ଆଶ୍ଚର୍ଯ୍ୟ ଲାଗୁଥିଲେ ବି ସତ: ବିନା ବ୍ୟାଟେରି, ବିଦ୍ୟୁତ୍‌ରେ ବାଜୁଛି ରେଡିଓ

ପୁରୀ ଅଫିସ,୨୬ା୫: ବର୍ତ୍ତମାନ ରେଡିଓର ଆଉ ଚାହିଦା ନାହିଁ। ଟିଭି, ମୋବାଇଲ ଯୁଗରେ ରେଡିିଓ ଏକପ୍ରକାର ଅଦରକାରୀ ହୋଇପଡ଼ିଛି। ହେଲେ ଏମିତି ଅଲୋଡ଼ା ପଡିଥିବା ଏକ ରେଡ଼ିଓରେ ଦେଖିବାକୁ ମିଳିଛି ଚମତ୍କାରିତା। ବିନା ବ୍ୟାଟେରି ଏବଂ ବିଦ୍ୟୁତ୍‌ରେ ବାଜୁଛି ରେଡିିଓ । ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ। ପୁରୀ ସହର ମାଟିଆପଡ଼ା ରାଧାକୃଷ୍ଣ ଲେନ୍‌ର ଉମାକାନ୍ତ ରଥଙ୍କ ଘରେ ଘଟିଛି ଏପରି ଏକ ଚମତ୍କାରିତା। ବାତ୍ୟାରେ ତାଙ୍କ ଘର ର଼୍ୟାକ୍‌ ଉପରୁ ତଳେ ପଡ଼ି ଭାଙ୍ଗିଯିବା ପରେ ସେବେଠାରୁ ରେଡ଼ିଓ ବାଜୁଛି। ଏହି କଥା ପ୍ରଘଟ ହେବା ପରେ ଆଖପାଖର ଲୋକେ ଉମାକାନ୍ତଙ୍କ ଘରେ ପହଞ୍ଚତ୍ ଏହାର ସତ୍ୟତା ପରଖୁଛନ୍ତି।

ବାତ୍ୟା ‘ଫନୀ’ ଭୟଙ୍କର ରୂପ ଧାରଣ କରି ଉପକୂଳ ଆଡ଼କୁ ମାଡ଼ି ଆସୁଥିବା ଭାରତୀୟ ପାଣିପାଗ ବିଭାଗର ସତର୍କ ସୂଚନା ପରେ ପୁରୀ ଜିଲାବାସୀ ଭୟଭୀତ ହୋଇପଡ଼ିିଥିଲେ। ଇନ୍ଦ୍ରଦ୍ୟୁମ୍ନ ପୁଷ୍କରିଣୀ କଡ଼ରେ ରହୁଥିବା ଉମାକାନ୍ତଙ୍କ ପରିବାର ବି ସତର୍କ ହୋଇପଡିଥିଲେ। ବିଦ୍ୟୁତ୍‌ କଟିଯିବ, ତେଣୁ ଟିଭି ଚାଲିବନି। ବାତ୍ୟା ବିଷୟରେ ଜାଣିବା ପାଇଁ ଘରେ ଥିବା ଏକ ପୁରୁଣା ରେଡ଼ିଓ ବାହାର କରିଥିଲେ। ସେଥିରେ ୩ଟି ନୂଆ ବ୍ୟାଟେରି ପକାଇବା ପରେ ତାହା ବାଜିଥିଲା। ତେବେ ରେଡିଓରେ ଘଟିଥିବା ଚମତ୍କାରିତା ସମ୍ପର୍କରେ ଉମାକାନ୍ତ କହିଛନ୍ତି, ୨ତାରିଖ ବିଳମ୍ବିତ ରାତିରୁ ବର୍ଷା, ପବନ ଆରମ୍ଭ ହୋଇଥିଲେ ହେଁ ୩ତାରିଖ ଭୋରୁ ପବନର ବେଗ ବଢିଥିଲା। ସକାଳ ପ୍ରାୟ ସାଢେ ୮ଟାରେ ଘର ର଼୍ୟାକ୍‌ ଉପରେ ଥିବା ରେଡିଓଟି ତଳକୁ ଖସିପଡ଼ିଥିଲା। ଫଳରେ ରେଡିଓ ଭାଙ୍ଗିଯିବା ସହ ବ୍ୟାଟେରି ଛିଟିକି ଏଣେତେଣେ ପଡ଼ିଥିଲା। କିନ୍ତୁ ଆଶ୍ଚର୍ଯ୍ୟଜନକ ଘଟଣା ଘଟିଲା। ବ୍ୟାଟେରି ନ ଥିଲେ ମଧ୍ୟ ରେଡ଼ିଓ ବାଜୁଥିଲା। ପରିବାର ଲୋକେ ଏହା ଦେଖି ହଠାତ୍‌ କିଛି ବୁଝିପାରି ନ ଥିଲେ। ତେବେ କେମିତି କ’ଣ ଭିତରେ ହୋଇଯାଇଥିବ ଭାବି ରେଡିଓକୁ ବନ୍ଦ କରିଦେଲୁ। ତାହା ବନ୍ଦ ହୋଇଗଲା। ହେଲେ ପୁଣି ଅନ୍‌ କରିବାରୁ ଏହା ବାଜିଲା। କିନ୍ତୁ ବ୍ୟାଟେରି ପକାଇ ନ ଥିଲୁ। ଇତିମଧ୍ୟରେ ୨୩ଦିନ ହେଲାଣି, ବିନା ବ୍ୟାଟେରି ଓ ବିଦ୍ୟୁତ୍‌ରେ ରେଡିଓ ବାଜୁଛି।

୧୯୯୮ରେ ୩୫୦ ଟଙ୍କା ଦେଇ ସେ ଏହି ରେଡିଓ କିଣିଥିଲେ। ଟିଭି ଆସିବା ପରେ ୭/୮ ବର୍ଷ ହେବ ରେଡିଓକୁ ଘର ର଼୍ୟାକ୍‌ ଉପରେ ରଖିଦେଇଥିଲେ। ଏହାର କୌଣସି ଆବଶ୍ୟକତା ପଡ଼ି ନ ଥିଲା। ହେଲେ ଏବେ ବିନା ବ୍ୟାଟେରିରେ ରେଡିିଓ ବାଜୁଥିବା ଜାଣିବା ପରେ ଆଖପାଖର ଲୋକେ ତାଙ୍କ ଘରକୁ ଆସି ଏହାକୁ ଦେଖୁଛନ୍ତି। ଏପରି କି ଜଣେ ରେଡିିଓ ମେକାନିକ ମଧ୍ୟ ତାଙ୍କ ଘରକୁ ଆସି ଏହାକୁ ପରଖିଛନ୍ତି। ହେଲେ କେମିତି ବାଜୁଛି ସେ ବି ଆଶ୍ଚର୍ଯ୍ୟ ପ୍ରକଟ କରିଥିବା ଉମାକାନ୍ତ କହିଛନ୍ତି।


All Right Reserved By Dharitri.Com

ବିବାଦରେ ଛନ୍ଦି ହୋଇପଡ଼ିଛି ବିଭିନ୍ନ ପ୍ରକଳ୍ପ

ଭଦ୍ରକ ଅଫିସ, ୧୫।୧୨- ଭଦ୍ରକ ଜିଲାରେ ଫୁଡ୍‌ ଓ ଟେକ୍ସଟାଇଲ ପାର୍କ ଭଳି ସରକାରୀ ଶିଳ୍ପ ପ୍ରକଳ୍ପ ବିବାଦୀୟ ପରିସ୍ଥିତି ଯୋଗୁ କାର୍ଯ୍ୟକାରୀ ହୋଇପାରୁ ନାହିଁ।...

କୋଭିଡ୍‌ କେନ୍ଦ୍ରରେ ଶିକ୍ଷକଙ୍କୁ ଦୁର୍ବ୍ୟବହାର କଲେ କାର୍ଯ୍ୟାନୁଷ୍ଠାନ : ଗଣଶିକ୍ଷା ମନ୍ତ୍ରୀ

ଭୁବନେଶ୍ୱର, ୨୭।୫(ବ୍ୟୁରୋ)- କୋଭିଡ୍‌ କେନ୍ଦ୍ରଗୁଡ଼ିକରେ କର୍ତ୍ତବ୍ୟରତ ଶିକ୍ଷକମାନଙ୍କୁ ଦୁର୍ବ୍ୟବହାର ଆଦୌ ବରଦାସ୍ତ କରାଯିବ ନାହିଁ। ଏପରି ଅସାମାଜିକ କାର୍ଯ୍ୟ କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ...

