ମୋଦିଙ୍କ ନିର୍ବାଚନୀ ପ୍ରତିଶ୍ରୁତି; ଅର୍ଥନୀତିକୁ ମିଳିବ ୧୦୦ ଲକ୍ଷ କୋଟି

ନୂଆଦିଲ୍ଲୀ,୨୬-୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏନ୍‌ଡିଏ ସରକାର ଖୁବଶୀଘ୍ର ଦ୍ୱିତୀୟ କାର୍ଯ୍ୟକାଳ ସମ୍ଭାଳିବାକୁ ଯାଉଛିି। ନୂଆ ସରକାର ଗଠନ ପରେ ଭାଜପାର ନିର୍ବାଚନୀ ପ୍ରତିଶ୍ରୁତି ପାଳନ ପ୍ରଧାନମନ୍ତ୍ରୀ ମୋଦିଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ହେବ। ବିଶେଷଜ୍ଞଙ୍କ ମତରେ ମୋଦି ତାଙ୍କର ପ୍ରତିଶ୍ରୁତି ମଧ୍ୟରୁ ଯଦି ଅଧା ପାଳନ କରନ୍ତି ତେବେ ଅର୍ଥନୀତିରେ ପ୍ରାୟ ୧୦୦ ଲକ୍ଷ କୋଟି ଟଙ୍କା (୧.୪୪ ଲକ୍ଷ କୋଟି ଡଲାର) ପ୍ରବେଶ କରିବ।
ଚାଷୀଙ୍କୁ ସହାୟତା ପ୍ରଦାନ, ସଡ଼କ, ରେଳଓ୍ବେ ଓ ଅନ୍ୟାନ୍ୟ ଭିତ୍ତିଭୂମି ନିର୍ମାଣ ସାଙ୍ଗକୁ ଉତ୍ପାଦନ ଏବଂ ରପ୍ତାନି ବୃଦ୍ଧି କରିବା ଲାଗି ଭାଜପା ନିର୍ବାଚନ ପ୍ରଚାର ବେଳେ ପ୍ରତିଶ୍ରୁତି ଦେଇଥିଲା। ଏବେ ଅର୍ଥନୀତିକୁ ପ୍ରୋତ୍ସାହିତ କରିବା ଲାଗି ଅର୍ଥର ଆବଶ୍ୟକତା ରହିଛି। ବାସ୍ତବିକତାକୁ ଦେଖିଲେ ନିବେଶ ହ୍ରାସ ପାଇଛି ଏବଂ ଅଣ-ଆନୁଷ୍ଠାନିକ ତଥ୍ୟକୁ ଦେଖିଲେ ବେକାରି ବଢ଼ିଛି। ଅନ୍ୟପକ୍ଷରେ ଅର୍ଥନୀତିଜ୍ଞମାନେ ମାର୍ଚ୍ଚରେ ଶେଷ ହୋଇଥିବା ତ୍ରୈମାସରେ ଦେଶର ବିକାଶ ହାର ୬.୫% ରହିବ ବୋଲି ଅନୁମାନ କରିଛନ୍ତି, ଯାହା କି ୨୦୧୭ ମଧ୍ୟଭାଗ ପରେ ସବୁଠାରୁ ଧୀମା ଗତି ବୋଲି କୁହାଯାଉଛି। ବ୍ଲୁମ୍‌ବର୍ଗ ରିପୋର୍ଟ ଅନୁଯାୟୀ, ଲୋକଙ୍କୁ ଆକର୍ଷିତ କରୁଥିବା ପ୍ରତିଶ୍ରୁତି ପାଳନ କରିବା ଲାଗି ଅର୍ଥ ଯୋଗାଡ କରିବା ମୋଦି ସରକାରଙ୍କ ପାଇଁ ତାତ୍କାଳିକ ଆହ୍ବାନ ହେବ। ସରକାର ପୂର୍ବରୁ ହିଁ ମାର୍ଚ୍ଚ ୨୦୨୦ ସୁଦ୍ଧା ସରକାରଙ୍କ ବଜେଟ ନିଅଣ୍ଟ ପରିମାଣ ଜିଡିପିର ୩.୪% ରହିବ ବୋଲି ଆକଳନ କରିଛନ୍ତି। ରାଜସ୍ବ ହ୍ରାସ ଯୋଗୁ ସରକାର କେନ୍ଦ୍ରୀୟ ବ୍ୟାଙ୍କରୁ ଅତିରିକ୍ତ ଋଣ ନେବାକୁ ବିଚାର କରୁଛନ୍ତି। ରାଜସ୍ବ ନିଅଣ୍ଟ ବଢ଼ିଲେ ଦେଶର କ୍ରେଡିଟ ରେଟିଂ ଉପରେ ଏହାର ଜୋରଦାର ପ୍ରଭାବ ପଡିବ। ଫିଚ୍‌ ରେଟିଙ୍ଗ୍‌ସ ପକ୍ଷରୁ କୁହାଯାଇଛି ଯେ, ଆୟରେ ସୁଧାର ନୂଆ ସରକାରଙ୍କ ପାଇଁ ମହତ୍ୱପୂର୍ଣ୍ଣ ହେବ। ଭାଜପା କାର୍ଯ୍ୟକାଳରେ ନିକଟ ଅତୀତରେ ରାଜସ୍ବ ଆୟ ବାଧାପ୍ରାପ୍ତ ହୋଇଛି। ଅନ୍ୟପକ୍ଷରେ ନିର୍ବାଚନ ବେଳେ ଚାଷୀଙ୍କ ଆୟ ନେଇ ଦିଆଯାଇଥିବା ପ୍ରତିଶ୍ରୁତି ଯୋଗୁ ଖର୍ଚ୍ଚ ଉପରେ ବୋଝ ବଢ଼ିବାରେ ଲାଗିଛି। କ୍ୟାପିଟାଲ ଇକୋନୋମିକ୍ସ ଲିମିଟେଡର ବରିଷ୍ଠ ଅର୍ଥନୀତିଜ୍ଞ ଶିଲନ ଶାହ୍‌ କହିଛନ୍ତି ଯେ, ସୀମିତ ରାଜକୋଷ ସମ୍ଭାବନା ମଧ୍ୟରେ ସରକାରଙ୍କ ପକ୍ଷରେ ସବୁ ପ୍ରତିଶ୍ରୁତି ପାଳନ କରିବା ସମ୍ଭବପର ନୁହେଁ। ତଥାପି ଆଂଶିକ ରୂପରେ ପାଳନ ହେଲେ ମଧ୍ୟ ବିକାଶ ଆଶାତୀତ ଭାବେ ସୁଦୃଢ଼ ହେବ। ସୂଚନାଥାଉ କି, ଭାଜପା ଏହାର ଘୋଷଣାପତ୍ରରେ ୨୦୨୪ ସୁଦ୍ଧା ଢାଞ୍ଚାଗତ ଭିତ୍ତିଭୂମି ନିର୍ମାଣ ଲାଗି ୧୦୦ ଲକ୍ଷ କୋଟି ଟଙ୍କାର ନିବେଶ ଲକ୍ଷ୍ୟ ରଖିଛି। ମାର୍ଚ୍ଚ ୨୦୧୯ ସୁଦ୍ଧା ସଡ଼କ ଓ ରେଲଓ୍ବେ ପାଇଁ ପ୍ରାୟ ୧.୨ ଲକ୍ଷ କୋଟି ଟଙ୍କା ସରକାରୀ ଖର୍ଚ୍ଚକୁ ଦୃଷ୍ଟିରେ ରଖିଲେ ଭାଜପାର ପ୍ରତିଶ୍ରୁତି ଅତ୍ୟଧିକ ମନେହେଉଛି। ବ୍ଲୁମ୍‌ବର୍ଗର ଅର୍ଥନୀତିଜ୍ଞ ଅଭିଷେକ ଗୁପ୍ତାଙ୍କ ମତରେ ଦେଶର ଅର୍ଥନୀତି ଧୀମା ଗତିରେ ଆଗେଉଛି। ଏହା ଗତିଶୀଳ ହେବା ପୂର୍ବରୁ ବର୍ଷର ଶେଷାର୍ଦ୍ଧରେ ଆହୁରି ଧୀମା ହୋଇଯିବାର ସମ୍ଭାବନା ରହିଛି। ମୋଦିଙ୍କ ପ୍ରଥମ କାର୍ଯ୍ୟକାଳରେ ଦେଶର ଅର୍ଥନୀତିର ଫଳାଫଳ ମିଶ୍ରିତ ରହିଛି। ସେ କହିଛନ୍ତି ଯେ, ସରକାର ନାଲିଫିତା ପରମ୍ପରା ବନ୍ଦ କରିବା ସହିତ ବର୍ଷ ପୁରୁଣା ଦେବାଳିଆ ଆଇନରେ ସଂଶୋଧନ କରିଛନ୍ତି ଏବଂ ଦେଶବ୍ୟାପୀ ଏକକ ଟିକସ ବ୍ୟବସ୍ଥା ଲାଗୁ କରିଛନ୍ତି, ଯାହାକୁ ଲୋକେ ପସନ୍ଦ କରିଛନ୍ତି। ବିମୁଦ୍ରୀକରଣ ଓ ଜିଏସ୍‌ଟି ବ୍ୟବସାୟ ଗତିବିଧିକୁ ପ୍ରଭାବିତ କରିଛି, ଯାହାର ପ୍ରଭାବ ଏବେ ସୁଦ୍ଧା ଦେଖିବାକୁ ମିଳୁଛି। ଅନ୍ୟ ଜଣେ ଅର୍ଥନୀତିଜ୍ଞ ଆଣ୍ଡି ମୁଖାର୍ଜୀଙ୍କ ମତରେ ମୋଦି ସରକାର ନିଜର ପ୍ରଥମ କାର୍ଯ୍ୟକାଳରେ ରୋଜଗାର ସୃଷ୍ଟିରେ ଫେଲ୍‌ ହୋଇଛନ୍ତି। ବିଶେଷକରି ଯୁବବର୍ଗଙ୍କୁ ନୂଆ ନିଯୁକ୍ତି ଦେବାରେ ସରକାର ବିଫଳ ହୋଇଛି। କେନ୍ଦ୍ର ସରକାର ଏବେ ରାଷ୍ଟ୍ରାୟତ୍ତ କମ୍ପାନୀଗୁଡ଼ିକର ଶେୟାର ବିକ୍ରି କରିବା ସହ ଏୟାର ଇଣ୍ଡିଆ ଭଳି କ୍ଷତିରେ ଚାଲୁଥିବା କମ୍ପାନୀଗୁଡ଼ିକରୁ ପୁଞ୍ଜି ପ୍ରତ୍ୟାହାର କରିବାକୁ ବିଚାର କରୁଛନ୍ତି। ଏହାଛଡ଼ା ବ୍ୟାଙ୍କଗୁଡ଼ିକର ମିଶ୍ରଣ ପ୍ରକ୍ରିୟାକୁ ଆଗେଇ ନିଆଯାଇପାରେ। ସରକାର ପ୍ରତିଶ୍ରୁତି ପୂରଣ ଲାଗି ଏହି ବିକଳ୍ପକୁ କାମରେ ଲଗାଇ ଅର୍ଥ ଯୋଗାଡ କରିପାରନ୍ତି ବୋଲି ସେ କହିଛନ୍ତି।


