ମଡେଲିଂରୁ ଅଭିନୟ : ଯୁବପ୍ରତିଭା ସୌମ୍ୟରଞ୍ଜନ

ବାରିପଦା ଅଫିସ,୨୬।୫- ପାଠପଢ଼ା ସହିତ ଜଣେ ସଫଳ ଅଭିନେତା ହେବାକୁ ପିଲାଦିନୁ ସେ ସ୍ବପ୍ନ ଦେଖିଥିଲେ। ଏହି ସ୍ବପ୍ନକୁ ସାକାର କରିବା ଲାଗି ସେ ନିରନ୍ତର ପ୍ରୟାସ କରି ଆସିଥିଲେ। ପାଠ ପଢା ପରେ ପ୍ରଥମେ କ୍ୟାମେରାରେ ନିଜ ଫଟୋ ଉଠାଇ ମଡେଲିଂ ଆରମ୍ଭ କରିଥିଲେ। ତାଙ୍କର ସାଙ୍ଗ ଶୁଭମ ପାଢ଼ୀ ଏକ ଫିଲ୍ମର ପ୍ରଯୋଜନା କରିବାରୁ ସେଥିରେ ତାଙ୍କୁ ପ୍ରଥମ ଥର ଅଭିନୟ କରିବାର ସୁଯୋଗ ମିଳିଥିଲା। ଚନ୍ଦନ ମହାପାତ୍ରଙ୍କ ନିର୍ଦ୍ଦେଶିତ ‘ତୁମକୁ ଦେଖିଲା ପରେ’ ଫିଲ୍ମରେ ସେ ସୁନ୍ଦର ଅଭିନୟ କରି ସାଉଁଣ୍ଟି ଥିଲେ ପ୍ରଶଂସା। ସେବେଠାରୁ ଆଉ ପଛକୁ ଚାହିଁ ନାହାନ୍ତି ଏହିଯୁବ ପ୍ରତିଭା ସୌମ୍ୟରଞ୍ଜନ କାନୁନ୍‌ଗୋ (୩୦) । ଓନଲି ପ୍ୟାର, ସୁନ୍ଦରଗଡର ସଲମନ ଖାନ ଓ ଖୁସି ଭଳି ଫିଲ୍ମରେ ସେ ନିଜ ଅଭିନୟର ଯାଦୁ ଦେଖାଇ ସାରିଛନ୍ତିି। ଏବେ କାଳିଜାଈ ନାମକ ଏକ ଧାରାବାହିକରେ ମଧ୍ୟ ଅଭିନୟ କରୁଛନ୍ତି। ତାଙ୍କରି ଅଭିନୀତ ଅନ୍ୟ ଏକ ଫିଲ୍ମ ମୁକ୍ତିଲାଭ ଅପେକ୍ଷାରେ ରହିଛି।
ରାଜ୍ୟର ସାଂସ୍କୃତିକ ପ୍ରାଣକେନ୍ଦ୍ର ଭାବେ ପରିଚୟ ଲାଭ କରିଥିବା ବାରିପଦା ସହର ୫ ନମ୍ବର ୱାର୍ଡ ଅଧୀନ କେଏମବିଏମ ସାହିରେ ସୌମ୍ୟରଞ୍ଜନଙ୍କ ଘର। ସ୍ବର୍ଗତ ଦିଲୀପ କୁମାର କାନୁନଗୋ ଓ ସ୍ବର୍ଗତ ଆରତୀ କାନୁନଗୋଙ୍କର ସେ ଏକମାତ୍ର ପୁଅ । ତାଙ୍କର ଦୁଇ ବଡ ଭଉଣୀ ବିବାହ କରିସାରିଛନ୍ତି। ସୌମ୍ୟରଞ୍ଜନ ତାଙ୍କ ବାଲ୍ୟ ଶିକ୍ଷା ବାରିପଦା ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରରେ ଆରମ୍ଭ କରିଥିଲେ। ବାରିପଦାର କେଏମବିଏମ ସିନେମା ହଲ ନିକଟରେ ତାଙ୍କ ଘର ହୋଇଥିବାରୁ ପିଲାବେଳୁ ଫିଲ୍ମ ଦେଖି କଳା ପ୍ରତି ରୁଚି ରଖିଥିଲେ। ବିଦ୍ୟାଳୟର ବିଭିନ୍ନ କାର୍ଯ୍ୟକ୍ରମରେ ସେ ଭାଗନେବା ସହ ଅଭିନୟ କରୁୁଥିଲେ। ପରେ ତାଙ୍କୁ ଘାରିଥିଲା ଅଭିନୟ ନିଶା । ସିଦ୍ଧାନ୍ତ ମହାପାତ୍ର, ମିହିର ଦାସ ଓ ହର ପଟ୍ଟନାୟକଙ୍କ ଫିଲ୍ମ ଦେଖିବାକୁ ସେ ଘରୁ ଲୁଚି ଲୁଚି ସିନେମା ହଲକୁ ଚାଲି ଯାଉଥିଲେ। ଘରେ କାହାକୁ ନ କହି ଫିଲ୍ମ ଦେଖିବାକୁ ଚାଲି ଯାଉଥିବାରୁ କେତେଥର ଏଥିଲାଗି ମା’ ଓ ବାପାଙ୍କ ଠାରୁ ଗାଳି ଶୁଣିଛନ୍ତି। ସପ୍ତମ ଶ୍ରେଣୀରେ ପଢ଼ିବା ବେଳେ ତାଙ୍କ ମା’ ଆରତି ଆରପାରିକୁ ଚାଲି ଯାଇଥିଲେ। ବାରିପଦା ଅର୍ବାନ କୋଅପରେଟିଭ ବ୍ୟାଙ୍କରେ କାର୍ଯ୍ୟ କରୁଥିବା ତାଙ୍କ ବାପା ଦିଲୀପଙ୍କର ଗତ ୨୦୧୭ରେ ଦେହାନ୍ତ ଘଟିଥିଲା। ଏବେ ତାଙ୍କର ସଫଳତା ସମୟରେ ମା’ ଓ ବାପା ତାଙ୍କ ନିକଟରେ ନାହାନ୍ତି। ତଥାପି ମା’ବାପାଙ୍କ ତାଗିଦ ଓ ସ୍ନେହ ତାଙ୍କୁ ଅଭିନୟ ଜଗତରେ ସଫଳ ହେବାକୁ ପ୍ରେରଣା ଯୋଗାଇଛି। ଯୁବ ପ୍ରତିଭାଙ୍କୁ ପ୍ରୋତ୍ସାହନ ମିଳିଲେ, ସେମାନେ ଲକ୍ଷ୍ୟ ପଥରେ ଆଗକୁ ବଢି ପାରିବେ ବୋଲି ସୌମ୍ୟରଞ୍ଜନ କହିଛନ୍ତି।


