ସ୍ମିତାରାଣୀଙ୍କ ସନ୍ଦେହଜନକ ମୃତ୍ୟୁ ମାମଲା: ଆଜି ଜିଲାପାଳଙ୍କ କାର୍ଯ୍ୟାଳୟ ଘେରିବ ଭାଜପା

ରସୁଲପୁର,୫ା୧୧(ଡିଏନଏ): ଯାଜପୁର ଜିଲା ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତ ନିର୍ବାହୀ ଅଧିକାରିଣୀ (ପିଇଓ) ସ୍ମିତାରାଣୀଙ୍କ ସନ୍ଦେହଜନକ ମୃତ୍ୟୁ ଘଟଣା ଜଟିଳ ହେବାରେ ଲଗିଛି। ଦିନକୁ ଦିନ ଘଟଣା ନୂଆ ମୋଡ ନେଉଛି। ଘଟଣାର ୨୦ଦିନ ପରେ ବି ଚର୍ଚ୍ଚାରେ ପୂର୍ଣ୍ଣଛେଦ ପଡୁନି। ହେଲେ ପୋଲିସର ଅସମ୍ଭବ ପ୍ରକାର ନୀରବତା ଯୋଗୁ ଏ ଦିଗରେ ତଦନ୍ତ ଅଧିକାରୀଙ୍କ ଆଭିମୁଖ୍ୟ ଉପରୁ ସନ୍ଦେହ ହଟି ପାରୁନାହିଁ। ଏହିଭଳି ଗୋଳିଆ ସ୍ଥିତିକୁ ନେଇ ବିରୋଧୀଙ୍କ ତୁଣ୍ଡ ଚୁପ୍‌ ହେବାର ନାଁ ଧରୁନି। ବିଧାନସଭା ଚାଲିବା ପର୍ଯ୍ୟନ୍ତ ଉଭୟ କଂଗ୍ରେସ ଓ ଭାଜପା ସେମାନଙ୍କର ଆନ୍ଦୋଳନ ଜାରି ରଖିବେ। ଉଭୟ ଦଳ ଏହାକୁ ବିଧାନସଭାରେ ପ୍ରସଙ୍ଗ କରିବେ ବୋଲି ଚେତାବନୀ ଦେଇସାରିଲେଣି। ସ୍ମିତାରାଣୀ ମାମଲା ବେବିନା, ମାଧବୀଲତା, ଇତିଶ୍ରୀ ଘଟଣାକୁ ବଳିଗଲା। ଏ ସମସ୍ତଙ୍କର ଅତିି ସନ୍ଦେହଜନକ ଭାବରେ ମୃତ୍ୟୁ ହୋଇଥିଲା। ଏଠାରେ ଜଣେ ସରକାରୀ କର୍ମଚାରୀଙ୍କ ମୃତ୍ୟୁକୁ ନେଇ ସରକାର ଚୁପ୍‌ କାହିଁକି ବୋଲି ବିରୋଧୀ ପ୍ରଶ୍ନ କରିବା ସହ ମଙ୍ଗଳବାର ଭାଜପା ସିବିଆଇ ତଦନ୍ତ ଦାବିରେ ଜିଲାପାଳଙ୍କ କାର୍ଯ୍ୟାଳୟ ଘେରାଉ କରିବାକୁ ନିଷ୍ପତ୍ତି ନେଇଛି। ଏହାଛଡା ଏହି ମାମଲାକୁ ନେଇ ପୋଲିସ ଭିନ୍ନ ଭିନ୍ନ ବୟାନ ଦେଉଥିବାବେଳେ ମାମଲାର ମୋଡ ବଦଳାଇବାକୁ ଚେଷ୍ଟା କରାଯାଉଛି ବୋଲି କୁହାଯାଉଛି। ସ୍ମିତାରାଣୀ ମୃତ୍ୟୁର