ଶ୍ରୀଲିଙ୍ଗରାଜ ମାର୍କେଟ କମ୍ପ୍ଲେକ୍ସ ଆବଣ୍ଟନ: ବିଭାଗୀୟ ଅଧିକାରୀଙ୍କ କାରସାଦି ପଦାରେ ପଡ଼ିଲା

ପୁରୁଣା ଭୁବନେଶ୍ୱର, ୨୭ା୧୦ (ଡି.ଏନ.ଏ.): ଦେବୋତ୍ତର ବିଭାଗ ଓ ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟ ବୋର୍ଡ କିମ୍ବା ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କୁ କୌଣସି କ୍ଷେତ୍ରରେ ବିଶ୍ୱାସକୁ ନ ନେଇ ରବର ଷ୍ଟାମ୍ପ ଭାବେ ବ୍ୟବହାର ଯୋଗୁ ପ୍ରଶାସନ ଅନେକବାର ନିନ୍ଦିତ ହେଉଛି। ନିକଟରେ ଶ୍ରୀଲିଙ୍ଗରାଜଙ୍କ ଗୌତମନଗର ମୌଜାରେ ୩ ଏକର ୨୭୪ ଡିସିମିଲ ଜମି ନେଇ ବିକାଶ କରିବା ଓ ଠାକୁରଙ୍କ ଆୟ ବୃଦ୍ଧି ନିମନ୍ତେ ମାର୍କେଟ କମ୍ପ୍ଲେକ୍ସ ଓ ଯାତ୍ରୀନିବାସ ନିର୍ମାଣ କରିବାକୁ ପର୍ଯ୍ୟଟନ ବିଭାଗ ଦାୟିତ୍ୱ ନେଇଥିଲା। ମାତ୍ର ଯାତ୍ରୀ ନିବାସ ଓ ୫୮ଟି ଦୋକାନ ଘର ନିର୍ମାଣ ସରିବା ପରେ ଏଗୁଡ଼ିକୁ ମନ୍ଦିର ଟ୍ରଷ୍ଟ ବୋଡର୍ର୍ କିମ୍ବା ଦେବୋତ୍ତର ବିଭାଗକୁ ହସ୍ତାନ୍ତର କରିବା କଥା। ଏହା ବଦଳରେ ପର୍ଯ୍ୟଟନ ବିଭାଗ ବଡ଼ ଭାଇପଣିଆ ଜାହିର କରିଥିଲା। ସମ୍ପୂର୍ଣ୍ଣ ଜମିର ମାଲିକାନା ଶ୍ରୀଲିଙ୍ଗରାଜଙ୍କ ନାମରେ ଥିବାବେଳେ ପର୍ଯ୍ୟଟନ ବିଭାଗ ଆଦେଶ ନଂ.୧୨୩୯୦/ ଟିଏସଏମରେ ଡିସେମ୍ବର ୨୦୧୮ରେ ୫୮ଟି ଦୋକାନ ଗୃହରୁ ମାତ୍ର ୬ ଗୋଟି ଆବଣ୍ଟନ ନିମନ୍ତେ ଦିଆଯିବ ବୋଲି ଜଣାଇଥିଲା। ଏସବୁ କିନ୍ତୁ ଶ୍ରଦ୍ଧାଳୁ ଓ ସେବାୟତ ଗ୍ରହଣ କରିପାରି ନ ଥିଲେ। ଏମାନଙ୍କ ମତରେ ଠାକୁରଙ୍କ ସମ୍ପତ୍ତି ଉପରେ ସରକାରୀ ବାବୁମାନେ ମାଲିକାନା ଓ ଭାଗ ବସିବା ଭଳି ନିୟମ କରିବାକୁ କିଏ। ବିଏମ୍‌ସି ଚିଠି ନଂ.-୨୫୯୫୯ ଜରିଆରେ ୧୮ା୯ା୨୦୧୯ରେ ଜନୈକ ବ୍ୟକ୍ତିଙ୍କୁ ୪୪, ୫୪୬ ଟଙ୍କା ସିକ୍ୟୁରିଟି ଡିପୋଜିଟ୍‌ ମାଧ୍ୟମରେ ଆବଣ୍ଟନ କରାଯିବା ନେଇ ବିଏମସି ଡେପୁଟି କମିଶନର ରାଜସ୍ବଙ୍କ ପକ୍ଷରୁ ଚିଠି କରାଯାଇଥିଲା। ଗଣମାଧ୍ୟମରେ ଏ ପ୍ରକାର ଆବଣ୍ଟନ ଅନିୟମିତତା ନେଇ ଖବର ପ୍ରକାଶ ପାଇବା ପରେ ଦେବୋତ୍ତର ବିଭାଗ କିମ୍ବା ବିଏମସି କେହି ମୁହଁ ଖୋଲିଲେ ନାହିଁ। ଏହି ଘଟଣା ପ୍ରଘଟ ହେବାରୁ ପୁରୁଣା ଲିଙ୍ଗରାଜ ମାର୍କେଟର କେତେଜଣ ଦୋକାନୀ ଓ ବିଭିନ୍ନ ସ୍ଥାନରୁ ଉଚ୍ଛେଦ କରାଯାଇଥିବା ଦୋକାନୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ଏତେ ସବୁ ଅନିୟମିତା ଅଭିଯୋଗ ପରେ ମଧ୍ୟ ଗୋଟିଏ ଗଣମାଧ୍ୟମରେ ଆସନ୍ତା ୨୯ ତାରିଖରେ ୭ ଗୋଟି ଦୋକାନ ଘର ନିମନ୍ତେ ୧୨ଜଣ ବ୍ୟବସାୟୀଙ୍କୁ ଲଟେରି ମାଧ୍ୟମରେ ଚୟନ କରାଯିବା ଓ ଅନ୍ୟ ଏକ ଗଣମାଧ୍ୟମରେ ୪୮ ଗୋଟି ଦୋକାନ ଘର ମଧ୍ୟରୁ ୩୯ ଜଣ ବ୍ୟବସାୟୀଙ୍କ ମଧ୍ୟରେ ଆସନ୍ତା ୩୦ ତାରିଖରେ ଲଟେରି ମାଧ୍ୟମରେ ହିତାଧିକାରୀ ଚୟନ କରାଯିବା ବିଏମସି ଡେପୁଟି କମିଶନର ରାଜସ୍ବଙ୍କ ପକ୍ଷରୁ ନୋଟିସ୍‌ ମାଧ୍ୟମରେ ପ୍ରକାଶିତ ହୋଇଛି। ଯେହେତୁ ବିଭିନ୍ନ ଗଣମାଧ୍ୟମରେ ହିତାଧିକାରୀ ଚୟନ ନିମନ୍ତେ ଭିନ୍ନ କଥା ଉଲ୍ଲେଖ ରହିଛି ଏହା ଦୋକାନ ଗୃହ ଆବଣ୍ଟନରେ ଅନିୟମିତତା ହେବା ପ୍ରମାଣିତ କରିଦେଉଛି। ଏ ନେଇ ମନ୍ଦିର ଟ୍ରଷ୍ଟ ବୋର୍ଡ ସଭାପତି ତଥା ଏଡିଏମ ଅରୁଣ ବେହେରାଙ୍କୁ ପଚାରିବାରେ ପୂର୍ବପରି ଏସବୁ ଘଟଣା ମୁଁ ଜାଣିନାହିଁ। ବିଏମ୍‌ସି କାହାକୁ କିପରି ଲଟେରୀ କରି ଦେବ ମୁଁ କହି ପାରିବି ନାହିଁ। ବିଏମ୍‌ସି ଡେପୁଟି କମିଶନର ରାଜସ୍ବ ଶ୍ରୀମନ୍ତ ମିଶ୍ର ଜଣାଇଲେ ଆମକୁ ୫୦ ଗୋଟି ଦୋକାନ ଗୃହ ଦିଆଯାଇଛି। ତାହା ମଧ୍ୟରୁ ୩୯ଟି ହିତାଧିକାରୀ ଚୟନ ପୂର୍ବରୁ କରାଯାଇଛି। ୨ଜଣଙ୍କର ଉତ୍ତରାଧିକାରୀ ସାର୍ଟିଫିକେଟ ବିଳମ୍ବ ଯୋଗୁ ରହିଯାଇଛି ଗୋଟିଏ ଏଟିଏମ୍‌ ନିମନ୍ତେ ରଖାଯାଇଛି ଓ ଅନ୍ୟ ଏକ ଓଟିଡିସି ଟ୍ରାଭେଲ ଏଜେନ୍ସି କରାଯିବ। ଅନ୍ୟ ୭ଟି ଦୋକାନ ଘର ନିମନ୍ତେ ୧୨ଜଣଙ୍କ ମଧ୍ୟରେ ଲଟେରି କରାଯାଇ ଚୟନ କରାଯିବ। ଚତୁରତାର ସହ ଭିନ୍ନ ଭିନ୍ନ ଗଣମାଧ୍ୟମରେ ଭିନ୍ନ ପ୍ରକାର ନୋଟିସ୍‌ ଜରିଆରେ ଦୋକାନ ଘର ଆବଣ୍ଟନ ନେଇ ଶନିବାର ବିଜ୍ଞାପନ ଦିଆଯିବା ଓ ଏକକ ଲଟେରି ମାଧ୍ୟମରେ ଆବଣ୍ଟନ କରା ନ ଯିବା ନେଇ ପ୍ରଶ୍ନର ଉତ୍ତରରେ କିଛି କହିବାକୁ ମନା କରି ଦେଇଥିଲେ।


