ଭିଆର୍‌ଏସ୍‌ ସ୍କିମ୍‌ ଆଣିଲା ବିଏସ୍‌ଏନ୍‌ଏଲ୍‌

ନୂଆଦିଲ୍ଲୀ,୭-୧୧: ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) ଏହାର କର୍ମଚାରୀଙ୍କ ଲାଗି ସ୍ବେଚ୍ଛାକୃତ ଅବସର ଯୋଜନା ( ଭିଆର୍‌ଏସ୍‌)ର ଆରମ୍ଭ କରିଛି। କ୍ଷତିରେ ଚାଲୁଥିବା ଏହି କମ୍ପାନୀର ପୁନରୁଦ୍ଧାର ଯୋଜନାକୁ ସରକାର ନିକଟରେ ମଞ୍ଜୁରୀ ପ୍ରଦାନ କରିଥିଲେ। ଏହି ପଦକ୍ଷେପ ଅନ୍ତର୍ଗତ ଉକ୍ତ ଯୋଜନାକୁ କମ୍ପାନୀ ଆରମ୍ଭ କରିଥିବା ଜଣାପଡିଛି। ଏହି ଯୋଜନାର ଲାଭ ୭୦ରୁ ୮୦ ହଜାର କର୍ମଚାରୀ ନେବେ ବୋଲି ବିଏସ୍‌ଏନ୍‌ଏଲ୍‌ ଆଶାବାଦୀ ରହିଛି। ଏହା ଦ୍ୱାରା ମଞ୍ଜୁରୀ ବିଲ୍‌ ବାବଦକୁ କମ୍ପାନୀ ପ୍ରାୟ ୭,୦୦୦ କୋଟି ଟଙ୍କା ସଞ୍ଚୟ କରିବାକୁ ସକ୍ଷମ ହେବ ବୋଲି କୁହାଯାଇଛି। ନଭେମ୍ବର ୪ଠାରୁ ଡିସେମ୍ବର ୩ ମଧ୍ୟରେ ଏହା ଖୋଲାରହିବ। ଭିଆର୍‌ଏସ୍‌ ଅଫରିଂ ନେଇ କର୍ମଚାରୀଙ୍କୁ ସୂଚନା ଦେବାକୁ ଫିଲ୍ଡ ୟୁନିଟ ଗୁଡିକୁ କୁହାଯାଇଥିବା ବିଏସ୍‌ଏନ୍‌ ଏଲ୍‌ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ପି.କେ. ପରଓ୍ବାର ବୁଧବାର କହିଛନ୍ତି।
କମ୍ପାନୀରେ ବର୍ତ୍ତମାନ ୧.୫୦ ଲକ୍ଷ କର୍ମଚାରୀ ଅଛନ୍ତି। ଏମାନଙ୍କ ମଧ୍ୟରୁ ପ୍ରାୟ ୧ ଲକ୍ଷ ଭିଆର୍‌ଏସ୍‌ ନେବାକୁ ଯୋଗ୍ୟ ବିବେଚିତ ହୋଇପାରିବେ। ସରକାରଙ୍କ ପକ୍ଷରୁ ପ୍ରଦାନ କରାଯାଉଥିବା ଏହା ସର୍ବୋତ୍ତମ ଭିଆର୍‌ଏସ୍‌ ହୋଇଥିବା ବେଳେ କର୍ମଚାରୀମାନେ ସକାରାତ୍ମକ ଭାବେ ଏହାକୁ ଗ୍ରହଣ କରିବାକୁ ପରଓ୍ବାର କହିଛନ୍ତି। ୫୦ ବର୍ଷରୁ ଊର୍ଦ୍ଧ୍ୱ ବୟସ୍କ ବିଏସ୍‌ଏନ୍‌ଏଲ୍‌ର କର୍ମଚାରୀ, ନିୟମିତ ତଥା ସ୍ଥାୟୀ କର୍ମଚାରୀ, ଅନ୍ୟ ସ୍ଥାନରେ ଡେପୁଟେଶନରେ କାର୍ଯ୍ୟକରୁଥିବା କମ୍ପାନୀର କର୍ମଚାରୀ ଏହି ସ୍କିମ୍‌ ଗ୍ରହଣ ଲାଗି ଯୋଗ୍ୟ ବିବେଚିତ ହେବ। ସେହିଭଳି ଏମ୍‌ଟିଏନ୍‌ ଏଲ୍‌ ମଧ୍ୟ ଭିଆର୍‌ଏସ୍‌ ହାତକୁ ନେଇଛି। ଏହା ଗୁଜରାଟ ମଡେଲ ଭିଆରଏସ୍‌ ହୋଇଥିବା ଏହାର ଲାଭ କର୍ମଚାରୀମାନେ ଡିସେମ୍ବର ୩ ତାରିଖ ଯାଏ ନେଇ ପାରିବେ। କମ୍ପାନୀର ସ୍ଥାୟୀ କର୍ମଚାରୀ ଏବଂ ବୟସ ୫୦ ବର୍ଷରୁ ଊର୍ଦ୍ଧ୍ୱ ହୋଇଥିଲେ ଏହି ସ୍କିମ ୍‌ଲାଭ ନେବାକୁ କୁହାଯାଇଛି।
ସରକାର ଗତ ମାସରେ ବିଏସ୍‌ଏନ୍‌ଏଲ୍‌ ଏବଂ ଏମ୍‌ଟିଏନ୍‌ଏଲ୍‌ ଲାଗି ୬୯,୦୦୦ କୋଟି ଟଙ୍କାର ପୁନରୁଦ୍ଧାର ଯୋଜନା ଘୋଷଣା କରିଥିଲେ। କ୍ଷତିରେ ଚାଲୁଥିବା ଏହି ୨ କମ୍ପାନୀର ମିଶ୍ରଣ, ସମ୍ପତ୍ତିର ମୁଦ୍ରାକରଣ, କର୍ମଚାରୀଙ୍କୁ ଭିଆର୍‌ଏସ୍‌ ଯୋଜନା ନେଇ ପ୍ରସ୍ତାବ ରହିଛି। ଆଗାମୀ ବର୍ଷଗୁଡିକରେ ଏହି କମ୍ପାନୀକୁ ଏକ ଲାଭବାନ କମ୍ପାନୀଭାବେ ଗଢି ତୋଳିବା ଲାଗି ବିଭିନ୍ନ ଯୋଜନା ହାତକୁ ନିଆଯାଉଥିବା ସରକାରଙ୍କ ପକ୍ଷରୁ ସୂଚନା ରହିଛି। କମ୍ପାନୀକୁ ସରକାର ୪ଜି ସ୍ପେକ୍ଟ୍ରମ କ୍ରୟ ଲାଗି ୨୦,୧୪୦ କୋଟି ଟଙ୍କା ପ୍ରଦାନ କରିବେ। ସ୍ପେକ୍ଟ୍ରମ ଦେୟ ପ୍ରଦାନ ବେଳେ ୩,୬୭୪ କୋଟି ଟଙ୍କାର ଜିଏସ୍‌ଟି ପ୍ରଦାନ ନେଇ ପାଣ୍ଠି ବ୍ୟବସ୍ଥା ସରକାର କରିବେ। ୧୫,୦୦୦ କୋଟି ଟଙ୍କାର ସଭରେନ ଗ୍ୟାରେଣ୍ଟି ସଂଗ୍ରହ, ୧୭,୧୬୦ କୋଟି ଟଙ୍କାର ଭିଆର୍‌ଏସ୍‌ ଅନ୍ୟାନ୍ୟ ଆନୁଷଙ୍ଗିକ ଖର୍ଚ୍ଚ ବାଦ ୧୨,୭୬୮ କୋଟି ଟଙ୍କା ଦେବାର ବ୍ୟବସ୍ଥା କରାଯାଇଛି। ଗତ ୯ ବର୍ଷ ଧରି ଏମ୍‌ଟିଏନ୍‌ଏଲ୍‌ କ୍ଷତି ସହୁଥିବା ବେଳେ ବିଏସ୍‌ଏନ୍‌ଏଲ୍‌ ୨୦୧୮ ପରଠାରୁ କ୍ଷତି ସହୁଛି। କମ୍ପାନୀ ଉପରେ ମୋଟ ୪୦,୦୦୦ କୋଟି ଟଙ୍କାର ଋଣ ରହିଛି।