All Right Reserved By Dharitri.Com

ବ୍ୟାଙ୍କ ଜମାର ବୀମା ସୁରକ୍ଷା ବଢିପାରେ

ନୂଆଦିଲ୍ଲୀ,୧୬-୧୧: ବ୍ୟାଙ୍କ ଜମା ଉପରେ ବର୍ତ୍ତମାନ ୧ ଲକ୍ଷ ଟଙ୍କାର ବୀମା ସୁରକ୍ଷା ରହିଥିବା ବେଳେ ଏହାକୁ ବଢାଇବାକୁ ସରକାର ଯୋଜନା କରୁଥିବା ଅର୍ଥମନ୍ତ୍ରୀ ନିର୍ମଳା...

ବନ୍ଦେ ଭାରତ ଏକ୍ସପ୍ରେସ ଶୁଭାରମ୍ଭ

ନୂଆଦିଲ୍ଲୀ,୪-୧୦: ଦିଲ୍ଲୀ-କତ୍ରା ମଧ୍ୟରେ ଗଡିବାକୁ ଥିବା ବନ୍ଦେ ଭାରତ ଏକ୍ସପ୍ରେସ ଶୁଭାରମ୍ଭ ହୋଇଛି। ସୌରାଷ୍ଟ୍ର ମନ୍ତ୍ରୀ ଅମିତ ଶାହ ଏବଂ ରେଳମନ୍ତ୍ରୀ ପୀୟୂଷ ଗୋଏଲ,କେନ୍ଦ୍ର ମନ୍ତ୍ରୀ...

ବେବି ଶାମ୍ପୁରେ ନାହିଁ ହାନିକାରକ ପଦାର୍ଥ: ଜନସନ ଆଣ୍ଡ ଜନସନ

ନୂଆଦିଲ୍ଲୀ,୨୯-୪: ଆମେରିକା କମ୍ପାନୀ ଜନସନ ଆଣ୍ଡ ଜନସନ ନିଜର ଲୋକପ୍ରିୟ ବେବି ଶାମ୍ପୁରେ ହାନିକାରକ ପଦାର୍ଥ ଥିବା ଅଭିଯୋଗକୁ ଖଣ୍ଡନ କରିଛି। ରାଜସ୍ଥାନ ସରକାରଙ୍କ ଜୟପୁରସ୍ଥିତ...

