ଏଣ୍ଡୋକ୍ରାଇନୋଲୋଜି ବିଭାଗରେ ତାଲା ଝୁଲିବ

କଟକ ଅଫିସ,୩୧ା୧୦: ଏସ୍‌ସିବି ମେଡିକାଲ୍‌ର ଗୋଟିକ ପରେ ଗୋଟିଏ ବିଭାଗ ଏବେ ବନ୍ଦ ହେବା ସ୍ଥିତିରେ। ଗୁରୁତ୍ୱପୂର୍ଣ୍ଣ ହୃଦ୍‌ବକ୍ଷଶଲ୍ୟ (ସିଟିଭିଏସ୍‌) ବିଭାଗ ଡାକ୍ତର ଅଭାବରୁ ଅଚଳାବସ୍ଥାକୁ ଆସି ଥିବାବେଳେ ତା’ଠୁ ଅଧିକ ସମସ୍ୟା ଅନ୍ୟ ଏକ ଗୁରୁତ୍ୱପୂର୍ଣ୍ଣ ବିଭାଗ ଅନ୍ତଃସ୍ରାବୀ ବିଜ୍ଞାନ ବା ଏଣ୍ଡୋକ୍ରାଇନୋଲୋଜିରେ ଉପୁଜିଛି। ଜଣେ ମାତ୍ର ପ୍ରଫେସରଙ୍କୁ ନେଇ ଏହି ବିଭାଗ ଚାଲିଛି। ସମ୍ପୃକ୍ତ ପ୍ରଫେସର ୨୦୨୦ ଜୁନରେ ଚାକିରିରୁ ଅବସର ଗ୍ରହଣ କରିବେ। ଏହା ପରେ ଏହି ବିଭାଗର ଭବିଷ୍ୟତକୁ ନେଇ ବଡ଼ ପ୍ରଶ୍ନ ସୃଷ୍ଟି ହୋଇଛି। ୨୦୦୮ ପରଠାରୁ ଉକ୍ତ ବିଭାଗକୁ ଜଣେ ବି ଡାକ୍ତର ଯୋଗାଇ ଦେଇନାହାନ୍ତି ସରକାର। ୨୦୦୮ରେ ଯେଉଁ ଡାକ୍ତରଙ୍କୁ ଏଠାରେ ନିଯୁକ୍ତି ମିଳିଥିଲା ସେ ଗତ ଅଗଷ୍ଟରୁ ଚାକିରିରୁ ଇସ୍ତଫା ଦେଇ ଚାଲିଯାଇଛନ୍ତି। ଫଳରେ ମେଡିକାଲ ଛାତ୍ରୀଛାତ୍ରଙ୍କୁ ଶିକ୍ଷାଦାନଠାରୁ ଆରମ୍ଭ କରି ସନ୍ଦର୍ଭ ପ୍ରସ୍ତୁତ ଓ ରୋଗୀସେବା ଆଦି କ୍ଷେତ୍ରରେ ନାନା ସମସ୍ୟା ଉପୁଜିଛି।
୧୯୭୮ରେ ଏସ୍‌ସିବି ମେଡିକାଲରେ ଏଣ୍ଡୋକ୍ରାଇନୋଲୋଜି ବିଭାଗ ଖୋଲିଥିଲା। ୨୦ଟି ବେଡ୍‌କୁ ନେଇ ଚାଲିଥିବା ଏହି ବିଭାଗରୁ ବର୍ଷକୁ ୨ଜଣ ପିଜି ଛାତ୍ର ବାହାରନ୍ତି। ବିଭାଗର ରୋଗୀ ହାରକୁ ଦେଖିଲେ ଜଣାପଡ଼େ ବର୍ଷକୁ ଆଉଟଡୋରକୁ ୫୦ରୁ ୫୨ହଜାର ଏବଂ ଇନ୍‌ଡୋରକୁ ୭୦୦ରୁ ୭୫୦ ରୋଗୀ ଆସିଥାନ୍ତି। ଗତବର୍ଷର ତଥ୍ୟ ଅନୁଯାୟୀ, ଆଉଟଡୋରକୁ ୫୨ହଜାର ରୋଗୀ ଆସିଥିବାବେଳେ ଇନ୍‌ଡୋରରେ ୭୭୦ଜଣ ଭର୍ତ୍ତି ହୋଇଥିଲେ। ସେମାନଙ୍କ ମଧ୍ୟରୁ ୯୦ ପ୍ରତିଶତ ମଧୁମେହ, ୭ରୁ ୮ ପ୍ରତିଶତ ଥାଇରଏଡ୍‌ ଏବଂ ଅନ୍ୟମାନେ ବିଭିନ୍ନ ଅନ୍ତଃସ୍ରାବୀ ରୋଗରେ ଆକ୍ରାନ୍ତ ଥିବା ଜଣାପଡ଼ିଛି। ମୁଖ୍ୟତଃ ଅନେକ ଜଟିଳ ଅନ୍ତଃସ୍ରାବୀ ରୋଗୀଙ୍କ ସଂଖ୍ୟା ବଢୁଥିବାବେଳେ ମଧୁମେହ ରୋଗୀଙ୍କ କଥା ନ କହିବା ଭଲ। ଏଭଳି ସ୍ଥିତିରେ ଏହି ବିଭାଗ ବନ୍ଦ ହେବାକୁ ଯାଉଥିବାରୁ ଶହ ଶହ ରୋଗୀଙ୍କ ପାଇଁ ଚିନ୍ତା ବଢାଇଛି। ଡାକ୍ତର ଯୋଗାଇଦେବା ପାଇଁ ବିଭାଗୀୟ ମୁଖ୍ୟ ପ୍ରଫେସର ଡାକ୍ତର ଏ.