Posted inଖେଳ

ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ: ନିମପୁରରେ ଆରମ୍ଭ ହେଲା କୋଚିଂ କ୍ଲିନିକ୍‌

କଟକ ଅଫିସ,୨୬ା୫- ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ ଆନୁକୂଲ୍ୟରେ ସ୍ଥାନୀୟ ନିମପୁର କ୍ରିକେଟ ଗ୍ରାଉଣ୍ଡରେ ଶନିବାର ଠାରୁ ଆରମ୍ଭ ହୋଇଛି କ୍ରିକେଟ କୋଚିଂ କ୍ଲିନିକ । ଆସନ୍ତା ୩୧ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ଶିବିରରେ ମୋଟ ୧୦୨ଜଣ ପ୍ରଶିକ୍ଷାର୍ଥୀ ବିଭିନ୍ନ ବୟସ ବର୍ଗରେ ପ୍ରଶିକ୍ଷଣ ନେଉଛନ୍ତି । ଏଥି ମଧ୍ୟରେ ହାଇଦ୍ରାବାଦର ଦୁଇଜଣ ପ୍ରଶିକ୍ଷାର୍ଥୀ ମଧ୍ୟ ରହିଛନ୍ତି । ଏକାଡେମୀର ମୁଖ୍ୟ କୋଚ୍‌ ତଥା ଏନସିଏର ଲେଭଲ-୩ ଯୋଗ୍ୟତା ପ୍ରାପ୍ତ କୋଚ୍‌ ସୁଦୀପ ମିତ୍ରଙ୍କ ତତ୍ତ୍ବାବଧାନରେ ଏହି ଶିବିର ଚାଲିଛି । ଆଇସିସିର ଲେଭଲ-୨ କୋଚ୍‌ କପୁର ଚାନ୍ଦ ଅଗ୍ରୱାଲ, ଏନ୍‌ସିଏର ଲେଭଲ-ଏ କୋଚ୍‌ ଅଭିଜିତ ଥଣ୍ଡର ଓ ସନ୍ଦୀପ ଦାସ ମଧ୍ୟ ଅଛନ୍ତି। ସୂଚନାଥାଉକି, ଏମ୍‌ଏସ୍‌ ଧୋନୀ କ୍ରିକେଟ ଏକାଡେମୀ ଅର୍କ ସ୍ପୋଟର୍‌ସର ଏକ ଅନୁଷ୍ଠାନ। ଧୋନୀଙ୍କ ବାଲ୍ୟବନ୍ଧୁ ମିହିର ଦିୱାକର ହେଉଛନ୍ତି ଅର୍କ ସ୍ପୋଟର୍‌ସର ପ୍ରତିଷ୍ଠାତା । ମିହିର ଭାରତୀୟ ୧୯ବର୍ଷରୁ କମ ବିଶ୍ୱକପ ବିଜେତା ଦଳର ଖେଳାଳି ମଧ୍ୟ ଥିଲେ । ଧୋନୀଙ୍କ ପରାମର୍ଶରେ ଉକ୍ତ ଏକାଡେମୀ ଚାଲିଛି । କ୍ଲିନିକ ନିମନ୍ତେ ପଞ୍ଜୀକରଣ ଶୁଳ୍କ ୫ ହଜାର ଟଙ୍କା ଧାର୍ଯ୍ୟ କରାଯାଇଛି । ୨୨ବର୍ଷରୁ କମ୍‌ ବୟସର ଖେଳାଳିମାନଙ୍କୁ କେବଳ ପ୍ରଶିକ୍ଷଣ ଦିଆଯାଉଛି । ଶନିବାର ସମସ୍ତ ଟ୍ରେନିଂର ଭିଡ଼ିଓ ରେକଡିଂ କରାଯାଇଥିବା ଜଣାପଡ଼ିଛି। ରବିବାର ଦିନ ଭିଡ଼ିଓ ଆନାଲିସିସ ମାଧ୍ୟମରେ ଖେଳାଳିମାନଙ୍କ କେଉଁଠାରେ ତ୍ରୁଟି ରହୁଛି ତାହା ଶିବିରାର୍ଥୀ ଙ୍କୁ ଶିକ୍ଷା ଦିଆଯିବ । ଏହାଛଡ଼ା ସମସ୍ତ ପ୍ରଶିକ୍ଷାର୍ଥୀଙ୍କ ନିମନ୍ତେ ସ୍ବତନ୍ତ୍ର ଫିଜିକାଲ ଫିଟନେସ ଓ ଡାଏଟ ପ୍ଲାନ ଯୋଗାଇ ଦିଆଯିବାର ଯୋଜନା ରହିଛି ।
ସେମାନଙ୍କ ମତରେ-
ଶିବିର ହେଉଛି ବୋଲି ଜାଣିବା ପରେ ମୋ କୋଚ୍‌ ମୋତେ ଓଡ଼ିଶା ଯିବାକୁ ପରାମର୍ଶ ଦେଇଥିଲେ। ପ୍ରଥମ ଦିନରୁ ଅନୁଭବ ହେଉଛି ଯେ, ଶିବିରରେ ବହୁତ କିଛି ଶିଖିବାକୁ ମିଳିବ। ତ୍ରୁଟି ସୁଧାରିବାର ସୁଯୋଗ ମିଳିବ। ବାମହାତୀ ବ୍ୟାଟ୍ସମ୍ୟାନ ହୋଇଥିବାରୁ କିଛି ବଲ ଖେଳିବାର ଅସୁବିଧା ହେଉଛି। ଏଠାରେ ଏହାର ସମାଧାନ ବାଟ ମିଳିବ ବୋଲି ଆଶା ।
– ଏସ୍‌ ମନୀଷ ନାଇଡୁ, ହାଇଦ୍ରାବାଦ
ଗତ କିଛି ବର୍ଷ ହେବ କ୍ରିକେଟରେ କ୍ୟାରିୟର କରିବି ବୋଲି ସ୍ଥିର କରି ସାରିଛି । କଟକରେ ଏପରି ଏକ ଶିବିରର ଆୟୋଜନ ସମସ୍ତ ନବାଗତ କ୍ରିକେଟରଙ୍କର ନୂତନ ଶିକ୍ଷା ପାଇଁ ସୁଯୋଗ ସୃଷ୍ଟି କରିଛି । ପ୍ରଥମ ଦିବସରେ ଏଠାରେ ଯେପରି ପରିବେଶ ଥିଲା, ତାହା ମଧ୍ୟ ଆମ ପାଇଁ ନୂଆ । ୭ଦିନ ଭିତରେ ଆମ ଖେଳରେ ଅନେକ କିଛି ପରିବର୍ତ୍ତନ ହୋଇଥିବ ।
– ଅନୀଲ କୁମାର ସାହୁ, କଟକ
ଗୋଟିଏ ବର୍ଷ ହେବ କ୍ରିକେଟ ଖେଳୁଛି । ସମ୍ପ୍ରତି କ୍ରିକେଟ ଖେଳ ଭାରତରେ ଯେପରି ଭାବେ ଚ୍ୟାଲେଞ୍ଜିଂ ହେଲାଣି ନବାଗତମାନେ ନିଜକୁ ଅଧିକରୁ ଅଧିକ କ୍ଷମତା ସମ୍ପନ୍ନ କରିବା ଦରକାର । ଏହି ଶିବିରରେ ବହୁତ କିଛି ଶିଖିବାକୁ ମିଳିବ ବୋଲି ଆଶା ।
– ଦିବ୍ୟତୋଷ ମିଶ୍ର, କେନ୍ଦୁଝର
ଯୁବ ପ୍ରତିଭାମାନେ କ୍ରିକେଟର ଅନ୍ୟଏକ ସ୍ତର ସମ୍ପର୍କରେ ଏଠାରେ ଅବଗତ ହେବେ । କେବଳ ଭଲ ଖେଳିଲେ ନୁହେଁ, ବରଂ ଶୃଙ୍ଖଳିତ ଜୀବନ ଶୈଳୀର ଜ୍ଞାନ ମଧ୍ୟ ଏହି ଶିବିରରୁ ପାଇବେ । ଶିବିର ଅନେକ ପ୍ରତିଭାଙ୍କୁ ଉତ୍ସାହିତ କରିବା ନିଶ୍ଚିତ ।
– ବିଭୁ ଶତପଥୀ, ଏକାଡେମୀର ଓଡ଼ିଶା ମ୍ୟାନେଜର


