Posted inଖେଳ

ଆଇପିଏଲ୍‌ ଗଭର୍ନିଂ କାଉନସିଲ ବୈଠକ: ଖେଳାଳି ବଦଳ ନିୟମ ନେଇ ଆଲୋଚନା ହେବ

ନୂଆଦିଲ୍ଲୀ,୫।୧୧(ପି.ଟି.)- ମୁମ୍ବାଇରେ ହାଇପ୍ରୋଫାଇଲ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଗଭର୍ନିଂ କାଉନସିଲ ବୈଠକ ବୁଧବାର ବସିବାକୁ ଯାଉଛି। ଆଇପିଏଲକୁ ଅଧିକ ରୋମାଞ୍ଚକ କରିବା ପାଇଁ ଏକ ନୂଆ ନିୟମ ଲାଗୁ କରିବା ନେଇ ଏହି ବୈଠକରେ ଆଲୋଚନା ହେବ। ଖେଳାଳି ବଦଳ ନିୟମ ନେଇ ମଧ୍ୟ ଏଥିରେ ଆଲୋଚନା ହେବ। ତେବେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ନବ ନିର୍ବାଚିତ ସଭାପତି ସୌରଭ ଗାଙ୍ଗୁଲି ଏ ନେଇ ଅନ୍ତିମ ନିଷ୍ପତ୍ତି ନେବେ।
ଏହି ନୂଆ ନିୟମକୁ ‘ପାଓ୍ବାର ପ୍ଲେୟାର’ କନ୍‌ସେପ୍ଟ ବୋଲି କୁହାଯାଉଛି। ଏହି କନ୍‌ସେପ୍ଟ ଅନୁସାରେ ଅନ୍ତିମ ଏକାଦଶରେ ସ୍ଥାନ ପାଇ ନ ଥିବା ଖେଳାଳି କୌଣସି ଉଇକେଟ ପତନ ପରେ ବ୍ୟାଟିଂ କରିବାକୁ ଆସିପାରିବେ। ସେହିପରି କୌଣସି ଓଭର ଶେଷ ହେବାପରେ ଅନ୍ତିମ ଏକାଦଶରେ ସ୍ଥାନ ପାଇ ନ ଥିବା ଖେଳାଳି ବୋଲିଂ କରିବାକୁ ପଡିଆକୁ ଆସିପାରିବେ। ମ୍ୟାଚ୍‌ର ଯେକୌଣସି ମୁହୂର୍ତ୍ତରେ ଦଳଗୁଡିକୁ ଏଭଳି ଖେଳାଳି ବଦଳ କରିବାର ଅଧିକାର ମିଳିବ। ଏ ସଂକ୍ରାନ୍ତରେ ଗାଙ୍ଗୁଲି ଅନ୍ତିମ ନିଷ୍ପତ୍ତି ନେବେ। ତେବେ ଏହା ପୂର୍ବରୁ ବିଭିନ୍ନ ଦୃଷ୍ଟିକୋଣକୁ ଆଖିଆଗରେ ରଖି ବିଚାର କରାଯିବ। ଗଭର୍ନିଂ କାଉନସିଲ ବୈଠକରେ ଗାଙ୍ଗୁଲି ଏ ନେଇ ଅଧ୍ୟକ୍ଷ ବ୍ରିଜେଶ ପଟେଲ ଓ ଅନ୍ୟ ପଦାଧିକାରୀଙ୍କ ସହ ଆଲୋଚନା କରିବେ। ଏ ନେଇ କୌଣସି ଅନ୍ତିମ ନିଷ୍ପତ୍ତି ନିଆଯାଇନାହିଁ ବୋଲି ସ୍ପଷ୍ଟ କରାଯାଇଛି। ଏଭଳି ଆକସ୍ମିକ ଖେଳାଳି ବଦଳ ନିୟମ ମ୍ୟାଚ୍‌ ଫିକ୍ସର ଓ ବୁକିମାନଙ୍କୁ ସମସ୍ୟାରେ ପକାଇବ ବୋଲି କୁହାଯାଉଛି।
ଯଦି ଏହି ନିୟମ ଲାଗୁ ହୁଏ ତେବେ ଆଗାମୀ ୨୦୨୦ ଆଇପିଏଲ୍‌ ସଂସ୍କରଣରେ ପ୍ରତ୍ୟେକ ମ୍ୟାଚ୍‌ ଆରମ୍ଭ ସମୟରେ ଦଳଗୁଡିକ ୧୧ ଜଣ ଖେଳାଳିଙ୍କ ବଦଳରେ ୧୫ଜଣଙ୍କୁ ଦଳରେ ସାମିଲ କରିବ। ଅର୍ଥାତ ଆବଶ୍ୟକ ପଡିଲେ ଅନ୍ତିମ ଏକାଦଶରେ ସାମିଲ ହୋଇ ନ ଥିବା ଜଣେ ଖେଳାଳି ଆବଶ୍ୟକ ସ୍ଥଳେ ବୋଲିଂ କିମ୍ବା ବ୍ୟାଟିଂ କରିବାର ସୁଯୋଗ ପାଇବ। ଉଦାହରଣ ସ୍ବରୂପ ଶେଷ ଓଭର ବା ଅନ୍ତିମ ୬ ବଲ୍‌ରେ ବିଜୟ ପାଇଁ ୨୦ ରନ ଆବଶ୍ୟକ ହେଉଥିବା ବେଳେ ଯଦି ଏକ ଦଳର ଡଗ୍‌ ଆଉଟ୍‌ରେ ଆନ୍ଦ୍ରେ ରସେଲ ବସିଥିବେ ଓ ଅନ୍ତିମ ଏକାଦଶରେ ସ୍ଥାନ ପାଇ ନ ଥିବେ ତେବେ ଏହି ନିୟମ ଦ୍ୱାରା ସେ ବ୍ୟାଟିଂ କରିବାର ସୁଯୋଗ ପାଇବେ। ସେହିପରି ଅନ୍ତିମ ଓଭରରେ ଗୋଟିଏ ଦଳ ୬ ରନକୁ ଡିଫେଣ୍ଡ କରିବାର ପରିସ୍ଥିତି ସୃଷ୍ଟି ହେଉଥିବ। ଯଶପ୍ରୀତ ବୁମ୍‌ରା ଅନ୍ତିମ ଏକାଦଶରେ ସ୍ଥାନ ପାଇ ନ ଥିବେ ଓ ସେ ଡଗ୍‌ ଆଉଟ୍‌ରେ ବସିଥିବେ। ଏପରି ସ୍ଥଳେ ସେ ଅନ୍ତିମ ଓଭର ବୋଲିଂ କରିବାର ସୁଯୋଗ ପାଇବେ। ଏହା ଦ୍ୱାରା ମ୍ୟାଚ୍‌ ଅଧିକ ରୋମାଞ୍ଚକ ହେବ ବୋଲି ଆଶା କରାଯାଉଛି। ଖୁବ୍‌ଶୀଘ୍ର ଏ ସଂକ୍ରାନ୍ତରେ ଅନ୍ତିମ ନିଷ୍ପତ୍ତି ନିଆଯିବ।


