ନଗଡ଼ାରେ ପ୍ରଶାସନୀକ ଅଧିକାରୀଙ୍କ ଭିଡ : ବିକାଶ ପରଖିଲେ ପଞ୍ଚାୟତିରାଜ ପ୍ରକଳ୍ପ ନିର୍ଦ୍ଦେଶକ

କାଳିଆପାଣି,୮ା୧୧(ଡି.ଏନ୍‌.ଏ.): ଯାଜପୁର ଜିଲା ସୁକିନ୍ଦା ବ୍ଲକ ଅନ୍ତର୍ଗତ ନଗଡ଼ାରେ ଏବେ ବହୁ ପ୍ରଶାସନୀକ ଅଧିକାରୀଙ୍କ ଗସ୍ତ ଦେଖିବାକୁ ମିଳିଛି। ୨୦୧୬ରେ ଅପପୁଷ୍ଟିରେ ଶିଶୁମୃତ୍ୟୁ ଘଟଣା ପରେ ନଗଡ଼ାର ଉନ୍ନତି ପାଇଁ ସରକାର ପାଣି ଭଳି ଅର୍ଥ ଖର୍ଚ୍ଚ କରିଛନ୍ତି। ହେଲେ ୩ ବର୍ଷ ପରେ ବି ଏଠାକାର ଅଧିବାସୀଙ୍କ ଜୀବନଶୈଳୀ କିମ୍ବା ପାରିପାର୍ଶ୍ୱିକ ଉନ୍ନୟନ ଦିଗହରା ହୋଇଥିବା ଲୋକାୟୁକ୍ତଙ୍କ ନିକଟରେ ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ଲୋକାୟୁକ୍ତଙ୍କ ନୋଟିସ୍‌କୁ ନେଇ ଦୈନନ୍ଦିନ ନଗଡ଼ାରେ ସରକାରୀ ଅଧିକାରୀ ଗସ୍ତରେ ଆସି ସ୍ଥିତି ସମୀକ୍ଷା କରିଛନ୍ତି।
ବୁଧବାର ଜିଲା ଭାରପ୍ରାପ୍ତ ଜିଲାପାଳ ମିହିର ପ୍ରସାଦ ମହାନ୍ତି ନଗଡ଼ାରେ ପହଞ୍ଚତ୍ ସ୍ଥତି ସମୀକ୍ଷା କରିଥିବା ବେଳେ ଗୁରୁବାର ରାଜ୍ୟ ପଞ୍ଚାୟତିରାଜ ବିଭାଗ ସ୍ବତନ୍ତ୍ର ପ୍ରକଳ୍ପ ନିର୍ଦ୍ଦେଶକ(ପିଆର୍‌ଏସ୍‌ପିଡି) ରାଜେଶ ପ୍ରଭାକର ପାଟିଲ ନଗଡ଼ା ଗସ୍ତ କରିଛନ୍ତି। ତାଙ୍କ ସହ ଡେପୁଟି ସେକ୍ରେଟାରୀ ରୁରାଲ ହାଉସିଂ କୁଳମଣି ମିଶ୍ର, ଜୀବିକା ମିଶନର ନାରାୟଣ ମିଶ୍ର, ସୁକିନ୍ଦା ବିଡିଓ ବିଶ୍ୱଜିତ ଦାସ ପ୍ରମୁଖ ନଗଡା ଗସ୍ତରେ ସାମିଲହୋଇ ଉପର, ମଝି ଓ ତଳ ନଗଡାର ଘରଘର ବୁଲି ବିଭିନ୍ନ ଉନ୍ନୟନମୂଳକ କାର୍ଯ୍ୟ ତଦାରଖ କରିଥିଲେ। ବିଶେଷକରି ସ୍ବାସ୍ଥ୍ୟ, ଜୀବନ ଜୀବିକା, ଖାଦ୍ୟ ସୁରକ୍ଷା, ଅଙ୍ଗନବାଡି ପ୍ରଭୃତି କାର୍ଯ୍ୟର ତଦାରଖ କରିଥିଲେ। ଏହି ସମସ୍ତ ବିଭାଗରେ ୩ ବର୍ଷ ମଧ୍ୟରେ ହୋଇଥିବା ବ୍ୟୟ ନଗଡାବାସୀଙ୍କୁ କେତେଦୂର ଉପଦେୟତା ପ୍ରଦାନ କରିଛି ତାହା ପରଖିଥିଲେ। ଯାଜପୁର ଭାରପ୍ରାପ୍ତ ଜିଲାପାଳ ମିହିର ପ୍ରସାଦ ମହାନ୍ତିଙ୍କ ଗସ୍ତ ସମୟରେ ନଗଡାରେ ଖାଦ୍ୟ ସୁରକ୍ଷାରେ ମିଳୁଥିବା ସାମଗ୍ରୀରେ ବାଟମାରଣା ହେଉଥିବା ସମ୍ପର୍କରେ ନଗଡାବାସୀଙ୍କ ଅଭିଯୋଗ ଉପରେ ପଞ୍ଚାୟତିରାଜ ବିଭାଗ ସ୍ବତନ୍ତ୍ର ପ୍ରକଳ୍ପ ନିର୍ଦ୍ଦେଶକ ପାଟିଲ ତଦାରଖ କରିଥିଲେ। ସେହିପରି ଅଙ୍ଗନାଓ୍ବାଡି କେନ୍ଦ୍ରର ସ୍ଥାୟୀ ଗୃହ ଏବଂ ଶିଶୁ ମାନଙ୍କୁ ସକାଳ ଜଳଖିଆ ପ୍ରଦାନ କରା ନ ଯିବା ସମ୍ପର୍କରେ ମଧ୍ୟ ତଦାରଖ କରିଥିଲେ। ଓଡ଼ିଶା ଜୀବିକା ମିଶନ ପକ୍ଷରୁ ଦିଆଯାଇଥିବା ଛେଳି ଓ କୁକୁଡା ସମ୍ପର୍କରେ ଯାଞ୍ଚ କରିଥିଲେ। ନଗଡ଼ାରେ ଖାଦ୍ୟ ସୁରକ୍ଷା ସାମଗ୍ରୀ ପ୍ରଦାନ କରିବାକୁ ଦାୟିତ୍ୱ ନେଇଥିବା ଚିଙ୍ଗୁଡିପାଳର ଏକ ସ୍ବୟଂ ସହାୟକ ଗୋଷ୍ଠୀ ୨ରୁ ୩ ମାସରେ ଥରେ ସାମଗ୍ରୀ ନଗଡା ଠାରୁ ୧୫ କିମି ଦୂରରେ ପ୍ରଦାନ କରୁଛି। ଏମିତିକି ୨ରୁ ୩ମାସର ଏତେ ପରିମାଣ ସାମଗ୍ରୀ ପାହାଡ ଚଢ଼ି ଘରକୁ ନେବା ପରିବର୍ତ୍ତେ ଅଧିକାଂଶ ଜୁଆଙ୍ଗ ଜନଜାତି ଉକ୍ତ ଗୋଷ୍ଠୀକୁ ସ୍ବଳ୍ପ ମୂଲ୍ୟରେ ସାମଗ୍ରୀ ବିକ୍ରି କରି ଦେଉଛନ୍ତି। ଭାରପ୍ରାପ୍ତ ଜିଲାପାଳଙ୍କ ଗ୍ରସ୍ତ ପୂର୍ବରୁ ସମ୍ପୃକ୍ତ ଗୋଷ୍ଠୀ ନଗଡାର ହିତାଧିକାରୀଙ୍କ ଠାରୁ ସାମଗ୍ରୀ ନେଇଥିବା ରେଜିଷ୍ଟ୍ରାରରେ ଦସ୍ତଖତ କରାଇ ନେଇଥିବା ବିଷୟରେ ପ୍ରକଳ୍ପ ନିର୍ଦ୍ଦେଶକ ଜାଣିବାକୁ ପାଇଥିଲେ। ସେହିପରି ଅଧିକାଂଶ ଜୁଆଙ୍ଗ ହିତାଧିକାରୀଙ୍କ କିରୋସିନକୁ ହଡପ କରାଯାଉଥିବା ଜଣାପଡିଥିଲା। ଖାଦ୍ୟ ସୁରକ୍ଷା ସାମଗ୍ରୀର ହେଉଥିବା ବାଟମାରଣାକୁ ରୋକିବା ପାଇଁ ନଗଡାରେ ହଁି ସେମାନଙ୍କ ସାମଗ୍ରୀ ପ୍ରଦାନ କରିବାକୁ ଡାଇରେକ୍ଟର ସ୍ପେଶିଆଲ ପ୍ରୋଜେକ୍ଟ ନିର୍ଦ୍ଦେଶକ ପାଟିଲ ନିର୍ଦ୍ଦେଶ ଦେଇଥିଲେ। ପଞ୍ଚାୟତିରାଜ ପ୍ରକଳ୍ପ ନିର୍ଦ୍ଦେଶକ ପାଟିଲଙ୍କ ଉପସ୍ଥିତିରେ ଅଙ୍ଗନାୱାଡି କେନ୍ଦ୍ରରେ ସକାଳ ଜଳଖିଆ ଦିଆ ଯାଉ ନ ଥିବା ଅଭିଯୋଗ ପରେ ସୁକିନ୍ଦା ସିଡିପିଓ ସଂଯୁକ୍ତା କାନୁନ୍‌ଗୋ ଉକ୍ତ କେନ୍ଦ୍ରକୁ ଏକ ହାଇଜେନିକ୍‌ କିଟ୍‌, ସକାଳ ଜଳଖିଆ ସାମଗ୍ରୀ ପ୍ରଦାନ କରିଥିଲେ। ଗୁହିଆଶାଳରେ ୩ଜଣ ଓ ତଳ ନଗଡାରେ ଜଣେ ଦୁର୍ବଳ ଶିଶୁଙ୍କୁ ସ୍ପେସିଆଲ ନିୟ୍ୟୁଟ୍ରିଶନ୍‌ ସାମଗ୍ରୀ ପ୍ରଦାନ କରାଯାଇଛି। ଓଡ଼ିଶା ଜୀବିକା ମିଶନ ପକ୍ଷରୁ ପ୍ରଦାନ କରାଯାଇଥିବା ଛେଳି, କୁକୁଡା ଓ ନଗଡା ଲୋକଙ୍କ ଗୋରୁଙ୍କ ପାଇଁ ଅଲଗା ଗୁହାଳ ଏମ୍‌ଜିଏନ୍‌ଆର୍‌ଇଜିଏସ୍‌ ଅର୍ଥରେ ନିର୍ମାଣ ପାଇଁ ସମ୍ପୃକ୍ତ ପ୍ରକଳ୍ପ ନିର୍ଦ୍ଦେଶକ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ନଗଡା ଭଳି ତୁମୁଣି ଓ ଗୁହିଆଶାଳରେ ରହୁଥିବା ବାସିନ୍ଦାଙ୍କ ବିଷୟରେ ମଧ୍ୟ ସେମାନେ ଆଲୋଚନା କରି ଫେରିଥିଲେ। ପରେ ସୁକିନ୍ଦା ବ୍ଲକ ସଭାଗୃହରେ ଏକ ସମୀକ୍ଷା ବୈଠକ ହୋଇଥିଲା। ସେଠାରେ ନଗଡାର ବିକାଶ ପାଇଁ ନିଆଯାଇଥିବା ପ୍ରସ୍ତାବଗୁଡିକ କାର୍ଯ୍ୟକାରୀ କରାଯିବା ଦିଗରେ ଆଲୋଚନା ହୋଇଥିଲ।