ପୂର୍ବଦିନ ସରପଞ୍ଚ ସ୍ବାମୀ ଅଭିଯୁକ୍ତ ରୂପେଶ ଭଦ୍ରଙ୍କ ସହ ଭୁବନେଶ୍ୱର ଯାଇଥିଲେ। ସେଠାରେ ଏକ ପ୍ରତିଷ୍ଠିତ ସୁନାଗହଣା ଦୋକାନରୁ ସ୍ମିତାରାଣୀ ଗହଣା କିଣିଥିଲେ। ଗହଣାର ମୂଲ୍ୟ ରୂପେଶ ପ୍ରଦାନ କରୁଥିବା ସମ୍ପର୍କରେ ଦୋକାନରେ ଲାଗିଥିବା ସିସିଟିଭି ଫୁଟେଜ ପୋଲିସ ହାତରେ ଲାଗିଛି। ଏହି ଘଟଣା ସମ୍ପର୍କରେ ସରପଞ୍ଚ ମଧୁସ୍ମିତା ଜାଣିବା ପରେ ପିଇଓଙ୍କ ସହ ତାଙ୍କର ଝଗଡା ହୋଇଥିବା କୁହାଯାଉଛି। ଉକ୍ତ ଝଗଡା ପିଇଓ ସି୍ମତାଙ୍କର ମୃତ୍ୟୁର କାରଣ ହୋଇଥିବ ବୋଲି ସନ୍ଦେହ କରାଯାଉଛି। ଏ ସମ୍ପର୍କରେ ଅଭିଯୁକ୍ତଙ୍କୁ ଅଧିକ ପଚରା ଉଚୁରା କରିବାର ଆବଶ୍ୟକତା ରହିଛି। ସରପଞ୍ଚ ମଧୁସ୍ମିତାଙ୍କୁ କାହିଁକି ଏ ସମ୍ପର୍କରେ ପଚରା ଉଚୁରା କରୁନାହିଁ ବୋଲି ଲୋକଙ୍କ ମନରେ ପ୍ରଶ୍ନ ସୃଷ୍ଟି ହେଉଛି। ଘଟଣାର ୩ ସପ୍ତାହ ପରେ ବି ପୋଲିସ ଅଭିଯୁକ୍ତଙ୍କୁ କାହିଁକି ରିମାଣ୍ଡରେ ଆଣୁନାହିଁ, ଘଟଣା ଦିନ ଅତିଥି ଭବନରେ ଅଭିଯୁକ୍ତଙ୍କ ସହଯୋଗୀ ଭାବେ ଯେଉଁମାନେ ଉପସ୍ଥିତ ଥିଲେ ସେମାନଙ୍କୁ ନେଇ ପୋଲିସର ଆଭିମୁଖ୍ୟ କଣ ରହିଛି ତା ସ୍ପଷ୍ଟ ହୋଇପାରୁ ନାହିଁ। ଏହି ମାମଲାରେ ପୋଲିସ ଗଣମାଧ୍ୟମକୁ ସହଯୋଗ କରୁନାହିଁ। ଏ ଘଟଣା ଉଠିବା କ୍ଷଣି ତଦନ୍ତ ଅଧିକାରୀ ସରୋଜ କୁମାର ସାହୁ ଅନ୍ୟ କାର୍ଯ୍ୟର ବାହାନା ନେଇ ମୂଳ ମାମଲାକୁ ଏଡାଇ ଯାଉଛନ୍ତି। ଖୋଦ୍‌ ଏସଡିପିଓ କେଦାରନାଥ ସାହୁ ମାମଲାକୁ ଅତ୍ୟନ୍ତ ସହଜ ଭାବରେ ନେଇଛନ୍ତି। ଖବର କାଗଜରେ କ’ଣ ବାହାରୁଛି ତାକୁ ପଢିବାକୁ ପୋଲିସ ପାଖରେ ସମୟ ନାହିଁ ବୋଲି ସାହୁ ମନ୍ତବ୍ୟ ରଖିଛନ୍ତି।


