ମହାନଦୀରେ ନୌକାବିହାର ମଜା ନେବେ ପର୍ଯ୍ୟଟକ

କଟକ ଅଫିସ, ୫ା୧୧:ଆସନ୍ତା ୧୨ରେ ଐତିହାସିକ କଟକ ବାଲିଯାତ୍ରା। ଏହି ଯାତ୍ରାକୁ ଆଉ କିଛି ଦିନ ବାକି ଥିବାବେଳେ ଜିଲା ପ୍ରଶାସନ ଓ କଟକ ମହାନଗର ନିଗମ(ସିଏମ୍‌ସି) ଅଧିକାରୀଙ୍କ ଆନ୍ତରିକତା ଅଭାବ ଯୋଗୁ ଗତ ଶନିବାର ସୁଦ୍ଧା ୫୦ ପ୍ରତିଶତ କାମ ଶେଷ ହୋଇ ନ ଥିଲା। ଏ ନେଇ ଶନିବାର ଧରିତ୍ରୀରେ ‘ପାଖେଇ ଆସୁଛି ବାଲିଯାତ୍ରା, ସରିନି ୫୦ ପ୍ରତିଶତ କାମ’ ଶୀର୍ଷକ ଖବର ପ୍ରକାଶ ପାଇବା ପରେ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି। ଫଳରେ ସୋମବାର ବାଲିଯାତ୍ରା ପଡ଼ିଆରେ ଅସ୍ଥାୟୀ ରୋଡ୍‌ ନିର୍ମାଣ କରାଯିବା ସହ ବିଦ୍ୟୁତ୍‌କରଣ ଓ ଷ୍ଟଲ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି। ସେପଟେ ବାଲିଯାତ୍ରା ପଡ଼ିଆରେ ପର୍ଯ୍ୟଟକ ବୋଟିଂର ମଜା ନେବା ନିମନ୍ତେ ଅସ୍ଥାୟୀ ବନ୍ଧ କାର୍ଯ୍ୟ ଆରମ୍ଭ ହୋଇଛି। ଏ ନେଇ ସିଏମ୍‌ସି କମିଶନର ଅନନ୍ୟା ଦାସ କହିଛନ୍ତି, ବାଲିଯାତ୍ରାରେ ପର୍ଯ୍ୟଟକଙ୍କ ସୁବିଧା ପାଇଁ ସମସ୍ତ ପ୍ରକାର ବନ୍ଦୋବସ୍ତ କରାଯାଉଛି। ବାଲିଯାତ୍ରାର ଦୁଇଦିନ ପୂର୍ବରୁ ସମସ୍ତ କାର୍ଯ୍ୟ ଶେଷ ହେବ। ପର୍ଯ୍ୟଟକଙ୍କ ପାଇଁ ଟଏଲେଟ୍‌ର ବ୍ୟବସ୍ଥା ସାଙ୍ଗକୁ ପାନୀୟଜଳ ଏବଂ ପରିମଳ ବ୍ୟବସ୍ଥାକୁ ଗୁରୁତ୍ୱ ଦିଆଯାଉଛି।
ସମୟରେ ଲୋକମାନେ ନୌକାବିହାରର ମଜା ଉଠାଇ ପାରିବେ। ଏଥିପାଇଁ ଜିଲା ପ୍ରଶାସନ, ଓଡ଼ିଶା ୟାଚିଂ ଆସୋସିଏଶନ, ଏନ୍‌ସିସି ଏବଂ ଇଣ୍ଡିଆନ ନେଭି ସହଯୋଗରେ ମହାନଦୀରେ ବୋଟିଂର ବ୍ୟବସ୍ଥା କରାଯାଉଛି। ରିଂ ରୋଡରେ ଥିବା ନାଭାଲ ବୋଟ୍‌ ଜେଟିଠାରୁ ବାଲିଯାତ୍ରା ପଡ଼ିଆ ମୁଖ୍ୟ ଗେଟ୍‌ ପର୍ଯ୍ୟନ୍ତ ଡଙ୍ଗାରେ ପର୍ଯ୍ୟଟକ ଯିବା ଆସିବା କରିପାରିବେ। ଏଥିନିମନ୍ତେ ୫ଟି ବୋଟ୍‌ର ବ୍ୟବସ୍ଥା କରାଯାଇଛି। ଗୋଟିଏ ବୋଟ୍‌ରେ ୧୦ ଜଣ ଯିବାର ସୁବିଧା ରହିଛି। ସମସ୍ତଙ୍କ ନିମନ୍ତେ ଲାଇଫ ଜ୍ୟାକେଟ୍‌ର ବ୍ୟବସ୍ଥା କରାଯାଇଛି। ଏହି ସମୟ ମଧ୍ୟରେ ଲୋକଙ୍କ ସୁରକ୍ଷା ଦୃଷ୍ଟିରୁ ଅଗ୍ନିଶମ ବିଭାଗ ପକ୍ଷରୁ ଏକ ବୋଟ୍‌ ନଦୀ ଭିତରେ ରହିବ। ପର୍ଯ୍ୟଟକଙ୍କୁ ନେବା ଆଣିବା ନିମନ୍ତେ ଗୋଟିଏ ବୋଟ୍‌ରେ ଦୁଇଜଣ ବୋଟ୍‌ ଅପରେଟର ଗୋଟିଏ ଲାଇଫ୍‌ ଗାର୍ଡ ରହିବେ। ବୋଟ୍‌ରେ ଯାତାୟାତ ସମୟରେ କୌଣସି ଅସୁବିଧା ନ ଘଟେ ସେ ନେଇ ସମସ୍ତ ବ୍ୟବସ୍ଥା କରାଯାଇଛି ବୋଲି ଓଡ଼ିଶା ୟାଚିଂ ଆସୋସିଏଶନ ସେକ୍ରେଟାରୀ ସବୀର ବକ୍ସ କହିଛନ୍ତି। ଏଥିସହିତ ବାଲିଯାତ୍ରାର ମହତ୍ତ୍ବ ରଖୁଥିବା ପାଲଟଣା ଡଙ୍ଗା ଦେଖିବାକୁ ମିଳିବ। ପର୍ଯ୍ୟଟକଙ୍କୁ ଦୃଷ୍ଟିରେ ରଖି ପାଲଟଣା ଡଙ୍ଗାକୁ ନଦୀର ବିଭିନ୍ନ ଜାଗାରେ ପରିଭ୍ରମଣ ପାଇଁ ବ୍ୟବସ୍ଥା କରାଯାଇଛି। ପର୍ଯ୍ୟଟକଙ୍କ ପାଇଁ ଓଟିଡିସି ପକ୍ଷରୁ ଧାର୍ଯ୍ୟ କରାଯାଇଥିବା ଭଡ଼ା ଆଦାୟ କରାଯିବ ବୋଲି ବକ୍ସ ସୂଚନା ଦେଇଛନ୍ତି।

