ବିବାଦରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର

ଭୁବନେଶ୍ୱର,୩୦ା୧୦(ବ୍ୟୁରୋ):୨୦୧୭ ଏବଂ ୨୦୧୮ ମସିହା ଲାଗି ଘୋଷଣା ହୋଇଥିବା ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାରକୁ ନେଇ ପୁଣିଥରେ ବିବାଦ ଉପୁଜିଛି। ନାଟ୍ୟାନୁଷ୍ଠାନ ‘ଏବଂ ଆମେ’ର ସଭାପତି ତଥା କବିସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ ପାଇଥିବା ଡ. ସଚ୍ଚି ଦାସ ଏବଂ ସମ୍ପାଦକ ତଥା ଅଭିନେତା ପ୍ରେମାଞ୍ଜନ ପରିଡ଼ା ଏକାଡେମୀ ପୁରସ୍କାରରେ ପ୍ରିୟାପ୍ରୀତିତୋଷଣ ହୋଇଥିବା ଅଭିଯୋଗ କରିଛନ୍ତି।
ଓଡ଼ିଶାର କଳା, ସଂସ୍କୃତି, ଲୋକକଳା, ମଞ୍ଚ ନାଟକ, ନୃତ୍ୟ, ସଙ୍ଗୀତ କ୍ଷେତ୍ରରେ ବହୁ ସୁନାମଧନ୍ୟ ଓ ପ୍ରତିଭାସମ୍ପନ୍ନ କଳାକାର ନିଜ ଜୀବନକୁ ଉତ୍ସର୍ଗ କରି ଓଡ଼ିଶାକୁ ଜାତୀୟ ଓ ଅନ୍ତର୍ଜାତୀୟସ୍ତରରେ ପରିଚିତ କରାଇଥିଲେ ମଧ୍ୟ ସେମାନଙ୍କୁ ଅବହେଳା କରାଯାଇଥିବା ସେମାନେ କହିଛନ୍ତି। ପୁରସ୍କାର ତାଲିକାରୁ ବହୁ ବରିଷ୍ଠ ଓ ପ୍ରତିଭାବାନ୍‌ କଳାକାରଙ୍କୁ ବାଦ୍‌ ଦିଆଯାଇଛି। କିଛି ହାତଗଣତି ନାଟକ କରି ଅଭିନୟ, ନିର୍ଦ୍ଦେଶନା ଭଳି କ୍ଷେତ୍ରରେ ଏକାଡେମୀ ପୁରସ୍କାର ହାତେଇଛନ୍ତି। ମଞ୍ଚନାଟକ ସହ ଜଡ଼ିତ ଭୁବନେଶ୍ୱରର କିଛି ମୁଷ୍ଟିମେୟ ବ୍ୟକ୍ତି ବାରମ୍ବାର ଚୟନ କମିଟିରେ ରହି ଓଡ଼ିଶା ସଙ୍ଗୀତ ନାଟକ ଏକାଡେମୀକୁ କବ୍‌ଜା କରି ଏଭଳି ଦୁର୍ନୀତି କରୁଛନ୍ତି। ଏପରି କି ଏକ ନିର୍ଦ୍ଦିଷ୍ଟ ନାଟ୍ୟସଂସ୍ଥାର ସଭାପତି ଏକାଡେମୀ କାର୍ଯ୍ୟକାରୀ ପରିଷଦରେ ରହି ପୁରସ୍କାର ପାଇଁ ପ୍ରତିଭା ଚୟନ କରିଥିବାବେଳେ ତାଙ୍କ ସଂସ୍ଥାର ଜଣେ ବ୍ୟକ୍ତି ପୁରସ୍କାର ପାଇବାକୁ ମନୋନୀତ ହୋଇଛନ୍ତି, ଯାହାକୁ ନେଇ ଅଧିକ ବିବାଦ ଉଠିଛି। ସେହିଭଳି ଭୁବନେଶ୍ୱରର ଆଉ ଏକ ନାଟ୍ୟାନୁଷ୍ଠାନର ଏକାସଙ୍ଗେ ଦୁଇଜଣ ସଦସ୍ୟ ଏକାଡେମୀ ପୁରସ୍କାର ପାଇବାକୁ ମନୋନୀତ ହୋଇଛନ୍ତି। ନାଟ୍ୟ ସଂଘ ମାଧ୍ୟମରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ସହ ସିଧାସଳଖ ସମ୍ପୃକ୍ତ ଥିବା ଆଉ ଜଣେ ନାଟ୍ୟ ନିର୍ଦ୍ଦେଶକ ଏକାଡେମୀର ସାଧାରଣ ପରିଷଦ ଦ୍ୱାରା କିଭଳି ପୁରସ୍କୃତ ହେବାକୁ ମନୋନୀତ ହେଲେ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଅନ୍ୟପକ୍ଷରେ ଏକାଡେମୀର କାର୍ଯ୍ୟକାରୀ ସମିତି ଦ୍ୱାରା ସିଧାସଳଖ ମନୋନୀତ ହୋଇଥିବା ବ୍ୟକ୍ତିତ୍ୱଙ୍କୁ ସାଧାରଣ ପରିଷଦ ଦ୍ୱାରା ବାଦ୍‌ ଦିଆଯିବା ଆଲୋଚନାର ବିଷୟ ହୋଇଛି। ଗତବର୍ଷ ମଧ୍ୟ ଏକାଡେମୀ ପୁରସ୍କାରକୁ ନେଇ ସମାନ ବିବାଦ ଉଠିଥିଲା। ପ୍ରବଳ ଜନ ଅସନ୍ତୋଷ ଓ ପ୍ରତିବାଦ ହେବା ପରେ ପୁରସ୍କାର ତାଲିକାରେ ସୁଧାର ଆସିଥିଲା। ତେବେ ବାରମ୍ବାର ଏଭଳି ବିବାଦ ହେବା ଦ୍ୱାରା ଏକାଡେମୀର ମର୍ଯ୍ୟଦା ହାନି ହେଉଥିବା ସେମାନେ କହିଛନ୍ତି। ଏନେଇ ଓଡ଼ିଶା ସଙ୍ଗୀତ ନାଟକ ଏକାଡେମୀ ସଚିବ ଗୁରୁ ବିଜୟ ଜେନାଙ୍କୁ ପଚାରିବାରୁ ସେ କହିଥିଲେ, ଆମେ କୌଣସି ବିବାଦ ଭିତରେ ପଶିନାହୁଁ। ସାଧାରଣ ପରିଷଦର ୩୨ଜଣ ସଦସ୍ୟ ମିଶି ସର୍ବସମ୍ମତିକ୍ରମେ ପୁରସ୍କାର ଚୟନ କରିଛନ୍ତି। ବିଭିନ୍ନ ଜିଲାର କଳାକାର, ମହିଳା କଳାକାର ଓ ଲୋକକଳା କଳାକାରଙ୍କୁ ପ୍ରାଧାନ୍ୟ ଦିଆଯାଇଛି। ଯୋଗ୍ୟତାଭିତ୍ତିରେ ଚୟନ ହୋଇଛି। ପୁରସ୍କାର ଏକ ନିରନ୍ତର ପ୍ରକ୍ରିୟା। ଯେଉଁମାନେ ଏ ବର୍ଷ ପାଇନାହାନ୍ତି, ସେମାନେ ଆସନ୍ତା ବର୍ଷ ପାଇବେ। ଏଥିରେ ମନଦୁଃଖ କରିବାର କିଛି ନାହିଁ।