All Right Reserved By Dharitri.Com

୩ ପଞ୍ଚାୟତରେ ରନ୍ଧା ଖାଦ୍ୟ ବଣ୍ଟନ

ଆର.ଉଦୟଗିରି,୫ା୪(ଡି.ଏନ.ଏ.)-ସାରା ରାଜ୍ୟରେ କରୋନା ଭଳି ମହାମାରୀକୁ ରୋକିବା ଲାଗି ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ୨୧ ଦିନର ଲକ୍‌ଡାଉନ ଘୋଷଣା କରାଯାଇଛି। ରବିବାର...

ଭଦ୍ରକରେ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲିବ ପରିବା ବଜାର

ଭଦ୍ରକ ଅଫିସ,୧୯।୪: ଏବେ ଭଦ୍ରକ ଜିଲାରେ ସନ୍ଧ୍ୟା ୬ ପର୍ଯ୍ୟନ୍ତ ପରିବା ମାର୍କେଟ ଖୋଲିବା ପାଇଁ ପ୍ରଶାସନ ଅନୁମତି ପ୍ରଦାନ କରିଛି। ପୂର୍ବରୁ ମଧ୍ୟାହ୍ନ ୧...

ଟ୍ରାଫିକ୍‌ ନିୟନ୍ତ୍ରଣ,ବାଟ ପାଉନି ଜିଲା ପ୍ରଶାସନ

ଦେବଗଡ଼,୧୪।୭(ଡି.ଏନ.ଏ.) – ୧୯୯୪ ମସିହାରେ ଦେବଗଡ଼ ଜିଲା ଗଠନ ହୋଇଥିଲା ା ଇତିମଧ୍ୟରେ ୨୫ ବର୍ଷ ବିତିଛି ା ହେଲେ ପ୍ରଶାସନିକ ଅବହେଳା କାରଣରୁ ଏହି...

ଅଚଳାବସ୍ଥାରେ ୱାଟର ଏଟିଏମ୍‌

ବ୍ରହ୍ମପୁର ଅଫିସ,୧୬ା୩: ଆଗକୁ ଆସୁଛି ଗ୍ରୀଷ୍ମ ଋତୁ। ବ୍ରହ୍ମପୁର ମହାନଗରବାସୀ ଓ ବାହାରୁ ସହରକୁ ଆସୁଥିବା ଜନସାଧାରଣଙ୍କ ପାଇଁ ବିଶୁଦ୍ଧ ଜଳ ଯୋଗାଣ ନିମନ୍ତେ ମହାନଗର ନିଗମ...

୪୦ରୁ ଅଧିକ ଶ୍ରମିକଙ୍କୁ ଅଟକ ରଖିଲା ପୋଲିସ

ବାରିପଦା ଅଫିସ, ୩୦ା୪- ସାରା ଦେଶରେ ଦ୍ୱିତୀୟ ପର୍ଯ୍ୟାୟ ଲକଡାଉନ ଚାଲିଥିବା ବେଳେ ବାହାର ରାଜ୍ୟରେ ଥିବା ଶ୍ରମିକମାନଙ୍କୁ ଆଣିବା ପାଇଁ ରାଜ୍ୟ ସରକାର ଉଦ୍ୟମ...

ଜଗା, କାଳିଆଙ୍କୁ ଭେଟିଲେ ମନ୍ତ୍ରୀ ଅଶୋକ ପଣ୍ଡା

କଟକ ଅଫିସ,୨୫-୯: ଏସ୍‌ସିବି ମେଡିକାଲରେ ଚିକିତ୍ସିତ ହେଉଥିବା କନ୍ଧମାଳ ଜିଲାର ଜଗା, କାଳିଆଙ୍କୁ ମଙ୍ଗଳବାର ବିଜ୍ଞାନ ଓ ପ୍ରଯୁକ୍ତି ବିଦ୍ୟା, ସାମାଜିକ ଭିନ୍ନକ୍ଷମ ସଶକ୍ତୀକରଣ ବିଭାଗ...

ଆଦିବାସୀ ମନ୍ତ୍ରୀ, ବିଧାୟକଙ୍କ ଜନଜାତି ଆବାସିକ ବିଦ୍ୟାଳୟ ପରିଦର୍ଶନ 

କୋକସରା,୨୪।୮(ଡି.ଏନ.ଏ.): ଆଦିବାସୀ ଓ ଜନଜାତି ମନ୍ତ୍ରୀ ଜଗନ୍ନାଥ ସିରକା ଶନିବାର ପାପଡାହାଣ୍ଡି ଗସ୍ତରେ ଆସି ଫେରୁଥିବା ବେଳେ କଳାହାଣ୍ଡି ଜିଲା କୋକସରା ବ୍ଲକ ଆମପାଣିରେ ଥିବା...

ଢାବାରେ ନାବାଳକଙ୍କ ମୃତ୍ୟୁ ନେଇ ଲଙ୍କାକାଣ୍ଡ : ପୋଲିସକୁ ଗୋଡ଼େଇ ପିଟିଲେ ଲୋକେ

ବାଲିଆପାଳ,୨୬।୭(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ଜିଲା ବାଲିଆପାଳ ଇଡକୋ ଛକସ୍ଥିତ ରାଜଧାନୀ ଢାବାରେ କାମ କରୁଥିବା ଜଣେ ୧୫ ବର୍ଷର ନାବାଳକଙ୍କୁ ହତ୍ୟା କରାଯିବା ଅଭିଯୋଗ ନେଇ ସାରା ଅଞ୍ଚଳ...

Leave a comment

Your email address will not be published. Required fields are marked *