ବାଲିଯାତ୍ରା ପଡ଼ିଆରେ ପହଞ୍ଚିଲା ବ୍ରେକ୍‌ଡ୍ୟାନ୍ସ ଦୋଳି

ଚଳିତବର୍ଷ ବାଲିଯାତ୍ରାରେ ଦୋଳି ପକାଇବା ନିମନ୍ତେ ୭ ଜଣ ଦୋଳି ବ୍ୟବସାୟୀ ଆବେଦନ କରିଛନ୍ତି। ଦିନକୁ ବିଦ୍ୟୁତ୍‌ଚାଳିତ ଦୋଳି ପିଛା ୮ହଜାର ଟଙ୍କା ଦେୟ ନିଆଯାଉଛି। ସେହିପରି ହାତଚଳା ଗୋଟିଏ ଦୋଳି ପାଇଁ ଦିନକୁ ୧୦୦୦ ଟଙ୍କା ରଖାଯାଇଥିବାବେଳେ ସୋମବାର ସୁଦ୍ଧା ୧୧ ଜଣ ବ୍ୟବସାୟୀ ସେମାନଙ୍କ ପ୍ଲଟ ବୁକିଂ କରିଛନ୍ତି। ସୋମବାର କଲିକତାରୁ ବ୍ରେକ୍‌ଡ୍ୟାନ୍ସ ଦୋଳି ଆସି ବାଲିଯାତ୍ରା ପଡ଼ିଆରେ ପହଞ୍ଚତ୍ଛି।

 


All Right Reserved By Dharitri.Com

ଅନୁଗୋଳ କଲେଜ ଛାତ୍ରଙ୍କ ସାହିତ୍ୟ କୃତି:ପ୍ରକାଶ କଲେ ୨୨୪ ପୃଷ୍ଠାର ଉପନ୍ୟାସ

ଅନୁଗୋଳ ଅଫିସ, ୯।୭ ମାତ୍ର ୨୦ ବର୍ଷ ବୟସରେ ୨୨୪ ପୃଷ୍ଠାର ଉପନ୍ୟାସ ଲେଖିଛନ୍ତି ଅନୁଗୋଳ ସରକାରୀ ସ୍ବୟଂଶାସିତ ମହାବିଦ୍ୟାଳୟର ଛାତ୍ର ପ୍ରଭୁ କଲ୍ୟାଣ ସିଂ।...

ବାଲୁକାକଳାରେ ସୁଦର୍ଶନଙ୍କ ବାର୍ତ୍ତା: ‘ମହିଳାଙ୍କୁ ସମ୍ମାନ ଦିଅ’

ଭୁବନେଶ୍ୱର, ୫।୧୨(ବ୍ୟୁରୋ): ଦେଶ ତଥା ରାଜ୍ୟରେ ଏବେ ନାରୀ ନିର୍ଯାତନା, ବଳାତ୍କାର, ହତ୍ୟା ଭଳି ଘଟଣା ଦିନକୁ ଦିନ ବଢ଼ିଚାଲିଥିବା ବେଳେ ମହିଳାମାନଙ୍କୁ ସମ୍ମାନ ଦେବାକୁ...

