କାମ ଦେଲାନି ମୋଦି ମ୍ୟାଜିକ୍‌: ପରାଜୟର କାରଣ ଖୋଜୁଛି ଭାଜପା

ଢେଙ୍କାନାଳ ଅଫିସ, ୨୭।୫: ଢେଙ୍କାନାଳ ଲୋକ ସଭା ଆସନରେ ପୁଣି ବିଫଳ ହୋଇଛି ଭାଜପା। ବ୍ୟାପକ ପ୍ରଚାର ସତ୍ତ୍ୱେ ଦଳର ସବୁ ରଣନୀତି ଫେଲ୍‌ ମାରିଛି। ଲୋକ ସଭା ସମେତ ଜିଲାର ୪ ବିଧାନସଭା ଆସନ ପୁଣି ଥରେ ବିଜେଡି ଖାତାକୁ ଯିବା ପରେ ଦଳୀୟ ଶିବିରରେ ଖେଳିଯାଇଛି ନିରାଶା। ଏପରି ବିପର୍ଯ୍ୟୟ ପରେ ଦଳୀୟ କର୍ମୀଙ୍କ ମଧ୍ୟରେ ଆରମ୍ଭ ହୋଇଛି ମାନସମନ୍ଥନ ଏବଂ ଚାଲିଛି ବିଫଳତାର କାରଣ ଖୋଜା।
ଏହି ଆସନରୁ ଲଗାତର ୩ଥର ବିଜୟୀ ହୋଇଥିବା ବିଜେଡିର ଅତ୍ୟତମ ହେଭିଓ୍ବେଟ ନେତା ତଥାଗତ ସତପଥୀ ଚଳିତ ନିର୍ବାଚନରୁ ଦୂରେଇ ରହିବା ପରେ ଭାଜପା ପାଇଁ ଜିତିବାର ସୁଯୋଗ ସୃଷ୍ଟି ହୋଇଥିଲା। ଏ ନେଇ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଥିଲା ଦଳ। ଦଳୀୟ ପ୍ରାର୍ଥୀ ରୁଦ୍ରନାରାୟଣ ପାଣି ପ୍ରଚାର ମଇଦାନରେ ଚମକ ଦେଖାଇଥିଲେ। ମୋଦି ସରକାରଙ୍କ ସଫଳତା ବଖାଣି ଭୋଟରଙ୍କ ନିକଟତର ହେବାକୁ ଆପ୍ରାଣ ଉଦ୍ୟମ କରିଥିଲେ। କହିବାକୁ ଗଲେ ଏହି ସିଟ୍‌ ପାଇଁ ଦଳ ସମସ୍ତ ଶକ୍ତି ଖଟାଇଥିଲା। ତେବେ ଏଥିରେ ସଫଳତା ମିଳିପାରିନି। ବିଜୟ ତିଳକ ପିନ୍ଧିବାକୁ ଆଶାବାଦୀ ଦଳୀୟ ପ୍ରାର୍ଥୀ ରୁଦ୍ରନାରାୟଣ ପାଣିଙ୍କୁ ପୁଣିଥରେ ପରାଜୟର ସମ୍ମୁଖୀନ ହେବାକୁ ପଡ଼ିଛି। ବିଜେଡି ପ୍ରାର୍ଥୀ ମହେଶ ସାହୁଙ୍କଠାରୁ ସେ ୩୫,୪୧୨ ଭୋଟରେ ପରାସ୍ତ ହୋଇଛନ୍ତି। ମୋଟ ୧୧ଲକ୍ଷ ୨୦ହଜାର ୨୬୮ ଭୋଟ ମଧ୍ୟରୁ ମହେଶଙ୍କୁ ୫ଲକ୍ଷ ୨୨ ହଜାର ୮୮୪ ଏବଂ ରୁଦ୍ରନାରାୟଣଙ୍କୁ ୪ଲକ୍ଷ ୮୭ହଜାର ୪୭୨ ଖଣ୍ଡ ଭୋଟ ମିଳିଛି।
ପରଜଙ୍ଗ, ପାଲଲହଡ଼ା ନିର୍ବାଚନମଣ୍ଡଳୀରେ ରୁଦ୍ରନାରାୟଣ ଶାସକ ଦଳର ପ୍ରାର୍ଥୀଙ୍କଠାରୁ ଭଲ ପ୍ରଦର୍ଶନ କରିଥିଲେ। ଉଭୟ ଆସନରୁ ସେ ସର୍ବାଧିକ ଭୋଟ ମଧ୍ୟ ପାଇଥିଲେ। ୪,୮୬୦ ପୋଷ୍ଟାଲ ବାଲଟରୁ ମଧ୍ୟରୁ ୩,୪୯୪ ପଡ଼ିଥିଲା ରୁଦ୍ରନାରାୟଣଙ୍କ ଭାଗ୍ୟରେ। ହେଲେ ଅନ୍ୟ ୫ ନିର୍ବାଚନମଣ୍ଡଳୀର ଭୋଟରଙ୍କ ଦ୍ୱାରା ସେ ଗ୍ରହଣୀୟ ହୋଇପାରିନାହାନ୍ତି, ଯାହା ତାଙ୍କ ପରାଜୟର ପ୍ରମୁଖ କାରଣ ବୋଲି କୁହାଯାଉଛି। ଢେଙ୍କାନାଳ ଲୋକ ସଭା ଆସନ ଭାଜପା ପାଇଁ ସ୍ବପ୍ନ ହୋଇରହିଛି। ରୁଦ୍ରନାରାୟଣ ଦୀର୍ଘବର୍ଷ ଧରି ଏହି ଆସନ ହାତେଇବାକୁ କସରତ ଚଳାଇଛନ୍ତି। ଚଳିତ ନିର୍ବାଚନରେ ମୋଦି ମ୍ୟାଜିକ୍‌କୁ ପାଥେୟ କରି ସେ ବାଜିମାରିବେ ବୋଲି ଦମ୍ଭ ଦେଖାଇଥିଲେ। ହେଲେ ଏଥର ବି ଭାଗ୍ୟ ତାଙ୍କର ସାଥ୍‌ ଦେଇନି।
