ସ୍କର୍ପିଓ ସହ ଅପହୃତ ଯୁବକ ଉଦ୍ଧାର: ୩ ଗିରଫ

ଭୁବନେଶ୍ୱର, ୯ା୧୧(ବ୍ୟୁରୋ): ଇନ୍‌ଫୋସିଟି ଥାନା ଅଞ୍ଚଳରୁ ଅପହରଣ ହୋଇଥିବା ଜଣେ ଯୁବକଙ୍କ ସମେତ ସ୍କର୍ପିଓ ଗାଡ଼ିକୁ ଶୁକ୍ରବାର ପୋଲିସ ରାଜଧାନୀ ଉପକଣ୍ଠରୁ ଉଦ୍ଧାର କରିଛି। ଏହି ଘଟଣାରେ ମୁଖ୍ୟ ଅଭିଯୁକ୍ତ ଓ ତାଙ୍କ ୨ ସହଯୋଗୀଙ୍କୁ ଗିରଫ କରାଯିବା ସହ ସେମାନଙ୍କ ନିକଟରୁ ୨ଟି ବାଇକ ଓ ୪ଟି ମୋବାଇଲ ଜବତ କରାଯାଇଛି। ମୁଖ୍ୟ ଅଭିଯୁକ୍ତ ହେଲେ କଟକ ଜିଲା ମାହାଙ୍ଗା ଥାନା ଅଞ୍ଚଳର ସକିଲ ଖାନ (୩୬) ଏବଂ ତାଙ୍କ ସହଯୋଗୀ ହେଲେ ମାହାଙ୍ଗାର ଶେଖ ତହିର ଅଲ୍ଲୀ(୩୦) ଓ ଯାଜପୁର ଜିଲା ଛତିଆ ଅଞ୍ଚଳର ସାନ୍ନିଧ୍ୟ ମହାନ୍ତି(୩୦)। ଗଞ୍ଜେଇ କାରବାରକୁ ନେଇ ସ୍କର୍ପିଓ ସମେତ ସମ୍ପୃକ୍ତ ଯୁବକଙ୍କୁ ଅପହରଣ କରାଯାଇଥିବା ପୋଲିସ ତଦନ୍ତରୁ ଜାଣିବାକୁ ପାଇଛି।
ସୂଚନା ମୁତାବକ, ଗତ ୬ତାରିଖରେ ନୟାଗଡ଼ ଜିଲା ଫତେଗଡ ଥାନା ଅଧୀନ ଭାପୁର ଅଞ୍ଚଳର ରବୀନ୍ଦ୍ରନାଥ ମହାନ୍ତି ଏକ ବିବାହ ପ୍ରସ୍ତୁତି କାର୍ଯ୍ୟକ୍ରମରେ ଯୋଗଦେବାକୁ କିସ୍‌ସ୍ଥିତ ଜଗନ୍ନାଥ ମନ୍ଦିରକୁ ଆସିଥିଲେ। ରବୀନ୍ଦ୍ରଙ୍କ ସାନପୁଅ ସୁନୀଲ ପରିବାର ଲୋକଙ୍କୁ ଛାଡି ସ୍କର୍ପିଓ (ନଂ. ଓଡି ୩୪ ସି ୫୨୩୦)କୁ ଗ୍ୟାରେଜରେ ମରାମତି କରିବାକୁ ନେଇ ଯାଇଥିଲେ। ମାତ୍ର ସନ୍ଧ୍ୟା ୭ଟା ପର୍ଯ୍ୟନ୍ତ ସେ ନ ଫେରିବା ଓ ତାଙ୍କ ମୋବାଇଲ ଫୋନ୍‌ ବନ୍ଦ ରହିଥିବାରୁ ପରିବାର ଲୋକଙ୍କ ଚିନ୍ତା ବଢିଥିଲା। ପରେ ସୁନୀଲଙ୍କ ଫୋନ୍‌ରୁ କେତେଜଣ ଯୁବକ ଫୋନ କରି ୩ଲକ୍ଷ ଟଙ୍କା ଦେଇ ପୁଅକୁ ନେବାକୁ ଜଣାଇଥିଲେ। ଏ ନେଇ ରବୀନ୍ଦ୍ର ତୁରନ୍ତ ଇନଫୋସିଟି ଥାନାରେ ଅଭିଯୋଗ କରିବା ପରେ ପୋଲିସ ୨୩୮/୧୯ରେ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଥିଲା। ପୋଲିସ ସମ୍ପୃକ୍ତ ମୋବାଇଲ ଫୋନ୍‌ ନମ୍ବରକୁ ଟ୍ରାକ କରିବା ସହ ଟଙ୍କା ଦେବା ପାଇଁ ସାଦା ପୋଷାକରେ ରବୀନ୍ଦ୍ରଙ୍କ ସହିତ ଏକ କାରରେ ଯାଇଥିଲା। ଅନ୍ୟପକ୍ଷରେ ଅଭିଯୁକ୍ତମାନେ କଟକରୁ ଭବନେଶ୍ୱର ମଧ୍ୟରେ ପ୍ରାୟ ୫ଟି ସ୍ଥାନରେ ଅଟକି ପୋଲିସ ଉପସ୍ଥିିତି ସମ୍ପର୍କରେ ପରୀକ୍ଷା କରିଥିଲେ। ଏହାପରେ ସେମାନେ ବାଣୀବିହାର ଓଭରବ୍ରିଜ ଉପରେ କାର୍‌ ରଖିବାକୁ କହିଥିଲେ। ରବୀନ୍ଦ୍ର ଓ ସାଦା ପୋଷାକଧାରୀ ପୋଲିସ ସେଠାରେ କାର୍‌ ରଖି ଅପେକ୍ଷା କରିଥିବାବେଳେ ୨ଟି ବାଇକରେ ୨ଜଣ ଯୁବକ ଟଙ୍କା ନେବାକୁ ଆସି ପହଞ୍ଚିଥିଲେ। ପୂର୍ବରୁ ଜାଲ ବିଛାଇଥିବା ପୋଲିସ ୨ ଅଭିଯୁକ୍ତ ସାନ୍ନିଧ୍ୟ ଓ ତହିରଙ୍କୁ ମାଡ଼ିବସି ଥାନାକୁ ନେଇଥିଲା। ଦୁହିଙ୍କୁ ପଚରାଉଚରା କରିବାରୁ ସତ୍ୟ ସାମ୍ନାକୁ ଆସିଥିଲା। ମୁଖ୍ୟ ଅଭିଯୁକ୍ତ ସକିଲଙ୍କ ଇସାରାରେ ସେମାନେ କାମ କରୁଥିବା କହିବା ସହ ତାଙ୍କ ଠିକଣା ଜଣାଇଥିଲେ। ପୋଲିସ ସେଠାରେ ଚଢାଉ କରି ସକିଲଙ୍କୁୁ ଗିରଫ କରିବା ସହ ସ୍କର୍ପିଓ ସମେତ ସୁନୀଲଙ୍କୁ ଉଦ୍ଧାର କରିଥିଲା। ଗଞ୍ଜେଇ କାରବାର ନେଇ ଫତେଗଡ ଅଞ୍ଚଳର କାଳିଆ ସୁନୀଲଙ୍କ ଉପସ୍ଥିତିରେ ସକିଲଙ୍କଠାରୁ ୨ଲକ୍ଷ ୮୦ ହଜାର ଟଙ୍କା ନେଇଥିଲେ। ପରବର୍ତ୍ତୀ ସମୟରେ କାଳିଆ ଟଙ୍କା ନେଇ ଫେରାର ହୋଇଯିବା ସହ ସକିଲକୁ ଗଞ୍ଜେଇ ଦେଇ ନ ଥିଲେ। ସକିଲ କାଳିଆଙ୍କ ପତ୍ତା ନ ପାଇ ସୁନୀଲଙ୍କୁ ଗାଡ଼ି ସମେତ ଅପହରଣ କରିଥିବା ସ୍ପଷ୍ଟ ହୋଇଥିଲା। ପୋଲିସ ଶୁକ୍ରବାର ୩ଜଣ ଅଭିଯୁକ୍ତଙ୍କୁ ଗିରଫ ପରେ କୋର୍ଟଚାଲାଣ କରିଥିଲା। ଜାମିନ ଆବେଦନ ଖାରଜ ହେବାରୁ ସେମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।


