ସବୁ ଜାଣି ନୀରବ ଦ୍ରଷ୍ଟା ସାଜିଛି ପ୍ରଶାସନ

ରସୁଲପୁର,୩୦-୧୦(ଡି.ଏନ୍‌.ଏ.)- ବିଭିନ୍ନ କ୍ଷେତ୍ରରେ ପ୍ରଶାସନିକ ଅଧିକାରୀଙ୍କ ଟାଳଟୁଳ ନୀତି ଯୋଗୁ ଦିନକୁ ଦିନ କଳାବଜାରୀଙ୍କ ସାମ୍ରାଜ୍ୟ ବଢିବାରେ ଲାଗିଛି। ଯାହାକି ପ୍ରତ୍ୟେକ୍ଷ ଭାବେ ରାଜ୍ୟ ରାଜକୋଷକୁ ପ୍ରଭାବିତ କରୁଛି। ଏପରି କି ଦିନକୁ ଦିନ ବେଆଇନ କାରବାର ବଢୁଉଛି। ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ମୁଖ୍ୟ ବ୍ୟବସାୟିକ ପେଣ୍ଠସ୍ଥଳି କୁଆଖିଆ ବଜାରରୁ ଯାତ୍ରୀବାହୀ ବସ୍‌ ଯୋଗେ ବେଆଇନ ମାଲ୍‌ ପରିବହନ ଏହାର ଏକ ମାତ୍ର ଉଦାହରଣ ଭାବରେ ନିଆଯାଇ ପାରେ। ଏହି ବଜାରର ଅଘୋଷିତ ବସ୍‌ ରହଣୀ ସ୍ଥାନରୁ ଦୈନିକ ଟନ୍‌ ଟନ୍‌ ସାମଗ୍ରୀ ବାହାର ରାଜ୍ୟକୁ ବେଆଇନ ପରିବହନ ହେଉଛି। ଟିକସ ଫାଙ୍କିବା ଆଳରେ ବ୍ୟବସାୟୀମାନେ ଏଭଳି କରୁଛନ୍ତି। ଫଳରେ ଏବାବଦରେ ଲକ୍ଷ ଲକ୍ଷ ଟଙ୍କା ରାଜସ୍ବହାନୀ ହେଉଛି ା ଏସବୁକୁ ପ୍ରଶାସନ ଜାଣି ନୀରବ ରହିବା ଘଟଣା ସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି।
ଅନୁସନ୍ଧାନରୁ ଜାଣିବାକୁ ମିଳିଛି ଯେ, ଯାଜପୁର ଜିଲାରୁ କଲିକତା, ଟାଟା, ରାଞ୍ଚତ୍, ଝାଡ଼ଖଣ୍ଡ, ବିହାର ଆଦି ସ୍ଥାନକୁ ବ୍ୟାପକ ବେଆଇନ ମାଲ୍‌ ପରିବହନ ହେଉଛି। ଆଉ କୁଆଖିଆ ବଜାରକୁ ମାଲ୍‌ ପରିବହନର ମୁଖ ଦ୍ୱାର ବୋଲି କୁହାଯାଉଛି ା ଏହି ବଜାରରୁ ବରୀ, ଯାଜପୁର, ଧର୍ମଶାଳା, ରସୁଲପୁର, ସୁକିନ୍ଦା, ଦାନଗଦୀ ଆଦି ବ୍ଲକ ଅଞ୍ଚଳର ବ୍ୟବସାୟୀମାନେ ମାଲ୍‌ ପରିବହନ ପାଇଁ ଯାତ୍ରୀବାହୀ ବସ୍‌କୁ ମାଧ୍ୟମ ସଜାଉଛନ୍ତି ା ଏହି ସବୁ ଅଞ୍ଚଳକୁ ଯାତାୟତ କରୁଥିବା ବସ୍‌ଗୁଡିକୁ ଦେଖିଲେ ମାଲ ପରିବହନ ଗାଡ଼ି ଭଳି ମନେ ହେଉଛି ା ବସ୍‌ରେ ଯାତ୍ରୀଙ୍କ ଲଗେଜ ବ୍ୟତିତ୍‌ ଅନ୍ୟମାଲ ପରିବହନ ପାଇଁ ଅନୁମତି ନ ଥିବା ବେଳେ ବସ୍‌ କର୍ମଚାରୀ ଓ ମାଲିକମାନେ ଅର୍ଥ ରୋଜଗାର ଲୋଭରେ ଏଭଳି କରୁଛନ୍ତି। ଯାହାକି ଯାତ୍ରୀମାନଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରୁଛି। ବିଶେଷକରି ବାଦାମ ବ୍ୟବସାୟୀମାନେ ବସ୍‌ ମାଧ୍ୟମରେ ମାଲ ପରିବହନ ଅଧିକ କରୁଥିବା ଦେଖିବାକୁ ମିଳୁଛି। ବ୍ୟବସାୟୀମାନେ ଦୈନିକ ଶହଶହ ଟନ୍‌ ବାଦାମ ମଞ୍ଜି ବସ୍‌ ଉପରେ ଲଦି କଲିକତା, ଟାଟା ଓ ରାଞ୍ଚତ୍ ଆଦି ଅଞ୍ଚଳକୁ ପରିବହନ କରୁଛନ୍ତି। ଏହାଛଡ଼ା ବସ୍‌ ଉପରେ ବିରି, ମୁଗ, ତମ୍ବା, ପିତଳ, ରସ, ଆଲମୁନିୟମରେ ତିଆରି ବାସନକୁସନ, ପ୍ଲାଷ୍ଟିକ ଓ ଲୁହାଲତା ସାମଗ୍ରୀ, ପାଣି ମୋଟର, ପାଇପ୍‌, ଲୁଗାପଟା ଆଦି ସାମଗ୍ରୀ ପରିବହନ ହେଉଛି ା ଦୈନିକ ଶହ ଶହ ବ୍ୟବସାୟୀ ବସ୍‌ ଜରିଆରେ ଏହି ମାଲ୍‌ ସବୁ ପରିବହନ କରୁଛନ୍ତି । ଏଥିପାଇଁ ଗେଟ୍‌ରେ ସେମାନଙ୍କୁ ଟିକସ ଦେବାକୁ ପଡୁ ନାହିଁ। ଫଳରେ ସରକାରୀ ରାଜସ୍ବ ହାନୀ ହେଉଛି। ଉକ୍ତ ମାଲ୍‌ଗୁଡିକ ଅସଲି ବିଲ୍‌ରେ ଖରଦି କରାଯାଉ ନ ଥିବାରୁ ବ୍ୟବସାୟୀମାନେ ସ୍ବତନ୍ତ୍ର ଗାଡ଼ି ଜରିଆରେ ପରିବହନ କରିବାକୁ ଭୟ କରୁଛନ୍ତି। ଏହି ସବୁ ଅଞ୍ଚଳକୁ ଯାତାୟତ କରୁଥିବା ଯାତ୍ରୀବାହୀ ବସ୍‌ଗୁଡ଼ିକ ବେଆଇନ ମାଲ ପରିବହନର ଏକ ବଳିଷ୍ଠ ମାଧ୍ୟମ ସାଜିଛି ା ଏହି ବେଆଇନ କାର୍ଯ୍ୟ ପୁରା ଖୋଲା ମେଲାରେ ଚାଲୁଛି ା ଏହି ବଜାର ଉପରେ ପୋଲିସ ପ୍ରଶାସନ ପକ୍ଷରୁ ଦୈନିକ ପାଟ୍ରୋଲିଂ କରାଯାଉଛି। ପରିବହନ ଓ ମୋଟର ଯାନ ଯାଞ୍ଚ ବିଭାଗର ଅଧିକାରୀ, ବିକ୍ରି ଓ ଆୟକର ଅଧିକାରୀ ପ୍ରମୁଖ ଏହି ବାଟଦେଇ ଯାତାୟତ କରୁଛନ୍ତି। ଦୈନିକ ଏହିଭଳି ବଡ଼ ଧରଣର ବେଆଇନ କାର୍ଯ୍ୟ ସନ୍ଧ୍ୟାଠାରୁ ବିଳମ୍ବିତ ରାତି ପର୍ଯ୍ୟନ୍ତ ଚାଲୁଥିଲେ ସୁଦ୍ଧା କେହି ବି ଏ ଦିଗରେ କୌଣସି ପଦକ୍ଷେପ ନେଉ ନାହାନ୍ତି । କାହିଁକି ଏଭଳି ବେଆଇନ ଚାଲାଣ ବିରୋଧରେ କୌଣସି ଅଧିକାରୀ ପଦକ୍ଷେପ ନେଉନାହାନ୍ତି, ତାକୁ ନେଇ ସାଧାରଣରେ ସନ୍ଦେହ ଉପୁଜୁଛି ା ଏହିଭଳି କାରବାର କେବେ ବନ୍ଦ ହେବ ଓ ବବସାୟୀଙ୍କ କଳା କାରବାର ଉପରେ କେବେ ରୋକ ଲାଗିବ ତାକୁ ନେଇ ଜନସାଧାରଣଙ୍କ ମନରେ ଉତ୍ସୁକତା ଲାଗିରହିଛି ା ଏନେଇ ସହକାରୀ ବାଣିଜ୍ୟ କର ଅଧିକାରୀ ପୂର୍ଣ୍ଣଚନ୍ଦ୍ର ଜେନାଙ୍କୁ ପଚାରିବାରେ ବେଆଇନ ଚାଲାଣ ରୋକିବାକୁ ଜିଲାରେ ଏକ ଏନ୍‌ଫୋର୍ସମେଣ୍ଟ ୟୁନିଟ କାର୍ଯ୍ୟ କରୁଛି। ଏସମ୍ପର୍କରେ ୟୁନିଟର ମୁଖ୍ୟ ମନ୍ମଥ ପ୍ରଧାନଙ୍କୁ ଜଣାଇବା ପରେ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜେନା କହିଛନ୍ତି।


