ରାଜ୍ୟରେ ବଢ଼ୁଛି ବନ୍ୟପ୍ରାଣୀ ଅପରାଧ : ଭବାନୀପାଟଣାରୁ ହାତୀଦାନ୍ତ ଜବତ, ୩ ଗିରଫ

ଭୁବନେଶ୍ୱର,୮ା୧୧(ବ୍ୟୁରୋ) : ଦିନକୁ ଦିନ ଓଡ଼ିଶାରେ ବଢ଼ିଚାଲିଛି ବନ୍ୟପ୍ରାଣୀ ଅପରାଧ। ଏହି କ୍ରମରେ ଗୁରୁବାର କ୍ରାଇମବ୍ରାଞ୍ଚ୍‌ ଏସ୍‌ଟିଏଫ୍‌ ଭବାନୀପାଟଣାରୁ ଏକ ହାତୀଦାନ୍ତ ଓ ବାଘଛାଲ ଜବତ କରିବା ସହ ୩ଜଣଙ୍କୁ ଗିରଫ କରିଛି। ଗତ ଏକ ବର୍ଷ ମଧ୍ୟରେ କେବଳ କ୍ରାଇମବ୍ରାଞ୍ଚ୍‌ ଏସ୍‌ଟିଏଫ୍‌୍‌ ପକ୍ଷରୁ ସାରା ଓଡ଼ିଶାରେ ୬ଟି କଲରାପତରିଆ ବାଘର ଛାଲ ଜବତ କରାଯାଇଛି। ତନ୍ମଧ୍ୟରୁ କୁଚିଣ୍ଡା ଅଞ୍ଚଳରେ ୪ଟି, ଦେବଗଡ଼ରେ ଗୋଟିଏ ଏବଂ ଗୁରୁବାର ଭବାନୀପାଟଣାରେ ଗୋଟିଏ ଅନ୍ତର୍ଭୁକ୍ତ। ଏହାସହ ଉଦଳା ରେଞ୍ଜରୁ ଏକ ମା’ ଏବଂ ଛୁଆ ବଜ୍ରକାପ୍ତା ଉଦ୍ଧାର କରିଥିଲା କ୍ରାଇମବ୍ରାଞ୍ଚ ଏସ୍‌ଟିଏଫ୍‌। ତେବେ ୨୦୧୭ରେ କ୍ରାଇମବ୍ରାଞ୍ଚ୍‌ ଏସ୍‌ଟିଏଫ ବରଗଡ଼ ଦେବ୍ରିଗଡ଼ରେ ଏକ ହାତୀ ଦାନ୍ତ ଜବତ କରିଥିଲା। କିନ୍ତୁ ଗୋଟିଏ ଚଢ଼ାଉରେ ବାଘଛାଲ ସହ ହାତୀଦାନ୍ତ ଜବତ ହେବା ସମ୍ଭବତଃ ରାଜ୍ୟରେ ପ୍ରଥମ ଘଟଣା।
କ୍ରାଇମ୍‌ବ୍ରାଞ୍ଚ ଏସ୍‌ଟିଏଫ୍‌୍‌ ଟିମ୍‌ କିଛିଦିନ ତଳେ ହାତୀଦାନ୍ତ ଓ ବାଘଛାଲର ଚୋରା ଚାଲାଣରେ ସକ୍ରିୟ ରହିଥିବା ଏକ ର଼୍ୟାକେଟ୍‌ ସମ୍ପର୍କରେ ଖବର ପାଇଥିଲା। ଏନେଇ ଗୁରୁବାର ର଼୍ୟାକେଟ୍‌କୁ ଧରିବା ଲାଗି କ୍ରାଇମବ୍ରାଞ୍ଚ୍‌ ଟିମ୍‌ ଗ୍ରାହକ ହୋଇ ସେଠାରେ ପହଞ୍ଚତ୍ଥିଲା। ଦୁଇଟି ବନ୍ୟପ୍ରାଣୀ ସାମଗ୍ରୀକୁ ମୋଟ ୮ଲକ୍ଷ ଟଙ୍କାରେ ମୂଲଚାଲ ହୋଇଥିଲା। ଏହି ସମୟରେ ସେମାନଙ୍କୁ ଧରାଯାଇଥିଲା। ଜବତ ହୋଇଥିବା ବାଘ ଚମଡ଼ା ୨୪୫ସେଣ୍ଟିମିଟର ହୋଇଥିବାବେଳେ ହାତୀଦାନ୍ତ ୫୦ସେଣ୍ଟିମିଟର ଲମ୍ବ ରହିଛି। ଗିରଫ ହୋଇଥିବା ତିନିଜଣ ହେଲେ ନର୍ଲାର ଡିଗି ଶବର ଓ ସୁକ୍ରୁ ମାଝି ଏବଂ ଛତିଶଗଡ଼ର ରବୀନ୍ଦ୍ର ସିଂହ। ଗିରଫ ତିନିଜଣଙ୍କୁ କଲରାପାଟ ବନାଞ୍ଚଳ କାର୍ଯ୍ୟାଳୟରେ ରଖାଯାଇ ଅଧିକ ପଚରାଉଚୁରା କରାଯାଉଛି। ଶୁକ୍ରବାର ସେମାନଙ୍କୁ କୋର୍ଟ ଚାଲାଣ କରାଯିବ। ତେବେ ଛତିଶଗଡ଼ର ଜଣେ ବାସିନ୍ଦାଙ୍କୁ ଗିରଫ କରାଯାଇଥିବା ଯୋଗୁ ଏହା ଆନ୍ତଃରାଜ୍ୟ ର଼୍ୟାକେଟ୍‌ ଦିଗରେ ସନ୍ଦେହ କରାଯାଉଛି।
