୧୦ ହଜାର କର୍ମଚାରୀ ଛଟେଇ କରିବ ଇନ୍‌ଫୋସିସ୍‌

ନୂଆଦିଲ୍ଲୀ,୬-୧୧: ଦେଶରେ ମାନ୍ଦାବସ୍ଥା ଚାଲିଥିବା ବେଳେ କଗ୍‌ନିଜାଣ୍ଟ ପରେ ପ୍ରମୁଖ ଆଇଟି କମ୍ପାନୀ ଇନ୍‌ଫୋସିସ୍‌ରେ କର୍ମଚାରୀ ଛଟେଇ ନେଇ ମଙ୍ଗଳବାର ଜଣାପଡିଛି। କମ୍ପାନୀ ଏହାର ମଧ୍ୟମ ଏବଂ ବରିଷ୍ଠ ସ୍ତରର ପ୍ରାୟ ୧୦ ହଜାର କର୍ମଚାରୀଙ୍କୁ ଛଟେଇ କରିବା ନେଇ ଏକ ଖବର ଗଣମାଧ୍ୟମରେ ପ୍ରକାଶ ପାଇଛି। କର୍ମଚାରୀଙ୍କ ବାବଦକୁ ହେଉଥିବା ଖର୍ଚ୍ଚକାଟ ଏବଂ କମ୍ପାନୀର ପୁନର୍ଗଠନ ଦିଗରେ ଏଭଳି ପଦକ୍ଷେପ ଇନ୍‌ଫୋସିସ୍‌ ଗ୍ରହଣ କରୁଥିବା ଶୁଣାଯାଉଛି। ବାଙ୍ଗାଲୋର ଭିତ୍ତିକ ଏହି କମ୍ପାନୀ ସିନିୟର ମ୍ୟାନେଜର ସ୍ତରର ଜଏଲ୍‌-୬ ବ୍ୟାଣ୍ଡ(ଜବ୍‌ ଲେଭଲ-୬) ୧୦% ବା ପ୍ରାୟ ୨,୨୦୦ କର୍ମଚାରୀଙ୍କୁ ଛଟେଇ କରିବ ବୋଲି ସୂଚନା ରହିଛି। ଜବ୍‌ ଲେଭଲ୍‌ ୬,୭ ଏବଂ ୮ ବର୍ଗରେ କମ୍ପାନୀ ନିକଟରେ ମୋଟ୍‌ ୩୦,୦୯୨ କର୍ମଚାରୀ କାର୍ଯ୍ୟ କରୁଛନ୍ତି।
ଏହାବାଦ ଆସୋସିଏଟ୍‌(ଜବ୍‌ ଲେଭଲ୍‌-୩) ବର୍ଗରେ ପ୍ରାୟ ୨ରୁ ୫% ଶ୍ରମ ଶକ୍ତି କାଟ କରିବାର ଯୋଜନା ରହିଥିବା କମ୍ପାନୀ ସୂତ୍ରରୁ ଖବର ଆସିଥିବା ପ୍ରମୁଖ ଗଣମାଧ୍ୟମ ସଂସ୍ଥା ଏହାର ରିପୋର୍ଟରେ ଉଲ୍ଲେଖ କରିଛି। ଏହି ବର୍ଗରେ ମୋଟ ଛଟେଇ ହେବାକୁ ଥିବା କର୍ମଚାରୀଙ୍କ ସଂଖ୍ୟା ପ୍ରାୟ ୪ରୁ ୧୦ ହଜାର ଛୁଇଁପାରେ। ଇନ୍‌ଫୋସିସ୍‌ରେ ଆସୋସିଏଟ୍‌ ଏବଂ ମଧ୍ୟମ ବ୍ୟାଣ୍ଡରେ ଯଥାକ୍ରମେ ୮୬,୫୫୮ ଏବଂ ୧.୧ ଲକ୍ଷ କର୍ମଚାରୀ କାମ କରୁଥିବା ଜଣାପଡିଛି। ଏହା ବାଦ ଆସଷ୍ଟାଣ୍ଟ ଭାଇସ ପ୍ରେସିଡେଣ୍ଟ, ଭାଇସ ପ୍ରେସିଡେଣ୍ଟ, ସିନିୟର ଭାଇସ ପ୍ରେସିଡେଣ୍ଟ, ଏକଜିକ୍ୟୁଟିଭ ଭାଇସ ପ୍ରେସିଡେଣ୍ଟଙ୍କ ଭଳି ବରିଷ୍ଠ ବର୍ଗରେ ୨-୫% ବା ୯୭୧ ଏକ୍‌ଜିକ୍ୟୁଟିଭ୍‌ଙ୍କୁ କାର୍ଯ୍ୟରୁ ଅନ୍ତର ହେବାକୁ କମ୍ପାନୀ କହିପାରେ। ଏହାବାଦ ତାଲିକାରେ ପ୍ରାୟ ୫୦ ଏକ୍‌ଜିକ୍ୟୁଟିଭ ରହିଥିବା ରିପୋର୍ଟରେ ପ୍ରକାଶ ପାଇଛି। ଏକ ଭଲ ପର୍‌ଫରମାନ୍ସ କରୁଥିବା ଅନୁଷ୍ଠାନରେ ବିଭିନ୍ନ ପ୍ରସଙ୍ଗରେ କିଛି କର୍ମଚାରୀଙ୍କ ହ୍ରାସ ଭଳି ନିଷ୍ପତ୍ତିକୁ ସାମୁହିକ ଛଟେଇ କୁହାଯାଇ ପାରିବ ନାହିଁ ବୋଲି ଇନ୍‌ଫୋସିସ୍‌ ଗଣମାଧ୍ୟମକୁ ଏହାର ପ୍ରତିକ୍ରିୟାରେ କହିଛି। ଏଭଳି ଛଟେଇ ପୂର୍ବରୁ କେବେ ହୋଇ ନ ଥିବା କମ୍ପାନୀ ପକ୍ଷରୁ ଜଣେ ଅଧିକାରୀ କହିଛନ୍ତି। କମ୍ପାନୀ ପୂର୍ବରୁ କିଛି କର୍ମଚାରୀଙ୍କୁ ପର୍‌ଫର୍‌ମାନ୍ସ ଭିତ୍ତିରେ ଛଟେଇ କରିଛି। ମାତ୍ର ବର୍ତ୍ତମାନର ପ୍ରସଙ୍ଗ ଭିନ୍ନ ରହିଛି। ଏବେ କର୍ମଚାରୀଙ୍କ ସଂଖ୍ୟା ଅଧିକ ରହିଥିବା ଅଧିକାରୀ ଜଣକ କହିଛନ୍ତି।