All Right Reserved By Dharitri.Com

ବାରିପଦାକୁ ଦ୍ୱିତୀୟ ଶ୍ରୀକ୍ଷେତ୍ର ମାନ୍ୟତା ଦାବି:ପୁଣି ପଦଯାତ୍ରାରେ ଭୁବନେଶ୍ୱର ଯିବେ ସେବାୟତ

ବାରିପଦା ଅଫିସ,୨୬।୭- ବାରିପଦାକୁ ଦ୍ୱିତୀୟ ଶ୍ରୀକ୍ଷେତ୍ରର ମାନ୍ୟତା ପ୍ରଦାନ ଲାଗି ଜିଲା ବ୍ୟାପୀ ଦାବି ଜୋର ଧରିଛି। ଜୁନ ୨୯ ତାରିଖରେ ବାରିପଦା ଜଗନ୍ନାଥ ମନ୍ଦିର...

ଘରୋଇ ପ୍ଲଟରୁ ୩ ମହଲା କୋଠା ଭଙ୍ଗାଗଲା

ପୁରୀ ଅଫିସ୍‌, ୧୬।୧୨: ଶ୍ରୀମନ୍ଦିର ସୁରକ୍ଷା ଜୋନରେ ପ୍ରଶାସନ ପକ୍ଷରୁ ଉଚ୍ଛେଦ କାର୍ଯ୍ୟ ଜାରି ରହିଛି। ଗତ କିଛିଦିନ ଧରି ମଙ୍ଗୁ ମଠ ଓ ସାନ...

ଜଙ୍ଗଲ ଜମି ପଟ୍ଟା ଯୋଗାଇବାରେ ପ୍ରଶାସନ ବିଫଳ, ପଟ୍ଟା ପ୍ରଦାନ ପାଇଁ ଗ୍ରାମବାସୀଙ୍କ ଦାବି

ମାଲକାନଗିରି, ୩ା୭(ଡି.ଏନ୍‌.ଏ.): ଦୀଘବର୍ଷ ଧରି ମାଲକାନଗିରି ଜିଲାରେ ବସବାସ କରି ଆସୁଥିବା ଅନୁସୂଚିତ ଜାତିଙ୍କୁ ଜଙ୍ଗଲ ଜମି ପଟ୍ଟା ଦେବାରେ ପ୍ରଶାସନ କାଳ ବିଳମ୍ବ କରୁଥିବାରୁ...

