Posted inଜାତୀୟ

ଦେଶର ସର୍ବାଧିକ ୧୦ ପ୍ରଦୂଷିତ ସହର ମଧ୍ୟରେ ଦିଲ୍ଲୀ ନୁହେଁ ବରଂ ଉତ୍ତର ପ୍ରଦେଶର ୮, ହରିୟାଣାର ୨ ସହର ରହିଛି

ନୂଆଦିଲ୍ଲୀ,୫।୧୧: ରାଜଧାନୀ ଦିଲ୍ଲୀର ପ୍ରଦୂଷଣ ସମଗ୍ର ଦେଶରେ ଚିନ୍ତାର ବିଷୟ ପାଲଟିଛି। ସୋମବାର ପ୍ରଦୂଷଣରୁ ଦିଲ୍ଲୀବାସୀଙ୍କୁ କିଛି ମାତ୍ରାରେ ଆଶ୍ୱସ୍ତି ମିଳିଛି। କାରଣ ରାଜଧାନୀର କିଛି ସହରରେ ବାୟୁର ଗୁଣବତ୍ତା ଗମ୍ଭୀରରୁ ଖସି ଖରାପରେ ପହଞ୍ଚିଥିବା ନେଇ AQI ରୁ ଜଣାପଡ଼ିଛି। ତେବେ ଦିଲ୍ଲୀର ପ୍ରଦୂଷଣ ଯୋଗୁ ଯେଉଁ ଅସୁବିଧା ସୃଷ୍ଟି ହେଉଛି ତାକୁ ନେଇ ସମସ୍ତେ ଚିନ୍ତିତ ହୋଇପଡ଼ିଛନ୍ତି। କେବଳ ଦିଲ୍ଲୀ ନୁହେଁ ବରଂ ଉତ୍ତରପ୍ରଦେଶର କିଛି ସହରର ଅବସ୍ଥା ମଧ୍ୟ ଖରାପ୍‌ ରହିଛି। ସେହିପରି ବାୟୁର ଖରାପ ଗୁଣବତ୍ତାରେ ହରିୟାଣାର କିଛି ସହର ମଧ୍ୟ ପଛରେ ନାହାନ୍ତି। କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡର ତଥ୍ୟକୁ ବିଶ୍ଳେଷଣ କରି ଡାଟା ଇଣ୍ଟଲିଜେନ୍ସ ୟୁନିଟ ଏକ ରିପୋର୍ଟ ତିଆରି କରିଛି। ଯେଉଁଥିରେ ରାଜଧାନୀ ଦିଲ୍ଲୀ ଭାରତର ଟପ୍‌ ଟେନ୍‌ ପ୍ରଦୂଷିତ ସହରର ପ୍ରକାଶ ପାଇଥିବା ତାଲିକାରୁ ବାଦ୍‌ ପଡ଼ିଛି। କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡର ତଥ୍ୟ ଅନୁସାରେ ଗତ ୨୪ଘଣ୍ଟାରେ(ନଭେମ୍ବର ୩ ସନ୍ଧ୍ୟା ୪ଟାରୁ ନଭେମ୍ବର ୪ ସନ୍ଧ୍ୟା ୪ଟା ପର୍ଯ୍ୟନ୍ତ) ହରିୟାଣାର ଜିନ୍ଦ୍‌ ସହରର ଲୋକେ ସବୁଠାରୁ ବିଶାକ୍ତ ନିଃଶ୍ୱାସ ନେଇଛନ୍ତି। ସେହି ସମୟରେ ଜିନ୍ଦରେ ବାୟୁର ଗୁଣବତ୍ତା ହାରାହାରି AQI ୪୪୮ ରହିଥିଲା। ସେହିପରି ସୋମବାର ପ୍ରଦୂଷଣରେ ପ୍ରାୟ ୧୫ଟି ସହରର ହାରାହାରି AQI ୪୦୦ରୁ ଊର୍ଦ୍ଧ୍ୱରେ ରହିଥିଲା। ତେବେ ଏହି ୧୫ଟି ସହର ମଧ୍ୟରୁ କେବଳ ୯ଟି ଉତ୍ତରପ୍ରଦେଶ ଓ ୫ଟି ହରିୟାଣାର ସହର ରହିଛି। ଏହି ଅଧ୍ୟୟନରେ ଦିଲ୍ଲୀକୁ ଏକ ସହର ଭାବେ ଗଣାଯାଇଥିଲା। ତେବେ ସବୁଠାରୁ ପ୍ରଦୂଷିତ ସହର ମଧ୍ୟରେ ହରିୟାଣାର ଜିନ୍ଦ୍‌ ପରେ ଉତ୍ତରପ୍ରଦେଶର ବାଗପତ ସହର ରହିଛି। ଯାହାର ବାୟୁର ଗୁଣବତ୍ତା ୪୪୦ ରେକର୍ଡ କରାଯାଇଛି। ସେହିପରି ଗାଜିଆବାଦରେ ୪୪୦, ହାପୁଡ ୪୩୬, ଲକ୍ଷ୍ନୌ ୪୩୫, ମୁରଦାବାଦ ୪୩୪, ନୋଏଡା ୪୩୦,ଗ୍ରେଟର ନୋଏଡା,୪୨୮ ଓ କାନପୁରରେ ୪୨୭ ଥିବା ରେକର୍ଡ କରାଯାଇଛି। ଅନ୍ୟପଟେ ହରିୟାଣା ସିରସାରେ AQI ୪୨୬ ରହିଥିବା ସୂଚନା ମିଳିଛି। ତେବେ ପ୍ରଦୂଷଣ ମାମଲାରେ ବହୁଥର ଦିଲ୍ଲୀର ଆଖପାଖ ସହର ତାକୁ ପଛରେ ପକାଇ ଦେଇଛନ୍ତି। ଡାଟା ଇଣ୍ଟଲିଜେନ୍ସ ୟୁନିଟ ରିପୋର୍ଟ ଅନୁସାରେ ଦୀପାବଳିର ପୂର୍ବ ସପ୍ତାହରୁ ଉତ୍ତରପ୍ରଦେଶ ଓ ହରିୟାଣାର ଜନସାଧାରଣ ଦିଲ୍ଲୀରୁ ଅଧିକ ବିଶାକ୍ତ ନିଃଶ୍ୱାସ ନେଇଥିବା ଜଣାପଡ଼ିଛି।


