ବାପ-ପୁଅ ଦଳରେ ପରିଣତ ହୋଇଛି କଂଗ୍ରେସ : ନିରଞ୍ଜନଙ୍କ ଉପରେ ବର୍ଷିଲେ କାହ୍ନୁ

ଭୁବନେଶ୍ୱର,୨୭ା୫(ବ୍ୟୁରୋ) : ୨୦୧୯ ସାଧାରଣ ନିର୍ବାଚନରେ ଓଡିଶାରେ କଂଗ୍ରେସ ଅତ୍ୟନ୍ତ ଦୁର୍ବଳ ପ୍ରଦର୍ଶନ କରିବାପରେ ନେତାମାନଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଆରମ୍ଭ ହୋଇଯାଇଛି। ଦଳର ରାଜ୍ୟ ନେତୃତ୍ୱଙ୍କ ବିରୋଧରେ ବହୁ ବରିଷ୍ଠ ନେତା ମୁହଁ ଖୋଲିବା ଆରମ୍ଭ କରିଦେଇଛନ୍ତି। କଂଗ୍ରେସର ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ ନେତା କାହ୍ନୁଚରଣ ଲେଙ୍କା ବର୍ତ୍ତମାନ ସିଧାସଳଖ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ନିରଞ୍ଜନ କଂଗ୍ରେସକୁ ବାପ-ପୁଅ ଦଳରେ ପରିଣତ କରିଛନ୍ତି ବୋଲି କାହ୍ନୁ ଲେଙ୍କା ଅଭିଯୋଗ କରିଛନ୍ତି। ଚଳିତ ନିର୍ବାଚନ ପୂର୍ବରୁ ଟଙ୍କା ନେଇ ପିସିସି ସଭାପତି ଟିକେଟ ବିକ୍ରି କରିଥିବା ଅଭିଯୋଗ କରି ବହୁ ନେତା ଅନ୍ୟ ଦଳରେ ସାମିଲ ହୋଇଛନ୍ତି। ନିର୍ବାଚନ ଫଳାଫଳ ପ୍ରକାଶ ପାଇବାପରେ ଏହି ପ୍ରସଙ୍ଗକୁ ନେଇ ଦଳର ବରିଷ୍ଠ ନେତାମାନେ ଖୋଲାଖୋଲି ମୁହଁ ଖୋଲିବା ଆରମ୍ଭ କରିଛନ୍ତି। କିଛିଦିନ ତଳେ ଦଳର ଅନ୍ୟତମ ବରିଷ୍ଠ ନେତା ଜଗନ୍ନାଥ ପଟ୍ଟନାୟକ ଓ ଶରତ ରାଉତ ମଧ୍ୟ ପିସିସି ସଭାପତିଙ୍କ ବିରୋଧରେ ଅଭିଯୋଗ କରିଥିଲେ।
ରବିବାର କାହ୍ନୁ କହିଛନ୍ତି ଯେ, ମୁଖ୍ୟମନ୍ତ୍ରୀ ହେବା ପାଇଁ ନିରଞ୍ଜନ ବ୍ୟାକୁଳ ଥିଲେ। ସେଥିପାଇଁ ବହୁ ଜ୍ୟୋତିଷ ଓ ବଡବଡ ଲୋକଙ୍କ ସହ କଥା ହେଉଥିଲେ। ମାତ୍ର ସବୁଆଡୁ ନିରାଶ ହେବାପରେ ଉପମୁଖ୍ୟମନ୍ତ୍ରୀ ହେବାପାଇଁ ଚେଷ୍ଟା କରିଥିଲେ। ଏହାକୁ ସାକାର କରିବାକୁ ସୌମ୍ୟରଞ୍ଜନ ପଟ୍ଟନାୟକଙ୍କୁ ବିଜେଡି ପଠାଇ ପିସିସି ସଭାପତି ଷଡ଼ଯନ୍ତ୍ର କରିଛନ୍ତି ବୋଲି କାହ୍ନୁ କହିଛନ୍ତି।
ସେ ଆହୁରି କହିଛନ୍ତି, କଂଗ୍ରେସ ବିପର୍ଯ୍ୟୟ ପାଇଁ ଦଳର ରାଜ୍ୟ ନେତୃବୃନ୍ଦ ଦାୟୀ। ଏହି ବିପର୍ଯ୍ୟୟ ପ୍ରାକୃତିକ ନୁହେଁ। କୃତ୍ରିମଭାବେ ଏହି ବିପର୍ଯ୍ୟୟ କରାଯାଇଛି। କଂଗ୍ରେସକୁ ତଳିତଳାନ୍ତ କରିବାକୁ ଏପରି ଏକ ଷଡ଼ଯନ୍ତ୍ର ରଛାଯାଇଛି। ନିର୍ବାଚନ ଫଳାଫଳ ପୂର୍ବରୁ ପିସିସି ସଭାପତି ପରାଜୟ ସ୍ବୀକାର କରି ନେଉଛନ୍ତି। ଦୁଃଖର ସହ କହିବାକୁ ପଡୁଛି, ଟିକେଟ ଏଥର ବଣ୍ଟା ଗଲାନାହିଁ ବରଂ ପକେଟରୁ କାଢି ଦିଆଗଲା। ନେତୃତ୍ୱର ପରାକାଷ୍ଠା ରହିଲାନାହିଁ। ଯେତେବେଳେ ଯାହାକୁ ଚାହିଁଲେ ଟିକେଟ ବାଣ୍ଟିଲେ। ପ୍ରଥମେ କୁହାଗଲା ପରିବାରର ଜଣଙ୍କୁ ଟିକେଟ ଦିଆଯିବ। ହେଲେ ପରବର୍ତ୍ତୀ ସମୟରେ ସେହି ନିୟମକୁ ପରିବର୍ତ୍ତନ କରାଗଲା। ପିସିସି ସଭାପତି ଦୁଇଟି ସ୍ଥାନରୁ ଠିଆ ହେଲେ। ଏହାସହ ତାଙ୍କ ପୁଅଙ୍କୁ ମଧ୍ୟ ଗୋଟିଏ ଆସନରୁ ଟିକେଟ ଦେଲେ। ବାପ-ପୁଅ ସମସ୍ତେ ହାରିଗଲେ। ସେମାନେ କଂଗ୍ରେସକୁ ବାପ-ପୁଅ ଦଳରେ ପରିଣତ କରିଦେଲେ। ଅନ୍ୟ ଜଣେ ନେତା ଅଛନ୍ତି ଯିଏ ଏଥର ନିର୍ବାଚନ ଲଢିଲେନାହିଁ। କିନ୍ତୁ ନିଜର ଦୁଇ ଝିଅଙ୍କ ମଧ୍ୟରୁ ଜଣଙ୍କୁ ବିଜେଡିରୁ ଓ ଅନ୍ୟ ଜଣଙ୍କୁ କଂଗ୍ରେସରୁ ଠିଆ କରାଇଥିଲେ। ସେ ବର୍ତ୍ତମାନ କଂଗ୍ରେସ ଶୃଙ୍ଖଳା କମିଟି ଅଧ୍ୟକ୍ଷ ଅଛନ୍ତି ବୋଲି କହି ପରୋକ୍ଷରେ ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳଙ୍କୁ କାହ୍ନୁ ଟାର୍ଗେଟ କରିଛନ୍ତି। ଚଳିତ ନିର୍ବାଚନରେ କଂଗ୍ରେସର କ’ଣ ପାଇଁ ବିପର୍ଯ୍ୟୟ ଘଟିଲା ତା’ର କାରଣ ଖୋଜିବାକୁ ୨୧ଜଣିଆ କମିଟି ଗଠନ କରାଯାଇଛି। କାରଣ ଖୋଜିବାକୁ ଯେଉଁମାନଙ୍କୁ କମିଟିରେ ରଖାଯାଇଛି ସେମାନେ ନିଜେ ଏହି ବିପର୍ଯ୍ୟୟ ପାଇଁ ଦାୟୀ । ଶୃଙ୍ଖଳା କମିଟିରେ ଦଳର ବରିଷ୍ଠ ନେତା ନରସିଂହ ମିଶ୍ର, ତାରାପ୍ରସାଦ ବାହିନୀପତି, ସୁରେଶ କୁମାର ରାଉତରାୟ ପ୍ରମୁଖ ରହିଛନ୍ତି। ତେବେ କମିଟିରେ ରହିଥିବା ଅଧିକାଂଶ ନେତାଙ୍କ ମଧ୍ୟରୁ ବହୁଜଣ ନିରଞ୍ଜନଙ୍କୁ ପିସିସି ସଭାପତି କରିବା ପାଇଁ ଜୋର୍‌ଦାର ଉଦ୍ୟମ କରିଥିଲେ ବୋଲି କାହ୍ନୁ କହିଛନ୍ତି। ଅପରପକ୍ଷରେ କାହ୍ନୁଙ୍କ ଅଭିଯୋଗ ପରେ ବରିଷ୍ଠ ନେତା ହେମାନନ୍ଦ ବିଶ୍ୱାଳ କହିଛନ୍ତି, ଦଳରେ କୁହାଳିଆ ନେତାଙ୍କ ବାରବାଟି ଚାଷ। ଯିଏ କାମ କରେ ସିଏ କେବେ ହେଲେ କହେ ନାହିଁ। ତୃଣମୂଳସ୍ତରରେ କାମ କରିବା ଲୋକ ବହୁତ କମ୍‌। ଯେଉଁମାନେ ତୃଣମୂଳସ୍ତରରେ କାମ କରନ୍ତି ସେମାନେ କିଛି କୁହନ୍ତି ନାହିଁ। କଂଗ୍ରେସର ଏଭଳି ଅବସ୍ଥା ପାଇଁ ଦଳର ନେତୃବୃନ୍ଦ ମୁଖ୍ୟତଃ ଦାୟୀ। ଆମ ଦଳର ସବୁଠାରୁ ବଡ ସମସ୍ୟା ହେଉଛି, ଖାଲି ଘରେ ବସି କହିବା ଜାଣିଛନ୍ତି। ତାଙ୍କ ଦୁଇ ଝିଅ ଅଲଗା ଅଲଗା ଦଳରୁ ଲଢିବା ପ୍ରସଙ୍ଗରେ ସେ କହିଛନ୍ତି, ଏଇଟା କିଛି ନୂଆ କଥା ନୁହେଁ। ସବୁ ଦଳରେ ଏଭଳି ଉଦାହରଣ ଦେଖିବାକୁ ମିଳିବ। ଖୋଦ୍‌ ପିସିସି ସଭାପତିଙ୍କ କଥାକୁ ଲକ୍ଷ୍ୟ କଲେ ଏହା ପ୍ରମାଣିତ ହୋଇଯିବ। ସେ ତୃଣମୂଳସ୍ତରରେ କାମ କରିଥିବା କହିଛନ୍ତି।
ଏହି ପ୍ରସଙ୍ଗକୁ ନେଇ ନିରଞ୍ଜନ କହିଛନ୍ତି ଯେ, ଲୋକ ଅଭିଯୋଗ କରିବେ। କଂଗ୍ରେସ ବିଗତ ଦିନରେ ୧୦ଟି ଆସନରେ ଜିତିଥିଲା ପରବର୍ତ୍ତୀ ସମୟରେ ୧୨୦ ଆସନ ପାଇ ସରକାର ମଧ୍ୟ କରିବାରେ ସକ୍ଷମ ହେଲା। ବହୁ ବଡବଡ ନେତା ମଧ୍ୟ ନିର୍ବାଚନ ହାରିଯାଇଛନ୍ତି। ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ, ଇନ୍ଦିରା ଗାନ୍ଧୀ ଓ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଭଳି ନେତା ମଧ୍ୟ ନିର୍ବାଚନ ହାରିବାର ଦୃଷ୍ଟାନ୍ତ ରହିଛି ବୋଲି ନିରଞ୍ଜନ କହିଛନ୍ତି।