ଜିଏସ୍‌ଟି କ୍ଷତିପୂରଣ ବିଳମ୍ବକୁ ନେଇ ଉଦ୍‌ବେଗ

ନୂଆଦିଲ୍ଲୀ, ୫।୧୨: କେନ୍ଦ୍ର ସରକାର ଜିଏସ୍‌ଟି କ୍ଷତିପୂରଣ ପ୍ରଦାନରେ ବିଳମ୍ବ କରୁଥିବାରୁ ଏହାକୁ ନେଇ ବିରୋଧୀ ଦଳରେ ଥିବା ରାଜ୍ୟଗୁଡିକର ଅର୍ଥମନ୍ତ୍ରୀମାନେ ଉଦ୍‌ବେଗ ପ୍ରକାଶ କରିଛନ୍ତି।...

ଗ୍ରାମାଞ୍ଚଳ ଏଫ୍‌ଏମ୍‌ସିଜି ଅଭିବୃଦ୍ଧି ୫%କୁ ହ୍ରାସ

ନୂଆଦିଲ୍ଲୀ,୧୯-୧୦: ଚଳିତ ଆର୍ଥତ୍କ ବର୍ଷ ତୃତୀୟ ତ୍ରୈମାସରେ ଦେଶର ଗ୍ରାମାଞ୍ଚଳରେ ଫାଷ୍ଟ ମୁଭିଂ କଞ୍ଜ୍ୟୁମର ଗୁଡ୍‌ସ (ଏଫ୍‌ଏମ୍‌ସିଜି) ଅଭିବୃଦ୍ଧି ୫%କୁ ହ୍ରାସ ଘଟିଛି। ସହରାଞ୍ଚଳ ଅଭିବୃଦ୍ଧି...

ବିଏସ୍‌ଏନ୍‌ଏଲ୍‌-ଏମ୍‌ଟିଏନ୍‌ଏଲ୍‌ ମିଶ୍ରଣ ଉଦ୍ୟମ

ନୂଆଦିଲ୍ଲୀ,୩୧-୭: କ୍ଷତିରେ ଚାଲୁଥିବା ରାଷ୍ଟ୍ରାୟତ୍ତ ଟେଲିକମ୍‌ କମ୍ପାନୀ ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) ଏବଂ ମହାନଗର ଟେଲିକମ୍‌ ନିଗମ ଲିିମିଟେଡ(ଏମ୍‌ଟିଏନ୍‌ଏଲ୍‌)କୁ ମିଶାଇ ଦେବା ଲାଗି ଉଦ୍ୟମ...

ଅଭିବୃଦ୍ଧି ଲାଗି ଜାରି ରହିବ ସଂସ୍କାର ଧାରା

ନୂଆଦିଲ୍ଲୀ,୪-୧୦: ବର୍ତ୍ତମାନ ଅର୍ଥନୈତିକ ମାନ୍ଦାବସ୍ଥା ଲାଗି ରହିଥିବା ବେଳେ ଦେଶର ଜିଡ଼ିପି ଅଭିବୃଦ୍ଧି ଧାରା ତ୍ୱରାନ୍ବିତ କରିବାକୁ ସରକାର ସଂସ୍କାର ପ୍ରକ୍ରିୟା ଜାରି ରଖିବେ। ଅର୍ଥ...

କୃଷି କ୍ଷେତ୍ରକୁ ଆଶ୍ୱସ୍ତି;୧ କୋଟିରୁ ଊର୍ଦ୍ଧ୍ୱ ନଗଦ ଦେଣନେଣ ଉପରେ ଲାଗିବନି ଟିଡିଏସ୍‌

ନୂଆଦିଲ୍ଲୀ,୧୮-୯: କେନ୍ଦ୍ରର ନରେନ୍ଦ୍ର ମୋଦି ସରକାର କୃଷି କ୍ଷେତ୍ରକୁ ଆଶ୍ୱସ୍ତ କରିବାକୁ ଯାଇ ଏକ ବଡ଼ ନିଷ୍ପତ୍ତି ନେଇଛନ୍ତି। ଚାଷୀଙ୍କୁ ସେମାନଙ୍କ ଫସଲର ମୂଲ୍ୟ ମିଳିବାରେ...

Leave a comment

Your email address will not be published. Required fields are marked *