ପୁଣି ଘାରିଲା ପୋଲିସର ପୁରୁଣା ଚୌକି ମୋହ : ନେତା, ବରିଷ୍ଠ ଅଧିକାରୀଙ୍କ ନିକଟରେ ଚାଲିଲାଣି ଲବି

ଭୁବନେଶ୍ୱର, ୨୭।୫(ବ୍ୟୁରୋ): ସାଧାରଣ ନିର୍ବାଚନ ପାଇଁ ଆଚରଣ ବିଧି ଲାଗୁହେବା ପୂର୍ବରୁ ରାଜଧାନୀରେ ଦୀର୍ଘଦିନ ଧରି ରହିଥିବା ଏକାଧିକ ପୋଲିସ ଅଧିକାରୀଙ୍କ ବଦଳି ହୋଇଥିଲା। ଅନେକଙ୍କୁ ଜିଲାପାର ବଦଳି କରାଯାଇଥିବାବେଳେ ଅଧିକାଂଶ ଏସିପି ଓ ଇନ୍ସପେକ୍ଟରଙ୍କୁ ଭୁବନେଶ୍ୱର ଓ କଟକ ମଧ୍ୟରେ ହିଁ ରଖାଯାଇଥିଲା। କଟକକୁ ବଦଳି ହୋଇଥିବା ଏକାଧିକ ପୋଲିସ ଅଫିସର ରାଜଧାନୀରେ ସ୍ଥାୟୀ ଘର କରି ରହିଯାଇଥିବାରୁ ସେମାନେ ସ୍ଥାନନ୍ତର ପାଇଁ ଇଛୁକ ନ ଥିଲେ। ବାଧ୍ୟ ବାଧକତାରେ ବଦଳି ହୋଇଥିଲେ। ଏପରିକି ନିର୍ବାଚନ ପରେ ପୁଣି ପୂର୍ବ ସ୍ଥାନକୁ ଫେରାଇ ଅଣାଯିବା ଆଶା ଦିଆଯାଇଥିଲା। ତେଣୁ ସେମାନେ କଟକ କିମ୍ବା ଆଖପାଖ ଥାନାରେ ଯୋଗଦେଇଥିଲେ ମଧ୍ୟ ରାଜଧାନୀରେ ରହି ଯିବାଆସିବା କରୁଛନ୍ତି। ଏବେ ପୁଣି ପୁରୁଣା ଚୌକି ମୋହନ ସେମାନଙ୍କୁ ଘାରିବାରେ ଲାଗିଛି। ରବିବାର ଭାରତର ନିର୍ବାଚନ କମିଶନ ଆଚରଣ ବିଧି ଉଠାଇ ଦେଇଥିବାରୁ ସେମାନେ ଏବେ ଖୁସିଥିବା ଦେଖିବାକୁ ମିଳିଛି। ତେଣୁ ସେମାନେ ପୁଣି ବାହୁଡ଼ିବାକୁ ନେତା ଓ ବରିଷ୍ଠ ପୋଲିସ ଅଫିସରଙ୍କ ନିକଟରେ ଲବି ଆରମ୍ଭ କଲେଣି। ନବନିର୍ବାଚିତ ପ୍ରମୁଖ ନେତାଙ୍କୁ ସ୍ବାଗତ ବାହାନାରେ ବଦଳି ନେଇ ଆଲୋଚନା କରୁଛନ୍ତି। ଭୁବନେଶ୍ୱରର ଭଲ ଥାନାରେ ରହିବାକୁ ଅର୍ଥ ଖର୍ଚ୍ଚ କରିବାକୁ ମଧ୍ୟ ପ୍ରସ୍ତୁତ ହେଉଥିବା ଜଣାପଡିଛି।
