ଶୁଦ୍ଧପୂତ ଜୀବନଚର୍ଯ୍ୟା କାର୍ତ୍ତିକ ବ୍ରତର ପ୍ରେରଣା

ଖଣ୍ଡପଡ଼ା,୯ା୧୧(ସ୍ବ.ପ୍ର.): ପବିତ୍ର କାର୍ତ୍ତିକ ବ୍ରତ ତଥା ମାସର ମାହାମତ୍‌ୟ ଅବର୍ଣ୍ଣନୀୟ । ହିନ୍ଦୁ ଶାସ୍ତ୍ରରେ ଏହାର ଯଥେଷ୍ଟ ପ୍ରମାଣ ରହିଛି । ବର୍ଷକର ପୁଣ୍ୟ ଏହି ଗୋଟିଏ ମାସରେ ମିଳେ ବୋଲି ବିଶ୍ୱାସ ରହିଛି । ଶୁଦ୍ଧପୂତ ଜୀବନଚର୍ଯ୍ୟା ପାଇଁ କାର୍ତ୍ତିକ ବ୍ରତରୁ ପ୍ରେରଣା ମିଳିଥାଏ । ଏହି ମାସକୁ ଦେବତା, ଋଷି, ମୁନି ଓ ପିତୃଗଣ ସମସ୍ତେ ଆଦର କରିଥାନ୍ତି। କାର୍ତ୍ତିକ ମାସର ଅନ୍ୟ ଏକ ଆକର୍ଷଣ ପଞ୍ଚ ‘କ’ । ଶୁକ୍ଳ ଏକାଦଶୀଠାରୁ ପୂର୍ଣ୍ଣମୀ ପର୍ଯ୍ୟନ୍ତ ପାଞ୍ଚ ଦିନ ଧରି ପାଳିତ ହୁଏ ଏହି ବିଶେଷ ତିଥି । ଶାସ୍ତ୍ରରେ ଏହାକୁ ଭୀଷ୍ମ ପଞ୍ଚକ ବୋଲି କୁହାଯାଏ । ପଞ୍ଚ ‘କ’ର ଅନ୍ତର୍ନିହିତ ଉଦ୍ଦେଶ୍ୟ ହେଉଛି କାମ, କ୍ରୋଧ, କପଟ, କଳହ ଓ କଳଙ୍କ ଆଦିରୁ ମୁକ୍ତି ପାଇବା। ପ୍ରଥମ ‘କ’ର ମହତ୍ତ୍ୱ ହେଉଛି କାମ ବା ଆଶା । ଏହା ମଣିଷ ମଧ୍ୟରେ ସୁପ୍ତ ଭାବରେ ଥାଏ । କୌଣସି ମୁହୂର୍ତ୍ତରେ ହଠାତ୍‌ ଉଙ୍କି ମାରେ । ଆଶା ଯଦି ଈଶ୍ୱରାଭିମୁଖୀ ହୁଏ ତେବେ ଅଶୁଭ ଶୁଭରେ ପରିଣତ ହୁଏ। ଏଥିଲାଗି ସଦ୍‌ଗ୍ରନ୍ଥ ପଠନ ସହ ଧାର୍ମିକ କାର୍ଯ୍ୟରେ ସମୟ ଅତିବାହିତ କରିବା ଉଚିତ । ଦ୍ୱିତୀୟ ‘କ’ ହେଉଛି କ୍ରୋଧ । କାମନା ପୂରଣ ନ ହେଲେ କ୍ରୋଧ ଉତ୍ପନ ହୁଏ । ସାଂପ୍ରତିକ ସମାଜରେ ଘଟୁଥିବା ଯାବତୀୟ ନାରକୀୟ କାଣ୍ଡ ପାଇଁ କ୍ରୋଧ ହିଁ ଦାୟୀ । ଭଜନ, କୀର୍ତ୍ତନ ବା ହରିଙ୍କ କଥାରେ ମଜ୍ଜିଗଲେ କ୍ରୋଧରୁ ରକ୍ଷା ମିଳେ । ସେଥିପାଇଁ କାର୍ତ୍ତିକ ମାସରେ ପ୍ରାତଃ ଭଜନ, କୀର୍ତ୍ତନ ଓ ପ୍ରବଚନ ବ୍ୟବସ୍ଥା ରହିଛି। ତୃତୀୟ ‘କ’ ହେଉଛି କପଟ। ଅନ୍ୟଠାରୁ କାମ ହାସଲ କରିବା ପାଇଁ କୁବୁଦ୍ଧି ପ୍ରୟୋଗର ନାମ କପଟ। ଏହା ଦ୍ୱାରା ମନ କଳୁଷିତ ହେବା ସହିତ ବାତାବରଣ ଅଶାନ୍ତ ହୋଇଥାଏ। ଏହାଠାରୁ ଦୂରେଇ ରହିବାର ମୂଳ ଔଷଧ ହେଲା ନାମ। ସେଥିପାଇଁ ଏହି ମାସରେ ନାମ ସଂକୀର୍ତ୍ତନ କରିବା ପ୍ରଚଳନ ଅଛି। ୪ର୍ଥ ‘କ’ ହେଉଛି କଳହ। ମଣିଷ ନିଜକୁ ଠିକ୍‌ ଓ ଅନ୍ୟକୁ ଭୁଲ୍‌ ବୁଝିବା ଦ୍ୱାରା ଆରମ୍ଭ ହୁଏ କଳହ। ଏହା ସମ୍ପର୍କକୁ ଭାଙ୍ଗି ଦିଏ। ଭଗବାନଙ୍କ ନାମ ସ୍ମରଣ ଦ୍ୱାରା ସମସ୍ୟାର ସମାଧାନ ହୋଇପାରେ। ୫ମ ‘କ’ କଳଙ୍କ। କାମ, କ୍ରୋଧ, କପଟ, କଳହ ପରେ ଆସେ କଳଙ୍କ। ଏହି ୪ଟି ପ୍ରବୃତ୍ତି କଳଙ୍କର ଭିତ୍ତି ସ୍ଥାପନ କରନ୍ତି। ଏହା ଦ୍ୱାରା ଚରିତ୍ରବାନ୍‌ ବ୍ୟକ୍ତିଟିଏ ନିନ୍ଦାର ପାତ୍ର ହୁଏ। ତେଣୁ ସମୂହ ପୂଜାର୍ଚ୍ଚନା ସହ ନାମ କୀର୍ତ୍ତନ ଆଦି ମଧ୍ୟରେ ମଣିଷ ପରସ୍ପର ନିକଟତର ହୁଏ।