All Right Reserved By Dharitri.Com

‘ଆମ ଗଁ। ଆମ ବିକାଶ’ ଯୋଜନାରେ ଅର୍ଥ ହଡ଼ପ ଅଭିଯୋଗ

ଭଦ୍ରକ ଅଫିସ, ୨୪।୭: ଭଦ୍ରକ ଜିଲା ଚାନ୍ଦବାଲି ବ୍ଲକ ନୂଆଗଁ। ପଞ୍ଚାୟତ ଜନ୍ତୁଆଳି ରାଜସ୍ବ ଗ୍ରାମବାସୀଙ୍କ ଏକ ପ୍ରତିନିଧି ଦଳ ‘ଆମ ଗଁ। ଆମ ବିକାଶ’...

ନକଲି ସାର୍ଟିଫିକେଟ୍‌ରେ ଶିକ୍ଷକତା

ଭଦ୍ରକ ଅଫିସ, ୧୯।୧୧- ଭଦ୍ରକ ଜିଲା ବାସୁଦେବପୁର ବ୍ଲକ ସୁଅଁା ନିକଟସ୍ଥ ସୁଦର୍ଶନପୁର ଅଞ୍ଚଳର ଜଣେ ଯୁବକ ନକଲି ସାର୍ଟିଫିକେଟ ଦେଇ ୮ ବର୍ଷ ଧରି...

ମାଧପୁରରେ ହାତୀ ଉପଦ୍ରବ: ଘଉଡ଼ାଇବାକୁ ଦାବି

ମାଧପୁର,୯।୨: ଅନୁଗୋଳ ଜିଲା ଆଠମଲ୍ଲିକ ବ୍ଲକ ଅନ୍ତର୍ଗତ ମାଧପୁର ଅଞ୍ଚଳରେ ଶନିବାର ବିଳମ୍ବିତ ରାତିରୁ ରବିବାର ଭୋର ପର୍ଯ୍ୟନ୍ତ ଅଞ୍ଚଳର ବିଭିନ୍ନ ସ୍ଥାନରେ ହାତୀ ଉପଦ୍ରବ...