ଜବତ ହୋଇଥିବା ବାଘ ଚମଡ଼ାର ଆଖି ତଳକୁ ଏକ ବଡ଼ କଣା ହୋଇଛି। ମୁହଁରେ ଆକ୍ରମଣ ଦ୍ୱାରା ବାଘର ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ତେବେ ଫୋରେନ୍‌ସିକ୍‌ ରିପୋର୍ଟ ଆସିବା ପରେ ବାଘର ଶିକାର କିପରି ହୋଇଥିଲା ତାହା ଜଣାପଡ଼ିବ। ଚମଡ଼ା ଦେଖି ପ୍ରାୟ ୭ବର୍ଷ ଅଣ୍ଡିରା ବାଘ ବୋଲି ଅନୁମାନ କରାଯାଉଥିବା ଭବାନୀପାଟଣା ଏସିଏଫ୍‌ ମଳୟ ରଞ୍ଜନ କାଲୋ କହିଛନ୍ତି। ଏହି ଅପରେଶନରେ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ର ଡିଏସ୍‌ପି ବିଳାସିନୀ ନାୟକ, ସବ୍‌ଇନ୍‌ସପେକ୍ଟର ନଳିନୀକାନ୍ତ ଦାସ, ଜଗନ୍ନାଥ ସାହୁ, ଭବାନୀପାଟଣା ଏସିଏଫ୍‌ ମଳୟ ରଞ୍ଜନ କାଲୋ, ଖୋର୍ଦ୍ଧା ଜିଲା ଅବୈତନିକ ବନ୍ୟପ୍ରାଣୀ ତତ୍ତ୍ୱାବଧାରକ ଶୁଭେନ୍ଦୁ ମଲ୍ଲିକ ଥିଲେ। ଡବ୍ଲ୍ୟୁସିସିବି ପକ୍ଷରୁ ମଧ୍ୟ ଏକ ଟିମ୍‌ ଏଥିରେ ସାମିଲ ଥିଲେ।
ଘଟଣାରେ ତଦନ୍ତରେ ଭବାନୀପାଟଣା ବନଖଣ୍ଡ ତରଫରୁ କ୍ରାଇମବ୍ରାଞ୍ଚକୁ ସମ୍ପୂର୍ଣ୍ଣ ସହଯୋଗ କରାଯାଉଛି। ତେବେ ଶିକାର କିଏ କରୁଛି ଏବଂ ଶେଷରେ କାହା ପାଖକୁ ଛାଲ ବା ଦାନ୍ତ ଯାଉଛି, ଖୋଜି ବାହାର କରିବା ସହ ଏଭଳି ଘଟଣାଗୁଡ଼ିକରେ ସମ୍ପୃକ୍ତ ଥିବା ସବୁ ଅପରାଧୀ, ବ୍ୟବସାୟୀ, ଦଲାଲ ଆଦିଙ୍କୁ ଧରିବା ଏବଂ ଉପଯୁକ୍ତ ଦଣ୍ଡବିଧାନ କରିବା ଏକ ଚ୍ୟାଲେଞ୍ଜ ହୋଇପଡ଼ିଛି। ଗିରଫ ହୋଇଥିବା ତିନିଜଣଙ୍କୁ ଏସ୍‌ଟିଏଫ୍‌ ଆଗକୁ ରିମାଣ୍ଡରେ ନେଇ ପଚରାଉଚୁରା କରିବାର ଯୋଜନା ରହିଛି। ସେପଟେ ଏହି ଘଟଣାକୁ ବନ୍ୟପ୍ରାଣୀ ବିଶେଷଜ୍ଞମାନେ ତୀବ୍ର ନିନ୍ଦା କରିବା ସହ ତୁରନ୍ତ ଏ ଦିଗରେ ଦୃଢ଼ ପଦକ୍ଷେପ ନେବାକୁ ଦାବି କରିଛନ୍ତି।