All Right Reserved By Dharitri.Com

ସାଇସ୍ବରୂପ, ପୀୟୂଷଙ୍କୁ ଏଲୋ ରେଟିଂ ମାନ୍ୟତା

ଢେଙ୍କାନାଳ ଅଫିସ, ୨୬।୭- ଢେଙ୍କାନାଳ ଶ୍ରେୟା ଚେସ୍‌ ଏକାଡେମୀର ଉଦୀୟମାନ ଖେଳାଳି ସାଇସ୍ବରୂପ ମିଶ୍ର ଏବଂ ପୀୟୂଷ କୁମାର ସାହୁଙ୍କୁ ଅନ୍ତର୍ଜାତୀୟ ଏଲୋ ରେଟିଂ ମାନ୍ୟତା...

ବଲାଙ୍ଗୀରରେ ବନ୍ୟା ବିତ୍ପାତକୁ ନେଇ ରାଜସ୍ବ ମନ୍ତ୍ରୀଙ୍କ ସମୀକ୍ଷା: ୧ ହଜାର କୋଟିର ସହାୟତା ଦାବି

ବଲାଙ୍ଗୀର ଅଫିସ,୧୬।୮: ବଲାଙ୍ଗୀର ଜିଲାର ବନ୍ୟା ବିତ୍ପାତକୁ ନେଇ ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି ବଲାଙ୍ଗୀର ଗସ୍ତରେ ଆସି ସମୀକ୍ଷା କରିଛନ୍ତି। ଏହି ସମୀକ୍ଷା ବୈଠକରେ...