All Right Reserved By Dharitri.Com

ଏଏପି ବିଧାୟକ ଗିରଫ

ନୂଆଦିଲ୍ଲୀ,୧।୧୧: ଆମ୍‌ ଆଦମୀ ପାର୍ଟି(ଏଏପି)ର ବିଧାୟକ ଅଖିଳେଶ ପତି ତ୍ରିପାଠୀଙ୍କୁ ଦିଲ୍ଲୀ ପୋଲିସ ଶୁକ୍ରବାର ଗିରଫ କରିଛି। ଦିଲ୍ଲୀର ରାଉଜ ଏଭେନ୍ୟୁ କୋର୍ଟରେ ଗୁରୁବାର ବିଧାୟକ...

ଦୁଇ ଗାଁ ମଧ୍ୟରେ ୮ ଦିନ ଧରି ପାଳିତ ହେଉଛି ଅଗ୍ନିଯୁଦ୍ଧ

ମାଙ୍ଗାଲୋର୍‌,୨୨।୪: କର୍ନାଟକରେ ଏବେ ପାଳିତ ହେଉଛି ଏକ ନିଆରା ଉତ୍ସବ। ଏଠାରେ ମାତା ଦୁର୍ଗା ପଶ୍ଚିମେଶ୍ୱରୀଙ୍କ ମନ୍ଦିରରେ ଆରମ୍ଭ ହୋଇଛି ୮ ଦିନିଆ ଅଗ୍ନିଯୁଦ୍ଧ ଉତ୍ସବ।...

ଜନ୍ତରମନ୍ତରରେ ବିରୋଧୀଙ୍କ ବିକ୍ଷୋଭ:ଜମ୍ମୁ-କଶ୍ମୀରରେ ଅଟକ ନେତାଙ୍କ ମୁକ୍ତି ଦାବି

ନୂଆଦିଲ୍ଲୀ, ୨୩ା୮(ପି.ଟି.): ଦିଲ୍ଲୀର ଜନ୍ତର ମନ୍ତରଠାରେ ବିଭିନ୍ନ ବିରୋଧୀ ଦଳର ନେତାମାନେ ବିକ୍ଷୋଭ କରିବା ସହ ଜମ୍ମୁ-କଶ୍ମୀରରେ ଅଟକ ଥିବା ନେତାମାନଙ୍କୁ ତୁରନ୍ତ ମୁକ୍ତ କରିବାକୁ...