All Right Reserved By Dharitri.Com

ବିଧାନ ପରିଷଦ ପାଇଁ ବାଟ ଫିଟୁଛି

ଭୁବନେଶ୍ୱର,୧୧ା୧୨(ବ୍ୟୁରୋ):ଓଡ଼ିଶାରେ ବିଧାନ ପରିଷଦ ପ୍ରତିଷ୍ଠା ନେଇ ବିଧାନସଭାରେ ସର୍ବସମ୍ମତ ପ୍ରସ୍ତାବ ଗୃହୀତ ହୋଇଯାଇଛି। ଏଥିପାଇଁ କେବଳ କେନ୍ଦ୍ରର ଅନୁମତି ଆବଶ୍ୟକ। ତେଣୁ ଆସନ୍ତା ବଜେଟ ଅଧିବେଶନରେ...

ଶୁକ୍ରବାର ଓଡ଼ିଶା ଆସିବେ ଗିରିରାଜ, ବାବୁଲ ସୁପ୍ରିୟୋ

ଭୁବନେଶ୍ୱର,୯।୧(ବ୍ୟୁରୋ): ନାଗରିକତ୍ୱ ସଂଶୋଧନ ଆଇନ(ସିଏଏ) ସମ୍ପର୍କରେ ଜନସଚେତନତା ସୃଷ୍ଟି କରିବା ଲାଗି ଭାଜପା ପକ୍ଷରୁ ବିଭିନ୍ନ ସ୍ଥାନରେ ରାଲିର ଆୟୋଜନ କରାଯାଉଛି। ଏହି ପରିପ୍ରେକ୍ଷୀରେ ଶୁକ୍ରବାର...