ପୋଲିସ ଜାଲରେ ବ୍ରାଉନସୁଗାର ଡିଲର ସନ୍ତୋଷ: ୩୦୦ ଗ୍ରାମ ବ୍ରାଉନସୁଗାର ଓ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କା ଜବତ

ଭୁବନେଶ୍ୱର,୧୦ା୯(ବ୍ୟୁରୋ): କମିଶନରେଟ ପୋଲିସ ଜାଲରେ ବ୍ରାଉନସୁଗାର ଡିଲର ସନ୍ତୋଷ କୁମାର ପଣ୍ଡା। ୫ବର୍ଷ ଧରି ପୋଲିସ ଆଖିରେ ଧୂଳି ଦେଇ ଭୁବନେଶ୍ୱର ସମେତ ରାଜ୍ୟର ବିଭିନ୍ନ...

ଭିନ୍ନକ୍ଷମମାନେ ସମାଜର ଗୁରୁତ୍ୱପୂର୍ଣ୍ଣ ଅଂଶ: ମୁଖ୍ୟମନ୍ତ୍ରୀ

ଭୁବନେଶ୍ୱର, ୪ା୧୨(ବ୍ୟୁରୋ):ଭିନ୍ନକ୍ଷମମାନେ ସମାଜର ଗୁରୁତ୍ୱପୂର୍ଣ୍ଣ ଅଂଶ। ସମାଜର ବିକାଶରେ ସେମାନଙ୍କର ମଧ୍ୟ ଅବଦାନ ରହିଛି। ଉପଯୁକ୍ତ ତାଲିମ ଓ ପ୍ରୋତ୍ସାହନ ଦ୍ୱାରା ସେମାନେ ମଧ୍ୟ ଦକ୍ଷତା...

ପିତ୍ତଳହଣ୍ଡା କାରିଗରଙ୍କ ମୃତ୍ୟୁ ଘଟଣା: ଚିକିତ୍ସାରେ ଅବହେଳା ଅଭିଯୋଗ

ଖଣ୍ଡପଡ଼ା,୩୦ା୫(ସ୍ବ.ପ୍ର.): ଭୁବନେଶ୍ୱରସ୍ଥିତ କିମ୍‌ସରେ ଚିକିତ୍ସିତ ହେଉଥିବା ଜଣେ ରୋଗୀଙ୍କ ଗତ କିଛିଦିନ ତଳେ ହୋଇଥିବା ମୃତ୍ୟୁକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ। ସେ ହେଉଛନ୍ତି ଖଣ୍ଡପଡ଼ା...

ମେଲାଣି ନେଲେ ମା’

ଭୁବନେଶ୍ୱର, ୧୦ା୧୦(ବ୍ୟୁରୋ): ଆନନ୍ଦ ଉତ୍ସବର ଅନ୍ତ ଘଟାଇ ବିଦାୟ ନେଇଛନ୍ତି ମା’ ଜଗଜ୍ଜନନୀ। ଆତସବାଜି, ଢୋଲ, ମର୍ଦ୍ଦଳ, ଘଣ୍ଟ, ଘଣ୍ଟି ସହ ନାଚ ଗୀତର ରୋଶଣିରେ...

ରାଶନକାର୍ଡ ଦିଆ ନ ଗଲେ ଅନଶନ

ଭଦ୍ରକ ଅଫିସ, ୧୪ା୧୦-ଖାଦ୍ୟ ସୁରକ୍ଷା ଯୋଜନାରେ ପ୍ରକୃତ ହତାଧିକାରୀ ବଞ୍ଚିତ ହେବା ଅଭିଯୋଗ ସତ୍ତ୍ୱେ ଏ ଦିଗରେ କୌଣସି ପଦକ୍ଷେପ ନିଆଯାଉ ନାହିଁ। ଏ ପରିକି...

ଡାକ୍ତର ଅନୁପସ୍ଥିତି ନେଇ ଗ୍ରାମବାସୀଙ୍କ ଧାରଣା

ସଜନାଗଡ଼, ୧୨।୧୦(ଡି.ଏନ.ଏ.)-ନୀଳଗିରି ବ୍ଲକ ବରହମ୍‌ପୁର ସ୍ବାସ୍ଥ୍ୟକେନ୍ଦ୍ରରେ ଶୁକ୍ରବାର ପୂର୍ବାହ୍ନରେ କୌଣସି ଡାକ୍ତର ନ ଥିବାରୁ ରୋଗୀମାନଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଥିଲା। ଏହାର ପ୍ରତିବାଦ କରି...

Leave a comment

Your email address will not be published. Required fields are marked *