ବିଶ୍ୱସ୍ତ ସୂତ୍ରରୁ ମିିଳିଥିବା ଖବର ଅନୁସାରେ, ଆସନ୍ତା ଜୁନ୍‌ରେ ପୋଲିସ ବିଭାଗରେ ଏକ ବଡ଼ ଧରଣର ଅଦଳ ବଦଳ ହୋଇପାରେ। ଏହି ସମୟରେ ରାଜଧାନୀରୁ ଅନ୍ୟତ୍ର ଯାଇଥିବା ପୋଲିସ ବାବୁମାନେ ପୁଣି ପ୍ରତ୍ୟାବର୍ତ୍ତନ କରିବାର ଯଥେଷ୍ଟ ସମ୍ଭାବନା ରହିଛି। ମାତ୍ର ନୂଆକରି ରାଜଧାନୀରେ ୩ମାସ ହେବ ରହିଥିବା ପୋଲିସମାନେ ଏହାକୁ ନେଇ ଅସନ୍ତୋଷବ୍ୟକ୍ତ କରିଛନ୍ତି। ଜଣେ ପୋଲିସ ଅଫିସର ନାମ ଗୋପନ ରଖି କହିଛନ୍ତି, ଆମକୁ କ’ଣ ନିର୍ବାଚନ ପାଇଁ ଭଡାଟିଆ ଭାବେ ରାଜଧାନୀକୁ ଆଣିଥିଲେ। ଯଦି ଏଭଳି କରାଯାଏ ତେବେ ଠିକ୍‌ ହେବନି। ଏନେଇ ଆମେ ସଂଘର ଦ୍ୱାରସ୍ଥ ହେବୁ। ଆବଶ୍ୟକ ପଡିଲେ ଡିଜିପିଙ୍କୁ ଭେଟି ଏନେଇ ପ୍ରତିବାଦ କରିବୁ। ନିୟମ ଅନୁଯାୟୀ ଆମେ ରାଜଧାନୀରେ ଅନ୍ତତଃ ୩ବର୍ଷ ରହିବୁ ବୋଲି ସେ କହିଛନ୍ତି।
ଗତ ଫେବୃୟାରୀ ୨ରେ ପୋଲିସ ବିଭାଗରେ ବଡ଼ ଧରଣର ବଦଳି ହୋଇଥିଲା। ଭୁବନେଶ୍ୱର ଜୋନ୍‌-୧ ଏସିପି ଅସୀମ କୁମାର ପଣ୍ଡାଙ୍କୁ କମିଶନରେଟ ପୋଲିସ ମୁଖ୍ୟାଳୟ ଓ ଜୋନ୍‌-୬ ଏସିପି ରବିନାରାୟଣ ଶତପଥୀଙ୍କୁ ଜୁଡିସିଆଲ ଏସିପିଭାବେ ପ୍ରଥମେ ବଦଳି କରାଯାଇଥିଲା। ମାତ୍ର ଜିଲାପାର ବଦଳି କରାଯାଇ ନ ଥିଲା। ସେହିଭଳି ଟ୍ରାଫିକ ଏସିପି ଅନୁପ କାନୁନ୍‌ଗୋଙ୍କର ମଧ୍ୟ ବଦଳି ହୋଇ ନ ଥିଲା। ଏନେଇ ଧରିତ୍ରୀରେ ଖବର ପ୍ରକାଶ ପାଇବା ପରେ ରାଜ୍ୟ ନିର୍ବାଚନ ଅଧିକାରୀଙ୍କ ନିର୍ଦ୍ଦେଶ ଅନୁସାରେ ପୋଲିସ ଡିଜି ସେମାନଙ୍କୁ ଅନ୍ୟତ୍ର ବଦଳି କରିଥିଲେ। ସେହିଭଳି କ୍ୟାପିଟାଲ ଥାନା ଦାୟିତ୍ୱରେ ଥିବା ମାନସ ଗଡ଼ନାୟକଙ୍କୁ କଟକ ଜୋନ୍‌-୧କୁ ଓ ଭୁବନେଶ୍ୱର ଜୋନ୍‌-୫ରେ ଥିବା କିଶୋର ଚନ୍ଦ୍ର ମୁଣ୍ଡଙ୍କୁ ପୁରୀ ଏସ୍‌ଡିପିଓ ଭାବେ ବଦଳି କରାଯାଇଥିଲା। ମଞ୍ଚେଶ୍ୱର ଥାନା ଅଧିକାରୀ ଥିବା କେ.