ସେହିପରି ଭାଜପା ପ୍ରାର୍ଥୀ କୃଷ୍ଣଚନ୍ଦ୍ର ପାତ୍ର ୨୦୦୦ ନିର୍ବାଚନରେ ଢେଙ୍କାନାଳ ବିଧାୟକ ଭାବେ ବିଜୟୀ ହୋଇଥିଲେ। ଏହାପରେ ସେ ଲଗାତର ଏଠାରୁ ପ୍ରାର୍ଥୀ ହୋଇ ଆସୁଥିଲେ ମଧ୍ୟ ସବୁଥର ତାଙ୍କୁ ପରାଜୟର ସ୍ବାଦ ଚାଖିବାକୁ ପଡ଼ିଛି। ଚଳିତ ଥର ତାଙ୍କୁ ମାତ୍‌ ଦେଇଛନ୍ତି ବିଜେଡି ପ୍ରାର୍ଥୀ ସୁଧୀର କୁମାର ସାମଲ।
ପରଜଙ୍ଗ ନିର୍ବାଚନମଣ୍ଡଳୀରେ ଚଳିତ ନିର୍ବାଚନରେ ଭାଜପା ସ୍ରୋତ ପ୍ରବାହିତ ହେଉଥିଲା। ଏହି ଆସନରୁ ପାରମ୍ପରିକ ପ୍ରତିଦ୍ୱନ୍ଦ୍ୱୀ ବିଜେଡିର ଡା. ନୃସିଂହ ଚରଣ ସାହୁ ଏବଂ ଭାଜପା ଜିଲା ସଭାପତି ବିଭୂତି ଭୂଷଣ ପ୍ରଧାନଙ୍କ ମଧ୍ୟରେ କଡ଼ା ଟକ୍କର ହୋଇଥିଲା। ତେବେ ୨୦୧୪ର ଫଳାଫଳ ଚଳିତ ନିର୍ବାଚନରେ ମଧ୍ୟ ପୁନରାବୃତ୍ତି ହୋଇଛି। ମାତ୍ର ୭୪୦ ଖଣ୍ଡ ଭୋଟରେ ବିଭୂତି ପରାଜୟବରଣ କରିଛନ୍ତି।
ହିନ୍ଦୋଳ ବିଧାନସଭା କ୍ଷେତ୍ରରେ ଚଳିତ ଥର ଭାଜପା ପ୍ରାର୍ଥୀ ବଦଳାଇଥିଲା। ପୂର୍ବତନ ମନ୍ତ୍ରୀ ସ୍ବର୍ଗତ ତ୍ରିନାଥ ନାଏକଙ୍କ ପୁତ୍ର ଅଶୋକ ନାଏକଙ୍କୁ ବିଶ୍ୱାସକୁ ନେଇଥିଲା ଦଳ। ଅଶୋକଙ୍କ ପାଇଁ ପୂର୍ବତନ ମନ୍ତ୍ରୀ ତଥା ତାଙ୍କ ଭଉଣୀ ଅଞ୍ଜଳି ବେହେରା ପ୍ରଚାର ମଙ୍ଗ ସମ୍ଭାଳିଥିଲେ। ତଥାପି ସେ ବିଜେଡି ପ୍ରାର୍ଥୀ ସୀମାରାଣୀ ନାୟକଙ୍କଠାରୁ ୧୮ ହଜାରରୁ ଊର୍ଦ୍ଧ୍ୱ ଭୋଟରେ ପରାଜିତ ହୋଇଛନ୍ତି।
ସେହିପରି କାମାକ୍ଷାନଗର ବିଧାନସଭା ଆସନରେ ଭାଜପା ପକ୍ଷରୁ ମଇଦାନକୁ ଓହ୍ଲାଇଥିଲେ ପୂର୍ବତନ ଭୁବନ ବ୍ଲକ ଅଧ୍ୟକ୍ଷ ଶତ୍ରୁଘ୍ନ ଜେନା। ହେଲେ ବିଜେଡିର ଅନ୍ୟତମ ହେଭିଓ୍ବେଟ ନେତା ତଥା ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକଙ୍କଠାରୁ ସେ ପରାସ୍ତ ହୋଇଛନ୍ତି। ନିର୍ବାଚନ ପୂର୍ବରୁ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ଷ୍ଟାର ପ୍ରଚାରକମାନେ ଦଳୀୟ ପ୍ରାର୍ଥଙ୍କ ପାଇଁ ମାରାଥନ୍‌ ପ୍ରଚାର କରିଥିଲେ। ହେଲେ ଏହା ଭୋଟରଙ୍କୁ ପ୍ରଭାବିତ କରିପାରି ନ ଥିବା ନିର୍ବାଚନ ଫଳାଫଳରୁ ସ୍ପଷ୍ଟ ହୋଇଛି।
ଏ ନେଇ ଜିଲା ଭାଜପା ସଭାପତି ବିଭୂତି କୁହନ୍ତି, ଜନାଦେଶକୁ ମୁଣ୍ଡପାତି ଗ୍ରହଣ କରିଛୁ। ବିଧାୟକ ପ୍ରାର୍ଥୀ ଅଧିକ ଭୋଟ ପାଇଥିଲେ ଦଳୀୟ ଏମ୍‌ପି ପ୍ରାର୍ଥୀ ସଫଳ ହୋଇଥାନ୍ତେ। ଫଳାଫଳକୁ ଅନୁଧ୍ୟାନ କରାଯାଉଥିବା ସେ କହିଛନ୍ତି।