All Right Reserved By Dharitri.Com

ସୁନା ଆମଦାନୀ ୫୪% ବୃଦ୍ଧି

ନୂଆଦିଲ୍ଲୀ,୨୧-୫: ଦେଶର ସୁନା ଆମଦାନୀ ଏପ୍ରିଲରେ ୫୪ ପ୍ରତିଶତ ବୃଦ୍ଧି ପାଇ ୩.୯୭ ବିଲିୟନ ଡଲାରରେ ପହଞ୍ଚତ୍ୟାଇଛି। ଫଳରେ ବାଣିଜ୍ୟ ନିଅଣ୍ଟ ବୃଦ୍ଧି ପାଇବାରୁ ଚଳନ୍ତି...

ଏମ୍‌ପି ଲୋଧା ଭାରତର ସବୁଠୁ ଧନୀ ରିୟଲ ଇଷ୍ଟେଟ ଉଦ୍ୟୋଗୀ

ନୂଆଦିଲ୍ଲୀ,୧୦-୧୨: ଲୋଧା ଡେଭଲପର୍ସର ଏମ୍‌.ପି.ଲୋଧା ଏବଂ ପରିବାର ଭାରତର ସବୁଠୁ ଧନୀଶାଳୀ ରିୟଲ ଇଷ୍ଟେଟ ଉଦ୍ୟୋଗୀ ଭାବେ ବିବେଚିତ ହୋଇଛନ୍ତି। ଏହି ଗ୍ରୁପ ନିକଟରେ ମୋଟ...