କେ. ବଳିୟାରସିଂ ଇତିମଧ୍ୟରେ ସରକାରଙ୍କୁ ଚିଠି ଲେଖି ଅବଗତ କରାଇବା ପରେ ମେଡିକାଲ କଲେଜ ପ୍ରିନ୍ସିପାଲ ଏବଂ ଅନ୍ୟାନ୍ୟ ପଦାଧିକାରୀଙ୍କ ସହିତ ଆଲୋଚନା କରିଛନ୍ତି। ମାତ୍ର ତାହା କାର୍ଯ୍ୟକାରୀ ହୋଇପାରିନାହିଁ। ଡାକ୍ତର ଅଭାବଜନିତ କାରଣ ମଧ୍ୟ ଆଉ ଏକ ବଡ଼ ସମସ୍ୟାକୁ ଆମନ୍ତ୍ରଣ କରୁଛି। ୨୦୨୧-୨୨ ମସିହାରେ ଏଣ୍ଡୋକ୍ରାଇନୋଲୋଜି ବିଭାଗରେ ଏମ୍‌ସିଆଇ ଇନ୍ସିସ୍ପେକ୍ସନ ହେବ। ସେତେବେଳକୁ ଯଦି ଏମ୍‌ସିଆଇ ଗାଇଡ୍‌ଲାଇନ ଅନୁଯାୟୀ ଡାକ୍ତର ନ ଥାନ୍ତି ତାହାହେଲେ ଏହି ବିଭାଗକୁ ମିଳିଥିବା ୨ଟି ଡିଏମ୍‌ ସିଟ୍‌ ପ୍ରତ୍ୟାହାର ହେବା ଆଶଙ୍କା ରହିଛି। ଏହି ଗୁରୁତ୍ୱପୂର୍ଣ୍ଣ ବିଭାଗ ପ୍ରତି ସରକାର ଆଖି ବୁଜିଦେବା ଘଟଣାକୁ ସଚେତନ ଲୋକେ ସହଜରେ ଗ୍ରହଣ କରୁନାହାନ୍ତି।
ରାଜ୍ୟ ରୋଗୀ ଅଧିକାର ମଞ୍ଚର ସଭାପତି ଅମିୟ ଭୂଷଣ ବିଶ୍ୱାଳ କହିଛନ୍ତି, ଅନ୍ତଃସ୍ରାବୀ ରୋଗୀଙ୍କ ସଂଖ୍ୟା କ୍ରମଶଃ ବୃଦ୍ଧି ପାଇବାରେ ଲାଗିଛି। ମାତ୍ର ଏଭଳି ବିଭାଗ ବନ୍ଦ ହେବା ସ୍ଥିତିକୁ ଆସିବା ରାଜ୍ୟ ପାଇଁ ଭଲ ଖବର ନୁହେଁ। ସାମାଜିକ କର୍ମୀ ଦୀପକ ଆଚାର୍ଯ୍ୟ କହିଛନ୍ତି, ସରକାର ଏବେ ‘ମୋ ସରକାର’ କାର୍ଯ୍ୟକ୍ରମ ମାଧ୍ୟମରେ ବ୍ୟବସ୍ଥାକୁ ଲୋକାଭିମୁଖୀ କରୁଛନ୍ତି। ମାତ୍ର ଏହା କିଭଳି ଲୋକାଭିମୁଖୀ ହେଉଛି ତାହା ଏଣ୍ଡୋକ୍ରାଇନୋଲୋଜି ବିଭାଗରୁ ଜଣାପଡ଼ୁଛି। ଏ ନେଇ ମେଡିକାଲର ଜରୁରିକାଳୀନ ଅଧିକାରୀ ଡା. ଭୁବନାନନ୍ଦ ମହାରଣା କହିଛନ୍ତି, ବ୍ରହ୍ମପୁର ମେଡିକାଲ କଲେଜର ଜଣେ ଡାକ୍ତରଙ୍କୁ ଏଠାକୁ ଆଣିବା ପାଇଁ ବ୍ୟବସ୍ଥା କରାଯାଉଛି। ଉକ୍ତ ପ୍ରସ୍ତାବ ସରକାରଙ୍କ ବିଚାରାଧୀନ ଅଛି। ଅନ୍ୟପକ୍ଷରେ ଭିତିରି ସୂଚନା ଅନୁଯାୟୀ, ବ୍ରହ୍ମପୁର ମେଡିକାଲ କଲେଜରେ ମାତ୍ର ଦୁଇବର୍ଷ ତଳେ ଏଣ୍ଡୋକ୍ରାଇନୋଲୋଜି ବିଭାଗ ଖୋଲିଛି। ସେଠାରେ ଏହି ବିଭାଗରେ ୨ଜଣ ଡାକ୍ତର ରହିଛନ୍ତି। ଯଦି ଜଣଙ୍କୁ ଏସ୍‌ସିବିକୁ ଅଣାଯାଏ ତା’ହେଲେ ସେଠାକାର ବିଭାଗ ମଧ୍ୟ ବନ୍ଦ ହେବା ଭଳି ପରିସ୍ଥିତି ଉପୁଜିବ। ତେଣୁ ସରକାର ତୁରନ୍ତ ନୂଆ ଡାକ୍ତର ନିଯୁକ୍ତି ନ ଦେଲେ ଏସ୍‌ସିବିର ଏଣ୍ଡୋକ୍ରାଇନୋଲୋଜି ବିଭାଗରେ ୮ମାସ ପରେ ତାଲା ଝୁଲିବା ଏକପ୍ରକାର ନିଶ୍ଚିତ।