ଉମେଶ ସିହ୍ନା ହେଲେ ନିର୍ବାଚନ ଉପ କମିଶନର

ନୂଆଦିଲ୍ଲୀ,୩୧ା୧୨(ପି.ଟି.):ବରିଷ୍ଠ ଆଇଏଏସ୍‌ ଅଫିସର ଉମେଶ ସିହ୍ନାଙ୍କୁ ନିର୍ବାଚନ ଉପ କମିଶନର ଭାବେ ନିଯୁକ୍ତି ମିଳିଛି। ମଙ୍ଗଳବାର ସେ ଅବସର ନେବାକୁ ଥିବାବେଳେ ନିଯୁକ୍ତି ସମ୍ପର୍କିତ କ୍ୟାବିନେଟ...

ଗୁଜରାଟ ଦଙ୍ଗା: ମୋଦିଙ୍କୁ କ୍ଲିନ୍‌ ଚିଟ୍‌ ଦେଲେ ନାନାବତୀ କମିଶନ

ନୂଆଦିଲ୍ଲୀ,୧୧।୧୨: ଗୁଜରାଟ ଦଙ୍ଗାର ତଦନ୍ତ କରୁଥିବା ନାନାବତୀ କମିଶନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କ୍ଲିନ୍‌ ଚିଟ୍‌ ଦେଇଛନ୍ତି। ଗୋଧ୍ରା ଦଙ୍ଗା ସମୟରେ ଗୁଜରାଟର ତତ୍‌କାଳୀନ ମୁଖ୍ୟମନ୍ତ୍ରୀ...

ପୁଣି ହାଣ ମୁହଁରେ ୧୫ ବରିଷ୍ଠ ଅଧିକାରୀ: ନେଲେ ବାଧ୍ୟତାମୂଳକ ଅବସର

ନୂଆଦିଲ୍ଲୀ,୧୮।୬: ଦୁର୍ନୀତି ବିରୋଧରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ପୁଣି ମଙ୍ଗଳବାର ନେଇଛନ୍ତି ଦୃଢ଼ ପଦକ୍ଷେପ। ଏଥର ଦୁର୍ନୀତି ତଥା ନିର୍ଯାତନା ଅଭିଯୋଗରେ ୧୫ ବରିଷ୍ଠ...

ଗରିବ କୃଷକ ପରିବାରରୁ ରକେଟ୍‌ମ୍ୟାନ୍‌ ଶିବନ

ଚନ୍ଦ୍ରୟାନ-୨ର ଚନ୍ଦ୍ରପୃଷ୍ଠରେ ଅବତରଣ କରିବାର କିଛି କ୍ଷଣ ପୂର୍ବରୁ ଲ୍ୟାଣ୍ଡର ସହ ଯୋଗାଯୋଗ ବିଚ୍ଛିନ୍ନ ହେବାପରେ ଏହି ମିଶନକୁ ପୂର୍ଣ୍ଣ ସଫଳତା ମିଳିନଥିଲେ ବି ଭାରତୀୟ...

ଏସ୍‌ସି,ଏସ୍‌ଟି ଆଇନ ନେଇ ରାୟ ଆଜି

ନୂଆଦିଲ୍ଲୀ,୧୩-୯:ଅନୁସୂଚିତ ଜାତି/ଜନଜାତି (ଏସ୍‌ସି/ଏସ୍‌ଟି) ଆଇନ ସମ୍ପର୍କିତ କେନ୍ଦ୍ର ସରକାରଙ୍କ ରିଭ୍ୟୁ ପିଟିଶନ ଉପରେ ଶୁକ୍ରବାର ସୁପ୍ରିମକୋର୍ଟ ରାୟ ପ୍ରଦାନ କରିପାରନ୍ତି। ୨୦୧୮ ମାର୍ଚ୍ଚ ୨୦ରେ ସୁପ୍ରିମକୋର୍ଟ...

Leave a comment

Your email address will not be published. Required fields are marked *