କମ୍ପାନୀଙ୍କ କୌଶଳରେ ପରିବର୍ତ୍ତନ
ଏବେ ସମୟ ସହ କମ୍ପାନୀଗୁଡିକ ସେମାନଙ୍କ ପରିଚାଳନା ଶୈଳୀ ବା କୌଶଳ ବଦଳାଉଥିବା ଦେଖାଯାଉଛି। କମ୍ପାନୀ ସେମାନଙ୍କ ସ୍ଥିତିକୁ ଦେଖି ବେଲ୍‌ଟ ଟାଇଟ କରୁଥିବା ବଜାର ବିଶେଷଜ୍ଞ କହୁଛନ୍ତି। ପାରମ୍ପରିକ ସର୍ପୋଟ ସର୍ଭିସ ଲାଗି ସ୍ବଳ୍ପ ସଂଖ୍ୟକ କର୍ମଚାରୀ ରଖିବାକୁ କମ୍ପାନୀ ମନ ବଳାଉଛନ୍ତି। ଗ୍ରାହକଙ୍କ ପରିବର୍ତ୍ତିତ ଆବଶ୍ୟକତା ଆଧାରରେ ସର୍ବୋତ୍ତମ କୌଶଳ, ଅତ୍ୟାଧୁନିକ ଅଟୋମେଶନ ଭଳି ଅନ୍ୟ ଯୋଜନା ଉପରେ କମ୍ପାନୀ ଧ୍ୟାନ କେନ୍ଦ୍ରିତ କରୁଥିବା ଆମେରିକା ଭିତ୍ତିକ ଏଚ୍‌ଏଫ୍‌ଏସ୍‌ ରିସର୍ଚ୍ଚର ସିଇଓ ଫିଲ୍‌ ଫର୍ସଥ କହିଛନ୍ତି।

