କଳାବଜାରରେ ବିକ୍ରି ହେଉଛି ସାଧାରଣ ବଣ୍ଟନ ସାମଗ୍ରୀ: କୋଠ ଘରୁ ଶତାଧିକ ପିଡିଏସ୍‌ ଚାଉଳ ବସ୍ତା ଜବତ

ରସୁଲପୁର,୩୦-୧୦(ଡି.ଏନ୍‌.ଏ.)- ଯାଜପୁର ଜିଲା ରସୁଲପୁର ବ୍ଲକରେ ସାଧାରଣ ବଣ୍ଟନ ସାମଗ୍ରୀ ପ୍ରଦାନରେ ସରକାରଙ୍କ ୫-ଟି ପ୍ରୟୋଗ ସମ୍ପୂର୍ଣ୍ଣ ଫେଲ୍‌ ମାରିଛି। ଭୂତ ଚାଉଳ କାର୍ଡ ହାତେଇବାରେ ଠାରୁ ଅଯୋଗ୍ୟଙ୍କୁ ରାଶନ କାର୍ଡ ପ୍ରଦାନ କରିବା ପର୍ଯ୍ୟନ୍ତ ସବୁଠି ୫-ଟି ଫେଲ୍‌ ମାରିଥିବା ମନେହେଉଛି। ଯାଜପୁର ଜିଲା ରସୁଲପୁର ବ୍ଲକର ହିତାଧିକାରୀଙ୍କ ପାଇଁ ଆସୁଥିବା ରାଶନ ସାମଗ୍ରୀକୁ ହଡ଼ପ କରାଯିବା ଘଟଣାରୁ ଏହା ସ୍ପଷ୍ଟ ହୋଇଯାଇଛି। କଳାବଜାରରେ ସାଧାରଣ ବଣ୍ଟନ ସାମଗ୍ରୀ ବିକ୍ରି ହେବା ଘଟଣା ୫-ଟିର ନଗ୍ନ ଚିତ୍ରକୁ ପଦାରେ ପକାଇ ଦେଇଛି ା ଏଦିଗରେ ଅସାଧୁ ବ୍ୟବସାୟୀ, ପରିବହନ ସଂସ୍ଥା, ଜିଲା ପ୍ରଶାସନର ଭୂମିକା ଉପରକୁ ଅଙ୍ଗୁଳି ଉଠୁଛି। ଏହି ବ୍ଲକ ଅନ୍ତର୍ଗତ ବାରବାଟୀ ପଞ୍ଚାୟତ ବରଜପୁର ଗ୍ରାମର ଏକ କୋଠଘରେ ବେଆଇନ ଭାବେ ରାଶନ ସାମଗ୍ରୀ ମହଜୁଦ ରହିଥିବା ଜଣାପଡ଼ିବା ପରେ ମଙ୍ଗଳବାର ରାତିରେ ରସୁଲ୍‌ପୁର ବ୍ଲକ ଯୋଗାଣ ଅଧିକାରୀ ଅନୁଜ କୁମାର ସାହୁ ସେଠାରେ ଚଢ଼ାଉ କରି ଶତାଧିକ ପିଡିଏସ୍‌ ଚାଉଳ ବସ୍ତା ଜବତ କରିଛନ୍ତି। ଏହି ଘଟଣାରୁ ଏଠାରେ କିପରି ଭାବରେ କଳାବଜାରୀ ଚାଲିଛି ତାହା ସହଜରେ ଅନୁମେୟ ହୋଇଯାଇଛି।
ପ୍ରକାଶ ଯେ, ସୋମବାର ସନ୍ଧ୍ୟା ୭ଟା ୧୯ମିନିଟ୍‌ରେ ଏକ ଚାଉଳ ବୋଝେଇ ଟ୍ରକ୍‌ ନଂ- ଓଆର୦୯- ଇ-୦୦୩୩ ବରଜପୁର ଗ୍ରାମ ଭିତରକୁ ଆସିଥିଲା ା କୋଠଘର ନିକଟରେ ଚାଉଳ ବସ୍ତା ଖଲାସ କରୁଥିବା ଦୃଶ୍ୟ ସ୍ଥାନୀୟ ଅଞ୍ଚଳର ଲୋକେ ଦେଖିବାକୁ ପାଇଥିଲେ। ଚାଉଳ ବୋଝେଇ ଟ୍ରକ୍‌ ସମ୍ମୁଖରେ ଲାଗିଥିବା ବ୍ୟାନରରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ, ଓଡିଶା ରାଜ୍ୟ ଯୋଗାଣ ନିଗମ-ଯାଜପୁର ଜିଲା, ପରିବହନ ସଂସ୍ଥାର ନାମ ପ୍ରଫୁଲ ସାହୁ ବୋଲି ଉଲ୍ଲେଖ ଥିଲା। ଉକ୍ତ ବ୍ୟାନରରୁ ଟ୍ରକ୍‌ରେ ବୋଝେଇ ଚାଉଳ ସାଧାରଣ ବଣ୍ଟନ ପାଇଁ ଉଦ୍ଦିଷ୍ଟ ଥିଲା ବୋଲି ଜଣା ପଡ଼ିଛି। ଏହିଭଳି ପ୍ରତ୍ୟେକ ମାସରେ ଟ୍ରକ୍‌ ଟ୍ରକ୍‌ ଚାଉଳ ଆସି ଏଠାରେ ଖଲାସ ହୋଇଥାଏ ବୋଲି ସ୍ଥାନୀୟ ଲୋକେ ପ୍ରକାଶ କରିଛନ୍ତି। ତାହା କେଉଁ ବ୍ୟବସାୟୀଙ୍କ ହୋଇଥାଇ ପାରେ ବୋଲି ଲୋକେ ମନେ କରିଆସୁଛନ୍ତି। ମାତ୍ର ଟ୍ରକ ସମ୍ମୁଖରେ ଲାଗିଥିବା ବ୍ୟାନର ରାଶନ ଚାଉଳ କଳାବାଜାରୀ ଉପରୁ ପରଦା ହଟାଇ ଦେଇଛି। ବର୍ଷବର୍ଷ ଧରି ଏହି କାରବାର ଚାଲି ଆସୁଛି । ପରିବହନ ସଂସ୍ଥା ପକ୍ଷରୁ ଡିଲର ପଏଣ୍ଟରେ କମ୍‌ ଓଜନର ଚାଉଳ ବସ୍ତା ଯୋଗାଇବା, ବ୍ଲକର ଗାଁ ଗଣ୍ଡାରେ ଭୂତ ହିତାଧିକାରୀଙ୍କ ନାଁରେ ଚାଉଳ ଉଠାଇବା, ଅଯୋଗ୍ୟ ହିତାଧିକାରୀ ଯେଉଁମାନେ ଚାଉଳ ସଂଗ୍ରହ ନ କରି ଡିଲରମାନଙ୍କଠାରୁ ମାସିକିଆ ଟଙ୍କା ସଂଗ୍ରହ କରିବା ଭଳି କେତେକ ବଳିଷ୍ଠ କାରଣରୁ ଚାଉଳ ଓ ଗହମ ବଳକା ରହୁଛି। ଡିଲରମାନେ ଆବଶ୍ୟକ ପରିମାଣର କୋଟାଠାରୁ କମ୍‌ ପରିମାଣର ଚାଉଳ ଉଠାଉଛନ୍ତି। ଏଦିଗରେ ପରିବହନ ସଂସ୍ଥା, ଡିଲର ଓ ଅସାଧୁ ବ୍ୟବସାୟୀଙ୍କ ମଧ୍ୟରେ ବୁଝାବଣା ହୋଇଯାଉଛି। ଡିଲର ପଏଣ୍ଟକୁ ନ ଆସି ସିଧାସଳଖ ଟ୍ରକ ଟ୍ରକ ବୋଝେଇ ରାଶନ ଚାଉଳ ବାଟମାରଣା ହୋଇଯାଉଛି। ଏପରି କି ଯୋଗାଣ ନିଗମରୁ ଆସୁଥିବା ଟ୍ରକ୍‌ ବୋଝେଇ ଚାଉଳ ଗନ୍ତବ୍ୟସ୍ଥଳକୁ ନ ଆସି କଳାବଜାରୀଙ୍କ ଗୋଦାମକୁ ଚାଲି ଯାଉଛି ବୋଲି ଏଠାରେ ମିଳିଥିବା ସୁରାକରୁ ଜଣାପଡିଛି। ପ୍ରକାଶ ଥାଉ କି, ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଖାଦ୍ୟ ସୁରକ୍ଷା ଆଇନ ଓ ଖାଦ୍ୟ ସୁରକ୍ଷା ଯୋଜନା ଜରିଆରେ ଖାଉଟିଙ୍କୁ ଟଙ୍କିକିଆ ଚାଉଳ ଓ ଗହମ ଯୋଗାଇ ଆସୁଛନ୍ତି। ଉକ୍ତ ଯୋଜନା ଗରିବଙ୍କ ପାଇଁ ଉଦ୍ଦିଷ୍ଟ ଥିବାବେଳେ ଏହି ଯୋଜନା ସମ୍ପୂର୍ଣ ବାଟବଣା ହୋଇଛି । ଗରିବଙ୍କ ନାଁରେ ଆସୁଥିବା ଚାଉଳ କଳାବଜାରରେ ବିକ୍ରି ହେଉଛି । ଆଧାର ସଂଯୋଗ କରିବା ପରେ ସମଗ୍ର ବ୍ଲକ ଅଞ୍ଚଳରେ ୧୦ହଜାରୁ ଊର୍ଦ୍ଧ୍ୱ ଭୂତ ହିତାଧିକାରୀ ଧରାପଡିବା ଘଟଣା ସାଧାରଣରେ ସନ୍ଦେହ ସୃଷ୍ଟି କରୁଥିଲା। ଉକ୍ତ ବ୍ୟକ୍ତିଙ୍କ ନାଁରେ ଆସୁଥିବା ଚାଉଳ କେଉଁଆଡେ ଯାଉଥିଲା ତା ନେଇ ମଧ୍ୟ କଳ୍ପନାଜଳ୍ପନା ଲାଗି ରହିଥିଲା। ମାତ୍ର ଏଠାରେ ଜନୈକ ବ୍ୟବସାୟୀଙ୍କ ଗୋଦାମ ଘରେ ସାଧାରଣ ବଣ୍ଟନ ଚାଉଳ ଖଲାସ ହେବା ଘଟଣା ପ୍ରଘଟିତ ହେବା ପରେ ଏ ଦିଗରେ ରହିଥିବା ସନ୍ଦେହ ଉପରୁ ପରଦା ହଟି ଯାଇଛି। ଉକ୍ତ ଘଟଣାର ତଦନ୍ତ କରାଯାଇ ରାଶନ ସାମଗ୍ରୀ ହଡ଼ପରେ ସମ୍ପୃକ୍ତ ସଂସ୍ଥା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ସାଧାରଣରେ ଦାବି ହେଉଛି। ଏଥିସହ ଜିଲାରେ କଳାବଜାରରେ ବିକ୍ରି ହେଉଥିବା ରାଶନ ସାମଗ୍ରୀ ସମ୍ପର୍କରେ ତଦନ୍ତ କରାଗଲେ ଏ ଦିଗରେ ହେଉଥିବା ବହୁ ଅନୈତିକ କାରବାର ଉପରୁ ପରଦା ହଟି ଯାଇପାରିବ ବୋଲି ବୁଦ୍ଧିଜୀବୀଙ୍କ ମହଲରେ ମତ ପ୍ରକାଶ ପାଉଛି ା