All Right Reserved By Dharitri.Com

ଇଦ୍‌-ଉଲ୍‌-ଜୁହା ଲାଗି ଖର୍ଚ୍ଚ ମାଗିବାରୁ ‘ତଲାକ’

ସୋର, ୧୪।୮(ଡି.ଏନ.ଏ.)-ତିନି ତଲାକ୍‌କୁ ଉଚ୍ଚାରଣ କରି ଛାଡପତ୍ର ଦେବା ବେଆଇନ ଘୋଷଣା କରାଯାଇଛି। ଏହାକୁ ଅମାନ୍ୟ କଲେ ୩ ବର୍ଷ ଜେଲଦଣ୍ଡ ବିଧାନ ବ୍ୟବସ୍ଥା ହୋଇଛି।...

ଶାସଙ୍ଗ ଶ୍ରୀଜଗନ୍ନାଥ ମନ୍ଦିରରେ ପଟିଦିଅଁ ସେବା

ବାଲେଶ୍ୱର ଅଫିସ, ୨୪।୬-ବାଲେଶ୍ୱର ସଦର ବ୍ଲକ ଶାସଙ୍ଗ ଗ୍ରାମରେ ଶ୍ରୀଜଗନ୍ନାଥ ମନ୍ଦିରରେ ଶନିବାର ସନ୍ଧ୍ୟାରେ ପଟିଦିଅଁମାନଙ୍କୁ ଏକ ଶୋଭାଯାତ୍ରାରେ ଆଣି ମନ୍ଦିରରେ ପହଞ୍ଚାଇବା ପରେ ଠାକୁରମାନଙ୍କଠାରେ...

ଅଜଣା ହାଇଓ୍ବା ଧକ୍କାରେ ବୃଦ୍ଧା ମୃତ: କ୍ଷତିପୁରଣ ଦାବିରେ ବ୍ରାହ୍ମଣୀପାଳ-ଦୈତାରୀ ରାସ୍ତା ଅବରୋଧ

କେନ୍ଦୁଝର,୨୨।୫(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ଦୈତାରୀ ଥାନା ଅନ୍ତର୍ଗତ ବଳିପର୍ବତ ନିକଟରେ ଏକ ଅଜଣା ଗାଡି ଧକ୍କାରେ ବୁଧବାର ରାତିରେ ଜଣେ ବୃଦ୍ଧା ପ୍ରାଣ...

ପାରିିବାରିକ କଳହ: ଦୁଇ ଘଣ୍ଟାରେ ଦୁଇ ସାଙ୍ଗଙ୍କ ଆତ୍ମହତ୍ୟା

ବାଲେଶ୍ୱର ଅଫିସ, ୧୯।୧୦-ପାରିବାରିକ କଳହକୁ କେନ୍ଦ୍ର କରି ତ୍ରିଲୋଚନ ଜେନା ନାମକ ଜଣେ ଯୁବକ ଆତ୍ମହତ୍ୟା କରିବା ଘଟଣାରେ ବ୍ୟଥିତ ହୋଇ ତାଙ୍କର ଜଣେ ବନ୍ଧୁ...

ମନ୍ଦିର ପରିଚାଳନାରେ ଅବ୍ୟବସ୍ଥା:ପାଣିଟାଙ୍କିରେ ମଲାକାଉ

ଆରଡ଼ି, ୨୨।୬ (ଡି.ଏନ.ଏ.)- ଭଦ୍ରକ ଜିଲାର ଶୈବପୀଠ ଆରଡ଼ିର ବାବା ଆଖଣ୍ଡଳମଣି ମନ୍ଦିର ପରିଚାଳନାରେ ତ୍ରୁଟି ଘଟିଛି। ମନ୍ଦିର ରୋଷେଇ ଘର ଛାତ ଉପରେ ଥିବା...

ଜୁନ ୧୫ରୁ ବନ୍ଦ ରହିବ ଶିମିଳିପାଳ

ବାରିପଦା ଅଫିସ,୨୮।୫- ପ୍ରତିବର୍ଷ ଭଳି ଏଥର ବର୍ଷା ଋତୁକୁ ଦୃଷ୍ଟିରେ ରଖି ଆସନ୍ତା ୧୫ରୁ ନଭେମ୍ବର ପହିଲା ପର୍ଯ୍ୟନ୍ତ ଶିମିଳିପାଳ ଅଭୟାରଣ୍ୟ ପର୍ଯ୍ୟଟକଙ୍କ ପାଇଁ ବନ୍ଦ...

ଏଟିଏମ୍‌ ଭାଙ୍ଗି ଲୁଟ୍‌ ଉଦ୍ୟମ: ସାଇଣ୍ଟିଫିକ୍‌ ଟିମ୍‌ର ତଦନ୍ତ ଆରମ୍ଭ

ରୂପ୍‌ସା/ବସ୍ତା, ୧୮।୧୦(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ସଦର ବ୍ଲକ ସାର୍ଥା ବଜାରରେ ଥିବା ଏଟିଏମ୍‌କୁ ଦୁର୍ବୃତ୍ତମାନେ ଗୁରୁବାର ରାତିରେ ଭାଙ୍ଗି ଲୁଟ୍‌ ଉଦ୍ୟମ କରିଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ...

ରାପିଡ ରେସ୍‌ପନ୍ସ ଟିମ୍‌ ଗଠିତ

ବାଲେଶ୍ୱର ଅଫିସ,୧୭।୩-କରୋନା ଭୂତାଣୁ (କୋଭିଡ଼ି-୧୯) ସଂକ୍ରମଣକୁ ରୋକିବା ଏବଂ ଏଦିଗରେ ବ୍ୟାପକ ସଚେତନତା ସୃଷ୍ଟି ଉପରେ ବାଲେଶ୍ୱର ଜିଲା ପ୍ରଶାସନ ଓ ସ୍ବାସ୍ଥ୍ୟବିଭାଗ ଗୁରୁତ୍ୱ ଦେଇଛି।...

Leave a comment

Your email address will not be published. Required fields are marked *