ଛଟେଇ ଯୋଜନା ରଖିଛନ୍ତି କ୍ୟାପଜେମିନି, କଗ୍‌ନିଜାଣ୍ଟ
ଗ୍ଲୋବାଲ ଆଇଟି କମ୍ପାନୀ କ୍ୟାପ୍‌ଜେମିନି ମଧ୍ୟ ଛଟେଇ ଯୋଜନା ରଖିଛି। କମ୍ପାନୀ ଏହାର ମୋଟ ଶ୍ରମଶକ୍ତିରୁ ୫୦୦ କର୍ମଚାରୀଙ୍କୁ ବାଦ ଦେବ ବୋଲି ଆଶଙ୍କା କରାଯାଉଛି। ବର୍ତ୍ତମାନ ଏହି କମ୍ପାନୀର ଭାରତରେ ୧.୮ ଲକ୍ଷ କର୍ମଚାରୀ ରହିଛନ୍ତି। ସାରା ବିଶ୍ୱର ଥିବା ମୋଟ କର୍ମଚାରୀଙ୍କର ଏହା ପ୍ରାୟ ଅଧା। ସେହିଭଳି ଅନ୍ୟ ଏକ ପ୍ରମୁଖ ଆଟି କମ୍ପାନୀ କଗ୍‌ନିଜାଣ୍ଟ ଆଗାମୀ ତ୍ରୈମାସଗୁଡିକରେ ପ୍ରାୟ ୭୦୦ କର୍ମଚାରୀଙ୍କୁ ଛଟେଈ କରିବା ନେଇ ନିକଟରେ ଏକ ଖବର ଆସିଥିଲା। କମ୍ପାନୀ ଏହାର କଣ୍ଟେଣ୍ଟ ମଡେରେଶନ ବିଜ୍‌ନେସ ବାଦ ଦେବାକୁ ଥିବା ବେଳେ ଏଥିରୁ ପ୍ରାୟ ୬,୦୦୦ କର୍ମଚାରୀ ଛଟେଇ ହେବେ ବୋଲି ଜଣାପଡିଛି।


All Right Reserved By Dharitri.Com

ନିବେଶକଙ୍କୁ ୧୪.୨୨ ଲକ୍ଷ କୋଟି କ୍ଷତି

  ନୂଆଦିଲ୍ଲୀ,୨୪-୩: କରୋନା ପ୍ରଭାବରେ ଭାରତୀୟ ପୁଞ୍ଜି ବଜାର କାରବାର ଲଗାତାର ଭାବେ ଖସୁଥିବା ବେଳେ ସୋମବାର ବମ୍ବେ ଷ୍ଟକ ଏକ୍ସଚେଞ୍ଜରେ ନିବେଶକଙ୍କୁ ରେକର୍ଡ ସ୍ତର...

ଆଜିଠାରୁ ୪ ଦିନ ବନ୍ଦ ରହିବ ବ୍ୟାଙ୍କ

ଭୁବନେଶ୍ୱର,୩୦-୧: ଗୁରୁବାରଠାରୁ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୪ ଦିନ ବନ୍ଦ ରହିବ। ଗୁରୁବାର ସରସ୍ବତୀ ପୂଜା ଯୋଗୁ ବ୍ୟାଙ୍କ ଛୁଟି ରହିବ। ସେହିଭଳି ଶୁକ୍ରବାର ଏବଂ ଶନିବାର...