All Right Reserved By Dharitri.Com

ସ୍ମିତାରାଣୀ ମୃତ୍ୟୁ ପ୍ରସଙ୍ଗ; ବନ୍ଦ ପାଳନ କରିବନି କଂଗ୍ରେସ: ନିରଞ୍ଜନ

ଭୁବନେଶ୍ୱର,୨୨ା୧୦(ବ୍ୟୁରୋ): ପିଇଓ ସ୍ମିତାରାଣୀଙ୍କ ମୃତ୍ୟୁ ଘଟିଥିବା ଗେଷ୍ଟ ହାଉସରେ ମୁଖ୍ୟ ଅଭିଯୁକ୍ତ ତଥା ସରପଞ୍ଚଙ୍କ ସ୍ବାମୀ ରୂପେଶ ଭଦ୍ରଙ୍କ ବ୍ୟତୀତ ଅନ୍ୟ ୩ଜଣ ବିଜେଡି ନେତା...

ମାଲକାନଗିରିରେ ଭାଜପାର ଆଦିତ୍ୟ ମାଢ଼ି ଆଗୁଆ

ମାଲକାନଗିରି,୨୩ା୫(ସ୍ବ.ପ୍ର.): ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀରେ ଦ୍ୱିତୀୟ ରାଉଣ୍ଡ ଗଣତିରେ ଭାଜପା ପ୍ରାର୍ଥୀ ଆଦିତ୍ୟ ମାଢ଼ି ଆଗୁଆ ରହିଛନ୍ତି। ଦ୍ୱିତୀୟ ରାଉଣ୍ଡରେ ଭାଜପାର ଆଦିତ୍ୟ ମାଢ଼ି...

ରାଜଧାନୀ ରାସ୍ତା ମରଣଯନ୍ତା: ଓଏଚ୍‌ଆର୍‌ସିରେ ପିଟିଶନ

ଭୁବନେଶ୍ୱର, ୧୨ା୧୧(ବ୍ୟୁରୋ) ରାଜଧାନୀର ଅନେକ ରାସ୍ତା ଏବେ ମରଣାଯନ୍ତା ପାଲଟିଛି। ସାମାନ୍ୟ ବର୍ଷା ହେଲେ ଆବର୍ଜନା ପାଣି ଜମି ରହୁଛି। ସେହିଭଳି ରାସ୍ତା ପାର୍ଶ୍ୱରେ ବେଆଇ...