All Right Reserved By

୧.୩୫ ଲକ୍ଷ କୋଟି ଟପିପାରେ ରାଜ୍ୟ ବଜେଟ

ଭୁବନେଶ୍ୱର,୧୮ା୬(ବ୍ୟୁରୋ): ଆସନ୍ତା ୨୮ ତାରିଖରେ ବିଧାନସଭାରେ ୨୦୧୯-୨୦ ଆର୍ଥିକବର୍ଷ ଲାଗି ବଜେଟ ଉପସ୍ଥାପନ କରାଯିବ। ଏ ନେଇ ପ୍ରସ୍ତୁତି ଜୋରଦାର ଆରମ୍ଭ ହୋଇଛି। ଆସନ୍ତା ବଜେଟ...

ପୁରୀ ବିଶ୍ୱ ଐତିହ୍ୟ ନଗରୀ ପ୍ରକଳ୍ପ:୩ ନୂଆ ପ୍ରକଳ୍ପକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ

ଭୁବନେଶ୍ୱର,୬-୯(ବ୍ୟୁରୋ):ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଲୋକସେବା ଭବନରେ ‘ପୁରୀ ବିଶ୍ୱ ଐତିହ୍ୟ ନଗରୀ ପ୍ରକଳ୍ପ’ ସମ୍ପର୍କିତ ଏକ ସମୀକ୍ଷା ବୈଠକ ଗୁରୁବାର ଅପରାହ୍ନରେ ଅନୁଷ୍ଠିତ ହୋଇଯାଇଛି।...