All Right Reserved By Dharitri.Com

ଚିକରଡ଼ା ଗ୍ରାମରେ ଝାଡ଼ାବାନ୍ତି: ଦୂଷିତ ପାଣି ପିଇ ପୁଣି ୧୦୦ ଆକ୍ରାନ୍ତ

ଗୋପାଳପୁର,୨ା୧୦ -ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକ ଚିକରଡ଼ା ଗ୍ରାମରେ ଦୂଷିତ ପାଣି ପିଇ ମଙ୍ଗଳବାର ପୁଣି ୧୦୦ ଜଣ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ଗ୍ରାମରେ ୨...

ପଶ୍ଚିମ ଓଡ଼ିଶା ହାଇକୋର୍ଟ ସ୍ଥାୟୀବେଞ୍ଚ ପ୍ରସଙ୍ଗ: ଓକିଲଙ୍କ ତିନି ଦିନିଆ ଆନ୍ଦୋଳନ ଆରମ୍ଭ

ସମ୍ବଲପୁର,୨୧।୧୨(ବ୍ୟୁରୋ): ପଶ୍ଚିମ ଓଡ଼ିଶା ହାଇକୋର୍ଟ ସ୍ଥାୟୀବେଞ୍ଚ ପ୍ରତିଷ୍ଠା ଦାବି ନେଇ ଶନିବାର ଓକିଲଙ୍କ ତିନି ଦିନିଆ କାର୍ଯ୍ୟବନ୍ଦ ଆନ୍ଦୋଳନ ଆରମ୍ଭ ହୋଇଛି । ବରିଷ୍ଠ ନାଗରିକ...

