆ) ପାରାଦୀପରେ ପହଞ୍ଚତ୍ଥିଲେ। ଏହାବାଦ୍‌ ଜଗତ୍‌ସିଂହପୁର ଓ ପାରାଦୀପରେ ପୃଥକ ଭାବେ ୨ଟି ଓଡ୍ରାଫ୍‌ ଦଳ ନିୟୋଜିତ ହୋଇଥିଲେ। ଅଗ୍ନିଶମ ବିଭାଗର ୨ଟି ଦଳ ମଧ୍ୟ ପ୍ରସ୍ତୁତ ରହିଥିଲେ। ବର୍ଷା, ପବନ ଯୋଗୁ ଧାନ ଓ ପନିପରିବା ନଷ୍ଟ ହେବା ଭୟରେ ଚାଷୀ ଚିନ୍ତାରେ ଥିବା ବେଳେ ବାସ୍ତବରେ ସେମାନଙ୍କ ଆଶଙ୍କା ସତରେ ପରିଣତ ହୋଇଛି।


All Right Reserved By Dharitri.Com

ନବବଧୂଙ୍କ ସନ୍ଦେହଜନକ ମୃତ୍ୟୁ

ଭଞ୍ଜନଗର,୬।୭(ଡି.ଏନ.ଏ)-ଭଞ୍ଜନଗର ଥାନା ଅନ୍ତର୍ଗତ ଡହ ଗ୍ରାମର ନବବଧୂ ଶିବାନୀ ନାୟକଙ୍କ ଶନିବାର ଅପରାହ୍ନରେ ମୃତ୍ୟୁ ଘଟିଛି। କେଉଁ କାରଣ ଓ କିପରି ମୃତ୍ୟୁ ଘଟିଛି ତାହା...

ପ୍ରଧାନମନ୍ତ୍ରୀଙ୍କ ଜନ୍ମ ଦିବସରେ ଭାଜପା ପକ୍ଷରୁ ରୋଗୀଙ୍କୁ ଫଳ ବଣ୍ଟନ

ଜୁନାଗଡ,୨୦।୯(ଡି.ଏନ.ଏ.)-ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମ ଦିବସ ଉପଲକ୍ଷେ ଗୁରବାର ଜୁନାଗଡ ଭାଜପା ପକ୍ଷରୁ ସେବା ସପ୍ତାହ ଦିବସ ପାଳନ କରାଯାଇଛି। ଏହି ଅବସରରେ ଦଳୀୟ କର୍ମକର୍ତ୍ତମାନେ...

ଦାଦନ ଯାଇ ଆରପାରେ ଦିବାକର: ରାଶନ ଚାଉଲ, ଭତା ପରିବାରର ସାହାଭରସା

କଲମପୁର, ୨୯।୮, (ଡି.ଏନ୍‌.ଏ.):  କେନ୍ଦ୍ର ଆର ରାଏଜ୍‌ ସରକାର ଦାଦନ ସମସିଆ ଉପରେ ଲଗାମ୍‌ କସବାର ଲାଗି ଅନେକ୍‌ ଯୋଜନା କାଯ୍‌କାରୀ କରୁଛନ୍‌। ହେଲେ ଯୋଜନାର...

କ୍ୱାରାଣ୍ଟାଇନରେ ୨୧ ଜଣ

ଅନୁଗୋଳ ଅଫିସ୍‌, ୧୯।୩: ବାହାର ରାଜ୍ୟ ତଥା ଦେଶରୁ ଅନୁଗୋଳକୁ ଫେରିଥିବା ମୋଟ ୨୧ ଜଣଙ୍କୁ କ୍ୱାରାଣ୍ଟାଇନରେ ରଖାଯାଇଛି। ଏ ନେଇ ଅନୁଗୋଳ ଜିଲାପାଳ ମନୋଜ କୁମାର...

ଆକାଶରେ ଯାତ୍ରୀ ଅସୁସ୍ଥ: ଭୁବନେଶ୍ୱରରେ ବିମାନର ଜରୁରୀ ଅବତରଣ, ଡାକ୍ତରଖାନାରେ ପହଞ୍ଚିବା ପୂର୍ବରୁ ଚାଲିଗଲା ଜୀବନ

ଭୁବନେଶ୍ୱର,୨୬।୫(ବ୍ୟୁରୋ)- ଏମିତି ବି ଆସିପାରେ ମୃତ୍ୟୁ। ଘରକୁ ଫେରିବା ସମୟରେ ଆକାଶରେ ଅସୁସ୍ଥତା ଓ ପରେ ମୃତ୍ୟୁ। ଏଭଳି ଏକ ଘଟଣା ଦେଖିବାକୁ ମିଳିଥିଲା ଶନିବାର...

ଖାରିପଲ୍ଲୀ ଗ୍ରାମ୍ୟ କମିଟି ସଭ୍ୟଙ୍କୁ ହତ୍ୟା

ଧରାକୋଟ,୪ା୧(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ବଡ଼ଗଡ଼ ଥାନା ଅଧୀନ ଖାରିପଲ୍ଲୀ ଗ୍ରାମ୍ୟ କମିଟି ସଭ୍ୟ ଭରତ ବେହେରା (୬୭)ଙ୍କୁ ଶୁକ୍ରବାର ତେଲିଆ ଠାକୁରାଣୀ ନିକଟସ୍ଥ ରାସ୍ତାରେ...

ୟେସ୍‌ ବ୍ୟାଙ୍କରେ ଟଙ୍କା ରଖିବା ନିଷ୍ପତ୍ତି ଭୁଲ୍‌ ଥିଲା: ମହେଶ୍ୱର

ପୁରୀ ଅଫିସ,୬।୩: ୟେସ୍‌ ବ୍ୟାଙ୍କରେ ମହାପ୍ରଭୁ ଜଗନ୍ନାଥଙ୍କ ଟଙ୍କା ଜମା ରଖିବା ପ୍ରସଙ୍ଗକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି ପୂର୍ବତନ ମନ୍ତ୍ରୀ ମହେଶ୍ୱର ମହାନ୍ତି। ଏଭଳି...

ତିନିରଥର ପଟାଗୁଜ ଖୋଦେଇ ଆରମ୍ଭ

ପୁରୀ ଅଫିସ,୧୯ା୬: ଶ୍ରୀନଅର ସମ୍ମୁଖ ରଥଖଳାରେ ଚାଲିଛି ରଥ ନିର୍ମାଣ। ପବିତ୍ର ଦେବସ୍ନାନ ପୂର୍ଣ୍ଣମୀରେ ତିନି ରଥର ୪ ନାହାକ ଉଠିଥିଲା। ମଙ୍ଗଳବାର ତିନି ରଥରେ...

Leave a comment

Your email address will not be published. Required fields are marked *