ମଦମୃତ୍ୟୁକୁ ମାସେ ପୂରିନି: ଅବାଧରେ ଚାଲିଛି ଚୋରାମଦ କାରବାର

ଭଦ୍ରକ ଅଫିସ, ୨୭।୫ – ନିର୍ବାଚନ ସମୟରେ ଭଦ୍ରକ ଜିଲାରେ ମଦମୃତ୍ୟୁ ଘଟଣା ସାରା ରାଜ୍ୟରେ ଚଳହ ସୃଷ୍ଟି କରିଥିଲା। ବିଷାକ୍ତ ମଦପିଇ ପୀରହାଟ ଓ ଚାନ୍ଦବାଲି ଅଞ୍ଚଳରେ ୧୦ ଜଣଙ୍କ ମୃତ୍ୟୁ ଘଟିଛି। ହେଲେ ପ୍ରଶାସନ ବର୍ତ୍ତମାନ ସୁଦ୍ଧା କେତେଜଣ ମଦମୃତ୍ୟୁରେ ମରିଛନ୍ତି ତାହାର ଠିକ୍‌ ତଥ୍ୟ ଦେଇପାରି ନାହିଁ। ଏଯାଏ ମୃତକଙ୍କ ପରିବାରକୁ ଅନୁକମ୍ପା ରାଶି ମଧ୍ୟ ପ୍ରଦାନ କରାଯାଇ ନାହିଁ। ଯେଉଁ ବିଷାକ୍ତ ମଦ ପାଇଁ ୧୦ ପରିବାର ସର୍ବହରା ହୋଇଗଲେ ସେହି ନକଲି ମଦ ଚାଲାଣ ଉପରେ ରୋକ୍‌ ଲଗାଇ ପାରିନାହିଁ ଜିଲା ଅବକାରୀ ବିଭାଗ ଓ ପୋଲିସ। ଏହି ଘଟଣାକୁ ମାସେ ପୂରିନି ଅବାଧରେ ମଦ କାରବାର ଚାଲିଛି। ଦୈନିକ ହଜାର ହଜାର ଲିଟର ମଦ ଜିଲା ବାହାରୁ ଭଦ୍ରକର ବିଭିନ୍ନ କୋଣାନୁକୋଣକୁ ଚାଲାଣ ହେଉଥିବା ଅଭିଯୋଗ ହେଉଛି। ଭଦ୍ରକ ଜିଲା ଏବେ ଚୋରାମଦ ବେପାରୀଙ୍କ ଚରାଭୂଇଁ ପାଲଟିଛି।
ଦୈନିକ ଲକ୍ଷାଧିକ ଟଙ୍କାର ଚୋରା ଦେଶୀ ଓ ବିଦେଶୀ ମଦ ଜିଲାକୁ ଅବାଧରେ ଆସୁଛି। ପଡ଼ୋଶୀ ଜିଲାରୁ କମ୍‌ ଟଙ୍କାରେ ଏହି ଜିଲାକୁ ବିଳାସପୂର୍ଣ୍ଣ ଗାଡ଼ିରେ ଏହିସବୁ ମଦ ଆମଦାନୀ ହେଉଛି। ଏଥିପାଇଁ ଜିଲାର ଏକ ନିର୍ଦ୍ଦିଷ୍ଟ ଗୋଷ୍ଠୀ କାର୍ଯ୍ୟ କରୁଛନ୍ତି। ଜିଲା ଅବକାରୀ ବିଭାଗର ଉଦାସୀନତା ଓ ସହଭାଗିତାରେ ଏହି କାରବାର ରୀତିମତ ଚାଲିଥିବା କୁହାଯାଉଛି। ଅବକାରୀ ବିଭାଗର କେତେକ ଅଧିକାରୀଙ୍କ ସଲାସୁତୁରାରେ ପଡ଼ୋଶୀ ଜିଲା କେନ୍ଦୁଝର, କେନ୍ଦ୍ରାପଡ଼ା, ଯାଜପୁର ଓ ବାଲେଶ୍ୱର ଅଞ୍ଚଳରୁ ଲକ୍ଷାଧିକ ଟଙ୍କାର ଦେଶୀ ଓ ବିଦେଶୀ ମଦ ଏଠାକୁ ଆମଦାନୀ କରାଯାଉଛି। ଜାତୀୟ ରାଜପଥ ଦେଇ ପୁରୁଣା ବାଲେଶ୍ୱର ଓ ସୋର ଅଞ୍ଚଳରୁ ରୀତିମତ ଦେଶୀମଦ ବୋଲେରୋ, ଟ୍ରାଭେରା, ଏକ୍ସୟୁଭି ଭଳି ବିଳାସପୂର୍ଣ୍ଣ ଗାଡ଼ିରେ ଭଦ୍ରକର ରାଣୀତାଲ, ଇଚ୍ଛାପୁର, ପୀରହାଟ, ତିହିଡ଼ି, ଚାନ୍ଦବାଲି, ନଛିପୁର, ସାତଭଉଣୀ, ଭଦ୍ରକାଳୀ, ଓଲଙ୍ଗ, ବଣିଅଁା, ଏରେଁଇ, ଗେଲଟିଆ ପ୍ରମୁଖ ଅଞ୍ଚଳକୁ ଅଣାଯାଉଛି। ସେଥିରେ ପାଣି ମିଶାଯାଇ ଚଢ଼ାଦରରେ ବିକ୍ରି କରାଯାଉଛି। ଏପରିକି ବିଭିନ୍ନ ବିଦେଶୀ ବ୍ରାଣ୍ଡେଡ୍‌ ମଦ ନକଲି କରାଯାଇ ଜିଲାକୁ ଚାଲାଣ ହେଉଛି। ସେହିଭଳି କେନ୍ଦୁଝର ଜିଲା ଢେଙ୍କା ଅଞ୍ଚଳରୁ ମଦ ବନ୍ତ-ଆନନ୍ଦପୁର ରାସ୍ତାର ଛେନାପଦୀ ଛକ ଦେଇ ଆଗରାପଡ଼ା ଅଞ୍ଚଳକୁ ଆସୁଛି। ଏହାକୁ ବରପଦା, ଗଣିଜାଙ୍ଗ, କାଦବରାଙ୍ଗ, କାଉପୁର, ରାନ୍ଦିଆ, ବାଲୁଅ, ରାମକୃଷ୍ଣପୁର ଅଞ୍ଚଳରେ ଚୋରାରେ ବିକ୍ରି କରାଯାଉଛି। ପାଣି ପାଉଚ ଭଳି ୩ଟି ପ୍ୟାକେଟକୁ ୧୦୦ ଟଙ୍କାରେ ଅଫରରେ ବିକାଯାଉଛି। କେନ୍ଦ୍ରାପଡ଼ା ଓ ଯାଜପୁର ଜିଲାରୁ ଆରଡ଼ି, ଧାମନଗର ଓ ତିହିଡ଼ି ଅଞ୍ଚଳକୁ ଚୋରା ଚାଲାଣ ହେଉଛି। ଏହି ଅଞ୍ଚଳକୁ ଚୋରାମଦ କାରବାରର ପେଣ୍ଠସ୍ଥଳୀ କୁହାଯାଉଛି। ସବୁ ଜାଣି ଅବକାରୀ ବିଭାଗ ନୀରବଦ୍ରଷ୍ଟା ସାଜିଛି। ଅବକାରୀ ବିଭାଗର ଚଢ଼ାଉ ଲୋକଦେଖାଣିଆ କେବଳ ଧର୍ମକୁ ଆଖିଠାର ମାରିବା ଭଳି। ଏ ସମ୍ପର୍କରେ ଅବକାରୀ ଅଧୀକ୍ଷକ ରାହାସ ବିହାରୀ ପାତ୍ରଙ୍କୁ ପଚାରିବାରୁ ଆବଶ୍ୟକ କର୍ମଚାରୀ ଅଭାବ ସାଙ୍ଗକୁ ଉପଯୁକ୍ତ ସୂଚନା ମିଳୁ ନ ଥିବାରୁ ପଡ଼ୋଶୀ ଜିଲାରୁ ଏଠାକୁ ମଦ ଚାଲାଣକୁ ରୋକାଯାଇ ପାରୁନାହିଁ ବୋଲି କହିଛନ୍ତି।