All Right Reserved By Dharitri.Com

Posted inଖେଳ View All

ଟୋକିଓ ଅଲିମ୍ପିକ୍ସ: କୋଭିଡ୍‌-୧୯ ଟିକା ଜରୁରୀ ପ୍ରସଙ୍ଗକୁ ଆଇଓସିର ଅସ୍ବୀକାର

ସିଡନୀ,୨୯।୪ (ଏପି): ଅଲିମ୍ପିକ୍ସ ଆୟୋଜନ ପାଇଁ କୋଭିଡ୍‌-୧୯ ଟିକା ଜରୁରୀ ବୋଲି କେତେକ ବୈଜ୍ଞାନିକ ଓ ଡାକ୍ତର ପରାମର୍ଶ ଦେଇଛନ୍ତି। ଏ ନେଇ ମଧ୍ୟ ଚର୍ଚ୍ଚା...

ପୋର୍ତା ଜିତିଲେ ମୋଟୋ୩ ବିଶ୍ୱ ଟାଇଟଲ

ଫିଲିପ୍‌ ଆଇସଲାଣ୍ଡ(ଅଷ୍ଟ୍ରେଲିଆ), ୨୭।୧୦(ଏଏଫପି): ଇଟାଲୀର ହୋଣ୍ଡା ରାଇଡର ଲରେଞ୍ଜୋ ଡେଲା ପୋର୍ତା ଅଷ୍ଟ୍ରେଲିଆନ ଗ୍ରାଁ ପ୍ରି ଜିତିବା ସହ ମୋଟୋ୩ ବିଶ୍ୱ ଚାମ୍ପିୟନ ହେବାର ସୌଭାଗ୍ୟ...