All Right Reserved By Dharitri.Com

ପୋଲିସ ପରିଚୟ ଦେଇ ଲୁଟ୍‌

ଭଦ୍ରକ ଅଫିସ, ୩୦।୮- ଭଦ୍ରକ ଚରମ୍ପା ପଥରଆଡ଼ି ରାସ୍ତାର ଏକ ଘରୋଇ ନର୍ସିଂହୋମ ନିକଟରେ ଶୁକ୍ରବାର ଅପରାହ୍ନରେ ସ୍ପଷ୍ଟ ଦିବାଲୋକରେ ନିଜକୁ ପୋଲିସ ଅଧିକାରୀ ପରିଚୟ...

ସହାୟିକା ଚୟନରେ ଅନିୟମିତତା ଘଟଣା ସିଡିପିଓଙ୍କୁ ଘେରିଲେ ମହିଳା

ବାହାନଗା, ୧୭ା୧୨(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ସମନ୍ବିତ ଶିଶୁ ବିକାଶ ସେବା ପ୍ରକଳ୍ପ ଅଧୀନରେ ଥିବା ବିଷ୍ଣୁପୁର ଅଙ୍ଗନୱାଡି କେନ୍ଦ୍ର-୧ରେ ସହାୟିକା ଚୟନରେ ଅନିୟମିତତା ହୋଇଥିବା...