ପି. ମିଶ୍ରଙ୍କୁ ଜଗତସିଂପୁର, କ୍ୟାପିଟାଲ ଥାନାର ଅତିରିକ୍ତ ଥାନା ଅଧିକାରୀ ସନ୍ଧ୍ୟାରାଣୀ ସିଂକୁ କଟକ ଆଇୟୁସିଏଡବ୍ଲ୍ୟୁ, ମହିଳା ଥାନା ଅଧିକାରୀ ଥିବା ଇମନ କଲ୍ୟାଣୀ ନାୟକଙ୍କୁ କଟକ କ୍ୟାଣ୍ଟରନମେଣ୍ଟ ଥାନା, ନନ୍ଦନକାନନ ଥାନା ଅଧିକାରୀ ରବୀନ୍ଦ୍ର ମେହେରଙ୍କୁ କଟକ ମର୍କତନଗର ଥାନା ଅଧିକାରୀ, ଖଣ୍ଡଗିରି ଥାନା ଅଧିକାରୀ ଥିବା ହିମାଂଶୁ ଭୂଷଣ ସ୍ବାଇଁଙ୍କୁ ବାଦାମବାଡି ଥାନା ଅଧିକାରୀ ରୂପେ ବଦଳି କରାଯାଇଥିଲା। ବାଲିପାଟଣା ଥାନା ଅଧିକାରୀ ଆକାଶ ରଣାଙ୍କୁ ନଖରା ଟ୍ରାଫିକ୍‌ ଥାନା, ଶହୀଦନଗର ଥାନା ଅଧିକାରୀ ଥିବା ପଦ୍ମନାଭ ପ୍ରଧାନଙ୍କୁ ଚୌଦ୍ୱାର ଥାନା, ଇନ୍‌ଫୋସିଟି ଥାନା ଅଧିକାରୀ ବିଜୟିନୀ ସିଂଙ୍କୁ କଟକ ସିଡିଏ ଫେଜ୍‌-୨ ଥାନା, ଚନ୍ଦ୍ରଶେଖରପୁର ଥାନା ଅଧିକାରୀ ଦୀପକ ମିଶ୍ରଙ୍କୁ କଟକ ଚାଉଳିଆଗଞ୍ଜ ଥାନା, ଭୁବନେଶ୍ୱର ଟ୍ରାଫିକ ଥାନା ଅଧିକାରୀ ଥିବା ସୁରେନ୍ଦ୍ର କୁମାର ବଳଙ୍କୁ କଟକ ଟ୍ରାଫିକ ଥାନା, ଭୁବନେଶ୍ୱର ଡିସିପି ଅଫିସରେ ଥିବା ଏସିପି ଜତିନ କୁମାର ପଣ୍ଡାଙ୍କୁ କଟକ ଟ୍ରାଫିକ ଏସିପି ଭାବେ ବଦଳି କରାଯାଇଥିଲା। ସେହିପରି ଭୁବନେଶ୍ୱର ସ୍ପେଶାଲ ସ୍କ୍ବାଡ୍‌ ଏସିପି ସଞ୍ଜିବ ଶତପଥୀଙ୍କୁ କଟକ ସ୍ପେଶାଲ ସ୍କ୍ବାଡ୍‌କୁ ଓ ଦେବୀଶଙ୍କର ପ୍ରତାପଙ୍କ ସମେତ ଅନ୍ୟ କେତେଜଣ ଅଫିସରଙ୍କୁ ଅନ୍ୟତ୍ର ବଦଳି କରାଯାଇଥିଲା। ହେଲେ ଏବେ କେତେଜଣ ଭୁବନେଶ୍ୱର ଫେରିଲେ ଏଠାରେ ଦାୟିତ୍ୱ ସମ୍ଭାଳୁଥିବା ଅଫିସରମାନଙ୍କୁ ପୁଣି ବାହାରକୁ ବିଦା ହେବାକୁ ପଡିବ। ଯେଉଁଥିପାଇଁ ଏବେ ପୋଲିସ ବିଭାଗରେ ଅସନ୍ତୋଷ ଦେଖିବାକୁ ମିଳୁଛି।
ଏନେଇ ପୋଲିସ କମିଶନର ସତ୍ୟଜିତ ମହାନ୍ତି କହିଛନ୍ତି, ଏ ବିଷୟରେ ମୋର କିିଛି କରିବାର ନାହିଁ। ବଦଳି ଦାୟିତ୍ୱ ଡିଜିପି ଅଫିସ୍‌ରେ କରାଯିବ। ଅନ୍ୟତ୍ର ବଦଳି ହୋଇଥିବା ଅଫିସରମାନେ ରାଜଧାନୀକୁ ଆସିବେ ନା ସେଠାରେ ରହିବେ ତାହା ଡିଜିପିଙ୍କ ନିଷ୍ପତ୍ତି।