All Right Reserved By Dharitri.Com

ବିନା ଲାଇସେନ୍ସରେ ଚାଲିଛି ବାଣ ଦୋକାନ : ପୋଲିସ, ଅଗ୍ନିଶମ ବିଭାଗ ଚୁପ୍‌

ରୂପ୍‌ସା, ୨୭ା୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ସମେତ ରୂପ୍‌ସା ଥାନା ଅଞ୍ଚଳରେ ୨ ଦିନ ଧରି ଶହ ଶହ ବେଆଇନ ବାଣ ଦୋକାନ ଦେଖିବାକୁ ମିଳୁଛି। ପ୍ରଶାସନ...

ଗଛ ପଡ଼ି ଭାଙ୍ଗିଲା ୫ ଦୋକାନ: ଠିକାଦାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି

ଖଇରା,୨୫।୧୦(ଡି.ଏନ୍‌.ଏ.): ବାଲେଶ୍ବର ଜିଲା ଖଇରା ବ୍ଲକ ଅଧୀନ ବର୍ତ୍ତନା ବଜାରରେ ଗୁରୁବାର ରାତିରେ ୨ଟି ଗଛ ଉପୁଡ଼ିବା ଯୋଗୁ ୫ ଦୋକାନ ଭାଙ୍ଗି ନଷ୍ଟ ହୋଇଯାଇଛି।...

ସ୍ବାସ୍ଥ୍ୟକେନ୍ଦ୍ର ବନ୍ଦ ଥିବାରୁ ରୋଗୀ ଫେରିଲେ ଘରକୁ

ପାଟଣା, ୧୦।୬(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକ ରାଜନଗର ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଶନିବାର ସକାଳ ୭ଟାରୁ ୧୧ଟା ପର୍ଯ୍ୟନ୍ତ ମୁଖ୍ୟ ଫାଟକରେ ଚାବି ପଡ଼ିଥିବା ଦେଖିବାକୁ ମିଳିଥିଲା।...

ଗ୍ରାମ୍ୟ ରାସ୍ତା ନିର୍ମାଣ ନେଇ ବିବାଦ

ଝୁମ୍ପୁରା, ୨୫ା୪(ଡି.ଏନ.ଏ.)- ସଦର ବ୍ଲକ ଅନ୍ତର୍ଗତ ରାଇକଳା ପଞ୍ଚାୟତର ଟାଙ୍ଗରାଣୀ ମୌଜାରେ ଗ୍ରାମ୍ୟରାସ୍ତା ନିର୍ମାଣ ଆଳରେ ଅନୁସୂଚିତ ଜନଜାତି ପ୍ରଜାଙ୍କ ପଟ୍ଟାଭୁକ୍ତ ଜମିରେ ବହୁ ପରିମାଣରେ...

ମରାମତି ଓ ପ୍ରଶସ୍ତୀକରଣ ଦାବି କରି ରାସ୍ତାରୋକୋ

ବାଲିଆପାଳ,୩୧।୭(ସ୍ବ.ପ୍ର.): ବାରମ୍ବାର ଦାବି ସତ୍ତ୍ୱେ ରାସ୍ତା ମରାମତି ଓ ପ୍ରଶସ୍ତୀକରଣ ନ ହେବାରୁ ବୁଧବାର ପୂର୍ବାହ୍ନରୁ ବାଲେଶ୍ୱର ଜିଲା ବାଲିଆପାଳ ବ୍ଲକ ମାନ୍ଧାତା ପଞ୍ଚୁପାଲି ରାସ୍ତାର...

ସଜଡ଼ା ଯାଉନି ଟ୍ରାନ୍ସଫର୍ମର

ଝୁମ୍ପୁରା, ୧୩।୫(ଡି.ଏନ.ଏ.)-ବିଦ୍ୟୁତ ବିତରକ କମ୍ପାନୀ ନେସ୍କୋର ମନମୁଖି ନୀତି ସୀମା ଟପିଗଲାଣି। ମେରିରାୟ ନୀତିରେ ବିଦ୍ୟୁତ ଉପଭୋକ୍ତାଙ୍କୁ ସେବା ଯୋଗାଉଥିବା ନେସ୍କୋ କେବଳ ବିଦ୍ୟୁତ ଦେୟ...

ଡାକ୍ତର ନାହାନ୍ତି: ଖରାସାହାପୁର ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ତାଲା ପକାଇଲେ ଗ୍ରାମବାସୀ

ବାହାନଗା, ୧୯।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ବାହାନଗା ବ୍ଳକ ଖରାସାହାପୁରଠାରେ ଥିବା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ନ ଥିବାରୁ ଶନିବାର ଗ୍ରାମବାସୀ ତାଲାପକାଇ ଧାରଣାରେ ବସିଛନ୍ତି। ପ୍ରାଥମିକ...

ଶବ ବ୍ୟବଚ୍ଛେଦରେ ବିଳମ୍ବ ପ୍ରତିବାଦରେ ରାସ୍ତାରୋକୋ

ବାଲିଆପାଳ, ୨୦।୭(ସ୍ବ.ପ୍ର.)-ସ୍ବାମୀ ଘରେ ନ ଥିବା ବେଳେ ଶୋଇବା ଘରେ ବେକରେ ରଶି ଲଗାଇ ସୂର୍ଯ୍ୟାପୁର ଗ୍ରାମର ଶିବ ପ୍ରସାଦ ଜେନାଙ୍କ ସ୍ତ୍ରୀ ସୋନାଲି ଜେନା...

Leave a comment

Your email address will not be published. Required fields are marked *