୭୫ ମିଟର ଭିତରେ ସୀମିତ ରହିବ ଉଚ୍ଛେଦ

ପୁରୀ ଅଫିସ,୨ା୯ : ଶ୍ରୀମନ୍ଦିରର ସୁରକ୍ଷା ଏବଂ ପୁରୀର ବିକାଶ ପାଇଁ ମେଘନାଦ ପ୍ରାଚୀର ଚତୁଃପାର୍ଶ୍ୱର ୭୫ ମିଟର ପରିଧି ମଧ୍ୟରେ ଥିବା ନିର୍ମାଣ ଉଚ୍ଛେଦ...

ଆଜି ଗର୍ଭଗୃହ ଯାଞ୍ଚ କରିବେ ବିଶେଷଜ୍ଞ

ପୁରୀ ଅଫିସ,୬ା୭: ଘୋଷଯାତ୍ରାରେ ଯାଇ ଏବେ ଆଡ଼ପମଣ୍ଡପରେ ମହାପ୍ରଭୁ। ନଅଦିନ ବ୍ୟାପୀ ଜନ୍ମବେଦିରେ ଅବସ୍ଥାନ କରିବେ। ଏହି ସମୟ ମଧ୍ୟରେ ଶ୍ରୀମନ୍ଦିର ଗର୍ଭଗୃହ ଯାଞ୍ଚ କରାଯିବ।...

ଅନୁଗୋଳରେ ଲଜ୍ଜା: ଶୋଇଥିବା ବେଳେ ଉଠାଇନେଇ ୮ ବର୍ଷର ନାବାଳିକାଙ୍କୁ ବଳାତ୍କାର, ମୃତ ଭାବି ଅଳିଆ ଗଦାରେ ଫିଙ୍ଗିଲେ

ଅନୁଗୋଳ ଅଫିସ,୨୧।୭: ଅନୁଗୋଳ ଥାନା ଅଞ୍ଚଳରେ ଜନୈକ ୮ ବର୍ଷର ନାବାଳିକାଙ୍କୁ ଶନିବାର ରାତିରେ ବଳାତ୍କାର ହୋଇଥିବା ସୂଚନା ମିଳିଛି। ତେବେ ଦୁର୍ବୃତ୍ତ ତାଙ୍କୁ ମୃତ...

ଆଜି ପବିତ୍ର ଜନ୍ମାଷ୍ଟମୀ, ଗାଁଠୁ ସହର ଉତ୍ସବ ମୁଖର

ଭୁବନେଶ୍ୱର,୨୩।୮(ବ୍ୟୁରୋ): ଆଜି ଭାଦ୍ରବ କୃଷ୍ଣପକ୍ଷ ଅଷ୍ଟମୀ ତିଥି। ଏହିଦିନରେ ଧରାପୃଷ୍ଠରେ ଜନ୍ମ ନେଇଥିଲେ ପ୍ରଭୁ ଶ୍ରୀକୃଷ୍ଣ। ଏଥିପାଇଁ ଗାଁଠୁ ସହର ଉତ୍ସବମୁଖର ହୋଇଉଠିଛି। ରାଜଧାନୀର ଇସ୍କନ...

୮ ମାସ ଧରି ବନ୍ଦ ରହିବ ଭୁବନେଶ୍ୱର ବିମାନବନ୍ଦର, ପ୍ରଭାବିତ ହୋଇପାରେ ବିମାନ ସେବା

ଭୁବନେଶ୍ୱର,୧୭।୯(ବ୍ୟୁରୋ): ୮ ମାସ ଧରି ବନ୍ଦ ରହିବ ଭୁବନେଶ୍ୱର ବିମାନବନ୍ଦର। ରନଓ୍ବେ ରିକାର୍ପେଟିଂ କାର୍ଯ୍ୟ ପାଇଁ ବିମାନବନ୍ଦରକୁ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। ଫଳରେ ନଭେମ୍ବର...

ରେଳଷ୍ଟେଶନ ପରିସରରୁ ଜବରଦଖଲ ଉଚ୍ଛେଦ

ବେତନଟୀ,୧୦ା୧୨(ଡି.ଏନ୍‌.ଏ.)- ବେତନଟୀ ରେଳଷ୍ଟେଶନ ପରିସରରେ ଦୀର୍ଘ ବର୍ଷ ଧରି ଦୋକାନ ବଜାର ଓ ଡ଼େଲି ପରିବା ମାର୍କେଟ ଗଢି ଉଠିଥିବାବେଳେ ସୋମବାର ଏହାକୁ ଉଚ୍ଛେଦ କରାଯାଇଛି।...

Leave a comment

Your email address will not be published. Required fields are marked *