All Right Reserved By

ଭୁବନେଶ୍ୱରରୁ ନୟାଗଡ଼କୁ ଗଡ଼ିଲା ସେବା ଏକ୍ସପ୍ରେସ, ରେଳମନ୍ତ୍ରୀ କଲେ ଉଦ୍‌ଘାଟନ

ଭୁବନେଶ୍ୱର,୧୫।୧୦(ବ୍ୟୁରୋ): ଭୁବନେଶ୍ୱରରୁ ନୟାଗଡ଼କୁ ଗଡ଼ିଲା ସେବା ଏକ୍ସପ୍ରେସ। ରେଳମନ୍ତ୍ରୀ ପୀୟୁଷ ଗୋଏଲ ଦିଲ୍ଲୀରୁ ଭିଡିଓ କନ୍‌ଫରେନ୍ସିଂ ଯୋଗେ ମଙ୍ଗଳବାର ଏହାକୁ ଉଦ୍‌ଘାଟନ କରିଛନ୍ତି। ଏହି କାର୍ଯ୍ୟକ୍ରମରେ...

ଜନ୍ମବେଦୀରେ ଦର୍ଶନ ଦେଲେ ଦାରୁଦିଅଁ : ମିଳିଲା ଆଡ଼ପ ଅବଢା, ରବିବାର ମହାପ୍ରଭୁଙ୍କ ବନକ ଲାଗି

ପୁରୀ ଅଫିସ, ୬ା୭: ଜନ୍ମବେଦୀରେ ଦର୍ଶନ ଦେଲେ ଦାରୁଦିଅଁ। ଶ୍ରୀଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ଶନିବାର ଲକ୍ଷାଧିକ ଶ୍ରଦ୍ଧାଳୁ ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରିଛନ୍ତି। ବର୍ଷା ଏବଂ...

ଘଡଘଡି ସହ ବର୍ଷା ସମ୍ଭାବନା, ୧୧ ଜିଲାକୁ ସତର୍କ ସୂଚନା ଦେଲା ପାଣିପାଗ ବିଭାଗ

ଭୁବନେଶ୍ୱର,୨।୯(ବ୍ୟୁରୋ): ରାଜ୍ୟର କିଛି ଜିଲାରେ ସୋମବାର ଘଡିଘଡି ସହ ବର୍ଷା ହେବାର ସମ୍ଭାବନା ରହିଛି। ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ୧୧ଟି ଜିଲା ପାଇଁ...

ଓଡ଼ିଶା ସିଆର୍‌ପିଏଫ୍‌ ମହାନିରୀକ୍ଷକଙ୍କ ଦାୟିତ୍ୱ ଗ୍ରହଣ

ଭୁବନେଶ୍ୱର, ୧୯ା୧୦(ବ୍ୟୁରୋ): କେନ୍ଦ୍ରୀୟ ରିଜର୍ଭ ପୋଲିସ ବଳ (ସିଆର୍‌ପିଏଫ୍‌) ଓଡିଶା ସେକ୍ଟର ଭୁବନେଶ୍ୱରସ୍ଥିତ ମୁଖ୍ୟ କାର୍ଯ୍ୟାଳୟରେ ନୂଆ ପୋଲିସ ମହାନିରୀକ୍ଷକ ଭାବେ ସଂଗ୍ରାମ କେଶରୀ ମହାନ୍ତି...