All Right Reserved By

୮ମ ରାଉଣ୍ଡରେ ମୁକେଶ ପାଲ ଆଗରେ

ପାଲଲହଡ଼ା, ୨୩ା୫(ଡି.ଏନ.ଏ.)- ପାଲଲହଡ଼ା ବିଧାନସଭା ନିର୍ବାଚନମଣ୍ଡଳୀରେ ୮ମ ରାଉଣ୍ଡ ଶେଷ ସୁଦ୍ଧା ବିଜେଡିର ମୁକେଶ ପାଲ ମୋଟ୍‌ ୫୬୯୬ ଖଣ୍ଡ ଭୋଟରେ ଆଗୁଆ ଅଛନ୍ତି। ୮ମ...

ତାଳଚେରରେ ବ୍ରଜକିଶୋର ୨୩୦୯୩ ଭୋଟରେ ଆଗୁଆ

ତାଳଚେର, ୨୩ା୫(ନି.ପ୍ର.)- ତାଳଚେର ବିଧାନସଭା ନିର୍ବାଚନମଣ୍ଡଳୀରେ ୨୮ତମ ରାଉଣ୍ଡ ଶେଷ ସୁଦ୍ଧା ବିଜେଡିର ବ୍ରଜକିଶୋର ପ୍ରଧାନ ୨୩୦୯୩ ଖଣ୍ଡ ଭୋଟରେ ଆଗରେ ଅଛନ୍ତି। ଏହି ରାଉଣ୍ଡରେ...