ମାରପିଟ ଅଭିଯୋଗକୁ ପ୍ରତ୍ୟାଖ୍ୟାନ କଲେ ପ୍ରବୀଣ

ନୂଆଦିଲ୍ଲୀ,୧୬।୧୨(ପି.ଟି.)- ପୂର୍ବତନ ଭାରତୀୟ କ୍ରିକେଟର ପ୍ରବୀଣ କୁମାଙ୍କ ବିରୋଧରେ ଫ୍ୟାକ୍ଟ୍ରି ମାଲିକଙ୍କୁ ମାରପିଟ୍‌ କରିଥିବା ପୋଲିସରେ ଅଭିଯୋଗ ହୋଇଛି। କିନ୍ତୁ ସୋମବାର ଏହାକୁ ଅସ୍ବୀକାର କରିଛନ୍ତି...

ତିସିତ୍‌ସିପାସ୍‌ ପ୍ରି-କ୍ୱାର୍ଟରରେ

ପ୍ୟାରିସ, ୧ା୬ (ଏଏଫ୍‌ପି)-ଷ୍ଟିଫାନସ ତିସିତ୍‌ସିପାସ୍‌ ଦୀର୍ଘ ୮୩ ବର୍ଷ ବ୍ୟବଧାନରେ ପ୍ରଥମ ଗ୍ରୀକ୍‌ ଖେଳାଳି ହିସାବରେ ଫ୍ରେଞ୍ଚ୍‌ ଓପନ୍‌ ଗ୍ରାଣ୍ଡସ୍ଲାମ ଟେନିସ୍‌ ପ୍ରତିଯୋଗିତାର ଚତୁର୍ଥ ରାଉଣ୍ଡରେ...

ମହିଳା ଫିଫା ବିଶ୍ୱକପ୍‌: ଏସିଆର ଅଭିଯାନ ଶେଷ

ରେନ୍ନେସ (ଫ୍ରାନ୍ସ),୨୬।୬(ଏଏଫ୍‌ପି)- ମହିଳା ଫିଫା ବିଶ୍ୱକପ୍‌ ପ୍ରି କ୍ୱାର୍ଟର ଫାଇନାଲରୁୁ ଏସିଆନ୍‌ ଦଳଗୁଡ଼ିକର ଅଭିଯାନ ଶେଷ ହୋଇଛି। ଉଭୟ ଜାପାନ ଓ ଚାଇନା ପରାଜୟ ସହ...

ଦିନିକିଆ ସିରିଜ କବ୍‌ଜା କଲା ଓ୍ବେଷ୍ଟଇଣ୍ଡିଜ

ଲକ୍ଷ୍ନୌ, ୧୦।୧୧- ଆଫଗାନିସ୍ତାନ ବିପକ୍ଷରେ ଏଠାରେ ଖେଳାଯାଇଥିବା ୨ୟ ଦିନିକିଆ ମ୍ୟାଚ୍‌ରେ ଓ୍ବେଷ୍ଟଇଣ୍ଡିଜ ୪୭ ରନରେ ବିଜୟ ଲାଭ କରିଛି। ଏଥିସହିତ କିରନ ପୋଲାର୍ଡଙ୍କ ନେତୃତ୍ୱାଧୀନ...

ପିତାଙ୍କ ଚା’ ଦୋକାନ, ମା’ ଚରାଉଛନ୍ତି ଗାଈ:ପୁଅ କ୍ରିକେଟ୍‌ରେ କଲେ କମାଲ୍‌

ଚେନ୍ନାଇ, ୯।୯: ଲଗାତର ଦ୍ୱିତୀୟଥର ପାଇଁ ତାମିଲନାଡୁ ପ୍ରିମିୟର୍‌ ଲିଗ୍‌ ଚାମ୍ପିଅନ୍‌ ଆଖ୍ୟା ଅର୍ଜନ କରିଛି ଚେପକ୍‌ ସୁପର୍‌ ଗିଲିଜ୍‌। ବାମହାତୀ ବୋଲର୍‌ ଜି.ପେରିୟାସ୍ବାମୀଙ୍କ ଦମ୍‌ଦାର୍‌...

‘ଆଇପିଏଲକୁ ନେଇ ମୋ ପାଖରେ ଉତ୍ତର ନାହିଁ’

ନୂଆଦିଲ୍ଲୀ, ୨୫।୩ (ପି.ଟି.)- ବିଶ୍ୱର ସବୁଠାରୁ ବ୍ୟୟବହୁଳ ଟି୨୦ କ୍ରିକେଟ୍‌ ଟୁର୍ନାମେଣ୍ଟ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ତ୍ରୟୋଦଶ ସଂସ୍କରଣକୁ ନେଇ ମୋ ପାଖରେ କୌଣସି...

Leave a comment

Your email address will not be published. Required fields are marked *