ଫନୀ କ୍ଷତିଗ୍ରସ୍ତଙ୍କ ପାଇଁ ୯ଦଫା ଦାବି: ସିପିଆଇଏମ୍‌ ପକ୍ଷରୁ ଧାରଣା

ନିରାକାରପୁର,୧୮ା୫(ଡି.ଏନ.ଏ.)-ଖୋର୍ଦ୍ଧା ଜିଲା ନିରାକାରପୁର ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ଫନୀ କ୍ଷତିଗ୍ରସ୍ତଙ୍କ ୯ ଦଫା ଦାବି ପୂରଣ ନେଇ ଶୁକ୍ରବାର ସିପିଆଇଏମ୍‌ ତରଫରୁ ଧାରଣା ଦିଆଯାଇଥିଲା।...

ବିଲ୍‌ଡରଙ୍କ ଗାଡ଼ି ସହ ଜଳିଗଲା ୩ କାର

କଟକ ରୋଡ,୧୫ା୧୦(ଡି.ଏନ୍‌.ଏ.) : ଲକ୍ଷ୍ମୀସାଗର ଥାନା ଅଧୀନ ଚିନ୍ତାମଣିଶ୍ୱର ଅଞ୍ଚଳରେ ସୋମବାର ୩ଟି ଗାଡ଼ି ଜଳିଯାଇଛି। ଉକ୍ତ ଗାଡ଼ି ମଧ୍ୟରେ ଜଣେ ବିଲ୍‌ଡରଙ୍କ ଗାଡ଼ି ପୋଡ଼ିବା...

ମେ’ ୧୫ ଯାଏ ବଢ଼ିଲା ସ୍ବାସ୍ଥ୍ୟ ଓ ମୋଟରଯାନ (ତୃତୀୟପକ୍ଷ) ବୀମା ଅବଧି: ପୂର୍ବଭଳି ପାଇପାରିବେ ସମସ୍ତ ସୁବିଧା

ଭୁବନେଶ୍ୱର,୧୬।୪(ବ୍ୟୁରୋ)- ସମଗ୍ର ଦେଶରେ କରୋନା (କୋଭିଡ-୧୯) ସଂକ୍ରମଣକୁ ଦୃଷ୍ଟିରେ ରଖି ଏପ୍ରିଲ ୧୪ତାରିଖରୁ ଦ୍ୱିତୀୟ ପର୍ଯ୍ୟାୟ ଲକ୍‌ଡାଉନ୍‌ ଘୋଷଣା କରାଯାଇଛି। ଏହି ସମୟରେ ସରକାରୀ କାର୍ଯ୍ୟାଳୟଠାରୁ...

ହଟିଲା ସାମୁଦ୍ରିକ ମାଛଧରା କଟକଣା : ସମୁଦ୍ର ଅଭିମୁଖେ ବାହାରିଲେ ମତ୍ସ୍ୟଜୀବୀ

ପାରାଦୀପ,୧୫ା୬(ସ୍ବ.ପ୍ର.): ଦୀର୍ଘ ୨ ମାସର ନିରବତା ପରେ ରାଜ୍ୟର ଅନ୍ୟତମ ବୃହତ ମତ୍ସ୍ୟଶିଳ୍ପ ପାରାଦୀପ ମାଛଧରା ବନ୍ଦର ଚଳଚଞ୍ଚଳ ହୋଇପଡିଛି। ଶୁକ୍ରବାର ମଧ୍ୟରାତ୍ରୀରୁ ପ୍ରାୟ ୭୦୦...

ନିଶାସକ୍ତ ଶିକ୍ଷକଙ୍କୁ ନିଲମ୍ବନ କଲେ ଜିଲା ଶିକ୍ଷାଧିକାରୀ

ଧରାକୋଟ,୨୩ା୭(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ଖଜୁରିପଦା ବିଦ୍ୟାଳୟର ଜଣେ ଶିକ୍ଷକ ନିଶାସକ୍ତ ଅବସ୍ଥାରେ ସ୍କୁଲକୁ ଆସୁଥିବାରୁ ସୋମବାର ତାଙ୍କୁ ନିଲମ୍ବିତ କରାଯାଇଛି। ସେ ହେଲେ ସୀମାଞ୍ଚଳ...

୭୬୧ ଜଣଙ୍କ ସ୍ବାବ୍‌ ନମୁନା ସଂଗୃହୀତ

ରତ୍ନଗିରି, ୪।୫ (ଡି.ଏନ.ଏ.): ବରୀ ବ୍ଲକରୁ ୪ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ କଳାମାଟିଆ ପଞ୍ଚାୟତ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ୬୦ ଜଣଙ୍କ ସ୍ବାବ...

Leave a comment

Your email address will not be published. Required fields are marked *