All Right Reserved By Dharitri.Com

କୋଇଲା ରୟାଲିଟି ବୃଦ୍ଧିକୁ ପୁଣି ଏଡ଼ାଇଗଲେ କେନ୍ଦ୍ରମନ୍ତ୍ରୀ

ଭୁବନେଶ୍ୱର,୮।୧୧(ବ୍ୟୁରୋ): ରାଜ୍ୟ ସରକାର କୋଇଲା ରୟାଲିଟି ବୃଦ୍ଧି ପାଇବା ନେଇ ବିଭିନ୍ନ ସମୟରେ କେନ୍ଦ୍ର ସରକାରଙ୍କ ନିକଟରେ ଦାବି କରୁଛନ୍ତି। ମାତ୍ର କେନ୍ଦ୍ର ସରକାର ଏହାକୁ...

ବାଣୀବିହାର ପ୍ଲାଟିନମ୍‌ ଜୁବିଲି ଉଦ୍‌ଯାପନୀ ଉତ୍ସବରେ ଯୋଗଦେଲେ ରାଷ୍ଟ୍ରପତି

ଭୁବନେଶ୍ୱର,୮।୧୨(ବ୍ୟୁରୋ): ବାଣୀବିହାରର ପ୍ଲାଟିନମ୍‌ ଜୁବିଲିିର ଉଦ୍‌ଯାପନୀ ଉତ୍ସବରେ ଯୋଗଦେଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ତାଙ୍କ ସହ ରାଜ୍ୟପାଳ ଗଣେଶୀ ଲାଲ, କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ...

ବଢ଼ିଲା ନଦୀ ଜଳସ୍ତର

ଭୁବନେଶ୍ୱର, ୨୦।୮(ବ୍ୟୁରୋ):ଦୁଇଦିନ ଲଘୁଚାପଜନିତ ଲଗାଣ ବର୍ଷା ଯୋଗୁ ରାଜ୍ୟରେ ପୁଣି ବନ୍ୟା ପରିସ୍ଥିତି ଜଟିଳ ହେବାରେ ଲାଗିଛି। ଉପରମୁଣ୍ଡରେ ବର୍ଷା ହେବାରୁ ହୀରାକୁଦର ଜଳସ୍ତର ପୁଣି...

