ମୌସୁମୀ ପୂର୍ବରୁ ସଫା ହେବ ସମସ୍ତ ଡ୍ରେନ୍‌ : ୨୩୦ ଶ୍ରମିକ ନିୟୋଜିତ, ୬୭ ଓ୍ବାର୍ଡରେ ବିଏମ୍‌ସି ପକ୍ଷରୁ ୨୫ ଘରୋଇ ଠିକା ସଂସ୍ଥାକୁ ଦାୟିତ୍ୱ

ଭୁବନେଶ୍ୱର,୨୭।୫(ବ୍ୟୁରୋ) : ଚଳିତବର୍ଷ ମୌସୁମୀ ଆସିବା ପୂର୍ବରୁ ରାଜଧାନୀ ଭୁବନେଶ୍ୱରର ସମସ୍ତ ମୁଖ୍ୟ ଓ ସବ୍‌ ଡ୍ରେନ୍‌ ସଫା କରାଯିବ। ଏ ନେଇ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ପକ୍ଷରୁ ତତ୍ପରତା ପ୍ରକାଶ ପାଇଛି। ଗତ ୨୪ତାରିଖରୁ ମୁଖ୍ୟ ୧୦ ଡ୍ରେନ୍‌ର ସଫେଇ ସହିତ ପୁନରୁଦ୍ଧାର କାର୍ଯ୍ୟ ଆରମ୍ଭ ହୋଇସାରିଥିବା ବେଳେ ଏବେ ପ୍ରମୁଖ ରାସ୍ତାକଡ଼ରେ ଥିବା ସବ୍‌ ଡ୍ରେନ୍‌ଗୁଡ଼ିକର ସଫେଇ କାର୍ଯ୍ୟ ଜାରି ରହିଛି। ଡ୍ରେନ୍‌ରେ ଜମିଥିବା ଅଳିଆ ଆବର୍ଜନା ସହ ମାଟି କଢ଼ାଯାଇ ତାକୁ ନିଷ୍କାସନ ଉପଯୋଗୀ କରାଯାଉଛି। ୬୭ ଓ୍ବାର୍ଡରେ ବିଏମ୍‌ସି ପକ୍ଷରୁ ୨୫ ଘରୋଇ ଠିକା ସଂସ୍ଥାକୁ ଏ ନେଇ ଦାୟିତ୍ୱ ଦିଆଯାଇଥିବା ବେଳେ ୩ ସଫେଇ ସଂସ୍ଥା କର୍ମଚାରୀଙ୍କୁ କାର୍ଯ୍ୟରେ ନିୟୋଜିତ କରାଯାଇଛି। ବିଏମ୍‌ସି ଦ୍ୱାରା ପରିଚାଳିତ ଡ୍ରେନେଜ ଡିଭିଜନ ନିଜେ ୧୦ ଓ୍ବାର୍ଡରେ ଥିବା ମୁଖ୍ୟ ଓ ସବ୍‌ ଡ୍ରେନ୍‌ର ସଫେଇ ଦାୟିତ୍ୱ ନେଇଛି। ବିଏମ୍‌ସିର ବରିଷ୍ଠ ଅଧିକାରୀଙ୍କ ତଦାରଖରେ ଏହି ସଫେଇ କାର୍ଯ୍ୟ ଜାରି ରହିଛି। ମୌସୁମୀ ଆସିବା ପୂର୍ବରୁ ସମସ୍ତ ଡ୍ରେନ୍‌ର କାର୍ଯ୍ୟ ସରିଯିବ ବୋଲି ବିଏମ୍‌ସି ଆଶା ପ୍ରକାଶ କରିଛି।
ମୁଖ୍ୟ ଡ୍ରେନ୍‌ଗୁଡ଼ିକରେ ୧୦ରୁ ୧୨ ପ୍ରୋକ୍‌ଲିନ୍‌ ମେଶିନ ଏବେଠାରୁ ପ୍ରତ୍ୟେକ ଦିନ ସଫେଇ କରିବେ। ଆବଶ୍ୟକ ପଡ଼ିଲେ ଅଧିକ ମେଶିନ ଯୋଗାଇ ଦିଆଯିବ। ଯେଉଁ ସ୍ଥାନରେ ମେଶିନରେ କାମ କରିହେବ ନାହିଁ, ସେଠାରେ ଶ୍ରମିକ ନିୟୋଜିତ ରହିବେ। ଏଥିପାଇଁ ୨୩୦ଜଣ ଶ୍ରମିକଙ୍କୁ ନିୟୋଜିତ କରାଯାଇଛି। ସୂଚନାଯୋଗ୍ୟ, ଭୁବନେଶ୍ୱରରେ ମୋଟ ୧୦ ମୁଖ୍ୟ ଡ୍ରେନ୍‌ ରହିଛି। ସେଗୁଡ଼ିକ ମିଶି ପାଖାପାଖି ୬୦କିମି ଲମ୍ବ ହୋଇଥିବା ବେଳେ ସବ୍‌ ଡ୍ରେନ୍‌ଗୁଡ଼ିକ ମିଶି ୫୬୦କିମି ଲମ୍ବ। ସମସ୍ତ ଡ୍ରେନ୍‌ ଗଙ୍ଗୁଆ ନାଳ ସହ ସଂଯୋଗ ହୋଇଛି। ସେହିପରି ଗଙ୍ଗୁଆ ନାଳକୁ ଦୟା ନଦୀ ସହ ସଂଯୋଗ କରାଯାଇଛି। ଭୁବନେଶ୍ୱରରେ ଥିବା ମୁଖ୍ୟ ଡ୍ରେନ୍‌ଗୁଡ଼ିକ ଯଥା- ଡ୍ରେନ୍‌ ନଂ-୧ ଫରେଷ୍ଟ ଲେକ୍‌ ଚନ୍ଦ୍ରଶେଖରପୁରଠାରୁ ଆରମ୍ଭ ହୋଇ ଗଙ୍ଗୁଆରେ ପଡ଼ିଛି, ଯାହାକି ୫.୭କିମି ଲମ୍ବ। ଡ୍ରେନ୍‌ ନଂ-୨ ସୈନିକ ସ୍କୁଲ ନିକଟରୁ ବାହାରି ୦.୮୫ କିମି ଯିବା ପରେ ଭିଏସ୍‌ଏସ୍‌ ନଗର ରେଲଓ୍ବେ ବ୍ରିଜ୍‌ ନିକଟରେ ଡ୍ରେନ୍‌ ନଂ-୩ରେ ମିଶିଛି। ଡ୍ରେନ୍‌ ନଂ-୩ ଗଜପତି ନଗରରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି, ଯାହାକି ୪.୨୨କିମି ଲମ୍ବ। ଡ୍ରେନ୍‌ ନଂ-୪ ଏକାମ୍ର କାନନ ଲେକ୍‌ଠାରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି। ଏହା ୭.୫କିମି ଲମ୍ବ। ସେହିପରି ଡ୍ରେନ୍‌ ନଂ-୫ ଗୁରୁଦ୍ୱାରା ସିଂ ସଭାଠାରୁ ଆରମ୍ଭ ହୋଇ ଗଙ୍ଗୁଆରେ ମିଶିଛି, ଯାହାକି ୩.୫୪କିମି ଲମ୍ବ। ଡ୍ରେନ୍‌ ନଂ-୬ ଅଶୋକ ନଗରରୁ ବାହାରି ୩.୫କିମି ଯାଇ ଗଙ୍ଗୁଆରେ ମିଶିଥିବା ବେଳେ ଡ୍ରେନ୍‌ ନଂ-୭ ଗଙ୍ଗନଗରସ୍ଥିତ ବନଦୁର୍ଗା ମନ୍ଦିରରୁ ବାହାରି ୫.୪୫କିମି ଯାଇ ଗଙ୍ଗୁଆରେ ପଡ଼ିଛି। ସେପଟେ ଡ୍ରେନ୍‌ ନଂ-୮ ଓୟୁଏଟିଠାରୁ ବାହାରି ୫.୩୬କିମି ଯାଇ ଗଙ୍ଗୁଆରେ ମିଶିଛି, ଡ୍ରେନ୍‌ ନଂ-୯ ପଚଶଖା ନଗରରୁ ବାହାରି ସବୁଠୁ ଅଧିକ ଅର୍ଥାତ୍‌ ୧୫.୫କିମି ଯାଇ ଗଙ୍ଗୁଆରେ ମିଶିଛି। ସେହିପରି ଡ୍ରେନ୍‌ ନଂ-୧୦ ମୁମତାଜ ଅଲ୍ଲୀ ହାଇସ୍କୁଲ ନୟାପଲ୍ଲୀରୁ ବାହାରି ୭.୩୭କିମି ଯାଇ ଗଙ୍ଗୁଆରେ ପଡ଼ିଛି। ବର୍ତ୍ତମାନ ଏହି ସମସ୍ତ ଡ୍ରେନ୍‌ରେ ବିଏମ୍‌ସି ପକ୍ଷରୁ ପୁନରୁଦ୍ଧାର କାର୍ଯ୍ୟ ଜାରି ରହିଛି।