ଦାମଙ୍କ ଇସ୍ତଫା ଦଳ ଉପରେ ପ୍ରଭାବ ପକାଇବ ନାହିଁ: ଅରୁଣ ସିଂ

ଭୁବନେଶ୍ୱର,୧୬।୧୦(ବ୍ୟୁରୋ): ଭାଜପାରେ ଦାମୋଦର ରାଉତଙ୍କୁ ଅଣଦେଖା କରାଯାଇନାହିଁ। ବରଂ ଦଳ ପକ୍ଷରୁ ତାଙ୍କୁ ସୁଯୋଗ ଦିଆଯାଇଥିଲା। ନିର୍ବାଚନ ଲଢ଼ିବାକୁ ଦଳ ତାଙ୍କୁ ଟିକେଟ ଦେଇଥିଲା। ମାତ୍ର...

୧୪୪୬୪ ଫେରନ୍ତାଙ୍କ ପାଇଁ ୧୧୫ ସଙ୍ଗରୋଧ କେନ୍ଦ୍ର ପ୍ରସ୍ତୁତ

ବୁଗୁଡ଼ା, ୩୦।୪(ଡି.ଏନ୍‌.ଏ): ବର୍ତ୍ତମାନ ସାରା ଦେଶ ଓ ରାଜ୍ୟରେ କରୋନା ମହାମାରୀରୁ ଉଦ୍ଧାର ନିମନ୍ତେ ମାସେରୁ ଊର୍ଦ୍ଧ୍ୱ ହେବ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ...

ପ୍ରି-ଲିଟିଗେଶନ୍‌ ଡେସ୍କ ଉଦ୍‌ଘାଟିତ: ମାମଲା ହ୍ରାସ ସହ କମିବ ଅଭିଯୋଗକାରୀଙ୍କ ଖର୍ଚ୍ଚ

ଅନୁଗୋଳ ଅଫିସ, ୧।୬: ଅନୁଗୋଳ ଜିଲା ଆଇନ ସେବା ପ୍ରାଧିକରଣ କାର୍ଯ୍ୟାଳୟରେ ପ୍ରାକ୍‌ ବିବାଦ ସମାଧାନ କେନ୍ଦ୍ର ବା ପ୍ରି-ଲିଟିଗେଶନ୍‌ ଡେସ୍କ ଶୁକ୍ରବାର ପୂର୍ବାହ୍ନରେ ଉଦ୍‌ଘାଟିତ...

ସମର ଫ୍ୟାଶନରେ ‘ଅରେଞ୍ଜ୍‌’ ଟ୍ରେଣ୍ଡ

ଭୁବନେଶ୍ୱର,୨୨।୪(ବ୍ୟୁରୋ)-ଫ୍ୟାଶନର ପରିଭାଷା ଦିନକୁ ଦିନ ପରିବର୍ତ୍ତନ ହେଉଥିବା ବେଳେ ଏଥିରେ ପ୍ରତିଦିନ ନୂଆ ନୂଆ ଷ୍ଟାଇଲ୍‌ ଓ ଷ୍ଟେଟ୍‌ମେଣ୍ଟ ଦେଖିବାକୁ ମିଳୁଛି। ଆଗରୁ କେବଳ କଳା,...

ଶ୍ରୀମନ୍ଦିରରେ ଚମ୍ପକ ଦ୍ୱାଦଶୀ ନୀତି

ପୁରୀ ଅଫିସ, ୧୫ା୬: ଶ୍ରୀମନ୍ଦିରରେ ଶୁକ୍ରବାର ମହାପ୍ରଭୁଙ୍କ ଚମ୍ପକ ଦ୍ୱାଦଶୀ ନୀତି ଅର୍ଥାତ ବରକନ୍ୟାଙ୍କ ଗୁଆଲି ସମ୍ପନ୍ନ ହୋଇଛି। ଜ୍ୟେଷ୍ଠ ଶୁକ୍ଳପକ୍ଷ ଦ୍ୱାଦଶୀକୁ ଚମ୍ପକ ଦ୍ୱାଦଶୀ...

ଇନ୍ଦିରା ଆବାସ, ବିଜୁ ପକ୍କାଘର ଯୋଜନାରେ ଘୋଟାଲା: ୮୩୬ କର୍ମଚାରୀଙ୍କ ବିରୋଧରେ ଦୁର୍ନୀତି ଅଭିଯୋଗ

ଭୁବନେଶ୍ୱର,୧୬।୭(ବ୍ୟୁରୋ): ଗତ ୨୦ବର୍ଷ ହେବ ବିଜେଡି ହାତରେ ରାଜ୍ୟ ଶାସନ ଭାର ରହିଛି। ଲୋକମାନଙ୍କୁ ସ୍ବଚ୍ଛ ଓ ଦୁର୍ନୀତିମୁକ୍ତ ଶାସନ ଦେବା ନେଇ ବିଜେଡି ବାହାବା...

Leave a comment

Your email address will not be published. Required fields are marked *