ଇଣ୍ଡିପେଣ୍ଡେଣ୍ଟ କପ୍‌ ଫୁଟବଲ ଟୁର୍ନାମେଣ୍ଟ : କୋମନା, ନୂଆପଡା ମଧ୍ୟରେ ଫାଇନାଲ ମ୍ୟାଚ୍‌

କୋମନା,୨୫।୮(ଡି.ଏନ.ଏ.) ନୂଆପଡା ଜିଲା କୋମନା ବ୍ଲକ ତରବୋଡସ୍ଥିତ ରାଜିବ ଗାନ୍ଧୀ ମିନି ଷ୍ଟାଡିୟମରେ ଚାଲିଥିବା ଦ୍ୱାଦଶ ଇଣ୍ଡିପେଣ୍ଡେଣ୍ଟ କପ ଫୁଟବଲ ଟୁର୍ନାମେଣ୍ଟର ଦୁଇଟି ସେମି ଫାଇନାଲ...

ଭିତୋଲ ଗ୍ରୁପ ମୁଖ୍ୟଙ୍କ ସହ ଧର୍ମେନ୍ଦ୍ରଙ୍କ ଆଲୋଚନା:ଭାରତ-ଓପେକ୍‌ ଭାଗୀଦାରିକୁ ମଜଭୁତ୍‌ କରିବା ଉପରେ ଗୁରୁତ୍ୱ

ଭୁବନେଶ୍ୱର,୧୩।୧୧(ବ୍ୟୁରୋ):ଦୁଇଦିନିଆ ୟୁଏଇ ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗଳବାର ଭିତୋଲ ଗ୍ରୁପର ମୁଖ୍ୟ ମାଇକ୍‌ ମିଲ୍ଲରଙ୍କୁ ସାକ୍ଷାତ୍‌ କରିଛନ୍ତି। ଭିତୋଲ ଗ୍ରୁପ କମ୍ପାନୀକୁ ତୈଳ...

୫୫ କେଜି ପଲିଥିନ , ପ୍ଲାଷ୍ଟିକ ଜବତ

ଓଡ଼ଗାଁ,୨୬ା୯(ସ୍ବ.ପ୍ର.): ଏକକ ବ୍ୟବହୃତ ପ୍ଲାଷ୍ଟିକ ଓ ପଲିଥିନ ବ୍ୟବହାର ଉପରେ କେନ୍ଦ୍ର ଓ ରାଜ୍ୟ ସରକାର କଟକଣା ଲାଗୁ କରୁଥିବା ବେଳେ ଏନେଇ ବ୍ୟବସାୟୀ ଓ...

ପିକ୍‌ନିକ୍‌ ହେଲା କାଳ: ଜଳପ୍ରପାତରେ ଗାଧୋଇବା ବେଳେ ଚାଲିଗଲା ୨ ଛାତ୍ରଙ୍କ ଜୀବନ

ସମ୍ବଲପୁର,୧୮।୧(ବ୍ୟୁରୋ): ସମ୍ବଲପୁର ଜିଲା ଯୁଯୁମୁରାଠାରେ ଥିବା ଦେବଝରଣ ପର୍ଯ୍ୟଟନସ୍ଥଳୀକୁ ଶନିବାର ଭିସୁଟ୍‌ ଇଞ୍ଜିନିୟରିଂ ଛାତ୍ର ପିକ୍‌ନିକ୍‌ କରିବାକୁ ଯାଇଥିଲେ। ଜଳପ୍ରପାତରେ ଗାଧୋଉଥିବା ସମୟରେ ବୁଡ଼ିଯିବାରୁ ଦୁଇଜଣଙ୍କ...

ବାତ୍ୟା ପରେ ବନ୍ୟାପାଣିର ଦୁଃଖ: ପାଣି ଘେରରେ ଏକାଧିକ ଗାଁ

ପୁରୀ ଅଫିସ, ୧୮।୮: ପ୍ରାକୃତିକ ଦୁର୍ବିପାକ ଉପକୂଳବର୍ତ୍ତୀ ପୁରୀ ଜିଲାର ପିଛା ଛାଡୁନି। ପ୍ରାୟ ପ୍ରତିବର୍ଷ ବିଭିନ୍ନ ପ୍ରକାର ପ୍ରାକୃତିକ ବିପର୍ଯ୍ୟୟର ସାମ୍ନା କରୁଥିବା ଜିଲାବାସୀ...

Leave a comment

Your email address will not be published. Required fields are marked *