କାମାକ୍ଷାନଗର: ୯ମ ରାଉଣ୍ଡ ଶେଷପ୍ରଫୁଲ୍ଲ ୪୭୭୧ ଭୋଟରେ ଆଗୁଆ

କାମାକ୍ଷାନଗର, ୨୩ା୫(ଡି.ଏନ୍‌.ଏ.)-କାମାକ୍ଷାନଗର ବିଧାନସଭା ନିର୍ବାଚନ ମଣ୍ଡଳୀରେ ୯ମ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ପ୍ରଫୁଲ୍ଲ କୁମାର ମଲ୍ଲିକ ଆଗୁଆ ରହିଛନ୍ତି। ତାଙ୍କ ଖାତାରେ ୨୦,୧୫୭ ଖଣ୍ଡ...

୮ରେ ମା’ ହିଙ୍ଗୁଳାଙ୍କ ରତ୍ନମୁଦ ଉତ୍ସବ:ଏକ ଲକ୍ଷ ଭକ୍ତଙ୍କ ହେବ ସମାଗମ

ତାଳଚେର,୨୯ା୬(ନି.ପ୍ର.) ଆଗାମୀ ଜୁଲାଇ ୮ ହେରା ପଞ୍ଚମୀ ଦିନ ତାଳଚେରର ଅଧିଷ୍ଠାତ୍ରୀ ଦେବୀ ମା’ ହିଙ୍ଗୁଳାଙ୍କ ନବନିର୍ମିତ ଭବ୍ୟ ମନ୍ଦିରର ରତ୍ନମୁଦ ଉତ୍ସବ ଅନୁଷ୍ଠିତ ହେବ।...

ଜଗନ୍ନାଥଙ୍କ ଦର୍ଶନ ଲାଗି ଶ୍ରଦ୍ଧାଳୁଙ୍କ ପୁରୀ ଯାତ୍ରା, ପାଦରେ ଚାଲି ଚାଲି ପହଞ୍ଚିବେ

ଭୁବନ,୨୮।୦୬(ଡି.ଏନ୍‌.ଏ.): ଢେଙ୍କାନାଳ ଜିଲା ଭୁବନ ଏନ୍‌ଏସିର ୬୦ ଜଣରୁ ଊର୍ଦ୍ଧ୍ୱ ଶ୍ରଦ୍ଧାଳୁ ଶୁକ୍ରବାର ପାଦରେ ଚାଲି ଜଗନ୍ନାଥଙ୍କ ଦର୍ଶନ କରିବା ନିମନ୍ତେ ପୁରୀ ଯାତ୍ରା କରିଛନ୍ତି।...

କ୍ଷୀର, ଦହି ବିକ୍ରିରେ ଚଳୁଛି ଘର

ଦୀର୍ଘ ୩୦ ବର୍ଷ ହେଲା କ୍ଷୀର, ଦହି ବେପାର କରୁଛନ୍ତି। ଏହା ହିଁ ତାଙ୍କର କୌଳିକ ବୃତ୍ତି। ଚାଟଶାଳୀରୁ ଅଧିକ ପାଠ ପଢ଼ି ନ ଥିବାରୁ...

ଦିନଟିଏ ପରେ ସାବିତ୍ରୀ : ଫଳ ଦୋକାନରେ ଅସମ୍ଭାଳ ଭିଡ଼

ଅନୁଗୋଳ ଅଫିସ, ୨।୬ – ଦିନଟିଏ ପରେ ସାବିତ୍ରୀ ଓଷା। ଆଗକୁ ମଧ୍ୟ ରଜ। ତେଣୁ ଅନୁଗୋଳ ସହରକୁ ଭଳିକି ଭଳି ଫଳ ଆସୁଥିବା ବେଳେ...

ଆଠମଲ୍ଲିକରେ ରମେଶ ସାଏ ୧୧୬୫୭ ଭୋଟରେ ଆଗରେ

ବଇଣ୍ଡା, ୨୩ା୫(ଡି.ଏନ.ଏ.)- ଆଠମଲ୍ଲିକ ବିଧାନସଭା ନିର୍ବାଚନମଣ୍ଡଳୀରେ ବିଜେଡି ପ୍ରାର୍ଥୀ ରମେଶ ଚନ୍ଦ୍ର ସାଏ ୧୦ ରାଉଣ୍ଡ ଶେଷସୁଦ୍ଧା ୧୧୬୫୭ ଖଣ୍ଡ ଭୋଟରେ ଆଗରେ ଅଛନ୍ତି। ରମେଶଚନ୍ଦ୍ର...

selfi corner

Model This Week

Why Dharitri

Leave a comment

Your email address will not be published. Required fields are marked *