ଆବାସିକ ବିଦ୍ୟାଳୟର ୩ ଛାତ୍ର ନିଖୋଜ

ବାରିପଦା ଅଫିସ,୧୯।୮- ବାରିପଦା ସଦର ଥାନା ଅଧୀନ ଶିରିଶବଣୀଠାରେ ଥିବା ଏସଭିଏସ ଆବାସିିକ ବିଦ୍ୟାଳୟରେ ପଢ଼ୁଥିବା ନବମ ଶ୍ରେଣୀର ୩ ଛାତ୍ର ଗତ ୧୫ ତାରିଖ...

ଜଙ୍ଗଲରୁ ଗଛକଟା ଘଟଣା: ଖବର ପ୍ରକାଶ ପରେ ବନ ବିଭାଗ ତତ୍ପର

ଦାରିଙ୍ଗବାଡ଼ି,୧୧।୧(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବନାଞ୍ଚଳ ସିମନବାଡ଼ି ସେକ୍ସନ ଗଦଡ଼ି ସଂରକ୍ଷିତ ଜଙ୍ଗଲରୁ କେହି ଦୁର୍ବୃତ୍ତ ଗଛ କାଟି ନେବା ଘଟଣାରେ ବନ ବିଭାଗର ତପତ୍ରତା...

ମୃତକଙ୍କ ଆଖି କାଢ଼ିନେବା ଘଟଣା: ମାମଲା ରୁଜୁ ପରେ ପୋଲିସର ତନାଘନା

ଭଦ୍ରକ ଅଫିସ, ୧୭ା୧୧- ପରିବାର ଲୋକଙ୍କ ଅଜାଣତରେ ଚକ୍ଷୁ ଦାନ କରିବା ଲାଗି କାଗଜପତ୍ରରେ ଦସ୍ତଖତ କରାଇ ନେଇ ମେଡିକାଲରେ ଜଣେ ମୃତବ୍ୟକ୍ତିଙ୍କ ଦୁଇ ଆଖି...

ଅନୁକୂଳ ପାଣିପାଗ: ଖରିଫ ଚାଷ ପାଇଁ ଚାଷୀ ତତ୍ପର

ଉଲୁଣ୍ଡା, ୧ା୭(ଡି.ଏନ.ଏ.)  ରୋହିଣୀ ତାତେ, ମୃଗଶିରା ମାତେ, ଆରଦ୍ରା କରେ ଛନ୍‌ ଛନ୍‌, ଚାଷୀ ବଇଲା ଚଷାନୀଲୋ ଇ ବଛର କେନନ ରଖମା ଧାନ। ବିଶ୍ୱାସ...

ବସ୍‌ କର୍ମଚାରୀଙ୍କୁ ଆକ୍ରମଣ, ୨ ଅଟକ

ଭଞ୍ଜନଗର,୪।୧୧(ଡି.ଏନ.ଏ)-ଭଞ୍ଜନଗର ବସ୍‌ଷ୍ଟାଣ୍ଡରେ ଦିନକୁ ଦିନ ଅସାମାଜିକ କାର୍ଯ୍ୟାକଳାପ ବଢ଼ୁଛି। କେତେବେଳେ ଘରୋଇ ବସ୍‌ ଆଗପଛ ଯିବାକୁ ନେଇ କର୍ମଚାରୀ- କର୍ମଚାରୀ ମଧ୍ୟରେ ବିବାଦ ହେଉଛି ତ...

କ୍ରିକେଟ ଖେଳରୁ ଦୁର୍ଘଟଣା:  ବଲ ବାଜି ମେଡିକାଲ ଛାତ୍ରଙ୍କ ମୃତ୍ୟୁ

ବ୍ରହ୍ମପୁର ଅଫିସ,୧୬ା୧୧-ଗଞ୍ଜାମ ଜିଲା ବୈଦ୍ୟନାଥପୁର ଥାନା ଅନ୍ତର୍ଗତ ବ୍ରହ୍ମପୁର ବଡ ମେଡିକାଲ ଖେଳ ପଡ଼ିଆରେ ଶୁକ୍ରବାର କ୍ରିକେଟ ଖେଳ ବେଳେ ଏକ ଦୁର୍ଘଟଣା ଘଟିଛି। କ୍ରିକେଟ...

Leave a comment

Your email address will not be published. Required fields are marked *