ରାଷ୍ଟ୍ରାୟତ୍ତ ଉଦ୍ୟୋଗ ମହଙ୍ଗା ଭତ୍ତା ୧୪୬.୧୮%

ଭୁବନେଶ୍ୱର,୧।୬(ବ୍ୟୁରୋ) : ଦେଶର ଶିଳ୍ପ ଶ୍ରମିକଙ୍କ ଲାଗି ଉଦ୍ଦିଷ୍ଟ ହାରାହାରି ଖାଉଟି ମୂଲ୍ୟ ସୂଚୀ ମାର୍ଚ୍ଚରେ ୩୦୯ ପଏଣ୍ଟ ଥିଲା। ଏହା ଏପ୍ରିଲରେ ୩ ପଏଣ୍ଟ...

୪ ଦିନ ବନ୍ଦ ରହିବ ବ୍ୟାଙ୍କ

ନୂଆଦିଲ୍ଲୀ,୧୮-୩: ଆସନ୍ତା ସପ୍ତାହରେ ଦେଶର ବିଭିନ୍ନ ପ୍ରାନ୍ତରେ ବ୍ୟାଙ୍କଗୁଡିକ ୪ ଦିନ ରହିବ। ବ୍ୟାଙ୍କ ଧର୍ମଘଟ ଏବଂ ଛୁଟିଯୋଗୁ ଏହି ସମୟରେ ବ୍ୟାଙ୍କ ମୋଟ ୩...

ଏସାର ଷ୍ଟିଲର ଅଧିଗ୍ରହଣ ପ୍ରକ୍ରିୟା ସମ୍ପୂର୍ଣ୍ଣ

ନୂଆଦିଲ୍ଲୀ,୧୭-୧୨: ଏସାର ଷ୍ଟିଲର ଅଧିଗ୍ରହଣ ପ୍ରକ୍ରିୟା ସୋମବାର ସମ୍ପୂର୍ଣ୍ଣ ହୋଇଛି। ୪୨ ହଜାର କୋଟି ଟଙ୍କାର ଏହି ଡିଲ୍‌କୁ ମିଳିତ ଭାବେ ଆର୍ସେଲର ମିତ୍ତଲ ଏବଂ...

ଖାଉଟି ସୁରକ୍ଷା ବିଲ୍‌ ପାର୍ଲାମେଣ୍ଟରେ ଅନୁମୋଦିତ

ନୂଆଦିଲ୍ଲୀ,୭-୮: ବହୁ ପ୍ରତୀକ୍ଷିତ ଖାଉଟି ସୁରକ୍ଷା ବିଲ୍‌ ୨୦୧୯ ମଙ୍ଗଳବାର ପାର୍ଲାମେଣ୍ଟରେ ଅନୁମୋଦନ ଲାଭ କରିଛି। ନିର୍ଦ୍ଧାରିତ ସମୟ ମଧ୍ୟରେ ଫଳପ୍ରଦ ପ୍ରଶାସନିକ ପଦକ୍ଷେପ ଜରିଆରେ...

ହୋଣ୍ଡା ଟୁହ୍ବିଲର୍ସ ପକ୍ଷରୁ ସଡକ ସୁରକ୍ଷା ସମରକ୍ୟାମ୍ପ

ନୂଆଦିଲ୍ଲୀ,୨୯-୬ – ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ ଲିମିଟେଡ ପକ୍ଷରୁ ସ୍ଥାନୀୟ ଟ୍ରାଫିକ ଟ୍ରେନିଂ ପାର୍କଠାରେ ପିଲାମାନଙ୍କ ଲାଗି ନେଇ ଏକ ସଡକ...

ପୁନରୁଦ୍ଧାର କାର୍ଯ୍ୟରେ ଏନ୍‌ଟିପିସି

ଭୁବନେଶ୍ୱର,୧୨-୫ : ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟରେ ନ୍ୟାଶନାଲ ଥର୍ମାଲ ପାଓ୍ବାର କର୍ପୋରେଶନ(ଏନ୍‌ଟିପିସି) ପକ୍ଷରୁ ୫୦୦ କୁଶଳୀ ଶ୍ରମିକ ନିୟୋଜିତ ହୋଇଛନ୍ତି। ପ୍ରମୁଖ ସ୍ଥାନରେ ବିଜୁଳି...

Leave a comment

Your email address will not be published. Required fields are marked *