ଆଖଣ୍ଡଳମଣିଙ୍କ ଜାଗର ମହୋତ୍ସବ ପ୍ରସ୍ତୁତି

ଭଦ୍ରକ ଅଫିସ,୩୦।୧ – ଭଦ୍ରକ ଜିଲାପାଳଙ୍କ ସଦ୍‌ଭାବନା ସଭାଗୃହରେ ବୁଧବାର ଆରଡ଼ିର ବାବା ଆଖଣ୍ଡଳମଣିଙ୍କ ଜାଗର ମହୋତ୍ସବ ପାଳନ ପାଇଁ ପ୍ରସ୍ତୁତି ବୈଠକ ଜିଲାପାଳ ଜ୍ଞାନରଞ୍ଜନ...

ବଲାଙ୍ଗୀର ବହିହାଟ: ବହୁଭାଷୀ କବିତା ଆସର

ବଲାଙ୍ଗୀର ଅଫିସ, ୧୩।୧: ଜିଲା ଲେଖକ ପରିଷଦ ପକ୍ଷରୁ ଆୟୋଜିତ ବଲାଙ୍ଗୀର ବହିହାଟ ଚତୁର୍ଥ ଦିନ ଅପରାହ୍ନରୁ ବହୁଭାଷୀ କବିତା ଆସର ଅନୁଷ୍ଠିତ ହୋଇଥିଲା। ପରିଷଦ...

ଛାତ୍ରୀଙ୍କୁ ଦେହ ବ୍ୟବସାୟରେ ନିୟୋଜିତ କରୁଥିବା ଅଭିଯୋଗ: ପୃଥକ୍‌ ମାମଲା, ଟ୍ୟୁଶନ ଶିକ୍ଷକ ଗିରଫ

ନାଉଗଁ।, ୯।୧ (ସ୍ବ.ପ୍ର):ଚାକିରି କରାଇ ଦେବା ନଁ।ରେ ନାଉଗାଁ ବ୍ଲକ ନନ୍ଦୀ ଗ୍ରାମର ଜଣେ ଟ୍ୟୁଶନ ଶିକ୍ଷକ ଝିଅମାନଙ୍କୁ ନେଇ ପାରାଦୀପରେ ଦେହ ବ୍ୟବସାୟରେ ନିୟୋଜିତ...

ହାଇକୋର୍ଟରେ ମହିମାଙ୍କ ଜାମିନ ସଂକ୍ରାନ୍ତ ତଥ୍ୟ ଦାଖଲ

କଟକ ଅଫିସ, ୨୯।୮: ସିୱେଜ୍‌ ଶିପିଂ ପରିଚାଳକ ମହେନ୍ଦ୍ର ସ୍ବାଇଁ ହତ୍ୟା ମାମଲାରେ ଶିଳ୍ପପତି ମହିମାନନ୍ଦ ମିଶ୍ରଙ୍କ ଜାମିନ ଆବେଦନ ସମ୍ପର୍କିତ ତଥ୍ୟ ବୁଧବାର ହାଇକୋର୍ଟରେ...

‘ଖାସ୍‌ ତୁମ ପାଇଁ’ ସାଂସ୍କୃତିକ ସନ୍ଧ୍ୟା

ବାଲେଶ୍ୱର ଅଫିସ,୧୭।୨-ବାଲେଶ୍ୱର ବାମପଦାସ୍ଥିତ ନୋସି ଉତ୍କଳା ମୁକ୍ତ ମଞ୍ଚରେ ସ୍ଥାନୀୟ ଉଦୀୟମାନ କଳାକାରମାନଙ୍କୁ ଉତ୍ସାହିତ କରିବା ପାଇଁ ପ୍ରତି ଶନିବାର ଓ ରବିବାର ସାପ୍ତାହିକ ସାଂସ୍କୃତିକ...

ଆଡ଼ିବନ୍ଧ ପାଇଁ ତାଳଦଣ୍ଡା କେନାଲରେ ଜଳ ପ୍ରବାହ ବାଧାପ୍ରାପ୍ତ

ପାରାଦୀପ,୧୩।୮(ସ୍ବ.ପ୍ର.): ଜଗତ୍‌ସିଂହପୁର ଜିଲା ପାରାଦୀପର ଜୀବନରେଖା କୁହାଯାଉଥିବା ତାଳଦଣ୍ଡା କେନାଲ ଏବେ ବିଭିନ୍ନ କାରଣରୁ ସଙ୍କୁଚିତ ଓ ପ୍ରଦୂଷିତ ହେବାରେ ଲାଗିଛି। ଏଥିପାଇଁ କେନାଲର ଜଳଧାରଣ...

Leave a comment

Your email address will not be published. Required fields are marked *