All Right Reserved By

୨୦୧୭-୧୮ ବର୍ଷରେ ନିର୍ବାଚନ ଚାନ୍ଦା: ବିଜେଡିକୁ ମିଳିଛି ୧୩ କୋଟି ୪ ଲକ୍ଷ

ଭୁବନେଶ୍ୱର,୨୨।୫(ବ୍ୟୁରୋ): ରାଜ୍ୟରେ କ୍ଷମତାସୀନ ବିଜେଡି ୨୦୧୭-୧୮ ଆର୍ଥିକ ବର୍ଷରେ ୧୩ କୋଟି ୪ ଲକ୍ଷ ଟଙ୍କା ଚାନ୍ଦା ପାଇଛି। ଉକ୍ତ ସମୟରେ ମିଳିଥିବା ଦେଶର ସମସ୍ତ...

ଏସ୍‌ସିବି: ଡାକ୍ତର ଶୂନ୍ୟ ଟ୍ରମା ଆଇସିୟୁ

କଟକ ଅଫିସ,୧ା୬: ଏସ୍‌ସିବି ଟ୍ରମା ଆଇସିୟୁ ଏବେ ଡାକ୍ତର ଶୂନ୍ୟ। ଟ୍ରମା ଆଇସିୟୁ ପାଇଁ ନିଯୁକ୍ତ ୪ ଜଣ ଠିକା ଡାକ୍ତର ଚାକିିରିରୁ ଇସ୍ତଫା ଦେଇ...

ନିଶାଦିଆ ଲୁଟେରାଙ୍କୁ ଧରିବାରେ ପୋଲିସ ନିଷ୍କ୍ରିୟ: ପୁଣି ଶିକାର ହେଲେ ୩ ଯାତ୍ରୀ

ଭୁବନେଶ୍ୱର,୧୯ା୫(ବ୍ୟୁରୋ)-ବାରମ୍ବାର ଥାନାରେ ଅଭିଯୋଗ ହେଲେ ମଧ୍ୟ ପୋଲିସ ନିଶାଦିଆ ଲୁଟେରାଙ୍କୁ ଗିରଫ କରିବାରେ ବିଫଳ ହୋଇଛି। ଫଳରେ ଦିନକୁ ଦିନ ରାଜଧାନୀର ବରମୁଣ୍ଡା ବସ୍‌ଷ୍ଟାଣ୍ଡ୍‌, ରେଲ୍‌ଓ୍ବେ...

ଲୋକ ସଭା ବାଚସ୍ପତି ନିର୍ବାଚନ: ଚର୍ଚ୍ଚାରେ ଜୁଏଲ

ଭୁବନେଶ୍ୱର, ୪।୬(ବ୍ୟୁରୋ): ଭାଜପା ପରିଚାଳିତ ଏନ୍‌ଡିଏ ଲଗାତର ଦ୍ୱିତୀୟ ଥର ପାଇଁ କ୍ଷମତାକୁ ଫେରିଛି। ଆସନ୍ତା ୧୭ ତାରିଖରେ ନୂଆ ଲୋକ ସଭାର ପ୍ରଥମ ଅଧିବେଶନ...

ଘର ପରିସରରେ ଶୌଚାଳୟ ଟାଙ୍କି ନିର୍ମାଣ ନିର୍ଦ୍ଦେଶ ଦେଲା ବିଏମ୍‌ସି : ପାଇଖାନା ମଇଳା ଡ୍ରେନକୁ ଛାଡ଼ିଲେ ଜରିମାନା

ଭୁବନେଶ୍ୱର, ୧୨।୭(ବ୍ୟୁରୋ) : ନିଜ ଘରୁ ବାହାରୁ ଥିବା ମଳଯୁକ୍ତ ମଇଳା ଓ ପଚା ମଇଳାକୁ କୌଣସି ଡ୍ରେନ କିମ୍ବା ନଦୀକୁ ପାଇପ ଯୋଗେ ଛାଡୁଥିଲେ...

ମୋଟର ଯାନ ଆଇନ ଉଲ୍ଲଂଘନ : ଜରିମାନା ଆଦାୟରେ ଆଗରେ ଓଡ଼ିଶା

ଭୁବନେଶ୍ୱର,୬।୯ (ବ୍ୟୁରୋ) : ନୂଆ ମୋଟର ଯାନ ଆଇନ ଲାଗୁ ହେବା ପରେ ସେପ୍ଟେମ୍ବର ୧ରୁ ସାରା ଦେଶରେ ଟ୍ରାଫିକ ନିୟମ ଉଲ୍ଲଂଘନକାରୀଙ୍କଠାରୁ ବହୁଗୁଣା ଜରିମାନା...

ରାଜନଗର ବ୍ଲକର ସବୁ ଗ୍ରାମକୁ ବିଦ୍ୟୁତ୍‌ ମିଳୁଛି, ୨୦୨୦ରେ ଶେଷ ହେବ କୁନ୍ଦୁପୁର ଗ୍ରୀଡ୍‌ କାର୍ଯ୍ୟ: ମନ୍ତ୍ରୀ

ଭୁବନେଶ୍ୱର,୨୬।୭(ବ୍ୟୁରୋ): ରାଜ୍ୟରେ ଚଳିତ ବର୍ଷ ୫ଲକ୍ଷ ଉପଭୋକ୍ତାଙ୍କୁ ବିଦ୍ୟୁତ୍‌ ଯୋଗାଇ ଦିଆଯାଇଛି। ବିଦ୍ୟୁତ୍‌ ଯୋଗାଣ ପାଇଁ ଅର୍ଥର କୌଣସି ଅଭାବ ନାହିଁ। କେବଳ ଫନୀ ଯୋଗୁ...

ବିଶିଷ୍ଟ ଚଳଚ୍ଚିତ୍ର ପ୍ରଯୋଜକ କେଶବ ରାଉତଙ୍କ ବିୟୋଗ: ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩୦ା୬(ବ୍ୟୁରୋ): ବିଶିଷ୍ଟ ଚଳଚ୍ଚିତ୍ର ପ୍ରଯୋଜକ କେଶବ ରାଉତଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ଏହି ଖବର ପାଇ ମୁଁ...

selfi corner

Model This Week

Why Dharitri

Leave a comment

Your email address will not be published. Required fields are marked *