All Right Reserved By Dharitri.Com

ରାଜ୍ୟରେ ଆରମ୍ଭ ହେବ ସ୍ବଚ୍ଛ ସର୍ବେକ୍ଷଣ ଲିଗ୍‌

ଭୁବନେଶ୍ୱର,୬ା୧(ବ୍ୟୁରୋ): ଓଡ଼ିଶାର ସହରାଞ୍ଚଳଗୁଡିକ କେତେ ସଫାସୁତୁରା ରହିଛି ତାହା ଜାଣିବା ଲାଗି ପ୍ରଥମଥର ସାରା ରାଜ୍ୟରେ ସ୍ବଚ୍ଛ ସର୍ବେକ୍ଷଣ (ଏସ୍‌ଏସ୍‌) ଲିଗ୍‌ ୨୦୨୦ ଆରମ୍ଭ ହେବ।...

ଶ୍ରୀମନ୍ଦିର ପରିଚାଳନା କମିଟି ଉଚ୍ଛେଦ କରାଯାଉ: ଶଙ୍କରାଚାର୍ଯ୍ୟ

ପୁରୀ ଅଫିସ,୨୨ା୧୦: ଓଡ଼ିଶା ହିନ୍ଦୁ ଦେବୋତ୍ତର ଅଧିନିୟମ ୧୯୫୧କୁ ସଂଶୋଧନ କରିଛନ୍ତି ରାଜ୍ୟ ସରକାର। ଏହି ଅଧିନିୟମରୁ ଗୋବର୍ଦ୍ଧନ ମଠକୁ ବାଦ୍‌ ଦିଆଯାଇଛି। ଏଣିକି ଏହି...

ନିମ୍ନମାନର ମଧ୍ୟାହ୍ନଭୋଜନ: ଖାଉନାହାନ୍ତି ଛାତ୍ରୀ

କବିସୂର୍ଯ୍ୟନଗର,୧୧ା୯- କବିସୂର୍ଯ୍ୟନଗର ବାଳିକା ଉଚ୍ଚ ବିଦ୍ୟାଳୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ସରକାର ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ ଯୋଗାଇଦେଉଥିବାବେଳେ ଏଠାରେ ଛାତ୍ରୀମାନେ ଘରୁ ଆଣି...

ପୁରୀର ବିକାଶ ପାଇଁ ଓଏମ୍‌ସିକୁ ୬ ଖଣି ପ୍ରଦାନ

ଭୁବନେଶ୍ୱର,୧୪।୧୨(ବ୍ୟୁରୋ): ପୁରୀର ବିକାଶ ପାଇଁ ଆଗେଇ ଆସିଛି ଖଣି ଓ ଇସ୍ପାତ ବିଭାଗ। ଏହି ଉପଲକ୍ଷେ ବିଭାଗ ପକ୍ଷରୁ ୬ଟି ଖୋଣ୍ଡାଲାଇଟ୍‌ ଖଣିକୁ ଓଡ଼ିଶା ଖଣି...

ଗଞ୍ଜାମ ଜିଲାରେ ସ୍କୁଲ ଛୁଟି ଘୋଷଣା

ବ୍ରହ୍ମପୁର ଅଫିସ,୨୫।୯:ଲଘୁଚାପର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ଗଞ୍ଜାମ ଜିଲାରେ ମଧ୍ୟ ଗତ ତିନିଦିନ ହେଲା ପ୍ରବଳ ବର୍ଷା ଲାଗି ରହିଛି।...

ସଚ୍ଚୋଟତା ଉତ୍ତର ଜୀବନର ଆଧାର

ସୋନପୁର, ୩।୧୧(ନି.ପ୍ର.) ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଅବସରରେ ସୋନପୁର କଲେଜ ପରିସରରେ ସଚ୍ଚୋଟତା ଜୀବନର ଏକ ଶୈଳୀ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା।...

ଭବାନୀପାଟଣା ହାତୀଦାନ୍ତ ଓ ବାଘଛାଲ ଜବତ ଘଟଣା: ଆଉ ଜଣଙ୍କୁ ଗିରଫ କଲା କ୍ରାଇମବ୍ରାଞ୍ଚ

ଭୁବନେଶ୍ୱର, ୧୦।୧୧(ବ୍ୟୁରୋ): ଭବାନୀପାଟଣା ହାତୀଦାନ୍ତ ଓ ବାଘଛାଲ ଜବତ ଘଟଣାରେ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ଶନିବାର ଆଉ ଜଣେ ଶିକାରୀଙ୍କୁ ଗିରଫ କରିଛି। ସେ ହେଉଛନ୍ତି ଭାସ୍କର...

ଶହୀଦଙ୍କ ପରିବାରକୁ ମିଳିଲା ସହାୟତା

ଭୁବନେଶ୍ୱର,୨।୭(ବ୍ୟୁରୋ) ଶହୀଦ ମନୋଜ କୁମାର ବେହେରା ଏବଂ ପ୍ରସନ୍ନ କୁମାର ସାହୁଙ୍କ ପରିବାରକୁ ସୋମବାର ବିଭିନ୍ନ ସଙ୍ଗଠନ ପକ୍ଷରୁ ଆର୍ଥିକ ସହାୟତା ମିଳିଛି। ମୁଖ୍ୟମନ୍ତ୍ରୀ ନବୀନ...

Leave a comment

Your email address will not be published. Required fields are marked *