ଭାଷା ଆନ୍ଦୋଳନ ସମିତି ପକ୍ଷରୁ ଖବରଦାତା ସମ୍ମିଳନୀ:ବିଦଗ୍ଧ ପ୍ରତିଭାମାନଙ୍କ ଜୟନ୍ତୀ ପାଳନକୁ ନେଇ କ୍ଷୋଭ

ନୟାଗଡ଼ ଅଫିସ,୨୪ା୧୨: ନୟାଗଡ଼ ଭାଷା ଆନ୍ଦୋଳନ ସମିତି ପକ୍ଷରୁ ସୋମବାର ସ୍ଥାନୀୟ ଏକ ହୋଟେଲଠାରେ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ଜିଲାର ବିଦଗ୍ଧ ପ୍ରତିଭାମାନଙ୍କ...

ଫନୀକୁ ୮ମାସ ବିତିଲା: ମରାମତି ହେଉନି ବିପଦସଙ୍କୁଳ ବିଦ୍ୟୁତ୍‌ ଖୁଣ୍ଟ

କଟକ ରୋଡ,୧୧ା୧(ଡି.ଏନ୍‌.ଏ.): ବାତ୍ୟା ‘ଫନୀ’ର ୮ମାସ ପରେ ବି ରାଜଧାନୀର କେତେକ ଅଞ୍ଚଳରେ ବିଦ୍ୟୁତ୍‌ ଖୁଣ୍ଟ ବିପଦସଙ୍କୁଳ ଅବସ୍ଥାରେ ରହିଛି। ଯାହା କି ସାଧାରଣ ଲୋକଙ୍କୁ...

୧୯ରେ ଭଙ୍ଗାଯିବ ମେଘନାଦ ପାଚେରିକୁ ଲାଗି ରହିଥିବା ବେଆଇନ କୋଠା: ଆସିଲା କଣ୍ଟେନର; ଚାଲିବ ସୂଚନା କେନ୍ଦ୍ର, ପୋଲିସ ଫାଣ୍ଡି

ପୁରୀ ଅଫିସ,୧୮।୮: ମେଘନାଦ ପାଚେରି ଚତୁଃପାର୍ଶ୍ୱକୁ ମୁକ୍ତ ରଖିବା ଲାଗି ନିଷ୍ପତ୍ତି ନେଇଛି ଜିଲା ପ୍ରଶାସନ। ମେଘନାଦ ପାଚେରିକୁ ଲାଗି ରହିଥିବା ବେଆଇନ କୋଠା ଆସନ୍ତା...

ଭିତ୍ତିଭୂମି ଥାଇ ଉଧଉନି ଫୁଲଚାଷ; କଲିକତା ମେଣ୍ଟାଉଛି ଫୁଲର ଚାହିଦା

ଭଦ୍ରକ ଅଫିସ, ୧୬।୯- ଭଦ୍ରକ ଜିଲାରେ ଉପଯୋଗୀ ମୃତ୍ତିକା, ଜଳବାୟୁ ଏବଂ ଭିତ୍ତିଭୂମି ଥିଲେ ମଧ୍ୟ ଫୁଲଚାଷର ବିକାଶ ହୋଇପାରୁ ନାହିଁ । ଚାଷୀମାନେ ସଚେତନ...

କଫ୍‌ ସିରପ କାରବାର ଗୁମର ଫିଟୁଛି

ବଲାଙ୍ଗୀର ଅଫିସ, ୧୧ା୧ ବଲାଙ୍ଗୀର କଫ୍‌ ସିରଫ କାରବାରର ପଶ୍ଚିମ ଓଡିଶାସ୍ତରୀୟ ଲିଙ୍କ୍‌ ମିଳିଛି ା ଏହି କାରବାରର ରାଜ୍ୟସ୍ତରୀୟ ଲିଙ୍କ୍‌ କ’ଣ ରହିଛି ସେନେଇ...

Leave a comment

Your email address will not be published. Required fields are marked *