ସାମାଜିକ କର୍ମୀଙ୍କୁ ହେଲ୍‌ମେଟରେ ପିଟି ଖସିଗଲେ ଲୁଟେରା: ଚୋରି ବାଇକ, ଲୁଟ୍‌ ଭ୍ୟାନିଟି ପୋଲିସ ଜିମା

ଭୁବନେଶ୍ୱର, ୨୫ ।୪(ବ୍ୟୁରୋ)- ରାଜଧାନୀରେ ନିର୍ବାଚନକୁ ନେଇ ପୋଲିସ ମଙ୍ଗଳବାର ବ୍ୟସ୍ତଥିବାବେଳେ ଏପଟେ ରାସ୍ତା ଓ ବଜାରରେ ମାତିଥିଲେ ଲୁଟେରା। ତେବେ ଲୁଟେରା ଜଣକ ଏକ ଦମ୍ପତିଙ୍କଠାରୁ...

ଦୁଇଦିନ ପ୍ରବଳ ବର୍ଷା : ଲଘୁଚାପ ରୂପ ନେବ ଘୂର୍ଣ୍ଣିବଳୟ, ମତ୍ସ୍ୟଜୀବୀଙ୍କୁ ସମୁଦ୍ର ମନା

ଭୁବନେଶ୍ୱର, ୧୨ା୮(ବ୍ୟୁରୋ) : ଉତ୍ତର-ପଶ୍ଚିମ ବଙ୍ଗୋପସାଗରରେ ପୁଣି ସୃଷ୍ଟି ହୋଇଛି ଘୂର୍ଣ୍ଣିବଳୟ। ସୋମବାର ସକାଳେ ଏହା ଲଘୁଚାପର ରୂପ ନେବ। ପ୍ରଭାବରେ ରବିବାରଠାରୁ ରାଜ୍ୟର ବିଭିନ୍ନ...

ମୁଖ୍ୟମନ୍ତ୍ରୀଙ୍କ ଦ୍ୱାରା ୨୨ ପ୍ରକଳ୍ପ ଉଦ୍‌ଘାଟିତ: ‘ପୁଞ୍ଜିନିବେଶରେ ଶୀର୍ଷ ୩ କ୍ଷେତ୍ରରେ ସ୍ଥାନ ପାଇବ ଓଡ଼ିଶା’

ଭୁବନେଶ୍ୱର, ୮ା୮(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ୨୨ ନୂତନ ପ୍ରକଳ୍ପର ଶୁଭାରମ୍ଭ କରିଛନ୍ତି। ସଚିବାଳୟରୁ ମେକ୍‌ ଇନ୍‌ ଓଡ଼ିଶା କାର୍ଯ୍ୟକ୍ରମ ଜରିଆରେ ମୁଖ୍ୟମନ୍ତ୍ରୀ ୧୦ଟି...

ସବୁଠୁ ବଳିଗଲା ସ୍ମାର୍ଟ ଜନପଥର ଦୃଶ୍ୟ

ଭୁବନେଶ୍ୱର,୨୪।୮ (ବ୍ୟୁରୋ): ଭୁବନେଶ୍ୱର ସ୍ମାର୍ଟସିଟି ଲିମିଟେଡ଼ (ବିଏସ୍‌ସିଏଲ) ପକ୍ଷରୁ ଜନପଥକୁ ସ୍ମାର୍ଟ କରିବା ଲାଗି ପ୍ରଚେଷ୍ଟା ଚାଲିଛି। ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ବିଭିନ୍ନ ପ୍ଲାନିଂ...

selfi corner

Model This Week

Why Dharitri

Leave a comment

Your email address will not be published. Required fields are marked *