କୃତ୍ରିମ ବନ୍ୟାକୁ ବର୍ଷେ ବିତିବାକୁ ବସିଲାଣି:ଏଯାଏ ଚାଷୀଙ୍କୁ ମିଳିନି କ୍ଷତିପୂରଣ

ଆନନ୍ଦପୁର,୨୪।୭ (ସ୍ବ.ପ୍ର.)-କୃଷି ଓ କୃଷକଙ୍କ ସମସ୍ୟା ପ୍ରତି ସରକାର ଓ ପ୍ରଶାସନ ସ୍ତରରେ କିଭଳି ଅବହେଳା କରାଯାଉଛି ତାହାର ଏକ ନଜିର ପଦାକୁ ଆସିଛି। ଗତ...

ପଲ୍ୟୁସନ ଚେକିଂ କୋହଳ ନିଷ୍ପତ୍ତି: ମାସେ ଯାଏ ହେବନି ଯାଞ୍ଚ, ଲୋକଙ୍କୁ ଅଯଥାରେ ହଇରାଣ ନ କରିବାକୁ ପରାମର୍ଶ

ଭୁବନେଶ୍ୱର,୬।୯(ବ୍ୟୁରୋ): ନୂଆ ମୋଟର ଯାନ ଆଇନ ଲାଗୁ ହେବା ପରେ ସେପ୍ଟେମ୍ବର ୧ରୁ ସାରା ଦେଶରେ ଟ୍ରାଫିକ ନିୟମ ଉଲ୍ଲଂଘନକାରୀଙ୍କଠାରୁ ବହୁଗୁଣା ଜରିମାନା ଆଦାୟ କରାଯାଉଛି।...

ହିଲଭିୟୁ ପାର୍କରେ ଚାଲିଲା ଟୟଟ୍ରେନ

ଦାରିଙ୍ଗବାଡ଼ି,୨୦ା୭(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ଠାରେ ରହିଥିବା ପର୍ଯ୍ୟଟନକେନ୍ଦ୍ର ହିଲଭିୟୁ ପାର୍କ ପରିସରରେ ଶନିବାର ଶିଶୁ ପର୍ଯ୍ୟଟକଙ୍କ ପାଇଁ ଟୟଟ୍ରେନ ଆରମ୍ଭ ହୋଇଛି। ଦୀର୍ଘଦିନ ହେଲା...

ଜିଲା ଯୋଜନା କମିଟି ଅଧ୍ୟକ୍ଷଙ୍କ ନାମ ଘୋଷିତ

ଭୁବନେଶ୍ୱର,୧୦ା୮(ବ୍ୟୁରୋ): ରାଜ୍ୟ ସରକାର ଶୁକ୍ରବାର ସବୁ ଜିଲାର ଯୋଜନା କମିଟି ଅଧ୍ୟକ୍ଷଙ୍କ ନାମ ଘୋଷଣା କରିଛନ୍ତି। ମୟୂରଭଞ୍ଜ ଜିଲା କମିଟି ଅଧ୍ୟକ୍ଷ ଭାବେ ପଞ୍ଚାୟତିରାଜ ମନ୍ତ୍ରୀ...

ମହାତ୍ମାଗାନ୍ଧୀଙ୍କ ୧୫୦ତମ ଜୟନ୍ତୀ ପାଳନକୁ ନେଇ ବିଧାନସଭାରେ ଉଦ୍‌ବେଗ: ଭାଜପା-କଂଗ୍ରେସ ମୁହାଁମୁହିଁ

ଭୁବନେଶ୍ୱର,୩୦।୭(ବ୍ୟୁରୋ): ମହାତ୍ମାଗାନ୍ଧୀଙ୍କ ୧୫୦ତମ ଜୟନ୍ତୀ ପାଳନ ପାଇଁ ରାଜ୍ୟ ସରକାର କି ପ୍ରସ୍ତୁତି କରିଛନ୍ତି। ରାଜ୍ୟ ସରକାର ଏ ନେଇ ଏକ କମିଟି ଗଠନ କରିଥିଲେ।...

ନବୀନ ନିବାସ ସମ୍ମୁଖରେ ଦିବ୍ୟାଙ୍ଗ ଛାତ୍ରଙ୍କ ଆତ୍ମହତ୍ୟା ଉଦ୍ୟମ

ଭୁବନେଶ୍ୱର, ୧୮ା୭(ବ୍ୟୁରୋ): ନ୍ୟାୟ ପାଇଁ ସବୁଠି ନିରାଶ ହେବା ପରେ ଶେଷରେ ଜଣେ ଦିବ୍ୟାଙ୍ଗ ଛାତ୍ର ବୁଧବାର ନବୀନ ନିବାସ ସମ୍ମୁଖରେ ଆତ୍ମହତ୍ୟା ଉଦ୍ୟମ କରିଥିଲେ।...

selfi corner

Model This Week

Why Dharitri

Leave a comment

Your email address will not be published. Required fields are marked *