All Right Reserved By Dharitri.Com

Posted inଖେଳ View All

ମୁମ୍ବାଇ ୪୦ ରନରେ ବିଜୟୀ

ନୂଆଦିଲ୍ଲୀ,୧୯।୪(ପି.ଟି)- ରୋହିତ ଶର୍ମାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ୩୪ତମ ମ୍ୟାଚ୍‌ରେ ଘରୋଇ ଦିଲ୍ଲୀ କ୍ୟାପିଟାଲ୍ସକୁ ୪୦ ରନରେ ପରାସ୍ତ...

ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ଦଳ ଘୋଷିତ; ଶୁବମନ ନୂଆ ମୁହଁ

ନୂଆଦିଲ୍ଲୀ,୧୩।୯(ପି.ଟି.)- ଆଗାମୀ ଦକ୍ଷିଣ ଆଫ୍ରିକା ବିପକ୍ଷ ସିରିଜ ପାଇଁ ଭାରତୀୟ ଟେଷ୍ଟ ଦଳ ଘୋଷଣା ହୋଇଛି। ଦଳରେ ଏକାଧିକ ଅଦଳବଦଳ କରାଯାଇି। ଖରାପ୍‌ ଫର୍ମ ପାଇଁ...

ପଡିଆରେ ମ୍ୟାଚ୍‌ ଚାଲିଥିବାବେଳେ ଅମ୍ପାୟାରଙ୍କ ଅଚାନକ ମୃତ୍ୟୁ

କରାଚି,୮।୧୦: ପାକିସ୍ତାନରେ ଏକ କ୍ଲବସ୍ତରୀୟ ମ୍ୟାଚ୍‌ ଚାଲିଥିବାବେଳେ ଏକ ଅଭାବନୀୟ ଘଟଣା ଘଟିଛି। ମ୍ୟାଚ୍‌କୁ ପରିଚାଳନା କରୁଥିବାବେଳେ ଅମ୍ପାୟାର ନସିମ ଶେଖ ଅଚାନ୍‌ ପଡିଆରେ ଟଳିପଡିଥିଲେ।...

ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର: ପ୍ରମୋଦ ଶ୍ରେଷ୍ଠ କ୍ରୀଡ଼ାବିତ୍‌

ଭୁବନେଶ୍ୱର, ୭।୮(କ୍ରୀଡ଼ା ପ୍ରତିନିଧି)-ପାରା ଆଥଲେଟ୍‌ ପ୍ରମୋଦ ଭଗତ ୨୦୧୮ ମସିହା ପାଇଁ ବିଜୁ ପଟ୍ଟନାୟକ ଶ୍ରେଷ୍ଠ କ୍ରୀଡ଼ାବିତ୍‌ ପୁରସ୍କାର ପାଇବାକୁ ମନୋନୀତ ହୋଇଛନ୍ତି। ମଙ୍ଗଳବାର ପୁରସ୍କାର...

ଫୁଟ୍‌ବଲ ଖେଳୁଥିବା ଗାଈ ଭିଡିଓ ଭାଇରାଲ

ପଣଜୀ,୩।୭(ଏଏଫ୍‌ପି)- ଗୋଆରେ କ୍ରିକେଟ ଅପେକ୍ଷା ଫୁଟ୍‌ବଲର ଲୋକପ୍ରିୟତା ଅଧିକ। ଏହା କାହାକୁ ଅଜଣା ନାହିଁ। ନିକଟରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ...

ଏହି ଖେଳାଳିଙ୍କ ଦୃଷ୍ଟିଶକ୍ତି କମ ଥିଲା, ତଥାପି ତାଙ୍କ ନାଁରେ ରହିଛି ୧୦୦ଟି ଶତକ

ଭାରତର ସ୍ବାଧୀନତାର ଠିକ୍‌ ୨୦ ଦିନ ପୂର୍ବରୁ ଅର୍ଥାତ୍‌ ୧୯୪୭ ମସିହା ଜୁଲାଇ ୨୪ ଏମିତି ଜଣେ ଖେଳାଳି ଜନ୍ମ ନେଇଥିଲେ, ଯେକି ପଡିଆକୁ ଓହ୍ଲାଇବା...

ସନ୍ଦେହରେ ଦନଞ୍ଜୟ, ଓ୍ବିଲିୟମସନଙ୍କ ବୋଲିଂ ଆକ୍ସନ

ଦୁବାଇ, ୨୦।୮ (ପି.ଟି.)- ନ୍ୟୁଜିଲାଣ୍ଡ ଅଧିନାୟକ କେନ୍‌ ଓ୍ବିଲିୟମସନ ଓ ଶ୍ରୀଲଙ୍କା ଅଫ୍‌-ସ୍ପିନର ଅକିଲ ଦନଞ୍ଜୟଙ୍କ ବୋଲିଂ ଆକ୍ସନ ସନ୍ଦେହ ଘେରକୁ ଆସିଛି। ଗାଲେଠାରେ ଘରୋଇ...

ପ୍ରଥମଥର ପାଇଁ ଏହି ରାଜ୍ୟରେ ସବୁ ଖେଳର ନାଁ, ନିୟମ ସଂସ୍କୃତରେ ଲେଖାଯିବ

ରାୟପୁର, ୧୧।୬: ପ୍ରଥମଥର ପାଇଁ ଛତିଶଗଡରେ ସବୁ ଖେଳର ନାଁ ଏବଂ ନିୟମ ସଂସ୍କୃତ ଭାଷାରେ ଲେଖାଯିବ। ଏପରିକି ରାଜ୍ୟସ୍ତରୀୟ କ୍ରିକେଟର କମେଣ୍ଟ୍ରି ମଧ୍ୟ ସଂସ୍କୃତରେ...

Leave a comment

Your email address will not be published. Required fields are marked *