ନଭେମ୍ବର ୩ରୁ ରେଲ୍‌ଓ୍ବେର ରାମାୟଣ ସର୍କିଟ ଟୁର୍‌: ଭାରତ ଓ ଶ୍ରୀଲଙ୍କାରେ ତୀର୍ଥ ଭ୍ରମଣର ସୁଯୋଗ; ଭାରତ ପାଇଁ ୧୬୦୬୫, ଶ୍ରୀଲଙ୍କା ପାଇଁ ୩୬୯୫୦ ଟଙ୍କା

ଭୁବନେଶ୍ୱର, ୨୫।୮(ବ୍ୟୁରୋ): ରାମାୟଣ କଥାବସ୍ତୁର ପ୍ରତ୍ୟକ୍ଷ ଅନୁଭବ ତଥା ତୀର୍ଥ ଯାତ୍ରା ପାଇଁ ଆଗ୍ରହୀ ବ୍ୟକ୍ତିଙ୍କ ଲାଗି ଖୁସି ଖବର। ବିଳାସପୂର୍ଣ୍ଣ ରେଳ ଓ ବିମାନରେ...

ନିଟ୍‌କୁ ନେଇ ହାଇକୋର୍ଟଙ୍କ ଦ୍ୱାରସ୍ଥ ହେଲେ ଅଭିଭାବକ

ଭୁବନେଶ୍ୱର,୨୧।୬(ବ୍ୟୁରୋ) : ଜାତୀୟ ଯୋଗ୍ୟତା ଓ ପ୍ରବେଶିକା ପରୀକ୍ଷା (ଏନଟିଏ) ତରଫରୁ ମେଡିକାଲ କଲେଜରେ ନାମଲେଖା ପାଇଁ ଅନୁଷ୍ଠିତ ଜାତୀୟ ଯୋଗ୍ୟତା ଓ ପ୍ରବେଶିକା ପରୀକ୍ଷା...

ପାଟକୁରା ବିଧାନସଭା ନିର୍ବାଚନ: ଇଭିଏମ୍‌ରେ ୧୦ ପ୍ରାର୍ଥୀଙ୍କ ଭାଗ୍ୟ

କେନ୍ଦ୍ରାପଡା ଅଫିସ, ୨୧।୭: କେନ୍ଦ୍ରାପଡା ଜିଲାର ପାଟକୁରା ବିଧାନସଭା ଆସନ ପାଇଁ ଶନିବାର ମତଦାନ ଶେଷ ହୋଇଛି । ଏଥିସହିତ ଇଭିଏମ୍‌ରେ ୧୦ ପ୍ରାର୍ଥୀଙ୍କ ଭାଗ୍ୟ...

ବରିଷ୍ଠ ଆଇପିଏସ୍‌ ବି.କେ. ଶର୍ମାଙ୍କୁ ଇନ୍‌ଚାର୍ଜ ଡିଜିପି ଦାୟିତ୍ୱ

ଭୁବନେଶ୍ୱର, ୭।୮(ବ୍ୟୁରୋ): ୧୯୮୬ ବ୍ୟାଚର ବରିଷ୍ଠ ଆଇପିଏସ୍‌ ବିଜୟ କୁମାର ଶର୍ମାଙ୍କୁ ବୁଧବାର ଇନ୍‌ଚାର୍ଜ ଡିଜିପି ଭାବେ ନିଯୁକ୍ତି ଦିଆଯାଇଛି। ତେବେ ଡିଜିପି ରାଜେନ୍ଦ୍ର ପ୍ରସାଦ...

ନାଲିଫିତା ତଳେ ନିରାକରଣ ନିଷ୍ପତ୍ତି

ତାଳଚେର,୬ା୩(ନି.ପ୍ର.) – ରାଜ୍ୟ ସରକାରଙ୍କ ରାଜସ୍ବ ତାଲିକାରେ ନମ୍ବର ଓ୍ବାନ ସ୍ଥାନରେ ଥିବା ଅନୁଗୋଳ ଜିଲାର ତାଳଚେର ଶିଳ୍ପାଞ୍ଚଳ ପ୍ରଦୂଷଣରେ ମଧ୍ୟ ଏକ ନମ୍ବର ସ୍ଥାନ...

Leave a comment

Your email address will not be published. Required fields are marked *