ଏଫ୍‌ପିଆଇଙ୍କ ସରଚାର୍ଜ ପ୍ରତ୍ୟାହାର ନେଇ ବିଚାର

ନୂଆଦିଲ୍ଲୀ,୯-୮: ବଜେଟରେ ସରଚାର୍ଜ ଘୋଷଣା ପରେ ବିଦେଶୀ ନିବେଶକ(ଏଫ୍‌ପିଆଇ) ଦେଶରୁ ନିଜର ନିବେଶ ପ୍ରତ୍ୟାହାର କରିବା ଆରମ୍ଭ କରିଛନ୍ତି। ଭାରତୀୟ ଷ୍ଟକ୍‌ ବଜାର ପାଇଁ ଏହା...

ବିଏସ୍‌ଏନ୍‌ଏଲ୍‌-ଏମ୍‌ଟିଏନ୍‌ଏଲ୍‌ ମିଶ୍ରଣ ଉଦ୍ୟମ

ନୂଆଦିଲ୍ଲୀ,୩୧-୭: କ୍ଷତିରେ ଚାଲୁଥିବା ରାଷ୍ଟ୍ରାୟତ୍ତ ଟେଲିକମ୍‌ କମ୍ପାନୀ ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) ଏବଂ ମହାନଗର ଟେଲିକମ୍‌ ନିଗମ ଲିିମିଟେଡ(ଏମ୍‌ଟିଏନ୍‌ଏଲ୍‌)କୁ ମିଶାଇ ଦେବା ଲାଗି ଉଦ୍ୟମ...

ମୋଦି ୨.୦ର ପ୍ରଥମ ବଜେଟ; ନିର୍ମଳାଙ୍କ ସମ୍ମୁଖରେ ବିକାଶ ବୃଦ୍ଧିର ଆହ୍ବାନ

ନୂଆଦିଲ୍ଲୀ,୪-୭: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଶୁକ୍ରବାର ମୋଦି ସରକାରଙ୍କ ଦ୍ୱିତୀୟ କାର୍ଯ୍ୟକାଳର ପ୍ରଥମ ବଜେଟ ଉପସ୍ଥାପନ କରିବେ। ସେ ଏଭଳି ସମୟରେ ଦେଶର ଅର୍ଥମନ୍ତ୍ରୀ ପଦଭାର...

ଏୟାର ଇଣ୍ଡିଆ ମ୍ୟାନେଜମେଣ୍ଟକୁ ପାଇଲଟଙ୍କ ଚେତାବନୀ; ବକେୟା ଦରମା ଦିଅ ନଚେତ୍‌ ନୋଟିସ ପିରିୟଡ ପ୍ରତ୍ୟାହାର କର

ନୂଆଦିଲ୍ଲୀ,୧୮-୭: ଏୟାର ଇଣ୍ଡିଆ ପାଇଲଟଙ୍କ ପକ୍ଷରୁ ମ୍ୟାନେଜମେଣ୍ଟକୁ ସ୍ପଷ୍ଟ ଚେତାବନୀ ଦିଆଯାଇଛି। କମ୍ପାନୀ ତୁରନ୍ତ ସେମାନଙ୍କ ଦରମା ବାବଦରେ ବକେୟା ପ୍ରଦାନ କରୁ ନଚେତ୍‌ ଚାକିରି...

ଅନୀଲ ଅମ୍ବାନୀଙ୍କ ବିରୋଧରେ ୩ ଚାଇନା ବ୍ୟାଙ୍କର ମାମଲା

ନୂଆଦିଲ୍ଲୀ,୧୦-୧୧: ରିଲାଏନ୍ସ ପ୍ରମୋଟର ଅନୀଲ ଅମ୍ବାନୀଙ୍କ ବିରୋଧରେ ଚାଇନାର ୩ ବ୍ୟାଙ୍କ ଲଣ୍ଡନର ଏକ ନ୍ୟାୟାଳୟର ଦ୍ୱାରସ୍ଥ ହୋଇଛନ୍ତି। ଇଣ୍ଡଷ୍ଟ୍ର୍ରିଆଲ ଆଣ୍ଡ କମର୍ସିଆଲ ବ୍ୟାଙ୍କ ଅଫ୍‌...

କେନ୍ଦ୍ରକୁ ମିଳିବ ଅତିରିକ୍ତ ୩୦ ହଜାର କୋଟି ଟିକସ

ନୂଆଦିଲ୍ଲୀ,୮-୭: ସାଧାରଣ ବଜେଟରେ ଅତି ଧନୀଙ୍କ ବ୍ୟକ୍ତିଗତ ଆୟକର ଏବଂ ପେଟ୍ରୋଲ-ଡିଜେଲ ଉପରେ ଶୁଳ୍କ ବୃଦ୍ଧି ଯୋଗୁ ଚଳିତ ଆର୍ଥିକ ବର୍ଷ ୨୦୧୯-୨୦ରେ କେନ୍ଦ୍ର ସରକାରଙ୍କୁ...

Leave a comment

Your email address will not be published. Required fields are marked *