ଭରତପୁର ଖଣି ଦୁର୍ଘଟଣା : ମିଳିଲା ଅନ୍ୟ ଜଣେ ଶ୍ରମିକଙ୍କ ହାତ, ଶରୀରର କିଛି ଅଂଶ

ତାଳଚେର,୨୭ା୭(ନି.ପ୍ର.): ଅନୁଗୋଳ ଜିଲା ତାଳଚେରସ୍ଥିତ ଏମ୍‌ସିଏଲ୍‌ର ଭରତପୁର ଖଣିରେ ୪ର୍ଥ ଦିନ ଅର୍ଥାତ୍‌ ଶନିବାର ଉଦ୍ଧାର କାର୍ଯ୍ୟ ଜାରି ରହଛି। ଏଥିରେ ନିଖୋଜ ଅନ୍ୟ ଜଣେ...

କାର୍ଯ୍ୟକ୍ଷମ ହେଉନି ଆହାର କେନ୍ଦ୍ର

ଚମ୍ପୁଆ,୨।୨(ଡି.ଏନ.ଏ)-କେନ୍ଦୁଝର ଜିଲା ଚମ୍ପୁଆ ଏନ୍‌ଏସି ଅନ୍ତର୍ଗତ ବେସରକାରୀ ବସ୍‌ଷ୍ଟାଣ୍ଡ ନିକଟରେ ନିର୍ମିତ ନୂତନ ଆହାରକେନ୍ଦ୍ର କାର୍ଯ୍ୟକ୍ଷମ ହେଉ ନ ଥିବା ଅଭିଯୋଗ ହୋଇଛି। ଉକ୍ତ ଆହାରକେନ୍ଦ୍ର...

ପାଟଣା ବ୍ଲକର ୧୧ କେନ୍ଦ୍ରରେ କପିକରି ଧରାପଡ଼ିଲେ ୧୦ ଛାତ୍ରୀଛାତ୍ର

ପାଟଣା,୨୮।୨(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକର ୧୧ଟି କେନ୍ଦ୍ରରେ ମାଟ୍ରିକ ପରୀକ୍ଷା ଚାଲିଥିବା ବେଳେ ଶୁକ୍ରବାର ଦୁଇଟି କେନ୍ଦ୍ରରେ ୧୦ ଛାତ୍ରୀଛାତ୍ର କପିକରି ଧରା ପଡ଼ିଛନ୍ତି।...

ଟ୍ରକ୍‌ ଚାପାରେ ଶିଶୁ ମୃତ, ପ୍ରତିବାଦରେ ରାସ୍ତାରୋକୋ

ବରଗଡ଼ ଅଫିସ,୨୦।୧୦: ବରଗଡ଼ ଗୋରୁ ମାର୍କେଟ-ବ୍ରହ୍ମବିହାର ରାସ୍ତାରେ ରବିବାର ଏକ ସଡ଼କ ଦୁର୍ଘଟଣା ଘଟିଛି । ଟ୍ରକ୍‌(ନଂ-ଓଆର ୧୭ ଏ ୯୧୭୧) ଚାପାରେ ଜଣେ ଶିଶୁପୁତ୍ରଙ୍କ...

ସୌଭାଗ୍ୟ ଯୋଜନା ବାଟବନା: ବିଦ୍ୟୁତ୍‌ ସଂଯୋଗରୁ ବଁଚିତ୍‌ ସିର୍ଲିଗୁଡ଼ାବାସୀ

କୋକସରା, ୨୬।୧୨(ଡି.ଏନ୍‌.ଏ.)- କଳାହାଣ୍ଡି ଜିଲା କୋକସରା ବ୍ଲକ ଫୁଫଗାଁ ପଁଚେତ୍‌ ସିର୍ଲିଗୁଡ଼ା ଗାଁବାସୀକୁ ସୌଭାଗ୍ୟ ଯୋଜନାରେ ବିଦ୍ୟୁତ୍‌ ସଂଯୋଗ ଯୁଗେଇ ଦେବାର ଲାଗି କାମ୍‌ ମୂଲ...

Leave a comment

Your email address will not be published. Required fields are marked *